البرازيلي الجديد بين القيل و القال..... [الأرشيف]

مشاهدة النسخة كاملة : البرازيلي الجديد بين القيل و القال.....

WASSEEM

11-15-2005, 08:38 AM

الآراء متباينة حول البرازيلي الجديد في صفوف الوحدة..
فالوحداويون يرون أن الوقت لم يسمح له بعد بالتأقلم مع زملائه بالاضافة لعدم
اكتمال جاهزيته و هو بحاجة للوقت ....
و آخرون رأوا بتوقف الدوري فرصة متميزة للبرتقالي ليكمل صفوفه بالمصابين
و ليبتأقلم الفريق مع بعضه أكثر و أكثر....

أمااااااا آراء بعض من تكلمت معهم من مشجعي الفرق الأخرى فقد رأوا أن
البرازيلي لاعب أقل من عادي و كأنهم مطمئنين لتدني مستواه بعد البالون
الصحفي الكبير عنه....و استبعدوا أن يتحسن المستوى الفني له أكثر
معتبرين أن حدوده الفنية قد رآها الجميع بأول لعبة له...
و اعتبروا أنه حتى لو تحسن مستواه فسيكون بحدود معينة ...و محدودة...

أنت مع من حبيبنا.؟؟؟؟؟

و دمتم.. ابو عبدو الشاغوري ...ديماااشق.

عبيدة

11-15-2005, 09:11 AM

الزلمة باين عليه من طينة الكبار بس ما الكبار كتير
بس ان شاء الله رح يعمل شي وشي كبير بأذن الله

Ammar Alfarawati

11-15-2005, 09:16 AM

انا مع الراي يلي بقول انه لسا مااتاقلم وبعد التوقف شهر رح يكون جاهز

حمودي اليوفاوي

11-15-2005, 09:18 AM

انا مع الخيار الاول

لانو كان واضح عليه بمباراة جبلة عدم الانسجام

وهو بس ناقصو شغلتين :
1- ينسجم مع الفريق
2- يشتغل على اللياقة تبعو لانو بطيء وحركتو تقيلة

EmadAsfour

11-15-2005, 09:25 AM

انا برايي هذا الموضوع سوف يقسم حمهور الوحدة الى عدة اقسام وسوف يعيش الجمهور في حيرة دائمة لذلك انا امتنع عن التصويت

ربيع

11-15-2005, 10:06 AM

نحنا مارح نقدر نقول شي
والحكم صعب
بس منقول انشالله خير

Ramy

11-15-2005, 10:32 AM

برأيي بكير عالتصويت الزلمي لسا ما شفنا منو شي لحتا نقدر نقيم

بس أنا حاسس أنو بدو يساوي شي بالفريق مع عودة ماهر

S@MER

11-15-2005, 10:36 AM

أنا أنتظر الجاهزبة 100% لأحكم عليه

حسان1973

11-15-2005, 11:29 AM

من وين لوين مية بالمية حبيبي لسة مابين خيرو من شرو

WASSEEM

11-15-2005, 12:29 PM

انا برايي هذا الموضوع سوف يقسم حمهور الوحدة الى عدة اقسام وسوف يعيش الجمهور في حيرة دائمة لذلك انا امتنع عن التصويت

حبيب البي عماد الله خلق لكل واحد منا عقل و كل منا الو طريقة تفكير و رأي يختلف بع
عن الآخرين .فأن تسأل الشباب عن رأيهم بأمر معين ..ليس معناه أنهم سيتفرقون بسبب
هذا الرأي ....ابدا لأن لكل واحد منهم وجهة نظر أحببت أن أعرفها و أعرف كل منهم بوجهة
نظر الآخر.....
يجمعنا محبة البرتقالي و ان اختلفنا بالآراء فهذا لا يفسد للود قضية...

وحداوي موت

11-15-2005, 01:26 PM

هلا مافينا نحكم عليه انشاء الله بعد الشهر يلي بدو يوقف فيه الدوري بيبين منيح بس انشاء الله يكون متل ماوصفته الادارة

أبو الياس

11-15-2005, 01:29 PM

أعتقدأن كثير منا سوف يطلقون احكامهم النهائية على عذا اللاعب بعد مبارة تشرين
واظن كل الظن انه سيقدم مستوى اكثر من جيد في هذه المباراة وأكثر من ممتاز مع قدوم بقية المباريات
والله الميسر

أبو لؤي

11-15-2005, 01:48 PM

كما قال الشباب حرام أن تحكم من أول مباراة
ونعم ما شاهدناه من اللاعب في مباراته الأولى
لم يكن كالضجة الصحفية التي سبقته لكن وبنفس
الوقت لا أعتقد أنه كالطنط بورشا وبكفي اسمو برازيلي
صحيح أنه كان بطيئا ً في المباراة لكن فعلا ً ما يتقصه التأقلم

وليس التأقلم الفني والتكتيكي مع اللاعبين وخطط الفريق
بل الظاهم من ذلك التأقلم النفسي والإجتماعي
مع اللاعبين مع الجماهير مع أجواء ملاعبنا
حتى مع أجواء بلدنا بشكل عام

بالمحصلة لا بد وأن ننتظر المراحل القادمة
فهو أيضا أتى بعد بداية الدوري ولم يأتي قبله
وهو يعلم أنه أتى ليكون منقذا ً للفريق

إذا لن نستطيع التصويت لأي خيار قبل أن نراه بشكل جيد

وحداوي مووووت

11-15-2005, 01:49 PM

طولوا بالكوم يعني نيناد جرب كم واحد قبله وما عجبه يعني معقول يصوم يصوم ويفطر على بصلة

هيثم

11-15-2005, 02:44 PM

إذا لن نستطيع التصويت لأي خيار قبل أن نراه بشكل جيد

هاد الصح ...انا معك

WASSEEM

11-15-2005, 03:58 PM

يا جماعة شبكن...؟؟؟؟
ماعمقلكن ..اللاعب منيح ولا لااااااء

عمقول بتتوقعوا اللاعب يتحسن مستواه و فعلا يكون هداف كبير

و لا بيتحسن بس بحدود معينة و لا يلي شفناه هو افضل مالديه؟؟؟؟

يعني ماعمبسأل عنو الآن بل بالمستقبل شو رأيكن؟؟؟؟

سعدي

11-15-2005, 05:22 PM

ما حدا عم يطلب انو تحددوا رأيكم النهائي ..
الموضوع بيقول شو بتتوقعوا من مستواه ...
انا بتوقع انو منيح بس يعني مو للدرجة اللي وصف فيها ... لأنو اللعيب الفنان من لمسة الطابة بيبين ..

diaa

11-15-2005, 09:20 PM

بتوقع أنو اللاعب يتحسن وخصوصاً لما ينسجم مع الفريق لأنو مستحيل من أول لعبة يفهم على اللعيبة ويفهموا عليه
بس ما لح يتحسن للدرجة يلي نوصفت فيها من الإدارة

على كل حال إنشاء الله يخيب ظني ويتحسن ليصل لدرجة ابن بلدو رونالدو

Radwan

11-15-2005, 10:12 PM

لن يستطيع أي لاعب أن يتأقلم بطريقة اللعب في بلد آخر من أول مباراة يلعبها .

المهم هو ليس سيئ وهذا الشيئ أتفق عليه الجميع وآمل أن يكون له بصمة مع فريقنا وليس المهم أن يسجل فصناعة الأهداف أصعب من تسجيلها .

ومن الظلم تقييمه الآن .......ولكن تفائلوا بالخير تجدوه .

:f)

أغيد الفرا

11-17-2005, 02:50 PM

بعتقد لاعب منيح كتير .. بس لسا ما انسجم .. و منتمنى ينسجم عالسريع

abou malek

11-19-2005, 11:09 PM

لما سمعت 90 الف دولار قلت يا عيني بس يلي شفنا ما بيستاهل 40 الف