رسالة الى ادارة ولاعبي الوحدة قبل فوات الاوان

[حمودي اليوفاوي]

الوحدة بالمركز الثاني عشر برصيد 13 نقطة وبشاركو بهالرصيد 4 فرق
يعني اصحاب المراكز التاسع و 10 و 11 و12 عندهم نفس الرصيد
ووراهم الوثبة ب11 نقطة والاخير الحرية ب8 نقاط

-----------------------------------------------

بس حابب انبه ادارة ولاعبي النادي ..
انو لو ما جاب الوحدة النقاط كاملة من مباريات الوثبة بحمص
وجبلة بالشام والحرية بحلب وهي المباريات التلات القادمة للوحدة
فنحنا 90 بالمية بالدرجة التانية .. او على الاقل 7 نقاط من اصل9
وهي رح تكون نقاط مضاعفة لانها مع الفرق اللي عم تنافس الوحدة ع البقاء

وخلينا نحكي بصراحة .. دورينا هو دوري تطبيق النتائج.. واكبر مثال جبلة
اللي بكل سنة بكون مركزو الاخير ويا دوب جايب عشر نقاط بكل الدوري ..
باخر خمس مباريات بصير فريق اوروبي ومستحيل يخسر حتى مع افضل الفرق العالمية
وبينجو من الهبوط !!!!!!!!!!!

فهالنظرية ما رح تمشي مع الوحدة ..
لانو الوحدة رح يلعب باخر الدوري مع فرق مستحيلل تتخلى عن نقطة وحدة
لانها فرق منافسة على اللقب متل الاتحاد بحلب والطليعة بحماة والكرامة هون
والشرطة هون وهو بكون عم ينافس الوحدة ع البقاء ..

يعني بجد .. اذا ما مشي حالنا بالــ 3 مباريات القادمة وجبنا 7 من اصل 9
نقاط على الاقل فعلى الوحدة السلام ..

الا هل بلغت .. فاللهم اشهد

[wissam82]

ما حدا لحدا يا حبيبي ما حدا لحدا ............

[وحداوي موت]

والله يا حمودي كلامك صح مية بلمية
واكبر دليل نادي جبلة


والحرية يلي خلفنا شوف الدعم يلي عم يجيه هلا ملاعب تمرين بدمشق مع انو اندية دمشق ممنوعة من التمرين بلعباسيين


ونفس الشي جبلة اخس خمس او ست مباريات بيصير اوروبي يعني الوضع بيسخوف كتير

والله اصيل بس هالكلام ما حدا من الادارة لح يسمعو بتعرف القيشاني مشغول
بصالون الحلاقة ومو فاضي بتعرف اخي حمودي لازم كل مبارة بيخسروها او بيتعادلو فيها
يخصمو 2000 ليرة لحتا يزوقو على حالهم وهدا اللام ليش لجميع الااعبيين مع احتامي
لماهر الكرة السورية ول ازرو خفف وزنك
يا بيروتي ما عندك تم يحكي بالملعب لك استغل طولك وجه اللعيبة
يا اياد شو صاير عم تشرب دخان ايه كنت تهجم شو صرلك
ولك علي خليل شبك ما عم تستحكم الطابة جيب بوط على مقاسك
اما خراط اب زحطة كل شوي بيظحط شد حالك يا زلمي بالبيت كل يوم 10 ضغط و6 نطات لفوق
اما ماهر يطلع على قبر ممتاز بس بتمنالو كل التوفيق بس لو تحمس اللعيبة بون شيء ايجابي
وينك قصي وينك يا سفير تركماني وين جنانك مع الكرامة مشان الله جن 10 بالمئة من جنانك
وليد انت مظلو يا كابتن حكيم عندك خبرة شبك اطلع مو شايف الشريف
عبد الهادي شد حيلك بس شوي
يا معتصم بيكفيك بنات عيب خلص شو شغلك خلينا ساكتين مو مهند
والى جميع لاعبي الدفاع بس تنتهي الهجمة ساوو سباق لمنطقة الجزاء تبعكون ايه


سلام يانيناد بحبك تعا خلصنا :syr :fw :fb :s_real :cons

[سعدي]

كلام صحيح
و بتمنى ما نوصل لهالمرحلة
لانو وقتها نحنا الخاسرين
نحنا الوحيدين اللي مو خرج نطبق ..

[syria alasad]

والله يا حبيبي كلامك ع العين والراس
وفعلا لازم ننتبه قبل ما توقع الفاس بالراس

لأنو هالـ 3 مباريات هي الاهم
ولازم نفوز فيها

[عادل مرتضى]

برجع وبقلكم أنه الموضوع نفسي موفني أبداً :fl

[lion]

كلام صحيح

[هنو]

هلأ هيك صار بالوحدة
و أسفاه على هالزمان وأسفاه

[nation]

يا ريت بس نجيب تعادل معهم

[abou malek]

ادارة الوحدة :bd) :bd) :bd) :bd) :bd) :bd)

[الرومانسي الحزين]

مو بس الادارة نايمة واللعيبة كمان بس باذن الله الكابتن ايمن راح يصحيهم

[mmrdem]

والله غلطانين بالعكس من حظنا ازا بننزل عالتانية اصلا الوحدة ماصار ينافس وتحسنت امورو الا لما نزل عالتانية

[الأدعشري]

على الدنيا السلام حينما رفضت ال
الإدارة الأستقالة على الدنيا السلام حينما أصبخ النادي بوابة لتصفية الحسابات و المصالح الشخصية على الدنيا السلام لما الجمهور صار متلو متل اللعبة ساعة بأيد الأدارة وساعة بأيد اللعيبة وساعة بايد أعضاء الادارة و بألأخير لح نروح دعوسة بين الرجلين إن لم تعالج الأمور من قبل الجهات العليا

[السوري الدمشقي]

ضايعة الطاسة والى الدرجة الثانية المسير ...................... :D هيك الرؤيا بظل المعطيات التاريخية لادارة النادي ؟؟؟؟؟؟؟ :roll: :roll: :roll: