ليش الخوف ؟؟؟ مو كلنا هون رجال ؟؟؟؟

[هنو]

السلام عليكم شباب

نحن هون غايتنا بالموقع ايصال كلمتنا للادارة و لكل مين حابب يسمعنا

و الحمد لله اتوقثنا كتير بهالغاية و صرنا لما نتصل بأي شخص بالنادي يناقشنا بمواضيع المنتدى

و نحن كنا و ح نضل مع الرأي و الرأي الآخر

و أكيد مو الكل ح يكون بنفس المزاج و الآراء

و مو الكل مع شخص

و مو الكل ضد شخص

الشي الوحيد يلي بيجمعنا هو عشقنا الابدي للبرتقالة الشامية

و نحن مع الاعضلء انو يكتبوا كل يلي بخاطرون

بس رجاء أخوي حتى نأكد للكل انو نحن رجال

يلي حابب ينتقد اي شخص رياضي سوري هنا بهذا الموقع

انو بس يقلنا هو مين ؟

شو اسم ؟

و ليش نحن ع طول منحكي يلي بدنا نحكيه من خلف القناع ؟ و من ورا الستار ؟

يكون من جماعة ك ( أنا بدي احكي ع فلان من الناس و مالي خايف )


و برجع بقول

هاد الموقع هو موقع للكل

و كل مواضيعكون ع العين و الراس

و بالعكس الاحلى لما يكون في رأي و رأي آخر و هادا هو الصح





هاني العمور

[wissam82]

بدي ضيف شغلة كمان أخي أبو كمال

المنتديات هي ساحات للنقاش والحوار المتبادل
والنقاش واختلاف الأراء حالة صحية بالمنتديات

بس لحتى يقدر أي شخص يناقش ويوضح وجهة نظره المفروض يكون الحوار والنقاش
مبني على الاحترام المتبادل بين الأشخاص يعني ما لازم نسفه رأي أي شخص ونحول
النقاش لمهاترة شخصية لان هيك ما رح نستفيد شي بالعكس كل شخص رح يتعنت برأيه أكثر ..

يلي عنده وجهة نظر وواثق منها بيناقشها بأسلوب حضاري حتى يأثبت إنها صحيحة
وإلا ما بيعود اسمه نقاش ..

النقد مو ممنوع بس يكون بعيد عن أي اساءة شخصية لأي شخص كان
وبما انه كلنا عندنا عقول الحمد لله فينا نتناقش بالرأي
والموضوع يلي ما منقتنع فيه ..


وبالنهاية يا منقنع يا منقتنع ...

[M-AL MN@GED]

يسلم تمك هنو

هدول الناس بعمرون مارح يطلعوا عل النور ويقولوا مين هنة لإنو ( خفافيش الظلام )

وغايتون الوحيدة هي خلق الفتن ودمار الفريق ....

[ابو جواد المناع]

الله يبعد عنا نادينا كل الفتن والحقد
وبكفي يلي صار بنادينا من سنين ماضيه
ونشالله بترجع الالقاب وبكفي محبة الجمهور للنادي
هي اغلى من كل الالقاب

[رغيد]

والله يا شباب حسب ما شفت مبارح يعني عنجد الله يعينو للشب صاحب موضوع مبارح تبع لا أعذار يعني الكل نزل فيه والكل صار بطل على حسابو والكل كمان صار محب على حسابو
لا شك كلنا وحداوية للعضم ولولا هيك ماكنا ئاعدين عم نلاحئ نتائج الفريئ وأخبارو ونتحمل غلاظة حفظ النظام كرمال الوحدة
بس كمان شباب يعني مو كل واحد بيطلع بيحكي عن أي شخص منحبو بيكون مدفوش ولا في حدا باعتو الشب مبارح هيك كانت وجهت نظروا وحئوا يكتب اللي هو حاسس فيه والشباب التانية حئها تدافع عن الشخص اللي بتحبو بس مو تئلوا أنت عوايني وأنت جاسوس وانت مندس ........
لأنو هاد ما اسمو حوار أبداً مع أنو والله على ما أقول شهيد أني ما بعرفوا لهادا الشب لا من قريب ولا من بعيد

[ابن الشام1]

الله يسلم تمك ياهنو الرايء عنوان الموضوع اكتر من رائع
وبيعبر بشكل او بآخر عن كتير قصص بالمنتدى
وخارج المنتدى وبالرياضة وخارج الرياضة
بس انا عندي وجهة نظر بجوز تكون مختلفة شوي
اخي ابو كمال في كتير شباب بيدخلو عالمنتدى او عالملعب
هلق مافينا نقول انو هدول الناس وحداويين ولا لا وبكونو جداد
فا مشان يظهرو انو هنن وحداوية اكتر من كل العالم
وطبعا خبرة مافي وبعد نظر مافي فابيشوف الحالة بمنظارو هوي
وبيكتبها فورا او اذا كان بالملعب بيطلعها فورا بمسبة او بشي تاني
بدون العودة للرقابة الذاتية والتروي والحسابات التانية
فاافضل شي متل ماقلت حضرتك انونقطع الشك باليقين ويكشف عن اسمو الحقيقي
بكون ارتاح وريحنا

[محمد سكر]

الكل وحداوي والكل بهمو مصلحة النادي وان شاء الله مافي خلاف بين الوحداوية
أخوكم محمد سكر

[خالد المزي]

يا معلم هنو لحنا معك بكل كلمة قلتها بس النقاش حلم يكون موضوعي ومفيد مو ضروري الشخص اذا بيكره شخص لانو ماسلم عليه او ماهضمه ينزل بصحيفته بشي صار وشي ما صار وبعدين الي رجاء عندك ياهنو يلي بدو يقيم شخص اما بدو يكون حيادي او يمتلك فهم ووعي اكثر من المشار اليه ومايكون التقييم بقصد الشخصي للمقيم ويعطيك العافية ياهنو

[أغيد الفرا]

و الله كلام مظبوط .. أما يجيلك واحد ما صرلو يومين مسجل بالمنتدى باسم غريب عجيب و يعود يزت حكي مالو طعمة !

[nano]

مشكور هنو وكلام سليم

[خيرو]

السيد هاني
من يتصفح المنتدى اليوم يشعر بخبية أمل على مايدور من نقاشات عقيمة وغير مجدية ( طبعا هذا رأي شخصي )
يجب أن يكون النقد بناء ولصالح النادي .. بغض النظر عن الأشخاص

أنا أحب الوحدة ... لأنه الوحدة ... دمشقي ... برتقالي ... شامي ........................................

الوحدة هو ياسمين الشام ... ورجع ليتفوح ريحوتا بكل سوريا ...
لذلك أرجو أن تقتلعوا كل الأشواك في هذا المنتدى التي تريد أن تسيء لياسمينة دمشق

[talbe]

اكيد كل حدا حر بكلامه بس المشكلة احيانا انو بيجي حدا من حرئة دمو بينزل موضوع نقد شلون ما كان