Live : اللقاء المباشر مع قصي حبيب . . [الأرشيف]

wissam82

12-15-2008, 07:36 PM

أهلا وسهلا بالرهيب قصي حبيب
اللاعب المتميز والمبدع ونورت المنتدى ...

ومنتمنى تقضي معنا وقت ممتع وتكون أسئلتنا خفيفة الظل عليك ..

أسئلتي :

1- شو بتتوقع يكون ترتيب فريقنا بنهاية الدوري ..؟؟؟
2- لاحظنا في تغيير بطريقة لعبك هالموسم عن الموسم الماضي
يعني هالموسم صار دورك وفعاليتك لصالح الفريق أكتر من اللعب
لنفسك وتوجت هالشي بصناعة أهداف كتيرة للفريق ,, أكيد هالتغيير
حسب توجيهات المدرب ,, بس أنت وين بتلاقي حالك أكتر بدورك الحالي
ولا متل ما كنت تلعب سابقا وبالموسم الماضي ..؟؟

3- شو بينقص فريقنا ليصير فريق مكتمل ومرعب بكل معنى الكلمة ..؟؟

4- غير الإضافات الفنية الكبيرة شو ضاف الكابتن نزار محروس ئلكم كلاعبين ..؟؟؟

هي اسئلتي مبدأيا وبرجع وبرحب فيك بين عشاقك الكتار من جمهور الوحدة
وأنت لاعب سرقت قلوب كل المشجعين لأخلاقك العالية أولا ولعبك المتميز ثانيا

والله يوفقك ويحميك ...

وحداوي موت

12-15-2008, 07:37 PM

اهلا وسهلا بلرهــــــــــــــــــيب قصي حبيب
نورت يا احلى قصي الله خلقو

ان شاء الله بتكون سهرة حلوة وممتعة متل فنك واخلاقك

سعدي

12-15-2008, 07:37 PM

اول سؤال لحبيبنا قصي . .
كيف بتوصفلنا تواجدك هالايام بنادي الوحدة ؟؟
يعني شو اهم ميزات هالفترة ؟ من ناحية التدريب و الالتزام و العلاقة بين اللاعبين . .
برأيك فريقنا الحالي قادر على البقاء بين الكبار ضمن الظروف المتاحة ؟؟

أبو رائد الوحداوي

12-15-2008, 07:37 PM

اهلا وسهلا بالمبدع الرهيب قصي حبيب

ابو مأمون الوحداوي

12-15-2008, 07:38 PM

اهلا وسهلا بك يا معلم قصي

شمس الميلان

12-15-2008, 07:39 PM

اول سؤال مني مين بتشجع باوروبا صح اسي ميلان؟

inzaghi 9

12-15-2008, 07:40 PM

اهلا وسهلا قصي باشا

منور المنتدى

- شو رايك بالمستوى النفسي واللياقة بالنسبة للاعبين الفريق حالياً

- مين اللاعب يلي بتحسه بينافسك بالنجومية من حيث المهارة والأداء الجميل

- هل الكابتن نزار يطلب منك عدم اللعب بشكل فردي واستغلال مهاراتك في اللعب الجماعي .؟

- في اي مكان في الملعب تفضل اللعب أكثر ..؟

- شو سبب عدم استدعاءك للمنتخب الاول لهلا مع انه ممكن تخدم كتير ...

بانتظار الإجابة

يعطيك العافية وإن شاء الله منشوفك احد نجومنا الكبار على مستوى العرب والعالم يا رب

أبو رائد الوحداوي

12-15-2008, 07:40 PM

ابو مأمون الوحداوي

12-15-2008, 07:41 PM

ولله نورت المنتدى يا رهيب يا مبدع

وحداوي موت

12-15-2008, 07:41 PM

قصي الغالي
شو رائيك بلجمهور البرتقالي وهلا صار ميال الك اكتر من اغلب لاعبين الفريق

شو استفدت من تمرين الكابتن نزار محروس لانو ما شاء الله عليك هل سنة فارق كتير عن السنة الماضية

شو شعورك بعد الهدف الاروع بلدوري السوري على الشرطة

يتبع

أبو بشار الوحداوي

12-15-2008, 07:42 PM

1- توقعاتك للفريق باللعبة مع الكرامة و الجيش ( بدنا علامة كاملة )
2- مده عقدك مع الوحدة لايمتى ؟( للابد يا رب )
3- اذا بتعرفلنا اديش نزار بده يضل مع الوحدة ( يا رب يضل طول عمره )
4- هل تم استدعاؤك للمنتخب ؟ ( و اكيد ما حترفض )
5-رسالة للوحداوية

M-AL MN@GED

12-15-2008, 07:42 PM

أهلا وسهلا بحبيب القلب قصي نورت المنتدى والله ياغالي

وإن شاء الله تكون سهرة حلوة مع عشاق البرتقالي

قصي حبيب

12-15-2008, 07:42 PM

1- شو بتتوقع يكون ترتيب فريقنا بنهاية الدوري ..؟؟؟

بتمنى نكون من الاربعة الاوائل ان شاء الله.

2- لاحظنا في تغيير بطريقة لعبك هالموسم عن الموسم الماضي
يعني هالموسم صار دورك وفعاليتك لصالح الفريق أكتر من اللعب
لنفسك وتوجت هالشي بصناعة أهداف كتيرة للفريق ,, أكيد هالتغيير
حسب توجيهات المدرب ,, بس أنت وين بتلاقي حالك أكتر بدورك الحالي
ولا متل ما كنت تلعب سابقا وبالموسم الماضي ..؟؟

ماكتير في اختلاف عن الموسم الماضي , السنة الماضية قدمت عروض حلوة ولكن هالسنة وجهنا الكابتن بانو يكون الفريق منضبط اكتر , ومركزي يتطلب مني صنع الاهداف , والحمد لله عم نتوفق , واهم شي نحقق الفوز ان قدمت عرض (فنيات) جيد او لا المهم نعمل شي لنادي الوحدة , وان شاء الله عندي شي اكتر لقدمه للفريق والله يحمينا من الاصابة.

3- شو بينقص فريقنا ليصير فريق مكتمل ومرعب بكل معنى الكلمة ..؟؟

نلعب اكتر مع بعض , لان بينقصنا كان التجانس , والاصابات ماعم تخلي الفريق يثبت على تشكيلة معينة , ولسا مو هاد مستوى الفريق منملك عناصر من اهم العناصر بالدوري السوري .

4- غير الإضافات الفنية الكبيرة شو ضاف الكابتن نزار محروس ئلكم كلاعبين ..؟؟؟

محبة اللاعبين لبعضها , و النادي والجمهور اهم من اي لاعب .

أبو رائد الوحداوي

12-15-2008, 07:43 PM

فتى الشام المدلل

12-15-2008, 07:45 PM

نجمنا المحبووب

اول شي مبروك عليك محبة الناس اللي مو سهل انو الواحد يقدر ينالها

تاني شو الفرق بين قصي حبيب الوحدة وقصي حبيب الجهاد

تالت شي لنعتبر انو عقدك انتهى اليوم هل انت مع التجديد لنادينا ولا بدك تغير ومين الفريق اللي قصي بدو ينتقلوووا

شو سبب انو قصي بيحط ايدو على البوووو؟؟؟ قبل المباراة

اخرشي برجع بهنيك على المحبة والسرعة اللي دخلت فيها على قلزبنا جميعا ً

قصي حبيب

12-15-2008, 07:46 PM

اول سؤال لحبيبنا قصي . .
كيف بتوصفلنا تواجدك هالايام بنادي الوحدة ؟؟

من احلى ايامي وهذا من فضل الله ...

يعني شو اهم ميزات هالفترة ؟ من ناحية التدريب و الالتزام و العلاقة بين اللاعبين . .

تمت الاجابة عن السؤال

برأيك فريقنا الحالي قادر على البقاء بين الكبار ضمن الظروف المتاحة ؟؟

كاسماء لاعبين يجب ان نكون اول او ثاني الترتيب ولكن التوفيق من الله , كمالاحظتم لعبة الاتحاد اللعب النا واخدو تلت نقط وبالنهاية الاهم التلت نقاط لان الدوري بيعتمد عالنقاط

ابو مأمون الوحداوي

12-15-2008, 07:46 PM

قصي حبيب شو رايك با الخبر الي انت اكيد سماعنو مبارح الي صار با العراق ضربة الحذاء

قصي حبيب

12-15-2008, 07:46 PM

اول سؤال مني مين بتشجع باوروبا صح اسي ميلان؟

فريقي المفضل اوروبيا ,, البرسا .

أبو رائد الوحداوي

12-15-2008, 07:48 PM

كابتن قصي بصراحة انا والله خايف كتير انو بس ينتهى عقدك تتركنا والله انو بس فكر بهل شي بجي لجن ويللي بجنني اكتر انو ما عم اقدر اتخيل بتاتا اني شوفك لابس كنزة غير كنزة البرتقالي بالدوري السوري بس اذا اجاك عرض احتراف اوربي انا اول واحد بتمنالك الخير وعلى فكرة الوحدة رجع يتصدر اخبارو المحطات العربية لانو رجع الجمهور يعني فكرة الشهرة خارجيا واردة جدا

حمودي اليوفاوي

12-15-2008, 07:49 PM

قصي حبيب .. الرهيب .. ميسى سوريا
اول انا انا احمد يللي بعتلك رسالة يوم السبت واتصلت فيك يوم الاحد .. تزكرتني ؟

عندي سؤالين بالبداية :
1- انت مبسوط بالشام .. بكل صراحة وبدون اي دبلوماسية .. يعني الغربة عن القامشلي والغربة عن اهلك مأثرة فيك ؟؟ ومبسوط بالوحدة بشكل عام ..؟؟
لانو جمهور الوحدة بحب يشوفك معو الى الابد

2- مين اكتر لاعب قريب عليك من فريق الوحدة حاليا ؟

3- وبدي قلك دموعك غالية علينا .. وشفناك عم تبكي بعد لعبة الاتحاد .. قصي حابب قلك معلومة صغيرة
اخر مرة فاز علينا الاتحاد بالشام كانت من ست سنين .. وكانت بنتيجة 1/0
بس بتعرف شو كانت النتيجة بحلب بالاياب ؟؟ 3/0 للوحدة
يعين املنا فيك وبالفريق كبير لرد الدين

شمس الميلان

12-15-2008, 07:50 PM

شو سر الحركة يلي بتساويها بايدك بعد ما تحط غول

سعدي

12-15-2008, 07:50 PM

مع مين بتطلع أكتر شي اذا حبيت تغير جو ؟

سؤالي التاني عن شوية معلومات شخصية
المواليد : يوم/شهر/سنة
النادي المفضل عربيا و عالميا
المنتخب المفضل
الوضع العاطفي :mrgreen:

شو بيعنيلك نادي الجهاد ؟؟؟ و هل لسا بتسأل عن اخباره ؟؟

قصي حبيب

12-15-2008, 07:50 PM

- شو رايك بالمستوى النفسي واللياقة بالنسبة للاعبين الفريق حالياً

بلشت المستوى يتصاعد , لاننسى الاصابات ويلي هي عم تاثر عاللاعبين ..كمان التحضير كان متاخر , وماكانت اللعيبة موجودة بعضها بالمنتخب وبعضها لم يوقع بعد.

- مين اللاعب يلي بتحسه بينافسك بالنجومية من حيث المهارة والأداء الجميل

كل اللعيبة خير وبركة , وكلها احسن مني بالنادي وبرا النادي .

- هل الكابتن نزار يطلب منك عدم اللعب بشكل فردي واستغلال مهاراتك في اللعب الجماعي .؟

في اوقات يطلب مني عدم اللعب بشكل فردي , الا في حالة الهجوم او في حالة الخسارة.

- في اي مكان في الملعب تفضل اللعب أكثر ..؟

المكان الحالي , وسط مهاجم

- شو سبب عدم استدعاءك للمنتخب الاول لهلا مع انه ممكن تخدم كتير ...

عائدة لمدرب المنتتخب .

قصي حبيب

12-15-2008, 07:53 PM

اولا انا زعلان كتير كتير منك ومن اللعيبة كلها بدون استثناء بس زعل اخوي ليش وقت منربح ما بتجوا بتحيونا نحنا الجمهور يللي بيقعد تحت صورة الرئيس ولا جمهور الوحدة بس جمهور المنصة
تاني شي شفناك تاخرت تير لحتا فتت بالفورمة هل لمبارة امية سبب بهل الشي

انا وقت حطيت الغول رحت لعند الجمهور المقابل للمنصة وحييتهم , وكل الجمهور البرتقالي واحد ....

لا ,مباراة امية مالها اي علاقة , السبب هو قلة التجانس و العملية التي اجريتها (عملية جيوب انفية).

M-AL MN@GED

12-15-2008, 07:53 PM

فريقي المفضل اوروبيا ,, البرسا .

لك والله زعييييم وبتفهم

قصي حبيب

12-15-2008, 07:55 PM

شو رائيك بلجمهور البرتقالي وهلا صار ميال الك اكتر من اغلب لاعبين الفريق

سبب حبي للنادي هو جمهور الوحدة الكبير , واشكر الله على هذه المحبة المتبادلة .

شو استفدت من تمرين الكابتن نزار محروس لانو ما شاء الله عليك هل سنة فارق كتير عن السنة الماضية

بكل شئ .

شو شعورك بعد الهدف الاروع بلدوري السوري على الشرطة

شعور اكثر من رائع , وبهدي هالغول كعيدية لهالجمهور الغالي المرعب (لباقي الاندية)

فهد قيطاز

12-15-2008, 07:56 PM

ميسي الوحدة اهلا وسهلا منور المنتدى وشو رايك بمبارة الوحدة مع الكرامة والجيش وشو بتوقع النتيجة معشوق البرتقالي ميسي

SH@@MI

12-15-2008, 07:57 PM

أهلا وسهلا بالرهيب قصي حبيب

شو بدي اسألك
.
.
شو هالشعرات الحلوين؟

يامن الوحداوي

12-15-2008, 07:57 PM

معلم قصي شو توقعاتك لمباراتنا مع تشرين

قصي حبيب

12-15-2008, 07:59 PM

1- توقعاتك للفريق باللعبة مع الكرامة و الجيش ( بدنا علامة كاملة )

ان شاء الله الفوز , بتمنى من الجمهور يوقف مع اللعيبة لاخر لحظة متل لعبة الاتحاد .

2- مده عقدك مع الوحدة لايمتى ؟( للابد يا رب )

لنهاية الموسم القادم.

3- اذا بتعرفلنا اديش نزار بده يضل مع الوحدة ( يا رب يضل طول عمره )

ان شاء الله على طول .

4- هل تم استدعاؤك للمنتخب ؟ ( و اكيد ما حترفض )

لا.

5-رسالة للوحداوية

بتمنى من الجمهور يوقف ورا كل لاعب مهما كان مستواه هابط او باحلى ايامه لان الجمهور هو بساعد اللاعب يقدم مستوى طيب , وانا بعرف كل جمهور الوحدة بموت على نادي الوحدة ويمكن هي الميزة الوحيدة بهالجمهور بسوريا ويلي دمهم برتقالي ...

وحداوي من إدلب

12-15-2008, 08:00 PM

كابتن ما الفرق بين المحروس وغيره

وحداوي موت

12-15-2008, 08:02 PM

اخي قصي بكملات مختصرة

شو بيعنولك هل اسماء التالية

الكابتن نزار

عماد شومان

ماهر السيد

عبد الناصر

ينال

الازهر

عمار فرواتي

wissam82

12-15-2008, 08:02 PM

انا بعرف انه أكلك قليل كتير بس بشكل عام

شو الطبخة المفضلة عندك ويلي ما بتقدر تقاومها ..؟؟؟ :mrgreen:

قصي حبيب

12-15-2008, 08:03 PM

بصراحة ومن دون مراوغة ليش منلاحظ انو وقت بيلعب عارف الاغا منحس انو في اتفاق ضدو من اللعيبة يعني عواض ما خط الوسط يجهزلو طابات هو بدو يلحق الطابة مع انو هو لاعب قناس بس اللي لاحظتو انو بس تصل الطابة لاي لاعب كان يعتمد على خيار التسديد يعني معقول ولاباص متل العالم لهلى باستثناء باص قصي الرجاء الرد بصراحة

عارف لاعب كبير قناص ومن افضل هدافي الدوري السوري ,و الي الشرف اني العب ورا عارق الاغا ..... يمكن طريقة اللعب الحالية يمكن ماعم تناسب عارف حاليا لاننا نلعب بمهاجم واحد وهي خطورته اكتر شي ضمن الـ 16 , وهو بالوقت يلي لعبه , صنع هدف (ضربة جزاء) وسجل هدف , وان شاء الله عارف يرجع هداف يلي منعرفه .

قصي حبيب

12-15-2008, 08:06 PM

تاني شو الفرق بين قصي حبيب الوحدة وقصي حبيب الجهاد

فريق الجهاد سبب ظهوري بالدوري السوري ,واله كتير الفضل عليي
الوحدة , علمني وشهرني.

تالت شي لنعتبر انو عقدك انتهى اليوم هل انت مع التجديد لنادينا ولا بدك تغير ومين الفريق اللي قصي بدو ينتقلوووا

حاليا انا لاعب نادي الوحدة , وماعم فكر بالانتقال .

شو سبب انو قصي بيحط ايدو على البوووو؟؟؟ قبل المباراة

السبب هو عزف النشيد العربي السوري الاغلى على قلوبنا.

حمودي اليوفاوي

12-15-2008, 08:06 PM

رهيييييييب

انت السنة الماضية سجلت هدف الفوز من ضربة جزاءع تشرين باللادئية
بدنا هدف يوم الاربعاء بحماة ع تشرين

وشو مدى اصاباتك
قال سمعنا بدك راحة ؟

MOH@MAD

12-15-2008, 08:07 PM

اول شي أهلا وسهلا بنجم نجوم كرة القدم في نادي الوحدة

تاني شي نورت المنتدى عندي كم سؤال لألك :

شو توقعاتك لترتيب النادي هاد الموسم وشو رأيك بالتكتيك يلي بينجح مع النادي

دفاع اوهجوم ..

ومين لاعبك المفضل عالميا وشو النادي يلي بتحبو اوروبيا

هي بالنسبة للأسألة العادية ...

بالنسبة للأسلة الإجتماعية بحياتك :twisted:

مفكر شي ترتبط شي تتزوز يعني :mrgreen:

مين مطربك ومطربتك المفضلة :ban

وأهلا وسهلا بأحلى نجم بفريق الوحدة :lol:

((محمد القدة)):))

M-AL MN@GED

12-15-2008, 08:08 PM

ببتوقع العسكر ياخدوا بطولة الدوري شي وليش ؟؟؟

وكيف رح تحل موضوع خدمتك الإلزامية وئت يحين موعدها لإنو السويدان بيكون عم يستناك على نار؟؟؟

أبو بشار الوحداوي

12-15-2008, 08:09 PM

شكرا لاجوبتك
بس هاي اسئلة شخص تاني ما بيعرف يستخدم النت :
1- عمرك اديش
2- لو ما كنت لاعب شو كنت راح بتكون
3- لازم ناخذ احد المراكز الاربعة الاوائل منشان نشارك خارجيا ... فشو نية الكابتن نزار
4-شو قصة ماهر السيد و فجر ابرهيم
5-مين افضل مهاجم بالمنتخب (اسم محدد ) يعني الخطيب مثلا ؟
6-هل تشعروا بالملل لعدم مشاركة الوحدة بغير الدوري هاي السنة ام هاي الشغلة مصلحة للنادي
7-سمعنا في بطولة جديدة اسمها درع الاتحاد السوري لكرة القدم يشارك بها اول 8 بالدوري صح هالكلام و لا حلم ابليس بالجنة
شكرا الك

قصي حبيب

12-15-2008, 08:09 PM

ابو وسام

12-15-2008, 08:13 PM

كابتن قصي اذا اجاك عرض من احد الاندية المحلية او العربية بتترك فريق الوحدة , طبعا هاد حقك المشروع بس نحنا من محبتنا فيك منخاف تروح لغير نادي

قصي حبيب

12-15-2008, 08:13 PM

اول انا انا احمد يللي بعتلك رسالة يوم السبت واتصلت فيك يوم الاحد .. تزكرتني ؟

طبعا تذكرتك , وبتشكرك عالرسالة ..

عندي سؤالين بالبداية :
1- انت مبسوط بالشام .. بكل صراحة وبدون اي دبلوماسية .. يعني الغربة عن القامشلي والغربة عن اهلك مأثرة فيك ؟؟ ومبسوط بالوحدة بشكل عام ..؟؟
لانو جمهور الوحدة بحب يشوفك معو الى الابد

طبعا مبسوط بالشام لان الشام هي كل شي بالنسبة الي ولكل سوري حتى .. ومابشعر بالغربة ويلي بكون مع جمهور الوحدة كانو مع اهله ..

2- مين اكتر لاعب قريب عليك من فريق الوحدة حاليا ؟

كل اللاعبين .

3- وبدي قلك دموعك غالية علينا .. وشفناك عم تبكي بعد لعبة الاتحاد .. قصي حابب قلك معلومة صغيرة
اخر مرة فاز علينا الاتحاد بالشام كانت من ست سنين .. وكانت بنتيجة 1/0
بس بتعرف شو كانت النتيجة بحلب بالاياب ؟؟ 3/0 للوحدة
يعين املنا فيك وبالفريق كبير لرد الدين

ان شاء الله , رح نرد الدين , ومامننسى انو فريق الاتحاد فريق كبير , وبكيت لانو عملنا جهدنا وانا بحب العب ضد الاتحاد لان امي اهلاوية ,, بس هلا هي مع الوحدة قلبا وقالباً .

حمودي اليوفاوي

12-15-2008, 08:13 PM

قصي شو سبب لما تتصور
بتعمل حركة مقص بايدك

؟؟

قصي حبيب

12-15-2008, 08:14 PM

شو سر الحركة يلي بتساويها بايدك بعد ما تحط غول

انا ضربت تحية للجمهور ,, كشكر له على تشجيعه لنا.

SH@@MI

12-15-2008, 08:15 PM

يا جماعة على مهلكن شوي عالحبيب
شو بدو يلحق ليلحق
بعدين يرجى قراءة الأسئلة قبل السؤال
مو السؤال لمجرد السؤال
لأنو في أسئلة عم تتكرر
أنا يمكن كان سؤالي بايخ
بس كان مجرد ترحيب

وشكرا للأعضاء

احمد بيرقدار

12-15-2008, 08:15 PM

حبيب قلبي الغالي قصي
هي صورتك يلي عطتني ياها
تبع مباراة امية حطيتها توقيع الي
لانك غالي على قلبي كتتتتييييييييييير
بدي اسألك مين اكتر مهاجم بالوحدة
بترتاح معو البشو ولا اراز ولا الاغا ولا الخراط

أبو رائد الوحداوي

12-15-2008, 08:16 PM

قصي حبيب

12-15-2008, 08:18 PM

مين أقرب لاعبي الفريق الك يعني كصديق
مع مين بتطلع أكتر شي ؟

مع محمد البشو , غسان معتوق , ماهر السيد واحمد عزام ومعتصم علايا وكمال عاجي وياسر شوشرة ومصطفى باسفا وعلاء الشقران,, طبعا عبد الناصر الاقرب الي كونه ساكن معي .

سؤالي التاني عن شوية معلومات شخصية
المواليد : يوم/شهر/سنة
النادي المفضل عربيا و عالميا
المنتخب المفضل

مواليد : 15/5/1987

عربياً : الوحدة الاماراتي
عالمياً : البرسا
المنتخب : ايطالي - برازيلي
شو بيعنيلك نادي الجهاد ؟؟؟ و هل لسا بتسأل عن اخباره ؟؟

بكل تاكيد انا دائما بسال عن اخباره فهو ناديي الام.

همام

12-15-2008, 08:18 PM

كابتن قصي ....شلون عم تقدر تتحمل غلاظة عمار طول هالفترة :mrgreen:

احمد بيرقدار

12-15-2008, 08:18 PM

قصي شو رأيك باللاعب كمال عاجي

قصي حبيب

12-15-2008, 08:19 PM

ميسي الوحدة اهلا وسهلا منور المنتدى وشو رايك بمبارة الوحدة مع الكرامة والجيش وشو بتوقع النتيجة معشوق البرتقالي ميسي

ان شاء الله الفوز

وكنتيجة مع الكرامة 2/1
ومع الجيش تعادل

قصي حبيب

12-15-2008, 08:21 PM

معلم قصي شو توعاتك لمباراتنا مع تشرين

ان شاء الله الفوز , ولو موجود بعض المشاكل بنادي تشرين لكن لازم مانستهتر باللعبة معهم . وان شاء الله بتوقعها 2/0

قصي حبيب

12-15-2008, 08:21 PM

شو هالشعرات الحلوين؟

هاد من زوقك , شكرا كتير.

M-AL MN@GED

12-15-2008, 08:21 PM

كابتن قصي ....شلون عم تقدر تتحمل غلاظة عمار طول هالفترة :mrgreen:

**** ديبك ياهمام :lol:

احمد بيرقدار

12-15-2008, 08:22 PM

ابو القوص قبل ما تجي على الشام
وتلعب بالوحدة كنت تابع مباريات الفريق
وتشجعوا بصراحة بس ومين كان يعجبك من
اللاعبين القدامى

أبو بشار الوحداوي

12-15-2008, 08:22 PM

شو نوع جوالك

قصي حبيب

12-15-2008, 08:22 PM

كابتن ما الفرق بين المحروس وغيره

كل مدرب اله طابع خاص , والكابتن ابوحامد اللاعبين كتير مرتاحين معه وقلبه طيب كتير .

لقمان

12-15-2008, 08:23 PM

قصي قصي قصي قصي
قصي قصي قصي قصي
قصي قصي قصي قصي

ما عندك بريد هوتميل :arrow:

أو ياهوووووووووووووووو :ban

خخخخخخخخخخخخ ما علينا

بدنا شي 5 على الجيش و 4 على تشرين و 5 على الكرامة و التوفيق إلك خص نص و أحلى بوسة

:lol: دج دج دج قصي :lol:

وحداوي من إدلب

12-15-2008, 08:25 PM

ميسي.... إذا لم تلعب للوحدة فلمن ستلعب

قصي حبيب

12-15-2008, 08:25 PM

اخي قصي بكملات مختصرة

شو بيعنولك هل اسماء التالية

الكابتن نزار

مدرب كبير

عماد شومان

مدرب قريب من القلب

ماهر السيد

لاعب كبير

عبد الناصر

اخ عزيز

ينال

فدائي

الازهر

حارس متالق

عمار فرواتي

اخ وصديق عزيز , وواقف معي بكل شي .

Romanci_alsham

12-15-2008, 08:26 PM

السلام عليكم ورحمة الله وبركاته ..
تحية طيبة وبعد
اهلا وسهلا بقصي الحبيب ويا ميت مرحبا .. منور المنتدى يا امير
...اول شي انا معجب فيك وبلعبك .. وكنت حابب اتعرف عليك .. ازا بتزكرني .. بالصيف بنادي الفيحاء الكائن في شارع برنية .. كنت بدي اعمل معك لقاء بس وقتها يمكن انت سافرت على القامشلي .. وانا طلعت على دبي ..

قصي حبيب ::::
ما رأيك بمبارة الريال والبرسا ؟
ماذا حدث لو جاء هدف الريال في الشوط الاول الذي اضاعته لاعب الريال الهولندي درنتي .. ؟؟ ويا ترا قصي حبيب لو كان بهالموقف .. شو كان بيتصرف ؟؟
اخيرا بتمنالك مستقبل باهر مع النادي .. وبتوقعلك تجيب جولين بمبارة الجيش .. وهل هالشي صعب ام سهل في رأيك ؟
شكرا يا ملك الوحدة ..

قصي حبيب

12-15-2008, 08:26 PM

شو الطبخة المفضلة عندك ويلي ما بتقدر تقاومها ..؟؟؟ :mrgreen:

المحشي , وخاصة من تحت ايدين والدتي لانها حلبية.
الفتة الشامية.

SH@@MI

12-15-2008, 08:27 PM

http://www.wahdawia.net/vb/showthread.php?t=28632

تم التصويت على هدفك كأجمل هدف بالدوري السوري
وهاد الرابط اللي عم يحكي عن هالشي

بقى يا ريت تكترلنا منهن هدول الكوال الرائعة على طريقة ميسي

محمد سكر

12-15-2008, 08:27 PM

نورت المنتدى يانجم النجوم

قصي حبيب

12-15-2008, 08:28 PM

انت السنة الماضية سجلت هدف الفوز من ضربة جزاءع تشرين باللادئية
بدنا هدف يوم الاربعاء بحماة ع تشرين

المهم الفريق يربح , وكل اللاعبين ماعم تفكر انها تسجل بقدر ماعم تفكر انو الفريق يربح

وشو مدى اصاباتك
قال سمعنا بدك راحة ؟

ان شاء الله , مالها قوية.

أغيد الفرا

12-15-2008, 08:30 PM

أحلى قصي حبيب

اللاعب يلي بحبو كتييير .. منور المنتدى

احمد بيرقدار

12-15-2008, 08:30 PM

محمود محملجي
معشوق الجماهير الربتقالية
شو رايك فيه

أبو بشار الوحداوي

12-15-2008, 08:30 PM

ممكن ايميل ورقم جوالك

لقمان

12-15-2008, 08:30 PM

نورت قصي نجم الكرة السورية بلا منازع

قصي حبيب

12-15-2008, 08:32 PM

شو توقعاتك لترتيب النادي هاد الموسم وشو رأيك بالتكتيك يلي بينجح مع النادي

دفاع اوهجوم ..

اجبت عن السؤال سابقاً

ومين لاعبك المفضل عالميا وشو النادي يلي بتحبو اوروبيا

رونالدينهو + رونالدو البرازيلي

مفكر شي ترتبط شي تتزوز يعني

حالياً لا.

مين مطربك ومطربتك المفضلة :ban

الجسمي + فيروز

قصي حبيب

12-15-2008, 08:33 PM

ببتوقع العسكر ياخدوا بطولة الدوري شي وليش ؟؟؟

وكيف رح تحل موضوع خدمتك الإلزامية وئت يحين موعدها لإنو السويدان بيكون عم يستناك على نار؟؟؟

لا اعتقد , فريق الجيش كلاعبين ونادي , ولكن هناك منافسة من عدة اندية وان شاء الله الوحدة واحد منهم.

لقمان

12-15-2008, 08:34 PM

:fwالرهيب الحبيب:fw

قصي حبيب

12-15-2008, 08:36 PM

1- عمرك اديش

21 سنة

2- لو ما كنت لاعب شو كنت راح بتكون

طيار مدني

3- لازم ناخذ احد المراكز الاربعة الاوائل منشان نشارك خارجيا ... فشو نية الكابتن نزار
4

ان شاء الله الكل بيتمنى هالشي , وبتمنى من الجمهور عدم الاستعجال عالفريق والمطالبة ببطولة الدوري , بعد مواسم صعبة سابقة عالنادي . والفريق عم ينبنى من جديد لسنتين تلاتة ان شاء الله.

-شو قصة السيد و فجر ابرهيم
5-مين افضل مهاجم بالمنتخب (اسم محدد ) يعني الخطيب مثلا ؟
6-هل تشعروا بالملل لعدم مشاركة الوحدة بغير الدوري هاي السنة ام هاي الشغلة مصلحة للنادي
7-سمعنا في بطولة جديدة اسمها درع الاتحاد السوري لكرة القدم يشارك بها اول 8 بالدوري صح هالكلام و لا حلم ابليس بالجنة
شكرا الك

لقمان

12-15-2008, 08:36 PM

قصي شو رأيك بأنو أفضل حارس بالعالم ( إيكير كاسياس ) ؟؟

قصي حبيب

12-15-2008, 08:38 PM

كابنت قصي اذا اجاك عرض من احد الاندية المحلية او العربية بتترك فريق الوحدة , طبعا هاد حقك المشروع بس نحنا من محبتنا فيك منخاف تروح لغير نادي

انا لاافكر باي انتقال حالياً , و الاهم انا وافراد الفريق ان نحقق انجاز لنادي الوحدة دوري او كاس.

لقمان

12-15-2008, 08:40 PM

قصي بعد ما تجاوب على السؤال هاد

قصي شو رأيك بأنو أفضل حارس بالعالم ( إيكير كاسياس ) ؟؟

طلب صغيرررررررررر

بتقدر تضل معنا ولو مرة بالأسبوع :o

محمد سكر

12-15-2008, 08:41 PM

كابتن قصي جاوبت على سؤال بخص توقعاتك لمباراة الجبش وتوقعت التعادل
فهل برأيك فريقنا غير قادر على الفوز بمباراة الجيش علما بأن الجيش لم يكن الفريق المرعب بمباراة الكرامة وشكرا ؟

قصي حبيب

12-15-2008, 08:41 PM

قصي شو سبب لما تتصور
بتعمل حركة مقص بايدك

؟؟

رح تعرفوا السبب لاحقاً .

oneka

12-15-2008, 08:42 PM

نورت كابتن قصي سؤالي انت بأي رجل بتتفنن اكتر يمين ولا يسار..؟؟؟

قصي حبيب

12-15-2008, 08:45 PM

بدي اسألك مين اكتر مهاجم بالوحدة
بترتاح معو البشو ولا اراز ولا الاغا ولا الخراط

الكل , لكن البشو اكتر ,, لاني لعبت معه كتير بنادي الجهاد.

حمودي اليوفاوي

12-15-2008, 08:46 PM

رح تعرفوا السبب لاحقاً .

مع اني صرت ساءلك هالسؤال 3 مرات
مرة بعد لعبة الحرية السنة الماضية اللي فزنا فيها بالشام 3/2
ومرة بمقابلة اخرى بمنتدى اخر
ومرة هون يعني هلأ

بس ولا مرة جاوبتني
وانا كتير متحمس لاعرف الجواب

قصي حبيب

12-15-2008, 08:47 PM

كابتن قصي خسرنا الكلاسيكو مع الاتحاد وشو توقعاتك لمباراة الديربي مع الجيش والكل بيعرف انو هل اللعبتين هنن البوابة الرئيسية لعودت جمهورنا كامل يعني في عالم كتير هاجرة المدرجات بسبب السنتين الماضين بس هي اللعبتين بيجوا اكيد واذا كان المستوى جيد رح يضلو يجو بكل اللعب الرجاء وضع هي النقطة بعين الاعتبار

مع الاتحاد ماخسرنا كلاسيكو لكن خسرنا جولة معهم وان شاء الله منعوضها ,,

وان شاء الله الجمهور رح يرجع , والجمهور البرتقالي بيحضر للملعب ولوكانت مع اي فريق لانه مخلص للنادي.

أبو بشار الوحداوي

12-15-2008, 08:47 PM

21 سنة

طيار مدني

4

ان شاء الله الكل بيتمنى هالشي , وبتمنى من الجمهور عدم الاستعجال عالفريق والمطالبة ببطولة الدوري , بعد مواسم صعبة سابقة عالنادي . والفريق عم ينبنى من جديد لسنتين تلاتة ان شاء الله.

-شو قصة السيد و فجر ابرهيم
5-مين افضل مهاجم بالمنتخب (اسم محدد ) يعني الخطيب مثلا ؟
6-هل تشعروا بالملل لعدم مشاركة الوحدة بغير الدوري هاي السنة ام هاي الشغلة مصلحة للنادي
7-سمعنا في بطولة جديدة اسمها درع الاتحاد السوري لكرة القدم يشارك بها اول 8 بالدوري صح هالكلام و لا حلم ابليس بالجنة
شكرا الك
ليش ما كملت رد على الأسئلة

قصي حبيب

12-15-2008, 08:48 PM

كابتن قصي ....شلون عم تقدر تتحمل غلاظة عمار طول هالفترة :mrgreen:

مابقدر اقعد يومين بلا عمار وفيه الخير والبركة .. وانتو كلكم فيكم الخير والبركة .

قصي حبيب

12-15-2008, 08:50 PM

قصي شو رأيك باللاعب كمال عاجي

لي الفخر ان العب مع كمال عاجي , بحبه كتير ولاعب موهوب ...

لقمان

12-15-2008, 08:50 PM

تصبح على خير حبيب البرتقالي

قصي حبيب

12-15-2008, 08:51 PM

ابو القوص قبل ما تجي على الشام
وتلعب بالوحدة كنت تابع مباريات الفريق
وتشجعوا بصراحة بس ومين كان يعجبك من
اللاعبين القدامى

طبعا بكل تاكيد , اتابع مباريات الفريق ككل واجمل شئ كان الجمهور يلي يسكر الملعب .

لقمان

12-15-2008, 08:53 PM

واجمل شئ كان الجمهور يلي يسكر الملعب .

و الله اروع جمهور بالوطن العربي

wahdawia.net

12-15-2008, 08:56 PM

الرهيب قصي حبيب , بيعتذر عن المتابعة اليوم

وهو بيوعدكم انو يرد على باقي الاسئلة غداً .

وبامكانكم كتابة الاسئلة وسيرد عليها الرهيب كلها غدا باذن الله

وباسم ادارة ومشرفي موقع وحداوية

منتشكر حضور اللاعب قصي حبيب

واجابته على اسئلة اعضاء المنتدى

ومنتمنالو كل التوفيق مع الفريق

كما نتمنى التوفيق لكل لاعب ولافراد الفريق ككل

شــــــكراً قصي حبيب

Romanci_alsham

12-15-2008, 08:58 PM

يييييييييييييييي يعني على حظي .. والله عندي دوام وسهرت لل 1 الله يسامحك يا قصي
يا ريت ترد على اسسسسسسسئلتي
وضيفني حابب احكي معك .. ..
Romanci_alsham@HOtmail.com

احمد بيرقدار

12-15-2008, 09:00 PM

مشكورين كتير على اللقاء
والله يعطيكم الف عافية
وشكر للغالي على قلوبنا
الحبيب قصي حبيب

سعدي

12-15-2008, 09:01 PM

اهلا و سهلا فيك كابتن قصي
نورت السهرة
اكيد عندك سفرة و لعبة مهمة هاليومين
لهيك لازم ترتاح
ما بدنا نسهرك اكتر من هيك
نورت

و شكرا لكل الشباب اللي كانوا معنا باللقاء
و ان شاء الله تكونوا انبسطوا
و وصلتكن اجابات اسئلتكم
و الشكر لعمار اللي عمل على اعداد هاللقاء

سامح-ف

12-15-2008, 09:28 PM

أهلا وسهلا بالرهيب قصي حبيب
اللاعب المتميز والمبدع ونورت المنتدى ...

yanalooo

12-15-2008, 10:15 PM

نورت المنتدى كابتن قصب شو رأيك بترتيب الوحدة حاليا وهل أنت راضي عن مستواك
ومبرووووووك فوز البرشااااا
والله يوفقك وهل ستلعب أمام تشرين أم لا

ابو محمد الوحداوي

12-15-2008, 10:18 PM

اهلا وسهلا بالرهيب قصي حبيب
والله نور الموقع

عمار عبار

12-15-2008, 11:34 PM

شو هالحظ تبعنا وصلنا باخر الباص وما لحقنا نسال ولا سؤال بس البركة بالشباب

محمد اشرق لبن

12-16-2008, 12:05 AM

مشكور عمي قصي على الوقت يلي عطيته لمنتدى كل وحداوي بالعالم وصح وصلنا متأخرين بس البركة بالشباب كفوا ووفوا

W@SEEM

12-16-2008, 02:13 AM

فاتني اللقاء بسبب مرضي والنومة بكيير

بس مافي مشكلة أنتو قلتو أن قصي بيرجع برد على الأسئلة ...

أول شي أهلا وسهلا باللاعب ميسي ..

وخبر كتير حلو أنك طلعت برشاوي أصيل .... :ban:ban:ban

وأسئلتي لك يا كابتن حبيب ؟؟؟

1- قبل ما تلعب بنادي الوحدة شو هي الأندية يلي كنت حابب تلعب فيها ؟؟؟؟
2- مين هو أكتر لاعب بالدوري السوري بينال أعجابك ؟؟؟
3- من هو الحارس الذي يحب أن يسجل بمرماه قصي حبيب ؟؟؟

والله يعطيك العافية يا ميسي .. وعلى طول لاتحرمنا من الهطلة الحلوة

وشكرا لكل يلي ساهمو بهذا اللقاء

الإعصار الدمشقي

12-16-2008, 12:01 PM

مرحبا مللك والله إنك ملك بلا منازع حبيب أنا فتت على منتدى الأتحلد بعد لعبتنا معن وكانوا كاتبين أنو طقونا وشقونا ومن هالحكي
بس بدي طلب لو بدو يروح الدوري من أيدينا بدنا ياكن طقو الأهلاويه بالحمدانيه مشان الله مشان يرفو شو الفرق بين الأهلي وبين الزعيم البرتقالي هادا فيك تعتبره طلب أو رجاء أو يلي بدك ياه

EIHAB

12-16-2008, 03:01 PM

والله لاعب ..

الله يحميه من الاصابات بس ..

انا اول مرة بشوف قصي كانت بلعبة الاتحاد وحسيتو من افضل اللاعبين بالدوري السوري ..

الله يحميه وننتظر منه المزيد ..

zaher alwahdawi

12-16-2008, 09:20 PM

الله حيو قصي

قصي حبيب

12-16-2008, 09:33 PM

شو نوع جوالك

سوني اريكسون

بدنا شي 5 على الجيش و 4 على تشرين و 5 على الكرامة و التوفيق إلك خص نص و أحلى بوسة

ان شاء الله , لكن لاتنسى الكرامة والجيش فرق كبيرة .

ميسي.... إذا لم تلعب للوحدة فلمن ستلعب

الطليعة .

السلام عليكم ورحمة الله وبركاته ..

وعليكم السلام ورحمة الله وبركاته

اهلا وسهلا بقصي الحبيب ويا ميت مرحبا .. منور المنتدى يا امير
...اول شي انا معجب فيك وبلعبك .. وكنت حابب اتعرف عليك .. ازا بتزكرني .. بالصيف بنادي الفيحاء الكائن في شارع برنية .. كنت بدي اعمل معك لقاء بس وقتها يمكن انت سافرت على القامشلي .. وانا طلعت على دبي ..

ان شاء الله بالايام القادمة منلتقي .

ما رأيك بمبارة الريال والبرسا ؟

مو متل ماتوقعناها اللعبة الجميلة لكن مو متل ايام روناليدنهو وزيدان .

ماذا حدث لو جاء هدف الريال في الشوط الاول الذي اضاعته لاعب الريال الهولندي درنتي .. ؟؟ ويا ترا قصي حبيب لو كان بهالموقف .. شو كان بيتصرف ؟؟

يمكن كانت اختلفت المباراة لكن بتوقع كان برشلونة رح ينتفض اكتر ...
بالنسبة للموقف ,,, براوغ الحارس .

اخيرا بتمنالك مستقبل باهر مع النادي .. وبتوقعلك تجيب جولين بمبارة الجيش .. وهل هالشي صعب ام سهل في رأيك ؟

مافي شي صعب , ان شاء الله المهم الفريق يربح بعدين بفكر بالاهداف .

شكرا يا ملك الوحدة ..

عفوا

محمود محملجي
معشوق الجماهير الربتقالية
شو رايك فيه

لاعب كبير واسم كبير بنادي الوحدة ,,
ومحبة الجهور دليل براعته.

قصي شو رأيك بأنو أفضل حارس بالعالم ( إيكير كاسياس ) ؟؟

مو انا يلي اقيمه , ان شاء الله يرجع لمستواه لان مستواه متراجع .

وشو مدى اصاباتك
قال سمعنا بدك راحة ؟

بدها راحة , وهي نتيجة الارهاق لضغط المباريات , وسوء الملعب التدريبي بالنادي .

spider net

12-16-2008, 09:34 PM

اهلا بالحبيب قصي
الشباب سألو كتير
عندي كم سؤال كمان
لو طلب منك انك تختار تشكيلة فريق من اللاعبين في الدوري السوري مين بتختار
ليكون حارس ومين بتختار ليكون ليبرو الدفاع ومين بتختار ليكون وسط ممول ومين بتختار ليكون مهاجم قناص
؟
مين الفريق هلي بتحس بالمتعة لما بتكون عم تلعب ضدو
؟
مين قدوتك بالدوري السوري؟

عمادينيو

12-16-2008, 09:50 PM

اهلا وسهلا فيك يا ملك الكورة
حابب اسالك على لاعب اسمو غيفارة كان يلعب بجهاد معك بتعرفوا؟

فهد قيطاز

12-16-2008, 09:59 PM

الله يمسيك بالخير يا ميسي البرتقالي وانشاء دائما بالوحدة وصرت ابن النادي يعني البركة الك شعبية كبيرة وما بتوقع انك تتركنا ابدا وشو رايك بتسميتك بمسي هل انت راضي بيطلعلك

قصي حبيب

12-16-2008, 11:41 PM

بتقدر تضل معنا ولو مرة بالأسبوع

ان شاء الله , بالمستقبل القريب اذا سمح الوقت .

كابتن قصي جاوبت على سؤال بخص توقعاتك لمباراةالجبش وتوقعت التعادل

فهل برأيك فريقنا غير قادر علىالفوز بمباراة الجيش علما بأن الجيش لم يكن الفريق المرعب بمباراة الكرامة وشكرا؟

لا فريقنا قادر .. الكرة مدورة على قول الاخوان المصريين ,والفريق مستواه في تصاعد قادر فوز بس توقعتها تعادل لحساسية اللقاء وخصوصيته بالنسبة للفريقين .

نورت كابتن قصي سؤالي انت بأي رجل بتتفنن اكتر يمين ولايسار..؟؟؟

اليمين .

هل ستلعب أمام تشرين أم لا

للاسف لا . نتيجة الاصابة .

1-قبل ما تلعب بنادي الوحدة شو هي الأندية يلي كنت حابب تلعب فيها؟؟؟؟

الطليعة

مينهو أكتر لاعب بالدوري السوري بينالأعجابك؟؟؟
جومردموسى

منهو الحارس الذي يحب أن يسجل بمرماهقصيحبيب ؟؟؟

الكركر ومصعب بلحوس .

قصي حبيب

12-16-2008, 11:42 PM

الله يحميه وننتظر منه المزيد ..

الله يسلمك وان شاء الله كون عند حسن ظنكم في المباريات القادمة.

لو طلب منك انك تختار تشكيلة فريق من اللاعبين في الدوري السوري مين بتختار

ليكون حارس ومين بتختار ليكون ليبرو الدفاع ومين بتختار ليكون وسط ممول ومينبتختار ليكون مهاجم قناص
؟

سامر سعيد , والازهر

حمزة ايتوني

عادل عبد الله ,معتصم علايا ,جومرد موسى

رجا رافع, محمد زينو , محمد البشو , عبد الفتاح الاغا

مين الفريق هلي بتحس بالمتعة لما بتكون عم تلعب ضدو

الجيش

مين قدوتك بالدوري السوري؟

غسان معتوق , ماهر السيد , احمد عزام , جومرد موسى

وشو رايك بتسميتك بمسي هل انت راضي

اكيد طبعا لان التسمية من الجمهور البرتقالي الغالي عليي...

Ammar Alfarawati

12-16-2008, 11:48 PM

قصي بدي اتشكرك على الوقت يلي عطيته لجمهور الوحدة واعضاء منتدى وحداوية ... والله يعطيك العافية ويلي بيعرف قصي عن قرب بيعرف مدى حبه للنادي وجمهوره ولسا غير طيبة قلبه واخلاقه العالية ..

حابب اسئلك بدوري هالسؤال ؟

منعرف انه عقدك مع الوحدة بينتهي الموسم القادم , وانو قيمة العقد قليلة نسبيا ..

فهل اذا قدملك الوحدة عرض جديد او للتجيد بالاحرى رح تقبل او انك رح تنتظر لتشوف عروض بقية الاندية , وهل رح تبقى محليا ؟ ( ولو انك مابتحب تفكر بهيك امر حالياً لتركز اكتر مع الفريق ) بس ياريت تجاوب بصراحة متل اجوبتك السابقة .

قصي حبيب

12-16-2008, 11:55 PM

قصي بدي اتشكرك على الوقت يلي عيطته لجمهور الوحدة واعضاء منتدى وحداوية ... والله يعطيك العافية ويلي بيعرف قصي عن قرب بيعرف مدى حبه للنادي وجمهوره ولسا غير طيبة قلبه واخلاقه العالية ..

حابب اسئلك بدوري هالسؤال ؟

منعرف انه عقدك مع الوحدة بينتهي الموسم القادم , وانو قيمة العقد قليلة نسبيا ..

فهل اذا قدملك الوحدة عرض جديد او للتجيد بالاحرى رح تقبل او انك رح تنتظر لتشوف عروض بقية الاندية , وهل رح تبقى محليا ؟ ( ولو انك مابتحب تفكر بهيك امر حالياً لتركز اكتر مع الفريق ) بس ياريت تجاوب بصراحة متل اجوبتك السابقة .

بتشكرك وبتشكر كل القائمين عالموقع , وان شاء الله كون قدرت جاوب على كل الاسئلة , وان شاء الله كنت ضيف خفيف الظل عليكم جميعاً ..

بالنسبة للتجديد :

طبعا الافضلية اولا واخيرا للوحدة ,, ولاافكر بالاحتراف محلياً بغير الوحدة.

والسلام عليكم ورحمة الله وبركاته ..

Romanci_alsham

12-17-2008, 12:04 PM

أكيد يا قصي انت ضيف خفيف الظل .. وكنا كتير فرحانين فيك .. وبتنور المنتدى ايمت ما بدك ..
... انت شد الهمة وقول الله .. قصي انت مراوغ كتير منيح بس يا ريت لا تبالغ بهالشي ..

أبو عبد الرحمن

12-17-2008, 07:22 PM

الله يعطيك العافية قصي الغالي

max alwahdawi1

12-18-2008, 02:28 PM

اهلا حبيبنا قصي حبيب محبوب البرتقاليين

السيف

12-19-2008, 01:24 AM

أهلا وسهلا بك معنا في المنتدى
ونورت منتدانا يا مسي العرب

يامن الوحداوي

12-24-2008, 04:38 PM

نور السايت والله

bashardo الوحداوي

02-08-2009, 04:52 PM

شكرا قصي وللجميع

وحداوي بعد كل خسارة

02-08-2009, 05:22 PM

عنجد قصي انضم للمنتدى ولا هي أفلة وغلاظة من واحد من الشباب

مروان الوحداوي

02-09-2009, 02:21 PM

بدي اسئل سؤال شو رأيك بفريق الكرامة ؟؟؟؟

kashi

02-09-2009, 02:54 PM

الف شكر على هذا القاء الرائع مع مسي العرب فنان وبالتوفيق له وللوحدة

أبو عامر

02-09-2009, 04:44 PM

احلى مبدع قصي الملك

ابو سامر

02-09-2009, 11:18 PM

هــــــــــــــــلا وغــــــــــــــــــلا
نــــــــــــورت المــــــــــــوقع
تحياتي للفنان قـــــــــــصــــــــــــــــــــي
:36_1_55[1]::36_1_55[1]::36_1_55[1]::wahdawia:

اسامة

02-11-2009, 04:45 AM

شدو الهمة يا شباب ((الوحدة الوحدة الوحدة بطل الكؤس))

عدنان فاعوري

02-18-2009, 08:14 PM

فريق الكرامة بخري

مروان الوحداوي

02-18-2009, 11:54 PM

فريق الكرامة بخري
حط ايدك عراسك قبل ما تقول الكرامة وبشان الطيبين والمنتدى ما حزفر حكيي معك
واحترم حالك وانا ما جرحتك وبعدين ما حدا سئلك

أبو رائد الوحداوي

02-19-2009, 03:14 AM

فريق الكرامة بخري
يا عيب الشوم بس عليك هيك بترد على ضيوفك الزلمة واحد مننا وما عم يسال شي غلك الكرامة فريق كبير

حيدر الحكيم

02-19-2009, 08:18 AM

شكرا قصي وللجميع

مروان الوحداوي

02-19-2009, 12:37 PM

يا عيب الشوم بس عليك هيك بترد على ضيوفك الزلمة واحد مننا وما عم يسال شي غلك الكرامة فريق كبير
والله انك انت الكبير وبتنحط علراس من فوق والوحدة علراسي والمنتدى على راسي وكل واحد وحداوي على راسي صح حيصير عجقة بس والله انو كلكون على راسي بس هيك عدنان فاعوري عرفنا بحالو وعرفنا مين هو ووالله انو هوي مو شامي بل حوراني:teas