ممكن سؤال ؟ بس صبروا علي

[ماريا الشام]

السلام عليكم جميعا

بدكم طولو بالكم علي انا جديدة على هل شغلات ومابفهم بالرياضة :f)


اذا سمحتو قولو لي الفرق من اي محافظات بسورية؟

انا ما بعرف غير الوحدة انو من شام لاني بشارك معكم واكتشفتو لحالي :mrgreen:

وكمان الاتحاد من حلب لانو عرفت انو اعداء معهم انتو وخصوصا قرأت موضوع عن ابو عبالة او عباية او عبادة نسيت بالضبط شو اسمو وبعتذر منك اذا غلطت باسمك ,متت ضحك شو بتحكو عنو :mrgreen:


والباقي من وين :oops:


وشكرا على صبركم علي


وئلولي كمان الوحدة شو ترتيبو وليش خايفين عليه ؟

:f) :f)

[wissam82]

أهلين ماريا ....


وين هالغيبة ...... :evil: :evil:


المهم :


والباقي من وين

ئليلي أي فريق بدك تعرفي من وين لنجاوبك ...


ومشان ترتيب الوحدة ,, صار ترتيبنا العاشر من أصل 14 فريق ..

يعني بعد ما كنا بالمواسم الأخير بين 3 الأوائل ودفاعنا أقوى دفاع ,,

صرنا هلئ أضعف فريق والأهداف بتدخل علينا أكتر من الهوا .... :cry: :cry:

[<IBRAHIM>]

وكمان الاتحاد من حلب لانو عرفت انو اعداء معهم انتو

:twisted: :twisted: :twisted: :twisted:

[M o H a M e D]

1- الإتحاد الحلبي
2- الكرامة الحمصي
3-الطليعة الحموي
4-الجيش ع الأساس من دمشق
5-المجد كمان دمشق
6-حطين من اللادقية
7-تشرين كمان من اللادقية
8-القرداحة من القرداحة
9-الفتوة من دير الزور
10-الوحدة برتقالة الشام
11-الشرطة ع الأساس من دمشق
12-جبلة من جبلة
13- الوثبة حمصي
14- الحرية حلبي
...........
ان شاء الله كون زدت معلوماتك الرياضية ...

ونحنا أغلبنا مالنا خايفين بقدر مو زعلانين على وضع الفريق يلي دائما كان ينافس ع الصدارة وهلأ هو عاجز عن الفوز

[abbudy]

في الجيش + شرطة + مجد + وحدة من الشام
الكرامة ووثبة من حمص
اتحاد اللي بتعرفيه وحرية من حلب
حطين تشرين جبلة والقرداحة ..من اللادئية والساحل السوري ( الجميل )
الفتوة من دير الزور
الطليعة ...الله يسلمون ..من حماااااااه

[wissam82]

بعدين شو بدك بوجعة هالراس ...

نصيحة مني خليكي بعيدة عن الرياضة السورية بتريحي راسك ,,

بلا ما يصير معك أمراض ضغط وقلب وجلطات دماغية وقلبة وهيستيريا نفسية ....


خليكي هيك على الأوربي أريح .....

[abou malek]

وخصوصا قرأت موضوع عن ابو عبالة او عباية او عبادة نسيت بالضبط شو اسمو وبعتذر منك اذا غلطت باسمك ,متت ضحك شو بتحكو عنو


:mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen: :mrgreen:

[lion]

بعدين شو بدك بوجعة هالراس ...

نصيحة مني خليكي بعيدة عن الرياضة السورية بتريحي راسك ,,

بلا ما يصير معك أمراض ضغط وقلب وجلطات دماغية وقلبة وهيستيريا نفسية ....


خليكي هيك على الأوربي أريح .....

أي والله

[smalk]

4-الجيش ع الأساس من دمشق


11-الشرطة ع الأساس من دمشق


الجيش هو اسم ولا فعل يعني الي بالجيش بيلعب بالفريق

[mmrdem]

الجيش هو اسم ولا فعل يعني الي بالجيش بيلعب بالفريق

لاء مضاف اليه

[محمد الأهلاوي]

وكمان الاتحاد من حلب لانو عرفت انو اعداء معهم انتو

مو حلوة منك هي الكلمة
الاتحاد و الوحدة مو أعداء بس في تنافس بين الناديين بالقدم و السلة
و في كمان حساسية بتمنى تزول بين جمهور الناديين
نحنا كلنا إسلام و نبينا واحد
الله يسامحك

[wissam82]

وكمان الاتحاد من حلب لانو عرفت انو اعداء معهم انتو

مو حلوة منك هي الكلمة
الاتحاد و الوحدة مو أعداء بس في تنافس بين الناديين بالقدم و السلة
و في كمان حساسية بتمنى تزول بين جمهور الناديين
نحنا كلنا إسلام و نبينا واحد
الله يسامحك
يا أخ محمد

حتى ماريا ما بتقصد بكلمة أعداء إنه أعداء بمعناها ,,,

القصد إنه غريم تقليدي أكيد ,, وتنافس كبير .... :)) :))


وكلنا أبناء بلد واحد رائع اسمه سوريا ...............

[ماريا الشام]

وين هالغيبة ......


هون بس انت ما بتشوفني :wink:



ومشان ترتيب الوحدة ,, صار ترتيبنا العاشر من أصل 14 فريق ..

يعني بعد ما كنا بالمواسم الأخير بين 3 الأوائل ودفاعنا أقوى دفاع ,,

صرنا هلئ أضعف فريق والأهداف بتدخل علينا أكتر من الهوا


يييي ليش هيك فريق العاصمة لازم يكون الاول دائما



1- الإتحاد الحلبي
2- الكرامة الحمصي
3-الطليعة الحموي
4-الجيش ع الأساس من دمشق
5-المجد كمان دمشق
6-حطين من اللادقية
7-تشرين كمان من اللادقية
8-القرداحة من القرداحة
9-الفتوة من دير الزور
10-الوحدة برتقالة الشام
11-الشرطة ع الأساس من دمشق
12-جبلة من جبلة
13- الوثبة حمصي
14- الحرية حلبي
...........
ان شاء الله كون زدت معلوماتك الرياضية ...






شكرا على هي المعلومات اول مرة بعرفها الله يوفق الوحدة





ونحنا أغلبنا مالنا خايفين بقدر مو زعلانين على وضع الفريق يلي دائما كان ينافس ع الصدارة وهلأ هو عاجز عن الفوز



معكم حق ولو انو ما بفهم برياضة :(



في الجيش + شرطة + مجد + وحدة من الشام
الكرامة ووثبة من حمص
اتحاد اللي بتعرفيه وحرية من حلب
حطين تشرين جبلة والقرداحة ..من اللادئية والساحل السوري ( الجميل )
الفتوة من دير الزور
الطليعة ...الله يسلمون ..من حماااااااه



شكرا عبودي على المعلومات الاضافية :f) :f)


اذا الجيش والمجد وشرطة من الشام ليش ما بتشجعوهم كمان ؟؟



بعدين شو بدك بوجعة هالراس ...

نصيحة مني خليكي بعيدة عن الرياضة السورية بتريحي راسك ,,

بلا ما يصير معك أمراض ضغط وقلب وجلطات دماغية وقلبة وهيستيريا نفسية ....


خليكي هيك على الأوربي أريح .....


سلامتكم انتو لا تحملوها كتير وتعصبو

مالي علاقة لا بالعربي ولا بالاوربي بالرياضة بشارك معكم لانكم من شام بس ولاد بلدي



مو حلوة منك هي الكلمة
الاتحاد و الوحدة مو أعداء بس في تنافس بين الناديين بالقدم و السلة
و في كمان حساسية بتمنى تزول بين جمهور الناديين
نحنا كلنا إسلام و نبينا واحد
الله يسامحك



والله يا محمد الاهلاوي ما بقصد شي

قصدت انو في حساسية وتنافس بينكم بتمنى انها تزول هل الامور

انا حكيي متل ما شفت بهدا المنتدى وبمنتدى الاتحاد

دخلت على منتدى الاتحاد مرة بالصدفة في واحد حاطط بتوقيعو لينك المنتدى تبعكم وقرات مواضيع فيها كاتبينها عن الوحدة .

لهيك قلت هل الشي وانا مو فهمانة شي من هل الامور كلها

وسامحني :f) :f)

[سعدي]

اذا الجيش والمجد وشرطة من الشام ليش ما بتشجعوهم كمان ؟؟


لأنهم ما بيمثلوا دمشق ..
بالاسم فقط بيمثلوا دمشق ..
يمكن من المرات القليلة اللي منشوف منك موضوع رياضي ..
يلا مو مشكلة المهم نشوف مشاركات منك على طول ..

[هنو]

اذا الجيش والمجد وشرطة من الشام ليش ما بتشجعوهم كمان ؟؟

فشرت عينتيهن التنتين



الوحدةو بس

[abou malek]

/ين فال انو الحساسية بين الاتحاد و الوحدة رياضية

طول عمرها الحساسية بين الناديين على خافيات كتيرة و انا بعتبر الاهلاوية اعداء

[EmadAsfour]

في فريق البدرجة الثانية

اسمه ابو حردوب

بس انا ما بعرف من وين صراحة

[Abu Waseem]

من أبو حردوب :tong

[الأدعشري]

كيفك ماريا خانم
وين هالغيبة وشك ولا ضو البيل :mrgreen: ..
متل ما قللك أب فهد أنو أبو حردوب تابع لمحافظة حما و فريق سقيلبية على ما أعتقد
بس من أنو محافظة من سوريا أنت ؟؟

[messi]

ليك يا الله
نحنا وين وانتي وين :evil: