تحية للمدرب الكبير نزار محروس ..

[samer_sa]

من القلب أقولها لهذا المدرب الكبير والخلوق هنيئاً لكرة الوحدة بك ،، أكثر ما أسعدني هو وجود مدرب سوري على هذا المستوى العالي أعاد الهيبة لكرة الوحدة في فترة تعد قصيرة رغم كل ما ينقص كرة الوحدة (على صعيد اللاعبين بعدة مراكز) ، وأعطى هذا المدرب للدوري السوري جمالية أخرى كانت غائبة في المواسم القليلة الماضية وهي عودة الوحدة إلى سكة المنافسة ..
نزار محروس من المدربين التي تصنع الفارق وتظهر لمسته واضحة على أي فريق يدرب هناك مدربين تصنع من لاعبيها أياً كانت أسمائهم فرق محترمة ومنظمة وهذا هو حال المدرب الكبير نزار محروس ..
وهناك لاعبين تصنع مدرب من وجهة نظري الشخصية (كما في فريقنا الاتحاد) ..

ألف مبروك للوحدة هذا المدرب الكبير وأتمنى أن يستمر مدرباً في الدوري السوري لأن وجوده يشكل إضافة للدوري السوري وهاردلك على خسارة اليوم الصعبة ...

[yanalooo]

بالتوفيق للوحدة

[عمار عبار]

وليش ما تعترف انو ابو حامد الملك بنص فريق ورغم افتقاده الاعبين المؤثرين كان يستحق الفوز عليكم

[بشـار الوحداوي]

مشكورر ومبروك الفوز

[wissam82]

أكيد أبو حامد مدرب قدير ورائع وعلى مستوى عالي جدا الله يحميه
وبإذن الله بتتوفرله الظروف المناسبة ليبقى مدرب للوحدة سنوات طويلة
وأكيد رح يحقق البطولات ويصنع الانجازات بإذن الله ...

وبوافقك أخي سامر انه أبو حامد عمل فريق قوي من لاعبين عاديين جدا ببعض المراكز
وطبعا هاللاعبين اضطر يجيبهم لانه الوقت ما أسعفه ..

عكس تيتا يلي محظوظ بلاعبين على مستوى عالي هنن يلي بيغطوا على أخطائه الكتيرة ..

بإذن الله المستقبل قدام فريقنا بقيادة الخبير أبو حامد رح يكون
رائع أكيد ..

شكرا لموضوعك ..

[سعدي]

شكرا لموضوعك أخي سامر
الحمدلله انو في عنا مدرب كبير متل نزار محروس استطاع انو يعمل فريق منافس بفترة قليلة

[محمد سكر]

الحمد لله على كل حال ومبروك الفوز للاتحاد وهاردلك للنمور البرتقالية على هل الأداء الرائع يلي كان بفضل رب العالمين أولا ثم بتوجيهات الكابتن الكبير أبوحامد ماتزعل كابتن نحن معك ومبسوطين باداء فريقنا ...

[ابو جواد المناع]

ابو حامد مابدو وصف وكلمة وصف
من متلي لمتلو موسهلة

[talbe]

يا عيني عليك يا نزار

[أغيد الفرا]

شامم ريحة بندورة معفنة :m(

[أبو عبد الرحمن]

أبو حامد الملك
و برأيي هو أكبر من تقييمنا له

[Ammar Alfarawati]

فعلا ابوحامد لمستو واضحة عالفريق وبلشت تظهر اكتر من لعبة الفتوة بالدير .

مشكور سامر على موضوعك.

[samer_sa]

شامم ريحة بندورة معفنة :m(

تسلم شكراً هاد من زوقك :cons

[سعدي]

يعني اخي سامر تركت كل الردود اللي شكرتك
و اخدت اقتباس من الرد اللي ضدك
و بتسألوا ليش في حساسية ؟؟؟؟؟؟؟؟؟

[samer_sa]

طيب برأيك هيك رد مناسب للموضوع ؟؟؟!!!!

[وحداوي موت]

طيب برأيك هيك رد مناسب للموضوع ؟؟؟!!!!


هدا رد متوقع سامر

[سعدي]

طيب برأيك هيك رد مناسب للموضوع ؟؟؟!!!!


أكيد لأ
بس ما بدي اعمل مقارنات مع اي رد برات منتدانا
لأنو صاير فينا كل ما عدلنا رد لحدا
عم يجيب لينك فيو عجايب بغير منتديات و يقلنا شوف شو عم ينحكى علينا
لهيك صار التعديل على الاساءت الواضحة فقط
و ما عاد نقدر نعدل كل شي
و غير هيك و هيك
هالرد ما صرلو نازل نص ساعة
يعني انا شخصيا ماكنت شايفه
و يعتبر اقل اساءة ممكن تكون مقارنة بغيرها هون و بغير منتديات .
بكل حال انا شخصيا ما بتمنى انو يصير هالشغلات اللي عم تصير بين جمهور الناديين بالملعب و بعدين عالمنتديات
و لو بايدي انو وقف كل هالحكي عندي و عند غيري ما كنت قصرت
و دايما بحاول بلش من عندي
و اللي عم ينحذف اكتر بكتير من اللي عم يبقى

[أغيد الفرا]

تسلم شكراً هاد من زوقك :cons

يلي فيه شوكة بتنغزو

انا ما حددت شي !!:can:

[samer_sa]

ولا يهمك سعدي مو مشكلة والله يديم المحبة بس ..

[سعدي]

ولا يهمك سعدي مو مشكلة والله يديم المحبة بس ..


شكرا سامر


طيب منرجع للموضوع . .
و يا ريت من كل الشباب
يكون كلامنا في مضمون الموضوع فقط لا غير

[salah]

من القلب أقولها لهذا المدرب الكبير والخلوق هنيئاً لكرة الوحدة بك ،، أكثر ما أسعدني هو وجود مدرب سوري على هذا المستوى العالي أعاد الهيبة لكرة الوحدة في فترة تعد قصيرة رغم كل ما ينقص كرة الوحدة (على صعيد اللاعبين بعدة مراكز) ، وأعطى هذا المدرب للدوري السوري جمالية أخرى كانت غائبة في المواسم القليلة الماضية وهي عودة الوحدة إلى سكة المنافسة ..

نزار محروس من المدربين التي تصنع الفارق وتظهر لمسته واضحة على أي فريق يدرب هناك مدربين تصنع من لاعبيها أياً كانت أسمائهم فرق محترمة ومنظمة وهذا هو حال المدرب الكبير نزار محروس ..
وهناك لاعبين تصنع مدرب من وجهة نظري الشخصية (كما في فريقنا الاتحاد) ..


ألف مبروك للوحدة هذا المدرب الكبير وأتمنى أن يستمر مدرباً في الدوري السوري لأن وجوده يشكل إضافة للدوري السوري وهاردلك على خسارة اليوم الصعبة ...

شكراً أخ سامر على الموضوع
و ياريت ياشباب تكون الردود بمستوى يليق بنا ؟
و شهادتي بنزار, كان رائع و هو لاعب و رائع و هو مدرب

[nemr]

مشكور على موضوعك
وبالفعل ابو حامد كبير وخبير

[W@SEEM]

أن شاء الله أبو حامد قدها وقدود

طبعا هاد التصريح مو بس من الأخ كاتب الموضوع

هاد إجماع سوري بإن الكابتن نزار أحسن مدرب بالدوري