المساعد الشخصي الرقمي

مشاهدة النسخة كاملة : نينادو ظلموك وظلموا انفسهم

mmrdem
02-17-2007, 08:50 PM
بعد النتائج الاخيرة حابب اهدي تحياتي لكل مين طالب باقالة نيناد
وكل مين طالب بمدرب ابن النادي وقلون انوا دارت الايام واثبتت انو لما كنا ندافع دفاع مستميت عن نيناد كنتوا تنتقدونا وتقولوا
انوا نيناد حلص اللي عندو ولازم يتغير على كل الحمد الله طلع حكينا صح بس بعد شو
بعد مالفاس وقعت بالراس
<IBRAHIM>
02-17-2007, 09:43 PM
ليش يا حبيبي اقالة نيناد كانت اساس الخطة يلي ساوتها الادارة برئاسة الحبوباتي لتدمير النادي
أبو الياس
02-17-2007, 11:34 PM
حبيبي حابب خبرك أنو نيناد تمت إقالتو كمان مرة نتالنية من النادي العربي يلي بيلعب فيه فراس الخطيب بعد نتائجو السيئة بالدوري الكويتي.

التغيير مطلوب بإدارة نادينا ومن إدارة نادينا حتى لو لم يصبح هناك فرق
فالرتابة في الأمور تؤدي إلى التراجع في النتائج
wissam82
02-18-2007, 06:22 AM
التغيير مطلوب بإدارة نادينا ومن إدارة نادينا حتى لو لم يصبح هناك فرق
فالرتابة في الأمور تؤدي إلى التراجع في النتائج

التغيير مطلوب بالإدارة مو بالجهاز الفني المستقر .....

ليش أكبر أندية العالم ما بيتغير فيها المدرب لسنوات طويلة ولو مرة فترة ظروف الفريق وصار يجيب نتائج سيئة ..

وعندك أكبر مثال السير فرغسون مدرب مانشستر يلي صرله أكتر من عشرين سنة وما حدا قال خلال هالفترة إنه ,, ((خلص يلي عنده)) وما عاد عنده شي يعطيه للفريق ..

هالكلام غلط ,, بهل سنوات ممكن يحصد سنوات نجاح وانتصارات وممكن تمر عليه بعض النكسات التي لا تؤثر على سمعته وأدائه كمدرب ...

هاد الكلام مو دفاعا عن نيناد ئد مو هو العمل و التفكير باستقرار واستمرار الجهاز الفني للفريق لسنوات طويلة ,, المدرب القدير يلي بيستاهل يستمر ما بيخبي حاله ....
الأدعشري
02-18-2007, 06:44 AM
التغيير مطلوب بإدارة نادينا ومن إدارة نادينا حتى لو لم يصبح هناك فرق
فالرتابة في الأمور تؤدي إلى التراجع في النتائج

يعني يلي بشقني أنو البعض لسى عند برأيو مشان نيناد :roll: :roll: :roll:
شو بدك أكتر من هيك ذل شو بدك أكتر من هيك مسخرة؟؟؟!!!
التغيير مطلوب ورتابة وما رتابة؟؟
عاجبك تغيير المدرب الأكاديمي و بعدين المهرب اللي أجا بعدو ويلي ما بيتخلى عن الفريق حتى لو خسر عشرة صفر و عندك أيمن حكيم اللي ألو أكتر من شهرين ما سك الفريق وما حقق ولا فوز بالدور فمشان الله اعترفو لمرة وحدة أنو الأدارة ظلمت الفريق وظلمت الجمهور..
وظلمت نفسها بالأنتخابات النيابية القادمة :))
النادي يبقى وهم ذاهبون...........
سألله على أيامك يا نينادو
EmadAsfour
02-18-2007, 08:06 AM
حبيبي
ابن الحبوباتي يكره الارض
التي يمشي عليها نيناد
وحداوي موت
02-18-2007, 04:21 PM
لك دخيل ربو نيناد دخيل ربو وقت كان ايد وحدة مص بشار شريف وصفوان نظام الدين وصفوان الحسين
احسن اداري واحسن مدرب واحسن مساعد مدرب واحسن مدرب حراس
لك نيناد وقت دربنا
الاتحاد الحلبي طلبو وقت كان مستلمو الديري
هاني مخلوف رئيس نادي القرداحة قام الدنيا ميشان نيناد يدرب عندو
التحويشة كمان كانوا بدهن ياه لنيناد
الحرية عطوه عرض مرتب ميشان يدربهن
ولعلمك انو كل الاندية يلي زكرتها عروضها احسن من عروضنا بالف مرة
بس الزلمة شبعان وقال ما بدري غير الوحدة لانو حب الشام والوحدة وجمهور الوحدة
مو متل لعيبت نادينا يلي شرشحونا وبهدلونا ادام الاندية كرمال المصاري الله يكسر رجليهن
Ammar Alfarawati
02-18-2007, 04:26 PM
كلكم معكم حق ووجهات نظر معقولة من كل يلي رد قبلي بدون استثناء من يلي طالب بالتغيير ويلي طالب بالابقاء...

بس بحب قول معلومة او تذكير

انو فيرجسون باوربا عايش وفريقه باوروبا ....يعني بالمختصر

اي تطور فني باللعبة قادر انو يكون على اطلاع عليه كمان اللاعبين يلي عنده بتقدر تتقبل التطور هاد ....
wissam82
02-18-2007, 04:31 PM
انو فيرجسون باوربا عايش وفريقه باوروبا ....يعني بالمختصر

اي تطور فني باللعبة قادر انو يكون على اطلاع عليه كمان اللاعبين يلي عنده بتقدر تتقبل التطور هاد ....

أي شخص بيحب شغله وبيتابع مصالحه بيطور حاله بأي مجال مو بس بالرياضة والتدريب ...

يعني مو صعب أبدا انه أي مدرب يبقى دائما على اطلاع بأي شي عم يصير بأوربا وهو قاعد ببيته ,, إما عن طريق النت أو عن طريق الفضائيات ....

وممكن كتير يروح بفترات توقف الدوري يعمل دورات ويحضر محاضرات ......

الشغلة مو شغلة أوروبا وأفريقيا ,, بس الشغلة بالتفكير والعقلية للإدارات و الجمهور .... :))
Ammar Alfarawati
02-18-2007, 04:38 PM
اي حبيبي كلامك معقول بس فكر اللاعب مين بدو يغيرو

بعدين باني توقف من التوقفات بدو يروح (بتعرف عنا الدوري سيري مابيوقف الا كل 15 يوم اسبوع )

هي مشكلة تانية مابيقدر يخطط او ينظم ليحضر دورة يابشط الدوري يافترة توقفه بتتغير ....
wissam82
02-18-2007, 04:42 PM
فكر اللاعب بيتغير مع الوقت ...

يعني المهم يبدأ هالشي ولما تكون البداية باحتراف فني واستقرار اداري ولما يكون عندك مدرب فعلا اسمه مدرب محترف وتعطيه المجال والوقت ليغير رح يغير ...

تأكد إنه أكيد رح يقدر يغير تفكير وعقلية اللاعب ,, ومعه رح يتغير كل شي ....
<IBRAHIM>
02-18-2007, 04:44 PM
طيب انا معك عمار في مدرب بسوريا عندو فكر متطور
Ammar Alfarawati
02-18-2007, 04:47 PM
كلامك مابيزبط الا لتصير الاندية خاصة :syr :fw
M o H a M e D
02-18-2007, 05:25 PM
طيب أنتو ليش مصرين على نيناد و كأنو الله ماخلق غيرو ...
يعني فيرغسون ظاهرة غريبة بكرة القدم و مو قاعدة أبدا ...

بعدين نيناد صحيح حقق نتائج معنا بس ربما طريقة لعب أغلب الفرق بالدوري السوري "ع البركة" ساعدته وكمان الحظ ساعده ...

طبعا انا ضد اقالتو وقت أقيل وخاصة بهالطريقة المخزية .. ومادام كان عميحقق نتائج تركو ..

بس هلأ مابتمنى يرجع أبدا ... لأني عندي ثقة أنو حيفشل لو رجع ..
.
الفريق بدو مدرب على مستوى عالمي يغير فكر الفريق واللاعبين ... طبعا قبل هيك لازم تكون الادارة مهيأة الأجواء لتواجد متل هيك مدرب ... لأنو مافي مدرب عالمي بيرضى يشتغل بهيك ظروف و هيك منشات :idea:
wissam82
02-18-2007, 05:45 PM
طيب أنتو ليش مصرين على نيناد و كأنو الله ماخلق غيرو ...
يعني فيرغسون ظاهرة غريبة بكرة القدم و مو قاعدة أبدا ...

أبو حميد إذا بتراجع ردودي وخاص الرد الأول ...

انا ما عم احكي عن نيناد بالذات ,, انا عم احكي عن أي مدرب محترف بده يدرب المفروض ياخد فرصته ويستمر أكبر فترة ممكنة وخاصة إذا حقق نتائج ايجابية .....

يعني الفكرة إنه الاستقرار الفني والإداري أهم مقومات نجاح الفريق ....
<IBRAHIM>
02-18-2007, 06:16 PM
يعني ما بعرف نيناد فهم علينا وفهم عالدوري وفرقو
جبلنا دوري وكاس وخلال اربع سنين متتالية الفريق ما طلع من بين التلاتة او الاربعة الاوائل
من ايمتا كان الوحدة هيك
انا مو مع نيناد كشخص بس نيناد مدرب فهمان وبيكفي انو هضم الدوري وفرقو ليش نرجع نبلش من الصفر وماتنسو المحبة يلي بقلب نيناد للوحدة اكتر من اغلب ولاد النادي
وحداوي موت
02-18-2007, 07:13 PM
برهوم الله وكيلك يا زلمة كل لعبة وقت كان يدربنا نيناد ووقت اخدنا الدوري تحسها بطولة بحد ذاتها الله وكيلك كل لعبة يلعبها كانوا نهائي كاس
لعبتنا مع المجد ونتيجتها 3 النا 2 للمجد هي لعبة ما بنساها بعمري
لعبتنا مع الجيش وخلصت 1 النا 0 للعسكر يوميتها ماهر حط الكول باخد 5 دقائق
لعبتنا مع القرداحة 1 النا 0 للقرداحة يوميتها وليد الشريق حط ضربة جزاء بلوقت بدل الضائع
لعبتنا مع الكرامة بحمص يوميتها فزنا بحمص واخدنا الصدارة بهدف ماهر السيد
لعبتنا مع الاتحاد يلي بلشام 2 النا 1 للاهلي وحط الكولين ماهر
الله وكيلك كل لعبة من هدول اللعب يلي ذكرتلك ياهن بطولة
تلاقي لعيبتنا عم تاكل الملعب ولعيبة الخصم اكل حاطين بوجهن ال3 نقاط وجمهور الوحدة
ينزلوا على الملعب رجال بكل معنى الكلمة

لانو نيناد كان فهمان يحاول يبعد اللاعبين عن قصص الادارة باي شكل من الاشكال

بس شوف لعيبتنا هلا شلون عم تلعب وشوف اي لعبة من اللعب يلي ذكرتلك ياهن كيف كانوا يلعبوا
لك لعبة تشرين بالاذقية 2 النا 1 لتشرين
لك كل هدول لعب ما بتنتسا ابدا...........


الله يرجع هديك الايام يا رب
michaelko
02-18-2007, 07:58 PM
دوروا على السوس يلي جوات النادي أعداء النجاح عاشقي الفشل صانعي الدسائس والمؤامرات دوروا على أصحاب المصالح الشخصية على مرتزقة الرواتب الشهرية على منظمي السهرات الليلية

إذا وجدتموهم تعرفون لماذا إقيل المعلم نينادو
Ammar Alfarawati
02-19-2007, 08:07 AM
اخ وحداوي موت

ومابتتذكر 3/2 عالجيش كمان وقت نزار درب الجيش

مابتتذكر هلا النتيجة الجيدة امام الاتحاد
ومتل ماقلت
يعني اللاعبين وقت بدهم شي بيقدروا يعملوا رغم الظروف السيئة

الشغلة مو بس بنيناد منجيب نتائج باي وقت ومع اي مدرب جيد مو ممتاز
بس اي مدرب ماعندو لاعبين متفهمين معو وبدهم يا (حط خطين تحت اخر كلمة بدهم يا) مابينجح ابدا متل ماصار مع منصور...
أبو الياس
02-19-2007, 01:07 PM
ولعلمك انو كل الاندية يلي زكرتها عروضها احسن من عروضنا بالف مرة
بس الزلمة شبعان وقال ما بدري غير الوحدة لانو حب الشام والوحدة وجمهور الوحدة


هاد الحكي مو منطقي بنوب
هدول أجانب مو شرقيين وعاطفيين

خود أبسط مثال أندريه بيتس

شو صار معو؟ حالف يمين ما يرجع للوحدة
وكازو خالص وعمر الرياضي انتهي

ونيناد كان الظروف بوقتها أحسن من ممتازة

بس هو مدرب عادي
mmrdem
02-19-2007, 08:50 PM
بس هو مدرب عادي

ازا عادي وجاب هالنتائج لكن مدربينا الوطنيين يلي خسرونا بالخمسة والاربعة شو تصنيفون عندك؟؟؟؟؟
وحداوي موت
02-20-2007, 05:47 AM
اخ ابو البقاء حبيبي
كم مرة قرائنا بلجريدة انو ماعم يدفعوا اقساط
مدرسةاولاد نيناد واقساط السيارة يلي راكبها وراتبو ما كان ياخدو بوقتوا
كم مرة سمعنا هل شي

شفت العرض يلي اجاه لنيناد من نادي الاتحاد عن طريق بسام الديري وكل الجرايد حكت انو العقد احسن من عقد نادي الوحدة

وهاني مخلوف عطاه عرض لتدريب القرداحة احسن من عقدنا


الزلملة ليش ما راح