فريق شباب الوحدة الى اين ؟؟؟؟؟

[فهد الناجي]

السلام عليكم
موضوعي اليوم بيخص فريق الشباب بالنادي
يمكن فريق الشباب متصدر سلم الدوري للشباب بس من تحت
حدا بيعرف ليش وشو عم يصير بهالفريق وليش ما عم يعطو حقو
واللعيبة الموجوده هل كلهون خرج انو يكونو بهالفريق؟
ولا في ناس حاطه على صدرها شعار فيتامين وااااااااااااااااو
وهل يا ترى في ايدي خفية وأشخاص عم يشتغلو ببعض متل ما تعودنا يصير بالنادي بالفترة الاخيرة
وهل الادراة عندها علم بهالشي ولا أدن من طين وادن من عجين
وهل فوز الفريق الوحيد على الشعلة بمحض الصدفه ام بجهد اللعبين
علما بأن فريق الشعلة لعب ب8 لاعبين بعد طرد اتنين من لاعبية ؟؟؟؟
ترقبو اشياء بتشيب الراس تخص فرق الشباب بنادي الوحدة بالقريب العاجل
ملاحظه من حق اي واحد يشوف غلط بالنادي انو يحكي عنو
موللشماته لا سمح الله بس لان منخاف على النادي ومنغار عليه ومندعي انو ما يرجع للمرحلة السود يلي مرء فيها
واي واحد عم يلعب هيك او هيك لازم يحاسب من قبلنا نحن جمهور الوحدة قبل المحاسبة من الادراة( مين ما كان يكووون)
ولكم حبي وتقديري

[wissam82]

برأيي أول شي لازم يتغيير المدرب خليل ابراهيم (( مع احترامي ئله ))
بس مدرب فشل بكل الفرق والفئات يلي دربها وفريق الشباب مو حقل تجارب ..

فريق الشباب المفروض يستلمه مدرب قادر على صقل مواهب اللاعبين
وتنميتها أكتر وأكتر مشان يرفدوا الفريق الأول ..


وبالنادي عنا كفاءات كتير ممكن تفيد فريق الشباب وبتوقع القادري هو أفضل مين
ممكن يمشي بفريق الشباب على الطريق الصحيح ..

ويا ريت يتم حسم هالأمور بأسرع وقت وما ننتظر أكتر من هيك
لان الموسم الماضي نفدنا من الهبوط بأعجوبة وبفضل نتائج باقي الفرق
بس مو كل مرة بتسلم الجرة واذا ضلينا على هالوضع ما في شي رح يفيدنا
لا نتائج باقي الفرق ولا غيره ..

منتمنى من الإدارة بحث وضع فريق الشباب وايجاد الحلول السريعة ئله
قبل ما يوقع الفاس بالراس ...

[W@SEEM]

فعلا فريق الشباب بحالة ما بتسر أبدا

وهاد الشي لازم الإدارة تلاقيلو حل

بس بعد إذنك أخ وسام .. بدي أسألك شو صار بالكابتن بشار شريف

الله يذكرو بالخير

[wissam82]

بس بعد إذنك أخ وسام .. بدي أسألك شو صار بالكابتن بشار شريف

الله يذكرو بالخير

والله حسب معلوماتي انه عم يدرب بنادي بردى
على ما أظن ...

[يوسف منصور]

شكرا سيد فهد على الموضوع الهام وبالفعل لازم نلاقي حل باسرع وقت

[MOH@MAD]

برأيي أول شي لازم يتغيير المدرب خليل ابراهيم (( مع احترامي ئله ))
بس مدرب فشل بكل الفرق والفئات يلي دربها وفريق الشباب مو حقل تجارب


وسام هاد مو حل جزري

الحل انو تلتغى الوسايط بالنادي
ويصير في انتقاء مواهب من الاحياء الشعبية

[inzaghi 9]

بصراحة عندي كتير حكي على فريق الشباب بس صعب احكي فيهن ... لاسباب شخصية ...

بس ما فيني قول غير الله يهدي هالإدارة وتهتم شوي بالقواعد ...

[صيادي]

المشكلة مو بس بل المدرب وبل اللعيبة كمان
لكن نادي درجة تالتة يخصرهن بمباراة ودية
عيب؟؟؟؟؟؟؟؟؟؟؟

[أبو شام]

الله يجزيك الخير أخي فهد.. عل الموضوع يلي بيدل على غيرتك على النادي ... لأنو بالفعل ومن أيام فريق الشباب
تبع كمال وعمر العاقل.. مااجا فريق شباب بيفش الخلق,, ووبيبل القلب...

[bmekhaled]

والله أكبر غلط عنا بالنادي هو هاد
يعني أنا بعمري ما شفت فريقنا تبع الشباب مبيض الوش
عطول آكل هوا

[talbe]

و الله القصة بدا حل جزري

[nation]

مدرب كفو
ادارة حازمة
لا للواسطة

[yanalooo]

يعطيك العافية عالموضوع الهام

[فهد الناجي]

يا جماعة الخير
الواسطه اخده مساحة كبيره من فريق الشباب
ومن بين العلل الموجودة بالفريق المدرب ومساعدة (مع احترامي )
رح يجيبو اخرتو للفريق يبطل عنا شي اسمو فريق شباب
والفريق فيو شباب لعيبة وما عم تاخود فرصة ليييش (لان الواسطه قبل كل شي)

[أغيد الفرا]

إلى الدرجة الثانية

[ابوالعبدالشامي]

للاسف الادارة ماعم تعطي فرق الفئات بالنادي اي اهمية
ولازم تتدارك الادارة المأزق