المساعد الشخصي الرقمي

مشاهدة النسخة كاملة : كرمال موضوع المعلقين عنا المحترمين

MOH@MAD
03-11-2008, 07:57 PM
يا شباب عن جد ملينا من هالقصة
يعني واحد بكون عم يقدم برنامج السحور برمضان امثال جمال الشيخ بكري بصير معلق ...
وواحد أمثال موسى عبد النور بكون عم يقدم نشرة الأخبار بصير عم يعلق على مباريات
وواحد مراسل لبرنامج ملاعبنا الخضراء (الصفراء) بصير عم يعلق على مباريات امثال كامل نجمي (
(الغليظ ) وعبد الله الخفتة ومتلهم متايل ....
عن جد شغلة غريبة لما تشوف غير قنوات تلفزيونية راقية وتشوف معلقيها
بتحس الفرق العجيب
مثلا عصام الشوالي
لمى بعلق عالمباراة بحطك بالجو وبحسسك انك بدك تفوز ولو شو ماكان فريقك
وبخليك تتابع المباراة ولو كان فريقك خسران لآخيرها
وببتكلم اكتر من لغة أسباني + فرنسي + برازيلي +++ بيدمج معهم شعر كمان
بينما عنا الشباب امثال عبد الله الخفتة
مثلا طابة خطرة داخل منطقة الجزاء
بعد ماتصير بنص الملعب بيتذكر حالو (ههههههه يا شباب عن جد هي فرطتني من الضحك )
عنا السيد اياد ناصر اليوم هو وعم يعلق عالمبارة صار يلغت بالأث
لاء واحلى فلم لما بنكت وبحسو ايام بديق عينو عالمدرب
بيعطي معلومات عالفاضي وبيطلع من جو المباراة كتير
كامل نجمي حرااااااااااااااام يكون معلق خرج يبيع بندورة بسوق الهال
كل المعلقين السورييين بإستثناء الأغا والديب ... حرام يشتغلو بالتعليق
نحنا ما عم نقلل من قيمتهم بس يا سيد اياد لازم تقدم برامج رياضة
وانا بحبك لما تقدم برنامج رياضة بحسك بتعطي حقو
بس بالتعيق حاجتك
بس لازم كل واحد بدو يشتغل شغلة لازم يتقنا
(ان الله يحب منكم اذا عمل عمل احدكم ان يتقنه)
يا جماعة نحنا عنا خريجة معاهد ومواهب جديدة لازم
نشوفها بقا لك اي شوفو الجزيرة الرياضية شو عم تساوي
عملت برنامج خصوصي من شان تختار معلقين متل السوبر ستار
بربكون حضرو هادا البرنامج وشوفو الشغل الصح
عالعلم في معلق سوري مشترك بس احسن من كل معلقينا !!!
وبالمناسبة عم اعمل رمكس مسخرة خصوصي:whi
وعم اجمع اصوات المعلقين الشغلة تبعاتنا :bs)
وعم اجمع اخطائهم الكلامية كلها على قد مو مهزوز بدني منهم :cons
yanalooo
03-11-2008, 08:00 PM
ونسيت تذكر أنو المعلقين بسوريا مو متحيذين بنوب
رأفت1975
03-11-2008, 08:36 PM
أرضية زاحفة تعلو المرمى , بس آخ يا حرام (حرنت )

زميل وجييييييه
Zizou
03-11-2008, 08:40 PM
عالعلم في معلق سوري مشترك بس احسن من كل معلقينا !!!
:cons
أنا شفت حلقة من البرنامج لما علق على ضربة الجزاء بين قطر و يمكن الكويت كان سيء جدا و و شخصيته كانت مهزوزة كتير حرام يمثلنا هيك واحد
ayham mardini
03-11-2008, 09:37 PM
و احلى الشي برنامج باب الملعب ... كلون بيحكوا سوا
لا اياد ناصر بيحترم فايز ليخلص كلامو و لا التاني احسن
و الضيف كمان بيكون عميحكي .... يعني هالبرنامج متل الحمام المقطوعة ميتو
حسام الوحدة
03-11-2008, 10:12 PM
والله معك حق بس شو طالع بالأيد
لا تنسى نسختي من الميكس الجديد تبعك ؟ أكيد هاه
عالم آخر
03-11-2008, 10:15 PM
زميل وجيه: نعم زميل أنس
زميل وجيه: مطر، مطر في ملعب حمص (والدنيا كانت صيف)
زميل وجيه: اي الله يبعت الخير
زميل أنس: عفواً زميل وجيه وين المطر...............
زميل أنس: لاعب الفتوة أحمد مطر يسجل هدف في مرمى الكرامة.
ههههههههههههههههههه
يا أخي المعلقين عالراديو صورتون أحلى.
nemr
03-11-2008, 10:42 PM
لاء واحلا شي بمعلقينا انهون بيحكوا فصحى بس ملا فصحى
ونسيت كمان تحكي عن المسؤول عن البرامج الرياضية بالتلفزيون السوري جوزيف بشور
لما كان يطلع بمباريات ابطال اوروبا عل قناة التانية ما منسمع صوتو غير وقت الكول
في مرة جاب كول تشيفشينكو وقت كان يلعب بميلان فطلع جوزيف وقال هدف اعزائي المشاهدين لفريق ميلا يسجله اللاعب ونحنا هون عم نسمع صوت وراق عم تنفت وبعدين بيقلك اللاعب رقم 7
صاحب الهدف اي بذمتي مسخرة
talbe
03-11-2008, 11:20 PM
اليوم كامل نجمي علق على لعبة المجد و الطليعة و صار يتمنى للاتحاد التوفيق بكاس اسيا و ما جاب سيرة الكرامة اما شو حيادية كانو مو مشارك غير الاتحاد
kevin
03-12-2008, 12:39 AM
ههههههههههههههههه لك بعرضي ضحكتوني كتير على هي التعليقات


بس شو بدو يحكي الواحد
wissam82
03-12-2008, 06:59 AM
لا تفتحلنا جروحاتنا يا زلمة
من غير شي مباريات الدوري السوري ميتة ومملة كمان بيجوا المعلقين بيكملوا عليها
بغبائهم وبياختهم وبرودتهم ...

والله عيب فعلاً لازم يجيبوا معلقين متل العالم شو ئلة علاكين قصدي معلقين بهل بلد ...!!!؟؟؟

بعد عدنان بوظو الله يرحمه ما طلع عنا ولا معلق عليه القيمة لا أيمن جادة ولا طلت طلايله ...
yanalooo
03-12-2008, 07:02 AM
بعد عدنان بوظو الله يرحمه ما طلع عنا ولا معلق عليه القيمة لا أيمن جادة ولا طلت طلايله ...

والله حكيك سليم 100%
قال أيمن جادة ايه تعليقو ولا أبيخ من هيك وبالأخص لما يعلق على شي مباراة لريال مدريد حدو تقديم برامج وبس
wissam82
03-12-2008, 07:10 AM
قال أيمن جادة ايه تعليقو ولا أبيخ من هيك

فعلا والله كتير بارد وبيطلع كتير عن مجريات المباراة ...

بعد رؤوف خليف وعصام الشوالي وهاد المعلق الحشاش تبع دبي الرياضية مافي
والله بحلو المباراة ئد ما كانت باردة ...
EmadAsfour
03-12-2008, 08:49 AM
لا يوجد مدارس مختصة بالتعليق حتى الان
MOH@MAD
03-12-2008, 09:56 AM
فعلا والله كتير بارد وبيطلع كتير عن مجريات المباراة ...

بعد رؤوف خليف وعصام الشوالي وهاد المعلق الحشاش تبع دبي الرياضية مافي
والله بحلو المباراة ئد ما كانت باردة ...

اي والله يسلم هالتم
انا برأيي هدول المعلقين وبس يلي بخلوك تتابع المباراة عن حق وحقيق
nano
03-12-2008, 10:07 AM
والله فرطت من الضحك ياشباب هههههههههههه
شي بجنن بس احلى وحد هي تبع مطر بشرفي انكن نهفة يا شباب
اليوم اكيد بدو يعلق اياد ناصر على لعبة الكرامة والوحدة الاماراتي
يعني اليوم في ضحك لمدة ساعة ونص
ramitotti
03-12-2008, 10:20 AM
أيييييييييييييييييييييييييييييييييييييييييي و الله
جوري
03-12-2008, 01:07 PM
و لا شوفوا عبد الله خفتة وقت يفوت غول للوحدة امكنوا حدا سلخوا شي 200 كف
SAD LoOoVER
03-12-2008, 03:57 PM
اذا كل شي عنا فاشل

فلا عتب على هدوول

يا سيدي مو مشكلة عيش كتير بتشوف كتير

و فعلا شر البلية ما يضحك
الأدعشري
03-12-2008, 05:46 PM
جمال الشيخ بكري:
مبارة بين الجيش و حطين نهاد الجاج مطفى امام الكرة نهااااااااااااااااااااااااااااد يا سلام
يا سلام
جيش جيش جيش تخونوخو تخونوخو يخونه القائم
محمد زينو محمد زينو بيلعب كرة هذا هو جمهور الجيش شوفو الإعادة
MOH@MAD
03-13-2008, 08:34 AM
لا يوجد مدارس مختصة بالتعليق حتى الان

بس اخ عماد في معاهد خصوصي للمذيعين والمذيعات
وهادا الشي بينعكس اولا وأخير عالمعلقين