من هم أفضل لاعب كرة قدم لعام 2004

[An@s]

برأيك من هو أفضل لاعب للعام الماضي من بين هؤلاء الأربعة

[WASSEEM]

اخواني اعضاء المنتدى...
انا صوتت لماهر السيد و لسبب وجيه...

لأنو ماهر كان الو بصمة على الفريق و كل الفرق بتحسبلو حساب.
2-فريقو بطل الدوري السنة الماضية و هادا شي بياخدو بالاعتبار لما بيصير استفتاء عالمي.
3-زياد شعبو اعد نص الدوري ماشفناه بسبب الاصابة.
4-مابتوقع انو محمود آمنة و لا جهاد الحسين أفضل من نجم المنتخب السوري الأول.

[سعدي]

أخي وسيم أنا معاك بالللي قلته و صوتت لماهر بس برأيي أنو يكون في تصويت و ما يكون ضمن الخيارات أي لاعب من الوحدة لنضمن الحياد .. مع أنو و بغض النظر عن الانتمار الكل بيعرف أنو النجم الأول هو الكابتن ماهر السيد...

[damas_orange]

أنا صوتت لماهر السيد ..(بيستاهل)..

أما زياد كان عندو إصابة ... أما جهاد الحسين فهو لاعب له مستقبل كبير .... أما محمود آمنة فهو لاعب فنان وأنا بشبهو بالذئب يلي بينقض على مدافعي فريق الخصم ...

بس مو ملاحظين أنكم نسيانين الفنان رجا رافع ...

[WASSEEM]

مظبوط http://smilies.sofrayt.com/fsc/doh.gif و الصراحة لو انو كان اسم رجا رافع بالقائمة لما ترددت باختيار اسمو فورا........................... مع الاحترام للماهر.

[WASSEEM]

وين العالم ....شو ماحدا بدو يستفتي...

[waoul2679]

الحقيقة انو الإستفتاء بلا رجا رافع يعني انو النتيجة غير منطقية ابدا وللحقيقة فجهاد الحسين كان كتير منيح السنة الماضية

[waell ghazi]

نسيتوا رجا رافع يلي هو احسن لاعب بسورية

[سعدي]

يا جماعة ما صار شي ... مطالبة الجميع برجا رافع دليل نجوميته و يمكن اهم من الاستفتاء ..........

[abo ziad]

والله بصراحة ماهر مستواه متراجع كتير عن السنة الماضية والاصابة ابعددتو كتير

اما الافضل جهاد الحسين ومحمود امنة اضافة ارجا رافع وسفير اتاسي

بس في لاعب نسيه الجميع وهوي الافضل على الاطلاق في سوريا

مين يا حزركون





















عم يلعب خارج سوريا












الله يسامحكون معقول هيك لاعب ينتسى

فراس الخطيب

[Ammar Alfarawati]

وشادي مرعي...!!

[سعدي]

شادي مرعي ما حدا بيعرف عنو شي بالتفصيل ... كل فترة بينحكى عن تألق بدوري الدرجة التانية بايطاليا .و كل اللي منعرفه انو ناديه ابن مدينة نادي فيورنتينا . و و و ........الخ بس هاد الحكي مو دقيق و مو أكيد و اذا كان صحيح ... وا أسفاه على هيك ادارة منتخب بتترك لاعبيها المحترفين المتألقين(حسب ما يشاع) .