لاعب غاني و زامبي مع الوحدة لمرحلة الإياب

[abou malek]

أخيراً فرجت على نادي الوحدة بشأن التعاقد مع محترفين فبعد أن جرب الجهاز الفني التدريبي عدداً كبيراً من اللاعبين

وقع الاختيار على اللاعب الزامبي بيتر مونتالي, حيث أثمر اجتماع أمس الأول بين الحبوباتي والحكيم عن توقيع العقد مع بيتر حتى نهاية مرحلة الإياب مقابل راتب شهري قدره ثلاثة آلاف دولار مع تأمين المسكن ودون مقدم عقد على أن يتم الحديث بشأن الموسم القادم بعد نهاية مرحلة الإياب.‏


[IMG:300:451:88c8488aed]http://www.alsowr.com/get-2-2007-ltnc2erw.jpg[/img:88c8488aed] (http://www.alsowr.com)
‏

كما يتوقع أن ينضم للجوقة البرتقالية لاعب محترف آخر هو الغيني محمد رزاق والذي سبق لنادي الجيش أن جربه في الأيام الماضية ولكن الطرفين لم يصلا لحل نهائي وكان اللاعب الغيني قد اشترك مع تدريبات الفريق في الأيام الماضية وبشأن قيمة الصفقة فإن راتبه الشهري لن يكون أكثر من ألف وخمسئة دولار وبالمحصلة النهائية فإن اللاعبين المحترفين لن يكلفا النادي أكثر من مليون ليرة خلال مرحلة الإياب.‏

[أبو صخر]

لن يكلفا النادي أكثر من مليون ليرة خلال مرحلة الإياب.‏
بس مليون والله ما قالو شي
لك لو تعاقدو مع لاعب محلي أرخص وأحسن بألف مرة من هدول
يلي بسمو حالون محترفين
متل أبو موزة السيريلانكي :evil: :evil: :evil:

[بهاء 2]

لو تعاقدو مع لاعب محلي أرخص وأحسن بألف مرة من هدول
يلي بسمو حالون محترفين


بيتر منيح حبيبي والكل بيعرفوا لما لعب مع الوحدة من 5 سنين وكان هداف الوحدة مع أنو لعب بس الإياب وكان هداف الإياب بالدوري بتسع كوال

[همام]

بيتر منيح حبيبي والكل بيعرفوا لما لعب مع الوحدة من 5 سنين

تراوري سنة وحدة كان فارط حبه ... شلون هاد

[أبو صخر]

بيتر منيح حبيبي والكل بيعرفوا لما لعب مع الوحدة من 5 سنين

تراوري سنة وحدة كان فارط حبه ... شلون هاد
حلال عليك يا همام
لك بهاء حبيبي
ركز معي اي
الاعب المحترف هو الاعب يلي مستواه بتم ثابت ل10 سنين
مع اختلاف بسيط جدا لاسباب العودات من الاصابة أو التعب
مثلا او لأسباب تانية

مو متل محترفينا يلي بلعبو سنة بشكل حلو منرجع منجيبون
كمان مرة بطلع زيتون خالص
متل التراويووهاد لاعب الاتحاد يلي عمللولنا ياه شغلة

يا يكون احتراف متل الخلق يا بلا
حاج مسخرة


بعدين خلي يجيبو لاعب ممتاز ويدفعولو منيح
أحسن من انو يجربو 3-4 عاديين

ولعلمك بهاء
شفتلي شي مرة أو حسيت بالفرق بين أي لاعب محترف
مع أي لاعب وطني
أنا بقلك أنو لعيبتنا هنن أفضل والحكي
عن خبرة ومتابعة أكتر من 10مبارايات مع محترفين

[<IBRAHIM>]

شو هالراتب 1500 دولار انا ما بقبل اخدو :bd)
هادا منحرف مو محترف :b(

[وحداوي موت]

هلا بربك ابو مالك انت بتصدق انو في لاعب بياخد بس الف وخمسمية دولار شو هل لاعب الفذ هدا

ئي اللاعب المحلي عم ياخد اكتر شو هدول عم يضحكوا على حالن ولا علينا

[الأدعشري]

تراوري سنة وحدة كان فارط حبه ... شلون هاد

مظبوط كلامك عمي همام بس جاب كول على الجيش بالدقيقة 93 لن أنسى فرحته ماحييت وطلعت بالصورة تبع الكول يلي نزلت بالمنتدة ونزلت بجريدة الرياضية :|

[wissam82]

انا متفائل ببيتر كتيررررررررررررررررر ..............


إن شاء الله رح يكون منيح ..........


ومشان اللاعب التاني أبو 1500 دولار ,, عنا الإدارة عم تخطط إنها تصقل مواهبه
وتعلمه مزبوط بعدين تبيعه بشي 500 ألف دولار ........ :m( :m(

[M-AL MN@GED]

هلا بيتر مو معقول يضل على مستواه قبل خمس سنين يعني العمر الو حقو وراتبو 3000$
والثاني يلي راتبو 1500$ اكيد مستواه عادي حتى عطوه هيك راتب
يعني لو جابو لاعب واحد بمجموع رواتب التنين كان احسن وبيكون هداف ممتاز
لأنو راتبو 4500$ بس وين التفكير

[هنو]

معليش بيكفي انو طويل و بيجيد اللعب بالراس

شو نسيتو انو ما عنا لعيبة طوال بالهجوم
و كلون ما بيجيدو اللعب بالراس

[M-AL MN@GED]

عندك اياد عبد الكريم

[EmadAsfour]

ومشان
عقد وتكملة المبلغ المستحق ل ماهر السيد

[M o H a M e D]

أنا بيتر مابعرف ليش متفاءل فيه ....

التاني يمكن متل ماقال وسام يمكن يكون للوحدة سبق في اكتشاف موهبة جديدة في كرة القدم :b(
لاء والأحلى من هيك أنو تجرب بالجيش وماأخدوا منروح مناخدو نحنا :!:
.
بالمحصلة هدول المحترفين منمشي حالنا فيهم الاياب كونو عمنلعب محليا فقط ... بس للموسم الجاية بدنا محترف متل العالم شوفو دوري الامارات ...خدوا المحترفين تبع أندية المؤخرة عندهم والله أحسن بعشرات المرات من أحسن محترف اجا لعنا ...
.

شو هالراتب 1500 دولار انا ما بقبل اخدو

أنا بقبل اخدو :ban

[حمودي اليوفاوي]

أنا بيتر مابعرف ليش متفاءل فيه ....

.
.


أنا بقبل اخدو :ban

تاخد شو :m(
بس عنجد معاك حق .. لاعب جربوه الجيش وما تعاقدوا معاه
نحنا منجبر بخاطرو ومنتعاقد معاه .. كبير يا وحدة كبيررررر
لو كان فيه الخبر .. ما رماه الطير

[abou malek]

هلا بربك ابو مالك انت بتصدق انو في لاعب بياخد بس الف وخمسمية دولار شو هل لاعب الفذ هدا


بصدق هالحكي بوجود هيك ادارة




ئي اللاعب المحلي عم ياخد اكتر شو هدول عم يضحكوا على حالن ولا علينا


عم يضحكوا على حالهم لانو الجمهور كاشفهم

[الرومانسي الحزين]

يا شباب برايي قبل ما نحكم نشوف وبعدين لكل حادث حديث

[khaled rihawi]

يا سيدي مو شرط يكون اللاعب سيء يمكن ما عرف يلعب مع لعيبة التحويشة و اللاعب صغير و حسب ما سمعت انو لعب لمنتخب غينيا دعونا لا نستبق الامور و نرى اللاعبين على ارض الواقع

[kashi]

من اجل بيتر بعتقد انو لاعب مفيد بس الاعب الثاني الغيني لو كويس كان فريق الجيش تركه مستحيل بس نشاء الله خير وبتمنى التوفيق للوحدة مع محترفينه الجدد :fw :fb :fl

[أبوهاشم]

لو كان فيهم خير مارماهم الطير

[nation]

بعد بكرة بالملعب كلوا يظهر على حقيقته


بس يا ريت لو عطو المال للاعبين كان أفضل اتصور أنو المشكلة كانت واضحة في لعبة الاتحاد نحن لسنا بحاجة إلى لاعبين أجانب بس بدك مخ يشتغل في الادارة :fw