الامبراطور نزار محروس يصرح لبرنامج باب الملعب ...!!!

[wissam82]

تحدث الكابتن نزار محروس باتصال هاتفي لبرنامج باب الملعب الأن
وكان حديث الكابتن نزار عن الوضع الحالي للفريق وما يجري به حاليا

فبدأ كلامه أن فريق الوحدة عمره لليوم هو 100 يوم فقط ورغم ذلك
وبفضل رب العالمين قدم الفريق نتائج لا بأس بها وجيدة نوعا ما قياسا
على فترة عمرالفريق القصير ..

وتحدث ابو حامد أنه عندما استلم الفريق وعدته الإدارة عدة وعود كلامية
وللاسف لم يطبق شيئ من هذه الوعود على أرض الواقع ..

ويضاف إلى ذلك الأزمة المالية التي تزداد يوما بعد يوم بسبب عدم التزام
الشركة الراعية بالتزاماتها بالشكل المطلوب وتأخرها بدفع المستحقات .

فاللاعبون لم يقبضوا بعد حتى اليوم نص رواتبهم عن شهر 11 وكذلك
هنالك الكثير من باقي مقدمات العقود لم تقبض

فكيف سيستطع المدرب رفع معنويات لاعبيه اذا كانوا اللاعبين
يشعرون بالإحباط من عدم قبض حقوقهم المادية والتي يتعيشون منها
ويعيلون أهاليهم من هذه الرواتب ..

بالإضافة إلى أن خيارات اللاعبين كانت محدودة جدا قبل بداية الدوري
وهنالك لاعبون لا يملكون ثقافة البطولة ..
فأبو حامد تفاجئ بمطالبة البعض بالبطولات بهذا الموسم رغم هذه الظروف السيئة
ويجب أن تكون الناس أكثر واقعية ..

هاد مختصر كلام الملك أبو حامد

[wissam82]

يعني الحمد لله مافي سيرة استقالة

بس أبو حامد عم يطالب بتكاتف الجميع

وعم يحكي الوضع الصعب للفريق ..

واستيائه كمان من عدم تحرك الإدارة ايجابيا
وعدم ايفاء الشركة الراعية بالالتزاماتها ..


يعني يا شباب وضع فريقنا وترتيبه قياسا على هالظروف
يعتبر ممتاز والحمد لله

والقادم أفضل بس المهم الإدارة تتحرك ..

والله يوفق يا أبو حامد ونحنا معك لأخر العمر ..

[talbe]

معناها خففولنا العصبية بعد كل لعبة

[Radwan]

فأبو حامد تفاجئ بمطالبة البعض بالبطولات بهذا الموسم رغم هذه الظروف السيئة
ويجب أن تكون الناس أكثر واقعية ..


فعلا" أتمنى أن يكون الجميع واقعيا" بمطالبه ومؤكد أن الكابتن نزار يتمنى هو ولاعبي الفريق الفوز دوما" وتحقيق أحلام الجمهور التي هي أحلامهم أيضا" ولكن الحلم والتمني شيئ والواقع شيئ آخر .

[بو علي]

منشكر الله على كلشي
وباذن الله يوم الاربعاء فريقنا لح يمحي كلشي سلبيات ساواها
ولح يفشلنا خلقنا
لعيبة نزار وحداوي شعلة الناررررررررررررر

[MOH@MAD]

ان شاء الله كل شي بيتصلح وان شاء الله الكابتن نزار باقي لإصلاح ما تلف من مواسم سابقة

[هشام المنجد]

يلا الحمد الله و المهم يتكاتف الجميع و يبيضوها يوم الاربعاء

[M-AL MN@GED]

دخيل ربك ياأبو حامد

الله يحميك وينصرك يارب .......

[MOH@MAD]

اعرب مدرب نادي الوحدة لكرة القدم الكابتن نزار محروس منذ قليل
على شبكة art بمقابلة هاتفية عن استيائه من وضع الفريق المادي وقال :
الشي يلي عم يصير معنا لازم يعرف فيه اكتر الناس على اعتبار انو الفريق
بدا بداية جيدة بس الأداء ما عم يكتمل مع النتيجة وبحب وضح بعض الأمور
الفريق تشكل بعناصر جديدة اول ما بدأت الناس فرشتلي الطريق ورود
وللأسق تفاجئت بكتير امور والامور المادية متل ما عم نشوف نادي الكرامة شلون
دخلت عالنادي قالولي فوت شكل فريق مافي عناصر منسجمة مع بعض
وكل هذا دخلنا الدوري بقوة وعملنا نتائج حلوة ممكن يكون اخر مبارياتين ماكان في انسجام
مع كل هاد عنا نزف باللاعبين المصابين في مباريات قدمناها بشكل جيد مع رغم الخسارة مع الاتحاد وحتى مع الكرامة
برغم الأصابات برغم كل هاد الناس عم تطالبنا ببطولة الدوري لوكان ان شاء الله في امل للمنافسة ولو كان طموحنا اكبر من هيك
ومازلنا الى الآن من الفرق المنافسة لكن مو يعني انو نحنا نفوز عالكرامة يلي عمرو خمس سنين
مافي هالتشكيلة المنسجمة مو يعني نفوز عالإتحاد او عالطليعة مو يعني نهاية العالم الخسارة
نحنا لاعبين جبناها ضمن خيارات محدودة وضمن فترة محدودة عمرها شهرين
مو يعني اذا نحنا قدمنا نتائج منيحة ببطولة الدوري لازم ناخد البطولة ...
رواتب اللاعبين في مشاكل فيها وفي مشاكل بالدفع وفي مشاكل بعقود اللاعبين
والحل الإلتزام من الادارة بالمشاكل المالية حلها بشكل كامل ...

لتحميل المكالمة الهاتفية

دخول : http://wahdawia.net/vb/showthread.php?p=313305#post313305 (http://wahdawia.net/vb/showthread.php?p=313305#post313305)

============
وانا بتمنى من كل يلي عم يطالب الكابتن نزار يعرف انو هو اجا
هي السنة ليصلح مشاكل كتيرة كانت عالقة بالنادي
ولازم نتفهم انو الخسارة مو نهاية بالعكس ممكن تكون بداية جديدة لإصلاح الامور
ويلي ما بيخسر ما بيربح ..

===========

[talbe]

مع نزار للاخير

[سامح-ف]

دخيل ربك ياأبو حامد
انت كبير وبضل كبير

[يامن الوحداوي]

نحنا ماصدقنا ايمتى اجى رح يطفشو

[محمد سكر]

بس بتمنى من مشرفي المنتدى حذف اي موضوع بينتقد الكبيرأبوحامد أوحتى اللعيبة لأنو الفريق لحد الآن ووفق الظروف والضائقة المالية الكبيرة يلي عم يمر فيها النادي هو جيد وبصراحة أبوحامد هلأ بفترة بناء الجسد البرتقالي المنهك والمتعب خلال السنين الماضية وبصراحة يلي عم ينتقد بهل الفترة الحرجة هو مووحداوي وهدفو البلبلة والاساءة ورمي الفتن وبصراحة في نسبة كبيرة من جمهورنا عم تتأثر بهل المواضيع وعم تتشنج وعم نشوف هادا الشي بالملعب فكل الرجاء من المشرفين النظر بهذا الموضوع كون الجميع الآن مطالب بالوقوف خلف الفريق وتقديم كافة أنواع الدعم المادي والمعنوي ويلي بدوا يزعزع هل المعنويات لازم نوقفوا عن حدوا قبل ماتوقع الفاس بالراس وشكرا ...

[salah]

بتمنى من مشرفي المنتدى حذف اي موضوع بينتقد الكبيرأبوحامد أوحتى اللعيبة لأنو الفريق لحد الآن ووفق الظروف والضائقة المالية الكبيرة يلي عم يمر فيها النادي يعتبر جيد

[أغيد الفرا]

ياريت الجاهلين من الجمهور يسمعوا

[أنس العرقسوسي]

مشان الله كل جمهور الوحدة يوقف مع االكابتن نزار
والله هو أملنا بس صبرو شوي

[W@SEEM]

بالتوفيق للكابتن أبو حامد

والله يعينو ويعين الفريق كلو على المصاعب

مشكور أبو أنس ... ومشكور أبو حميد

[nemr]

والله الحق معك يا ابو حامد ونحنا كلنا معك

[فهد الناجي]

كبير يا ابو حامد والله كبير
وان شاء الله بدك تئلع عين كل واحد عم يشكك فيك
ونحن معك للنهاية

[ميمو الرايق]

الله يخلصنا من هالشركة الراعية
قال شركة تعمير الشام قال
و الله لازم يكون اسمها شركة تخريب الشام

[kashi]

خير انشاء الله خير

[محمود الصفدي]

أه يا كبير لك ملك والله العظيم ملك يا ابو حامد

[ابوالعبدالشامي]

مع نزار للاخير

[محمد شبعانيه]

ابـــــــــــــو حـــــــــامــــــــــــد
كلنـــــــــا معـــــــــــــك

[اياد الوحداوي الشامي]

انشاءلله خير يارب

[أبو الياس]

الكل مشكورين
بس أنا بدي عقّب على تعليق واحد بس

فكيف سيستطع المدرب رفع معنويات لاعبيه اذا كانوا اللاعبين
يشعرون بالإحباط من عدم قبض حقوقهم المادية والتي يتعيشون منها
ويعيلون أهاليهم من هذه الرواتب ..

بالنسبة ل هي النقطة ببساطة بقول: خلي فريق القدم يتعلم من فريق الطائرة أولاً وفريق السلة ثانيا

والله يكون بعون رجال فريق الطائرة
شكرا

[رامز]

نحن مع نزارو ونحن ماعم نطالب بالبطولة بس عم نطالب بالاداء و قياسيا لظروفا وضعنا لازم يكون احسن من المركز السابع و الاداء أفضل من هيك انا صراحة ماعم شوف الوحدة عم يلعب بطريقة منيحة على العكس نتائجنا بالمباريات يلي فزناها كانت احسن من ادائنا

[yanalooo]

الرجاء من الجمهور الوقوف خلف الفريق
والله يوفقهم