التهديد بعدم حضور لعبة المنتخب

[أبو وسام]

يا شباب عيب يلي عم يصير باتحاد الكرة

لحنا كلنا بنحترم المدرب محمد قويض وقراراته

وما في حدا بالعالم بيقدر يحكي ولا في يراهن على حبنا لوطننا ورئيسنا المفدى

وقت يلي كان تصير لعبة بالمنتخب ببقاقي المحافظات وما يحضرها جمهور

كان ملعب العباسيين يتعبا على أخره في لعبة المنتحب

شو دخلنا نحنا إذا اتحاد الكرة دخل الجماهير ببلاش بلعبة الإمارات ودخله
كل شي حشت نشت بالبلد

وقت يلي ما كان حدا يلعب منيح بالمنتخب كان ماهر السيد يلعب من قلب ورب
والأمثلة كثييرة

باعتراف الصحف السعودية والسورية والعربية ماهر السيد أحسن لاعب بالمنتخب

عيب والله عيب

[Ammar Alfarawati]

بس هنن هيك بدهم انو جمهور الوحدة يبين السئ من بين الجماهير الباقية , نحنا لازم نثبت العكس تماماً ...

[أبو وسام]

يا سيد عمار والله عيب
لحد وين بدنا نضل ساكتين على هالقرارت

[WASSEEM]

انا برايي نحمل شي لافتة نطالب فيها بماهر السيد للمنتخب

[أبو عامر]

لك حبيبي انا صح شفت ماهر السيد بنفس جديد بس انا برأيي انو محمد قويض ما حدا بيسترجي يأثر عليه واكيد الو وجهة نظرو

[Ammar Alfarawati]

انا برايي نحمل شي لافتة نطالب فيها بماهر السيد للمنتخب

هيك معقولة .,. بس الشباب عم تطالب بعدم الذهاب او ردة فعل وهاد يلي بدهم يا هنن بالاصل.

[هنو]

ماهر السيد انظلم



و الله لا يوفق السبب



و ماهر السيد أفضل لاعب بسوريا

[أبو عامر]

انا لما بروح بشوف مباراة للمنتخب لانه اسمه منتخب لاني بحب شوف فريقي اما اذا ما بروح بيكون المنتخب تابع لعلان وفلان بس المنتخب مشان ما نضحك على بعض محمد قويض ضبطه وخلال اسبوعين ساوا شي ما حدا بيقدر يساوي ليش لحتى نكون كاذبين مع نفسنا انا على يقين انو قرار ابعاد ماهر السيد هو قرار محمد قويض ولا احد يستطيع احد التدخل بعمل ابوشاكر وهو انسان بيخاف الله وعندو شغلو فوق كل شي وممكن كلنا شفنا ماهر انو منيح بس هو شافو مو منيح ممكن يكون منصاب وبدو يرجعه يعني ليش بدنا شغلة لنستلمها انا على يقين انو مافي بنزاهة ابوشاكر ابدا ولافي اي مدرب بسوريا بعقليته ولا حدا بدون اي استثناء والكل يعرف معنى كلامي ابوشاكر عقل احترافي ويعمل باحترافية والا لما وصل بالكرامة للمراتب العليا

[أبو عامر]

لا والله يا هاني جهاد الحسين افضل من ماهر بكتير بكتتتيييييييييييييير

[أبو عامر]

بعدين ما بدنا ننسى انو في حاليا بخط الوسط لاعب جديد اسمه لؤي شنكو

[همام]

أنا برأيي خلينا نحترم رأي المدرب بما انه هادا الرأي محسوب عليه ... و بعدين لكل حادث حديث ... يعني ما حيضل مصاب طول عمره ماهر ... و لنشوف شو اخرتها

[هنو]

جمهور الوحدة هو الهدف من هذه الأمور و ليس ماهر ( الغير مصاب )

بعدين ع راسي شنكو

بس أبا برأي ماه ر من بعدو جهاد اجحين منو


و السبب اني ما شفت شنكو حتى احكم عليه


بركي طلع بالون



و كل واحد حر برأيو و انا برأيي انو ماهر لو عم يلعب بأجواء متل الأجواء المتوفرة لجهاد لكان أحسن منو بأميال

و لو جهاد عم يلعب بالأجواء يلي عم ياعب فيهت ماهر بنادينا

لكان صار علايا احسن منو

[هنو]

و طبعاً اذا الرأي رأي القويض فهو راسنا من فوق

أما غير هيك فيا أسفاه عليه ساعتها

[أبو وسام]

بعدي شنكو بحيانه ما شارك بلعبة دولية

وعمرة شي ثلاثين سنة

[أبو عامر]

جهاد افضل من ماهر بأكتر من شغلة حبيب الله يخليلي ياك وانا مستحيل تتغير قناعاتي

[الأدعشري]

شباب لحنا رح نستى لبكرا و لبكرا بيفرجا الله و يا خبر اليوم بمصاري بكرة ببلاش و رح يبين كل شي وعلى اساها منتصرف يعني ما بدنا نضوج اكيد متل ما قال عمار بدون يعملو هالحركة مشان يكلهن حجة بنقل المباريات من الشام بس فشرو بنص عينهن

[هنو]

كل واحد الو قناعتو

و بقناعتي الغير قابلة للتغير ماهر افضل من الجميع

[أبو وسام]

الله محييك يا هنو

وبكرة لح يكون الحساب لأنو شي مار ح نرضى فيه

[wissam82]

والله عيب هالكلام
هاد منتخب بيمثل سورية كلها ...


وبما انه مدرب المنتخب هو الخبير أبو شاكر

فأنا عندي ثقة كاملة انه أبو شاكر ما بيسمح لحدا يتدخل بشغله وكل قراراته فنية
ويلي بيلاقيه أنسب لخطته ....

[ابوالعبدالشامي]

انا بدي روح كرمال سوريا مو كرمال فلان ولا علتان
بعدين هاد راي المدرب ولازم نحترمو

[وحداوي موت]

[QUOTE=wissam82;225766]والله عيب هالكلام
هاد منتخب بيمثل سورية كلها ...


وبما انه مدرب المنتخب هو الخبير أبو شاكر

فأنا عندي ثقة كاملة انه أبو شاكر ما بيسمح لحدا يتدخل بشغله وكل قراراته فنية
ويلي بيلاقيه أنسب لخطته ....[/QUOTE
يسلم تمك يا حجي

[عمر نصري]

بالتوفيق للمنتخب أولا و أخيرا


و فكرة اللافته قوية جدأ بحق الجبان



ليش لأ

[MOH@MAD]

ماهر بالمختصر دينمو المنتخب

لنشوف محمد قويض شو لح يطلع معو بكرة

[crespo]

عنجد شي بيهز البدن هل موضوع
يعني مدرب ناجح مع ناديه ومو ناقصو شي لامصاري ولا محبة ولا جمهور
اجا وكرمال سوريا سلتم المنتخب وبدون مصاري
لسا بدنا نحكي عليه جاب فلان وترك فلان
يالطيف عليكم بس

[taiger]

هاد المنتخب مو نادي يا شباب بعدين يمكن ابو شاكر شاف انو ماهر مستوا نازل شوي هاد رايو والكل لازم يحترمو هي رادان مدرب الكويت استبعد بدر الموطوع الي هو احسن لاعب بالكويت وما حدا قلو لا يعني لو كان عنا مدرب اجنبي واستبعد ماهر كنتو حكيتو شي

[ابو كريم]

دائما بقول انو جمهورنا متخلف
لك يستر على عرضكن انسو ماهر وشجعوا سوريا
انسو الوحدة وشجعوا سوريا
خلينا مع المدرب لاخر نفس