من وراء اقصاء المواهب الوحداوية تابعوا معنا .... التقارير

[EmadAsfour]

كان يا ماكان
كان في نادي اسمه الوحدة الدمشقي المميز بانتاج افضل الناشئيين السوريين الذيين

يمدون المنتخبات بافضل المواهب

منذ فترة توقفنا مع احد نجوم شباب الوحدة

الاعب السابق

طارق رمضان وروى لنا قصة ابعاده عن الوحدة الدمشقي

والذي كان وراء ذلك احد المدربيين السابقيين

غياث الشايب
والسبب : بان هذا المدرب لا يقوم باشراك الاعبيين والمواهب الا اذا كان هنالك مصلحة من وراء هذا الاعب

وللعلم يوجد وكان في هذا الفريق من الاعبيين البرتقاليين الذين تعايشوا مع
هذا المدرب (الشايب)
مع العلم
بان الكابتن والمدرب القدير(نزار محروس) توعد ل طارق رمضان بمستقبل رائع
واكد على المدرب القادري (مدرب الناشئيين ) بالاهتمام بهذا الاعب
وكان صاحب رقم 9

وفي احدى ذكريات هذا الاعب بان اشركه المدرب ابو حامد
ضد احدى المباريات مع فريق دوما للرجال
واستطاع هذا الاعب اثبات نفسه
ولكن عند مرحلة ترفيع الشباب ظلم عدة من هؤلاء النجوم

مع العلم مدرب ناشئي الكرامة السابق (محمد جمعه) ابو غازي


عرض على الاعب طارق الانضمام لصفوف الكرامة ولكن ابى الكابتن طارق من الانضمام للكرامة

وفضل التفرج على دكة الجمهور البرتقالي ليبقى عشقه الوحيد والابدي

الوحدة الدمشقي

فهل يا ترى سوف يصل صوتنا للمعنيين الاداريين ليعرفوا مدى الاهتمام بالقواعد

وخاصة يتميز الاتحاد الحلبي بانه مدرسة ومفرخة من النجوم السوريين

اما نحن نبحث عم من يكارم المدربيين من اجل ترفيع الاعبيين

ومن هنا نقول للكابتن طارق باننا كلنا متاكديين من نجوميتك وخاصة بانك من اهم وابرز اشبال

وناشئي سوريا
وخاصة باحرازه عدة بطولات محلية تشهد عليها جريدة الاتحاد الرياضي










************************************************** *

ومن اهم ابعاد النجوم في مجال السلة الوحداوية

المشرف والعضو المميز ايهاب جباصيني وخاصة وغالبية من يشاهده
في نادي الوحدة يستغرب لماذا لم يتم اشراك هذا الاعب مع فرق البرتقالي

ايضا ربما لاجل مصالح شخصية حسب المشرفيين السابقيين على كرة البرتقالي


ومن بعده كما يقول من شاهد هذا الاعب

هو المخضرم الرائع

الاعب انور تباع

كل من شاهده قال بدون مبالغه هذا خليفة انور عبد الاعب بالثلاثيات

وهذا الاعب كيف واين ومن وراء ابعاد هذه الموهبة

وانا من هذا المنتدى واقولها وانا مسؤول عن كلامي

من الاداري الذي سوف يرد علينا

[syria alasad]

هلأ في شغلة معروفة للجميع

انو نادي الوحدة يمتلك الكثير من المواهب

لكن مادامت المصالح الشخصية هي الطافية على السطح فبحياتنا لن نحلم بفريق شاب

حتى الجيش أصبح يفرخ نجوماً كل سنة
إلا الوحدة


كيف ولماذا ؟ لا أحد يعرف ......

[inzaghi 9]

هيدا حكي من زمااااااااااااااااااااااااااااااااااااااان :cry

بس وين ومين بدو يسمعني
لأنو ما حدا لحدا بالنادي :roll:

أنا لعبت لفترة أقرب بالشهر بنادي الوحدة

ولكن تركت بسبب سوء المعاملة من الإداريين ولا أخص أحد بكلامي

لأ أنون بيعرفوا حالهم :m(

ومشان قررت أنو ما ألعب بأي نادي :bd)

أنا عم بحكي هيك مو يعني أني عم بحكي عن حالي

بس أنا بقول أنو ليش ما في اهتمام بالوحدة باللاعبين الجدد

قبل ما ينحكم عاللاعب شوفوا لعبوا
:cry:

حتى أني جبت للنادي أحد أفضل لاعبين المجد بالناشئين بالسابق أحد أصدقائي

وكان حتى ذلك الوقت يملك كشفه ويمكنه اللعب لأي ناد

ولكن صدمت بالرفض من قبل ناد الوحدة بعدم قبوله مع أنهم لم يجربوه أصلاً ....؟؟؟

مع العلم أنه الآن مقيم في الإمارات ويلعب لشباب نادي العين ؟؟؟ :!:

إلى متى ستبقى هذه الحال يا نادينا

أنا ما عم بحكي إلا بصفتي غيور على مصلحة نادينا ؟؟؟؟

فإلى متتتتتتتتتتتتتتتتتتتتتتتتتتتتتتتتتتتتتتى :?:

[وحداوي موت]

لك الله وكيلك لسا في لعيبة كانت تلعب بدوري الشباب وقت كان مع دوري الرجال نشوف كل لاعب احسن من التاني بس وينن هلا الله اعلم ان كنت بحلم يا حبيبي

[وحداوي مكسور]

والله كلالالالالالالامك مزبوط ميه بالميه وانا بعرفوا منيح لهاداللاعب طارق رمضان كان عندو شمالية مالها حلية.بس شو بدويحكي الواحد!!المستلمين قواعدالنادي مو مزبوطين كلهم مصالح.يلي بطعميهم بيلعب ويلي لابينحط على الخط

[EmadAsfour]

اما الان

اريد فقط متى اخر مرة كان بها نجم ناشئ مميز قدم للمنتخبات من قدم وسلة شيء يذكر
وهذه الموهبة
هي صنع في الوحدة

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

رحمة الله على الضمائر الشجاعة السابقة في احياء المواهب الصغيرة
اما الان
لا رحمة الله على هذه الضمائر التي تدمر المواهب المميزة

[Ammar Alfarawati]

هالحكي موجود

وبفترة من الفترات طبعا من وقت منيح تقدمت لانضم للناشئين ماحدا رد عليي رحت واجيت اكتر من مرة

اخر شي ماعرفوا كيف بدهم يخلصوا مني لحشوني وقلولي روح شوف تمرينا وبعدين منحكي

"ومنجربك اذا منيح او في موهبة بتبقى اذا لا الله معك بس ماصار هالشي لان حسيت في تطفيش من قبل التجريب ورجعت بس متاكد اني ماكنت رح اتجرب حتى."


(هي وقت كان مستلم ابوحامد وكنا بالتانية)

بعتقد المشكلة عامة وقديمة ومستمرة.

[wissam82]

والله فعلا شي غريب ,, يعني أكيد هالشي مو لمصلحة حدا ,, فليش هيك بيعملوا ..؟؟؟؟؟

ومتل ما قال عمار من زمان هالقصة ,, انا لما كنت بالابتدائي لسى رحت كمان على النادي لما كان بملعب تشرين مشان سجل ,,, أم ما حدا عطاني وجه وصاروا يماطلوا...

أم سجلت بنادي المجد وانكسرت رجلي ,, أم بطلت المصلحة كلها .... :mrgreen:



المشرف والعضو المميز ايهاب جباصيني وخاصة وغالبية من يشاهده
في نادي الوحدة يستغرب لماذا لم يتم اشراك هذا الاعب مع فرق البرتقالي

بالنسبة لإيهاب ,, كمان من حظنا ,, لأن لو صار بالنادي ولاعب مشهور وخليفة أبو النور

كان شاف حاله علينا وما كنا تعرفنا عليه .... :mrgreen:

[<IBRAHIM>]

الله حيو ايهاب تاريك مو قليل طلاع لعندي للعبك مع فريق الجامعة وبعدها بوشك على nba
انا كمان بعرف لاعب بشباب الوحدة بيعشق شي اسمو الوحدة واكيد افضل من 3\4 اللعيبة الموجودين تم استبعادو واسمو مرة انذكر بالرياضية محمد قصار وبلا سبب بس لانو ما عندو واسطة

[Ammar Alfarawati]

لانو ما عندو واسطة


هي هية :))

[<IBRAHIM>]

ولسا يا عمار ما خفي اعظم بس ما في داعي على اي اساس نذكر طرق اختيار اللعيبة
شي بيأسي

[EmadAsfour]

والواسطة من وين بتجي يا شباب

فعلا انتم يا مسؤولوا القواعد

انتم في قلة عدم الاهلية في منصبكم

وعيب ما تفعلونه

[wissam82]

فعلا انتم يا مسؤولوا القواعد

انتم في قلة عدم الاهلية في منصبكم

وعيب ما تفعلونه

ما بتوقع مدربين القواعد إلهم علاقة ....

القصة أكبر منهم .....

[inzaghi 9]

[quote]

ما بتوقع مدربين القواعد إلهم علاقة ....

القصة أكبر منهم .....

العفو أخي وسام بس بصراحة

ما بدنا نح أبعاد أكبر من القصة

القصة محصورة في مدربي القواعد وبس

واللي عاشرهم بيعرف هالشي

؟؟؟؟؟؟؟؟؟؟؟؟؟؟ :m( ؟؟؟؟؟؟؟؟؟؟؟؟؟

الواسطة أولا :m(

:)) :)) :)) :)) :))

[EmadAsfour]

يعني القصة

مثل شرطي المرور سيد وسام


************************************************


كان نادي الوحدة بالسلة

له فرق اشبال الف
اشبال ب

وناشئيين الف

وناشئيين ب

وشباب الف وشباب ب

والان نجد نفس اللاعبين تلعب في فريق الشباب والناشئين

وكان النادي لا يحوي غيرهم

اين لا عبين القواعد بالنادي

ومن المسؤول عن اقصائهم وابعادهم عن النادي

والسبب الرئيسي في تراجع سلتنا هو غياب هؤلاء اللاعبين الذين كانو يمثلون القواعد والامل بالنادي

[syria alasad]

يا سيدي انا بقول وبحدد اسم

مدرب الناشئين محمد خليل

ضل سنة يرفضني وما يرضى يجربني
لحتى مرة عمل مباراة مع فريق الناشئين وقبلني على مضض
وبعد فترة اضطريت غيب 15 يوم لأنو انكسرت ايدي ولأنو كان عندي فحص تاسع
رجعت وما رضي ارجع اتدرب
ووقتها صرت ابكي دم من حرقة قلبي
وما رضي وما رضي

مع انو وقتها كنت العب مع ناس اكبر من بعشر سنين

بس الله يسامحو

وانا لهلأ بحقد على هالزلمة
ولح ضل طول عمري

وانا مو اول ولا اخر لاعب بيعملو معو هيك

[D@do]

والله ياعماد حطيت ايدك ع الجرح
نحنا لازم يكون عنا الفئات العمرية اقوى من هيك بكثير
ومالنا بحاجة نشوف فريقنا هي السنة تحت بند المحترفين لعيبة كلهم من محافظات مختلفة
نحنا منعرف انو الوحدة فريق الشام والشام فيها مواهب كثيرة
مثل ايهاب وطارق هي المواهب مالازم تندفن


بتعرفو مرة اسمعت من لاعب بفريق الرجال وهو عم يلعب هلاء بالفريق
انو مرة عملو معو مقابلة اذاعية قام سألوه سؤال روتيني
مين بتعتقد يستلم محلك بالفريق
قام قال اسم لاعب مغضوب عليه وهو لعيب قامو عليه القيامة بالنادي
عوجاااااااااااااااااااااااااااااااااااا

[أبو صخر]

والله معكم حق شباب
يعني هي مشكلة كل النوادي السورية فلا تزعل وائل
بس بالشام على أكتر بكتير وخصوصا سلة
مثلا بحلب المدرب بخليك فورا تتمرن مع الناشئين من فئة أ
وبعدين اذا شافك ناقصك لياقة بعيفك مع الفريق
لا تزعلو مني بس الحرية كل لعيبتو من المنتخب لهالسبب
لأنو بيعطي الفرصة لأي شب :)) :))


ايهاب حسب ما سمعت عنو حرام ما يلعب بالفريق الأول
بس نصيحة مني ئلك
لا تترك الهندسة للعب ووين بسوورية
بتكون عمتنتحر وأنت عايش

[عادل مرتضى]

يعني متل موشايفين وهي واحدة من أبسط المشاكل بالنادي وماخفي كان أعظم

[M o H a M e D]

لك وأنا كمان ياشباب موهبة مدفونة :mrgreen: :mrgreen: :mrgreen: :mrgreen:
.
عنجد ياجماعة الأمثلة كتيرة عن المواهب يلي بالشام ان كان بالقدم أو بالسلة .... بس المرض معروف... بدنا انتي فيتامين واو ليمشي الحال :|

يعني مثلا أنا بفترة من الفترات كان بيصحلي ألعب بفريق النادي لأنو كان عندي هالفيامين بس والله أهلي كانوا رافضين الفكرة تماما ...

[<IBRAHIM>]

انا مستعد دلكون على لاعبين بالشام حاليا اعمارون 20 سنة افضل من الامنة والحسين بس بدك مين يقدر وانا عند كلمتي افضل من الامنة والحسين

[EmadAsfour]

فريقنا فريق بهورات

وبروظات

[anwar1986]

شكرا لعماد عصفور على موضوعك أنت رفيق مخلص وانا بعد يلي صار بالوحدة معي خليت كرة السلة هواية ومع أنو نادي الوحدة حرقني وحرق غيري كتير متل أيهاب وووو بس انا وايهاب ضلينا بنحب النادي لأنو النادي الصراحة بدمنا والصراحة اكتر حبيت النادي باعضاء المنتدى كاملا لأنو جميع أعضاء المنتدى أكابر وبيستاهلو كل خير

[lion]

والله فعلا شي غريب

[أغيد الفرا]

و الله اذا بضل بحكي مية سنة عن يلي شفتو بفريق الناشئين ما بخلص

انا تركت النادي من قفا هالشغلة

يعني مو كل الفريق واسطة طبعا .. بس فيك تقول ستة من ابناء النادي و الباقي واسطة

لك

خليني ساكت أحسن :(

[أبو جورج الوحداوي]

أنا أكثر واحد قادر على فضح الأداريين و المدربين بهل النادي


مستعد اذكر اسماء 500 لاعب تم ابعادهم من النادي لأسباب غير رياضية

واحد حب يلعب سلة قام الأداري الاوحد بالنادي ما عجبو نوع حذائه فقلوا روح حبيبي

ونفس الأداري قل لواحد أنت وين لعبان قلو بالثورة
فلو أي خليك هنيك

هادا اللاعب حاليا من افضل مواهب سوريا


و لسه في مئات الحالات يلي بعرفها

بالقدم شرحوا

مستعد ذكر المدربين بحالات للاعبين منعوا من التمرين مع الوحدة كرمال وجبة أكل او طلب تاني



هادا يلي بقلكون عنو بناء مجد الشخصي للمدرب أو للأداري على حساب النادي


و أنا عند كلامي و مسؤل عنه حرفيا

برجع بقول مستعد أذكر 500 حالة اذا مو أكثر عن أناس تم أعادهم عن النادي لأسباب غير رياضية

[EmadAsfour]

يا ريت يا شادي

تكتبنا كل شيء بموضوع جديد

[M anas sheekh aly]

و الله يا شباب انا كان اسمي ملك الشوط بمدرسه ابن خلدون
و احمد عربشه شافني عم العب بملعب تشرين و ترجاني ترجي اني فوت عالوحده
و قلتلو ابي ما بيحب هالمصلحه قام اخد تلفون الوالد و حكا معو و اعد يشرحلو المستقبل الباهر اللي عم يستناني مع الوحده
وقتها و الله و الله باسل ريا و رضوان حسب الله ما كنا حتى نخليهون يجيبو لنا الطابه من ورا الباسكت
بس محمد الحلبي حمل كرامه للكركوتليالكبير صاحبو و قشطلي عالناعم بعد خناقه مع الصغير
يللا سيدي طلع في متلي متايل

[الدومري]

حتى الجيش أصبح يفرخ نجوماً كل سنة
إلا الوحدة

:evil: