خالد حبوباتي بين العودة و اللاعودة....

[WASSEEM]

و بدأت مشاكل النادي المالية تطفو على سطح أخبار النادي البرتقالي...
و كان ماقلته سابقا :idea: عن أننا لن ننتظر كثيرا لنرى تأثير
استقالة الحبوباتي و لسا الخير لادام....
أتمنى لو أن لأنديتنا اكتفاءا ذاتيا يسدون بها احتياجاتهم.... و لكن...

آراء كثيرة و أقاويل كثيرة تلف هذا الموضوع....
الخبر كان سارا جدا لطرفين اثنين ....
أولا باقي الأندية المنافسة على ساحتنا الكروية فهم يعلمون تماما
و بعيدا عن العواطف أن ماسيتبع هذه الاستقالة هو الكثير من الاضطراباتو خاصة المالية.
الطرف الثاني هم جماعة المكتب التنفيذي الذين يريدون من يقول حاضر فقطو لم يعتادوا
على انسان كالحبوباتي يقول و لا كبيرة ايضا على مالا يعجبه من قرارات.....عجيبة غريبة...

الخبر كان صاعقا على البعض ممن يعرفون ببواطن أمور النادي المالية وأن الوضع سيسوء جدا بعد رحيل
الرجل...

اما البعض الآخر ممن لم يحسبوها صح ((من وجهة نظري)) فيقولون أننا بحاجة الى شخصية رياضية لتدير
امور النادي يكون لديها الخبرة ....و المال يأتي لاحقا......
و طبعا آخر الشهر لن يبحثون عن صاحب الخبرة الرياضية ليدفع الرواتب بل سينسونها وقئذ...

علينا أن نفكر بقليل من التعقل ... مظبوط كما قال البعض محمد(ص) مات و تدبرت العباد...
و لكن لم يكن وقتها هناك مكتب تنفيذي يمنع التبرعات العلنية بحيث تعين الاندية نفسها بنفسها و لا تحتاج
لمعونات تتبها نعماااااااااات كثيرة....
و لم يكن وقتها هناك من يضعون العصا في العجلات و لم يكن وقتها من يعمل ضد فلان و ضد علتان....

ابعدو العابثين برياضة الوطن فقد مل الكثيرون من هذه الأجواء كنا نسبق الكثيرين أصبحا وراء الجميع ...
كفانا .....

المساهمات تعبر فقط عن آراء أصحابحا و لا تعبر بالضرورة عن رأي الموقع و القائمين عليه... 8)

[فراس لطفي]

أنا مع عودة الأستاذ خالد و لازم ما يستسلم
و هو قادر ينتصر على الجميع بحنكتة و خبرتة
و ذكائة و بتمنى يرجع للنادي و يثبت أنه على حق
و نحنا معه

[EmadAsfour]

في هذا القوت الحالي
نحن مع عودة خالد حبوباتي

[mmrdem]

اخ وسيم مابعرف يمكن هيك اسمك الحقيقي انا اسمي منير انا حابب ناقشك بموضوع الحبوباتي لانوا فعلا موضوع مهم اخ وسيم انا سبق وكتبت عن خطة الحبوباتي ضد نادي الوحدة لتفشيل النادي وتخريبوا والحمد الله النتائج بلشت تظهر واولها انوا النادي عمبيعاني من ضائقة مالية انا بحب قلك انوا النادي عائدات الاعلانات و المباريات بتكفيه لحد معين
وبالتالي مافي خوف على النادي من الافلاس وخصوصي انو من جديد قبضوا مبلغ من شركة الخليوي وصرلنا لعبانين كزا لعبة على ارضنا
وانا بستغرب انو تدخل اسم الحبوباتي بازمة
الوحدة المالية لانو على ايام الحبوباتي كانت الرواتب ماتندفع وكان المدرب واللاعبين
تمر عليهم اشهر بدون رواتب ليش وقتها الحبوباتي ماكان يدفع وانا متاكد انو الازمة هلق وراها الحبوباتي عن طريق اعضاء ادارتوا اللي هنن مسؤولين عن النادي واللي لهلق مادفعوا المية وخمسين الف ليرة لاتحاد كرة القدم واتحاد كرة القدم فضحنا بالجرايد والمحطات الفضائية برايك مين ورا كل هالشي ياترى النادي مامعو مية وخمسين الف او ماافيو يتدينون ويرجعون بعد مباراة الجيش اخ وسيم انا بدي اسالك هلق مو الحبوباتي هو اللي عميصرف على الوحدة وبلاه النادي بيفلس طيب هيك انسان لازم يكون بيحب النادي بشكل مو طبيعي لحتى يضحي
بكل هالاموال مشان النادي وطالما مشكلتو مع المكتب التنفيذي مو مع الوحدة والزلمة بدو يربي المكتب بااستقالتو من الادارة بس كانسان محب للنادي لازم مايترك النادي ينهار
ويفلس يعني يدعم النادي وهو برات الادارة
اما ازا كان همو هو الادارة والبروظة فاكيد
مارح يدعموا بالعكس بدو يربي المكتب التنفيذي عن طريق تخريب نادي الوحدة وافلاسوا يعني اخ وسيم ياريت تجاوبني انت شوشايف??????

[WASSEEM]

انا شايف انو لو كنت بدال هالزلمة ((و انا كنت حاضر وقت اعلن الاستقالة))) بدل ماأعلن
الاستقالة..... بعلن انو مع الوحدة عالموت و بدنا نضل نشتغل بالنادي و هنن ((المكتب التنفيذي)) لح يروحو و نحنا لح نبقا..........
انا هيك شايف لانو فعلا مين روق هنن يلي عمبيدايقوه مو نحنا........

بس يا اخي مزال الامور المالية ماشية بالنادي ليش بلشنا نسمع ن
مشاكل ماهر السيد و عن مشاكل فريق السلة و عن و عن و عن....
اضافة لطلب معونة مالية من الاتحاد الرياضي قيمتها 2 مليون ليرة.....

انا بدي احكي شغلة نحنا عشنا آخر ايام الدكتور ممتاز ملص لما صار النادي
مكان للأشباح و صارت ربع المدرجات المليئة غاضبة.......
فبس خايف نرجع لهديك الايام بعد ماطلعت عيوننا بالطول و بالعرض..لرجع الجمهور....

[mmrdem]

هاد الحكي الصحيح بس هو مو هامو لا النادي ولانتائجوا وانتظروا باقي الخطة

[فراس لطفي]

لازم خالد حبوياتي يرجع عن الاستقالة لأنة انتخب
بشكل ديموقراطي و لازم يكمل فترة رئاستة
لأن نادي الوحدة مو لعبة و يلي بدو يترشح للرئاسة
و ينجح لازم يكمل و من الأول كان لا يرشح حالو
اذا مو أدها و لها .

[Radwan]

أنا أرى الأفضل الدعوة لإجراء أنتخابات جديدة و بموجبها يتم الوصول لما يرغب به ويفضله أبناء النادي .

[حسان1973]

ابو الروض يعني اذا صار انتخابات ورجع الحبوباتي رئيس نادي برائيك المكتب التنفيذي رح يتركو يشتغل متل مابدو
انا ئريت من كم يوم بالجريدة انو لازم الاندية وبالاخص متل الوحدة الي عندو ارض سياحة نياحة يكون عندها استثمارات ذات مداخيل عالية هون في شغلة بدي وضحة وبتمنى من كل المشرفين انو ماحدى يمحي كتابتي
انو هل حمير تبع المكتب التنفيذي من وئت ما خصصت قطعة الارض للنادي لحد الان عم يوافئو على شي استثمار او مشروع للنادي ماعم يرضو لابمسبح ولا بصالات افراح بتعرفو ليش لاانو مسبح الفيحاء وهل بردى صارو جنب النادي وبعدين مشان الصالات في صالة المجد والنضال وقاسيون صدئوني بيعرفو اذا صار هل شي بنادينى بينضربو مسابح وصالاات غير اندية وهاد شي مابيفيدهم لاانو هنن عم يسرئو ويستنفعو من هديك الصالات والمسابح وهاد الحكي انا بتحمل مسئوليتو وبيعبر عن راي والمسئوليين عن الموقع ما الهم علائة لامن ئريب فيني ولا من بعيد وحاجة اكل هوى وةمسخرة ياجماعة الاتحدا الحرامي الرياضي من راس الهرم لااصغر واحد فيكم
واساسا الحئ مو عليكم بس الحئ على الي ماعغم يمشي المرسوم الجمهوري رئم 7 لاانو بيعرف رح يصير شحاد اذا طبئ هل مرسوم

[Radwan]

[align=justify:0ed5266625]أنا أضم صوتي لصوت الأخ حسان بأن المسؤولين عن الرياضة يضعون العراقيل بوجه أستكمال أستثمارات نادي الوحدة والأسباب التي عللوا بها التأخير بالموافقات لإستكمال المشاريع الإستثمارية ضمن حرم النادي غير مقنعة لطفل عمره عشرة سنوات ولكن فرض الأمر الواقع بالطريقة البيروقراطية التي يتعاملون فيها مع نادي الوحدة هو السائد ولا أدري لماذا بقدرة قادر وخلال أشهر أنتهى مسبح بردى وبدون أي أشكال تساؤلات كثيرة لدينا ولكن الحديث في المؤتمرات من طرف واحد فقط ولا مجال للنقاش فهم يتكلمون ويظنون بأن الذين أمامهم أغبياء . وإن كنت مخطئ إذا" هم لاتهمهم مصلحة النادي ولا الرياضة بل مصلحتهم قبل كل شيئ .

أخي الكريم حسان لانريد لمشاكل النادي أن تأخذ أبعادا" نحن بغنى عنها والأفضل ترك الأمور للزمن وصدقني إذا عاد الأستاذ خالد وكانت هذه إرادة أبناء النادي أو غيره لن تحل هذه الأمور بين ليلة وضحاها والأيام علمتنا أن كل شيئ يخص جمهور نادي الوحـــــدة يجب أن يتعثر .[/align:0ed5266625]



أبو إسماعيل

[أبو صخر]

خيو مصلحة النادي قبل مصلحة كل واحد
وبما ان الحبوباتي بيعرف كل شي و بدو مصلحتنا معناها نحن مع
الحبوباتي :))

[Nassib kabbani]

انا مع عودة خالد حبوباتي لان الرجل يعمل باخلاص ولكن الى متى سيبقى ممولا للنادي هو و بعض المحبين وانا مع راي الاخ حسان

[ربيع]

اذا في خير يرجع مافيو خير الله معو

[لؤي الصالح]

اخ وسيم مابعرف يمكن هيك اسمك الحقيقي انا اسمي منير انا حابب ناقشك بموضوع الحبوباتي لانوا فعلا موضوع مهم اخ وسيم انا سبق وكتبت عن خطة الحبوباتي ضد نادي الوحدة لتفشيل النادي وتخريبوا والحمد الله النتائج بلشت تظهر واولها انوا النادي عمبيعاني من ضائقة مالية انا بحب قلك انوا النادي عائدات الاعلانات و المباريات بتكفيه لحد معين
وبالتالي مافي خوف على النادي من الافلاس وخصوصي انو من جديد قبضوا مبلغ من شركة الخليوي وصرلنا لعبانين كزا لعبة على ارضنا
وانا بستغرب انو تدخل اسم الحبوباتي بازمة
الوحدة المالية لانو على ايام الحبوباتي كانت الرواتب ماتندفع وكان المدرب واللاعبين
تمر عليهم اشهر بدون رواتب ليش وقتها الحبوباتي ماكان يدفع وانا متاكد انو الازمة هلق وراها الحبوباتي عن طريق اعضاء ادارتوا اللي هنن مسؤولين عن النادي واللي لهلق مادفعوا المية وخمسين الف ليرة لاتحاد كرة القدم واتحاد كرة القدم فضحنا بالجرايد والمحطات الفضائية برايك مين ورا كل هالشي ياترى النادي مامعو مية وخمسين الف او ماافيو يتدينون ويرجعون بعد مباراة الجيش اخ وسيم انا بدي اسالك هلق مو الحبوباتي هو اللي عميصرف على الوحدة وبلاه النادي بيفلس طيب هيك انسان لازم يكون بيحب النادي بشكل مو طبيعي لحتى يضحي
بكل هالاموال مشان النادي وطالما مشكلتو مع المكتب التنفيذي مو مع الوحدة والزلمة بدو يربي المكتب بااستقالتو من الادارة بس كانسان محب للنادي لازم مايترك النادي ينهار
ويفلس يعني يدعم النادي وهو برات الادارة
اما ازا كان همو هو الادارة والبروظة فاكيد
مارح يدعموا بالعكس بدو يربي المكتب التنفيذي عن طريق تخريب نادي الوحدة وافلاسوا يعني اخ وسيم ياريت تجاوبني انت شوشايف??????

هادا الكلام صح مليون بالمية اذا كان الحبوباتي بحب النادي فبفترض انوا يدعم النادي ماليا وحتي ولو ما كان رئيس للنادي اما اذا كان ما بيدعموا الا وهو رئيس للنادي فمهناتها انوا هو شخص بيحب البروظة وبس..
يا جماعة انا مو ضد الحبوباتي او غيرو يلي بيهمني مصلحة النادي بس بعتقد انوا الحبوباتي استغل موضوع الدعم المادي وبلش يخبص خلوني اسالكون وين الاخوين قوطرش ومين كان وراء ابعادون اين غادة الراعي-هادي درويش ومين المسؤول عن خسارة -نبيل الشحمة -العاجي -العاقل- ينال؟؟؟وغيرون..يمكن البعض يقول انوا الاستغناء عن لاعبين القدم هو قرار الجهاز الفني بس برأيي انوا ابعادون مو بسبب مستواهم المتدني لانوا الكل بيعرف انوا هالاعبين احسن من كتير غيرون لساتون بالنادي اذا فالاستغناء ليس لسبب فني وانما هناك سبب اخر وبالتأكيد لم يكن هناك معارضة من قبل رئيس النادي.......