فوزنا على الطليعة هو المهم

[وحداوي كاتلوني للابد]

ياشباب كنا امبارح بالمنتدى عمنتمنى الفوز بغض النظر عن الاداء وهلئ وقت اجى الفوز بلشنا نحلل اداء الفريق انا معكم الوحدة بالشوط الاول لعب وامتع وبالتاني استهتر بس لازم ننظر الى الفوز من منظور اخر انو يكون فاتحة خير للالعاب الجاية ويرفع المعنويات لمزيد من الانتصارات وانشاء الله موفق ياابو حامد وبدنا نقاط لعبة جبلة باذن الله:fw:fl

[أحمدهريدي]

كلام سليم والكلام الاساسي بعد العبة جبلة

[محمد سكر]

ان شاء الله بيستمر الأداء الجيد وبيتصاعد مستوى الفريق ومنحقق الفوز على جبلة

[بشـار الوحداوي]

بالتوفيق يا وحدة انا ما شفت المباراة بقا كيف كان الفريق يا ريت حدا يحكيلنا بالتفصيل عن الاداء وان شاء الله يكون الاداء عم يتصاعد من مباراة لمباراة

[سامح-ف]

فوزنا على الطليعة هو المهم

[AMIN]

بالفعل المهم التلات نقاط

[العرقسوسي]

بالتوفيق يا وحدة انا ما شفت المباراة بقا كيف كان الفريق يا ريت حدا يحكيلنا بالتفصيل عن الاداء وان شاء الله يكون الاداء عم يتصاعد من مباراة لمباراة

الوحدة بالشوط الأول كان مو معقول باصات راكزة وتمريرات طويلة ولا أحلى باستثناء انفرادة للشعبو بالعلالي وكولين الوحدةعنجد شغلة يعني والله ملعوبين الأول تسديدة من الخليل من خارج المنطقة متل الصاروخ نطلها الحارس دقت بأيدو وبالعارضة وبعدين بالكول والتاني مرتدة للوحدة بينية من قصي لأاراز ومنو عرضية للسيد بالمسطرة وبراسو بالأرض وبسقف المرمة والطليعة عم يتفرج عل الضغط الوحداوي يعني اذا بيلعبو الدوري كلو متل الشوط الأول الدوري النا مليون بالمية
الشوط التاني انعكست الأية يعني لو في شوية حظ للطليعة كان عادلنا وتقدم كمان بس الوحدة أذا بدو يلعب منيح كان لعب بس كولين على حبيبنا الطليعة وزيادة والوحدة كان عم يتفرج عل اللعبة ويدافع والنهاية أهم شي 3نقط ومبروك لفريقنا وهارد لك للطليعة

[SYRSoccer]

من الان فصاعدآ على الجميم ان يخشى الوحدة.. الوحدة هدير مدمر لمن يقف بوجهةانشاء الله.

[النسر الاحمر]

مبروك للوحدة 3 نقاط وعقبا ل الطليعه ما يصو من نومه

[قطناوي .. وحداوي]

مبروكين على الوحدة هالثلاث نقاط الغالين كتير ..هلا هو صحيح انو المهم الفوز يلي رفعنا منيح على سلم الترتيب وحطنا بالمركز السادس بس فعلاً يجب النظرا بمساوء الشوط التاني حتى ان شاء الله نتلافها ويصير الو بصمتو بالدوري ان شاء الله

[nofear007]

لسا اللياقة ضعيفة لانه وقفت معهم لياقتهم بالشوط الاول و استفذوا كل طاقتهم و بالشوط التاني كانوا خالصين لا طاقة و لا لياقة بس الحمد لله في تحسن كبير

[ابوالعبدالشامي]

احسن شي الثلاث نقاط