اخطر مشكلة صارت معك [الأرشيف]

مشاهدة النسخة كاملة : اخطر مشكلة صارت معك

وحداوي موت

01-29-2007, 05:01 PM

السلام على احلا شباب واحلا منتدى واحلا رواق
احلا وحداوية والله والكل على راسي من فوق
شباب هدا الموضوع انشاء الله يعجبكن لانو موضوع مغامرات
هلا كلنا منعرف شو بيصير بلملعب مشاكل ضرب وقتل وحفظ نظام ومشاكل وهريبة وضرب حجار وكراسي
هدا الشي بيصير كتير بملاعبنا
واكيد كل واحد فيكن بيروح على الملعب واكيد بيكون صار معو مشكلة بارض الملعب وكيف بدو يقصع من حفظ النظام
هلا ميشان نعرف قصص صايرة مع الجميع
بدي منكن كل واحد يكتب شو صار معو باي لعبة مشكلة مع الجمهور الخصم او مع الشرطة
يكتب اي لعبة وباي ملعب وبدنا مشكلتين وحة بملعب كرة قدم ووحدة بصالة السلة
المطلوب منكن تكتبوا مع مين كانت اللعبة وباي ملعب او باي صالة وشلون قدرتوا تهربوا لانو ماشاء الله الشرطة بتفتح باب او بابين ووقت تشتغل العلقة بيوقفوا على الباب وبيبلشوا ضرب بيلي دخلوا ويلي ما دخلوا

هاتوا لنشوف ارجونا مغامراتكن بملاعبين الكروية وصالاتنا السلوية

الوحداوي حمودة

01-29-2007, 05:06 PM

مرة وجعتني ايدي قمت رجعت عالبيت :mrgreen:

01-29-2007, 05:10 PM

مرة انا كنت عم اضرب حجارة عمحل بركن الدين كنت صغير عمري 11 سنة انا وابن عمتي
قام صاحب المحل الحربوء لف لفة طويلة واجا من ورانا كمشني وكان بدو ياخدني عالشرطة
وانا ما عاد فيني فرطت من البكا قام اخر شي سامحني
:cry: :cry: :cry:

وحداوي موت

01-29-2007, 05:21 PM

لك شبنا برهوم انا عم الك مشكلة بلملعب انت بتقلي ركن الدين :mrgreen: :mrgreen:

01-29-2007, 05:26 PM

لك شبنا برهوم انا عم الك مشكلة بلملعب انت بتقلي ركن الدين

الصراحة انا بس قريت اول سطرين من الموضوع اول شي :mrgreen:

بس عكل حال انا ما عندي مشاكل بالملعب لاني ما كنت احضر غير لعب خارجية يلي ما فيها مشاكل

وحداوي موت

01-29-2007, 06:34 PM

معلم انا اسوء لعبة حضرتها بلسلة كانت بين الوحدة والاتحاد
يوميتها فزنا على الاتحاد ام اجا خالد زيدان عم يسلم على لعيبة الاتحاد وهو عم يسلم عليهن نط محمد الامام ضربوا للزيدان واشتغل الهرج والمرج بين اللعيبة والجمهور وحبيبكن اندريه وايدي واشنطن الله يذكرهن بلخير بلشوا بحفظ النظام واشتغل الضرب كراسي من الجمهور وكفوف من اللعيبة
يوميتها اجينا لنهرب مو فاتحين غير باب واحد وواقف عليه شي ميتين عسكري والطالع الا ما ياكل شي عشرين عصاية من الشرطة الله سترنا يوميتها ونطينا على منصة المسؤلين ضلينا شي ساعة واقفين لحتى قدرنا نقصع

بلقدم يا معلم بلعباسيين
كانت اللعبة بيننا وبين العسكر يوميتها متقدم العسكر واحد صفر من الشوط الاول صار الشوط التاني ورح يخلص ام صفوان حبايب شاط شوطة من برا منطقة الجزاء ودقة الطابة بلمحملجي
يوميتها الحكم حسبها كول ونحنا فرحنا وجنينا من الفرحة لانو كان العسكر وصيف كاس النخبة
وفجاة منتفرج منلاقي الحكم لغا الكول وبعد شوي ال كول ورد رجع غير رايو وقال مو كول يمكن لانو السويدان زودلو التسعيرة متل العادة
والجمهور جن جنانو انا كنت اعد بلمنصة ام في عالم ضربوا الشرطة وكسروا باب المنصة الازاز
واجا النقيب مدري ملازم فرز كتيبك كاملة على منصة الوحدة وياللللللللللللله حيو اشتغل الضرب والقتل والعصايات على ابو جنب ولعيبتنا ما قصرت بلعيبة العسكر والحكم
ومسكوني الشرطة ودكوني بنخفر العباسيين
كتبنا تعهد بعد شي ميتين كف وشوطة من الدورية بسيارت الشرطة وما صدقة ئيمتا وصلت على المفخر تبت تعهد وطلعة

بس كل شي كرمال الوحدة بيرخص

ايمن جبان

01-29-2007, 07:13 PM

ولله مرة ياشباب كنت عمبحضر لعبتنا مع جبلة وكا نت النتيجة تعادل سلبي
وبتعرفوا حارس جبلة اسامة حاج عمر كل ماحدا لمسوا بدوا ربع ساعة ليئوم
وبلشت فيه مسبات على دين الكيف ام شافني العميد وبسرعة بعتوني على نظارة العباسين
لكن احلى مافي الامر عندما دخلت النظارة لئيت مكتوب على الحيط
الوحدة وبس فكلنا فداك ياوحدة

YAMAM

01-29-2007, 08:26 PM

والله يامعلم أنا مالي بفوتة المشاكل
بحضر لعبات كتير
بس أول ما بيصفر الحكم بتلاقيني عالباب
بس في لعبة ما بنساها بالسلة بنهائي الكأس مع الاهلي
ربحنا ويومها عيطنا عياط بقيت يومين مريض وصوتي مو طالع
ولا مرة علقت بمشكلة
الموضوع حلو وفكرتو حلوة

abouabdoo

01-29-2007, 09:12 PM

تصوروا أنو ولا مرة صاير معي مشكلة بلعبة للوحدة ... :roll: :roll:

بس مرة بدوري سنة 1997 على ما أذكر كنت حضران مباراة بين العسكر والكرامة مع رفيقي الكرماوي وبقيان للدوري خمس مراحل ليخلص والعسكر متصدر يفرق 4 نقط عن الكرامة

المهم وبلا طول سيرة كان الكرامة ربحان 1-0 وكان الحكم وقتها محمد سالم
الدقيقة 87 وضربة جزاء بيحسبها للجيش ... وهي طابة نزل عليها سالم بيطار وقطعها من بين رجلين البيازيد قام صفر الحكم ضربة جزاء

وسجل الجيش التعادل من ضربة جزاء

وجن جنان جمهور الكرامة ... وكنا وقتها بالمنصة الرئيسية

وبلش التكسير والتلبيط والسبسبة وشلف المقذوفات عالملعب

وبلش الجمهور ... كـ ...... ـتك جيشاوي

كـ ....... ـتك يا حكم

كـ ...... ـت الاتحاد عاللجنة التنفيذية

أجا فاروق بوظو ليهدي العالم

وبلشوا ... كـ ....... ـتك يا بوظو

أجا وجيه شويكي .....

والجمهور .... كـ ........ ـتك يا وجيه

وخلصت اللعبة تعادل

واشتغل الجنان وما عاد عرفت شي من شي

فجأة لقيت حالي عم أطلع من الباب تبع المنصة عالشارع ...
بس مو من الباب ... من البلور ... و انضربت إيدي اليمين بالبلور وقطبتها 9 قطب ... ولهلأ معلم محل الجرح

سور الشام

01-29-2007, 09:44 PM

مرة انا كنت عم اضرب حجارة عمحل بركن الدين

وليي عليك من يوم يومك مئزي
لك شبنا برهوم انا عم الك مشكلة بلملعب انت بتقلي ركن الدين

:teas

وحداووي_اصيل

01-29-2007, 10:03 PM

بتتذكر عامر وئت كنا بمبارت الاتحاد والوحدة بصالة الفيحاء شو صار .... تنذكر وما تنعاد :fw :fb :fw :fb :fw :fb :fw :fb :fw :fb

Canada_Pilot

01-29-2007, 11:17 PM

والله مرة انا و اولاد عمي رحنا علىمباراة اوحدة و الاتحاد اعدنابلمدراجات شي اربع ساعات ابل العبة مشان نحجز مكان واول ما بالشيت هللعبة يعني شي اربع دقايق بالش الضرب بالملعب وبالمداراجات

ابن عمي حجزو اشرطة 4 ايام بمخفر المزة و اا نافدة بريشي يعني لاول مرة قصر قا مة بفيدن

وهاداك يوم وهدا يوم توبة
والله لو بتشوف المباريات هون بكندا بتقول ياسلامممم

اخلاق شو عمي لك بتشتيهي تشوف شرطي او حتى مشكلة ...
كلو بصفق وبيحترم الفريق التاني.

lA T2AKHZONA SHABAB MA 3ENDI KEYBOARD 3ARABI

MSHAN HIK IL KALAM TALE3 MKHABAS

أبو صخر

01-29-2007, 11:25 PM

Canada_Pilot

01-29-2007, 11:48 PM

Ana Adam men Hamilton m3allem,tsharafna

M anas sheekh aly

01-30-2007, 03:54 AM

ما لح اكتب مره تانيه
راجع موضوع حزام الامان بتلاقي ردي
لا تاخذوني بس و الله ما لي خلق لاكتب من جديد
:bd) :bd) :bd) :bd) :bd) :bd)

هنو

01-30-2007, 08:13 AM

و الله يا شباب المشاكل يلي صايرة معي مو صايرة مع حدا
و هلأ رح اذكور وحدة بيناتون
مين فينا ما بيتذكر لعبتنا مع الجيش بالفيحاء لما كان المحروس مدربهم
يوميتها رحت متأخر ع الملعب و لقيت الفيحاء معبا ع الآخر و العالم يلي عم تفوت معي كلها
ع المضمار و الله رحت و وقفت ع المضمار و بينا و بين الملعب في صف من عناصر حفظ النظام و كل واحد منون بط....
عفواً بايدو عصاية بلاستيكية على دين الكيف
المهم يوميتها انتهى الشوط الأول 2-0 للعسكر (وقتها كان الحكم جمال الشريف)
و فتنا ع الشوط التاني
طبعاً كل ما اتذكر منظر الملعب و هو مليان بتدمع عيني و بيأشعر بدني
المهم
فات أول كول للوحدة كل الملعب يوميتها فز و عيط و صفق و وحداوية و حداوية
المشكلة مو هون المشكلة بلشت لما حطينا كول التعادل
آم العالم يلي ع المضمار فاتت ع الملعب من فرحتها
آم جماعة حفظ النظام اشتغلت شغلها أنا كنت بدي فوت اشكر اللعيبة بس لما شفت هالمنظر
بطلت و رجعت لمكاني
بس المشكلة الحقيقية بلشت لما جبنا الكول التالت
و هون نسيت المنظر يلي شفتو من شوي و ركضت مع العالم ع الملعب من فرحتنا
و الله يا شباب و أنا راكض و عم عيط و فرحان و نسيان الدنيا
وإذذذذذذذذذذذذذذذذذذذذذذذذذذذذذذذذذذذذذذذذذذذذذذذذ ذذذذذذذذذذذذذذذذذذذذذ
واحد من جماعة حفظ النظام (اتقولوا في بيني و بينو تار)
سلخني وحدة بالعصاية على :oops:
خلاني نط ما حط
اندرت لورايي بدي العن سلسفيل أجدادو
لئيت شي عشر عناصر ما سكين نفس العصاية وعم يتزوروني
و بيني و بينكم لما شفت هالمنظر انسيت الوجع و رجعت لمكاني

بس بعد منها ضليت جمعة كاملة ما نام غير طب
انتظروا المشكلة الثانية في الحلقة القادمة

الأدعشري

01-30-2007, 08:47 AM

أنا المشكلة اللكبيرة كانت بلعبة الوحدة والجيش بموسم 99 وقت لغا الحكم كول للمحملجي بالدقيقة الأخيرة أم نزلنا أنا ورفقاتي بالسككين و المشارط وهجمنا على الشرطة و زتو علينا قنابل مسيلة للدموع وكنا وقتها تحت الصورة أعدين الحاصل أنو هربنا
بعد ما وصلت تعزيزات و رفيقي نكمش ونسجن شهر و حلقولو عالصفر
المشكلة الكبيرة التانية كانت بلعبة الوحدة و تشرين بملعب الجلاء بالمزة وقت فزنا واحد صفر كما أجا واحد تشريني شب على لشوام و هوة بين جمهور الوحدة ومعو عصاية ومفكر حالو بروكلسي كما انا و رفقاتي بالمشارط و لحجار عليه ووقعنا على الأرض ودعوسناه دعوسة وشرطة حفظ النظام لحقتنا والله لناح كلية الطب و الأفلة أنو شاوي رفس رفيقي رفسة صار فيه متل تومجيري وقت اللي زحط و قلو أ*******ياطنط أم محسوبكن الأدعشري وقعت على الأرض من كتر ما ضحكت ام رفيقي التاني ألو لحنا طلاب بكالوريا وما بسمحلك أم ألو الشاو روح من وجهي أحسن ما أطرقك شف خلي النار تشعل بوجهك :mrgreen:
و أحلى فصل صار بالفيحاء بلعبة الوحدة والجيش وقت توقفت بفرق 30 نقطة للجيش وهجم الشرطة على الجمهور وبما أني خبير ببالدخلات تبع الفيحاء نطيت على الصالة وطلعت من الباب تبع اللعيبة و راكد بالكريدور أنا و أبن خال و بتعرفو بأخر الكريدور في مفرق على الدررج و على اليسار كردور باتجاه الباب الحاصل أني أنا لفيت باتجاه الباب و بوشي شرطي حفظ نظام و ابن خالي ورايي ما لقا حالو غير بحضن الشرطي و أكل عصايتين بالمعية :mrgreen: :mrgreen:

Abu Waseem

01-30-2007, 09:29 AM

:mrgreen: :mrgreen: :mrgreen:

على قولة هنو شو بدي اتذكر لاتذكر
كالعادة مبارياتنا مع الاتحاد يلي مننظلم فيها الي النصيب الأكبر من العلقات
بس رح احكي عن لعبة مع الجيش وانتهت تعادل يمكن وماكان في أي مشكلة هاه
بس هدول يلي على أساس بشر وهنن من فصيلة الحيوانات الشاردة حفظ البطيخ كانو طالعين كلهون وأنا واقف بساحة العباسيين مستني سرفيس الضاحية يلي الموقف تبعو هنيك ولابس كنزة أورانج فالشباب أفروني منها وكانت اللعبة خالصة صرلها شي تلت ساعة يعني ومافي حدا بس قالولهن انتشرو وكان يوم خميس والبجم هدول بدون يرحو على بيوتهم يمكن اجازات فركدو ووصلو عالموقف وبلشو يدفشوني أنا وأخي أنا ماكان عند يخبرة أنو لازم اتحاشاهون فهدول كترة يعني شي خمسين واحد
المهم أول واحد دفشني عيطت عليه قام بلش بدو يضرب بالعصاية قام ركزت عليه ولهلأ كتزكر شكلو أشقر شاوي أبرص :mrgreen:
وبلشت رفس فيه وضرب وزتيتو عالأرض تاري الشباب مو سائلين عنو بس بيعرفو أنو المعلم تبعهون قلون هجوم و هجمو وصرت بالأرض وصوت العصي على راسي ووجـــــــــــــــــــــــــــــــــــــــــــــــ ـع حسيت راسي صار طبول وأخي ماعم يقدر يفكني لحتى شفت ركب بني آدم :mrgreen: لايس مموه وسحبني من بين أيديهم وهو بيسوا عشرين منهون طول وجثة ورجعت قابل للكسر عالبيت
:mrgreen:

بالسلة اللعبة التاريخية مع الاتحاد بالجلاء يلي تعلق فيها اللقب وبحكيلكون ياها شوي تانية وكمان بنهائي دورج دمشق مع الرياضي يلي تحولت الصالة فيها لمعركة وصوت تكسير الكراسي لهلأ براسي :b(

EmadAsfour

01-30-2007, 09:38 AM

بمبارة الكاس مع الكرامة وكان مدرب الوحدة نزار محروس

ومدرب الكرامة حموية
وعغلقت بين المدربيين
وشرطة نزلت فيت ضرب وغاز مسيل للدموع

هههههههههههههه

messi

01-30-2007, 10:13 AM

ولي
شي بيخيل
انا ولا مشكلة الحمد لله
بس احلى شي تبع هنو :mrgreen:

Abu Waseem

01-30-2007, 10:34 AM

تبع الاتحاد يلي عم احكي عنها ببداية ردي السابق كانت بالعباسيين ووقتها البسمة القديم اسكندر حمال حبيب الأهلاوية ووقتها الشبابات سجل للاتحاد على ما أذكر وانتهت 1-0 للاتحاد أو 0-0 ماعم اتذكر
المهم وقتها لغى الحمال بنالتي للمحروس صحيح مليون بالمية وكان كتير عم يترازل الحمال ووقتها شعلت شرارة الملعب والناس صارت نار ومسبات على أبو موزة للحمال الله لا يذكرو بخير
كان عمي معي وجايب معو كيس بردقان وكريفون حملت وحدة فحلة وزتيتها على الحكم الحمال وأجت جنبو وانفزرت وعبتو
وبتذكر واحد عم يبكي قام قللو عمي ليش عم تسبو تحرقو ور شو بتستفيد هداك كبير بالعمر وعم يبكي وقاللو **** أبو هون على أبو الدوري شو متقصدين يخسرونا وزت حجر مرتب مابعرف منيم جابو
والملاحقات وقتها كانت البداية أنو توصل للقصاع
والقنابل المسيلة للدموع عبت العباسيين وكان في ولاد مع أمون صاروو يبكو ويتوجعو من القنابل يلي طبقتلي صدري وأنفي صار وكأنو فيه مليون ابرة وصلنا اباب توما ونحن نهرب من الوشايا
وقتها سمعت أنو في واحد لحقو شاوي لحتى وصل على حارتو بباب توما الشب وإجا هوه وولاد حارتو قتلو وسمعت أنو مات وقتها مابعرف اذا صحيح

messi

01-30-2007, 10:48 AM

شو اخي اب وسيم
مشكلجي معتق بالملاعب :mrgreen:
لازم يحطوك بقائمة الشغب :|

أبو صخر

01-30-2007, 11:06 AM

هههههههههههه
حلوة تبع أبو وسيم بس ما اتذكرت لعبة الجيش
ومحمد حامد تاني وحدة
بس لعما شو بكطونو عملو فيه بالهشهر بالحبس
رجع عميمشي شي؟؟ :b( :b(

أما لعبة الوحدة والكرامة عماد حكيلنا شو صار
أي سنة وكيف علقو
هي اول مرة بسمع فيها
نزار والحموية علقو
الله يصلحكم
لو كان في موبايل كنتو صورتولنا ياها :mrgreen: :mrgreen:

وحداوي موت

01-30-2007, 11:08 AM

ولك حيو الادعشري حيووووووووووووووووووووووووو
ويلي على السككين والمشارط والكباس وحيووووووووووووووووووو الوحداوية حيو

Abu Waseem

01-30-2007, 11:28 AM

أبو الطون هي كانت يمكن يمكن 98 أو 99 ووقتها فات الحموية عالملعب ليتفقد العشب وكنا هربانين من الشغل وقاعدين من الساعة 10 يعني قبل ما يجو الشوايا وبلشو الشباب يسبو الحموية ويقولولو حطو ب....... حموية فالزلمة صار يتضحك وهو مب.............ووث :mrgreen:
بس ضل حاملها لوقت انتهت اللعبة اجا أبو حامد بدو يسلم عليه أنا دفشلو ايدو وعلقو وطبعاً الجمهور بلش يسب قام ضربونا قنبلة مسيلة عالمنصة (كنت دائماً بالمنصة) وبلشو الشباب الوحداوية وأول مرة بشوفهم بهالقوة يقيمو خشبات المدرج تبع الصالة ويزتوها عالشوايا وكيف نفدت وهربت مابعرف بس يفضح عرضها هالقنابل شو بنت حرام بتحس حالك بدك تموت وماعم تموت :mrgreen:

والله يا محمد (ميسي) مو مشكلجي بس منكون جانن جناننا بتلاقيلك كم حيوان بكملوها عليك وأنا كان مخي ما يحملني
يعني بتذكر مرة زعران من الجبل من جمهور الجيش بعد لعبة الفيحاء يلي حكا عليها هنو طالعين بعد ما خلصت اللعبة بساعة وماشيين أنا ورفيقي وأخواتي التنين وعمي وبدنا نجيب قهوة من عند أبو سمرة بركن الدين وهدول الجيشاوية عم يسبو ويحرقو طاقية وحداوية سارقينها من واحد أنا بدي اهجم وعمي يشدني لحتى انتبهولي وقررو يهجمو ومن وين إت التعزيزات الوحداوية مابعرف وأكلو أتلة حشك وليك وهربو :mrgreen:

M o H a M e D

01-30-2007, 11:33 AM

أنا كمان بتحاشى كتير المشاكل ... لأنو أهلي خلقة بيكرهو الملاعب والرياضة بقا كيف اذا شي مرة حجزوني أو صرلي شي ... وقتها أنا بحرم روح ع الملعب ...
.
مرة وقت نصف نهائي الكاس من سنتين مع الجيش كنت اخد معي ابن عمي عايش بالكويت وأول مرة بيحضر لعبة بالملعب والكل بيتذكر تحكيم هديك اللعبة والمشاكل يلي صارت بعدها مع الهمج... ووقت بلشت المشاكل بعد اللعبة الشب عجبتو الشغلة وبلشلك سفق حجارة بحفظ النظام ووقتها الجمهور نزل بحفظ النظام وخلاهن متل الكلاب يهربوا لجوات الملعب ... وفجأة هجموا هجمة وحدة والجمهور بلش يهرب و مانشوف غير الحجار عمتنزل علينا من كل مكان ووقتها ضلو يلحقونا لاخر القصاع وبلشولك أهل القصاع يطلعوا ويسبسبوا ... وضل الجمهور يهرب وبذكر أنو حبسوا واحد من حفظ النظام راكد لحالو ونسيان حالو ببناية ونزلوا فيه ... والله سترنا الحمد لله ورجعنا ع البيت بعد ماخلصت اللعبة بشي 3 ساعات ...
بس ابن عمي طاروا نضاراتو بالهرج والمرج :mrgreen:
.
ومرة وقت نهائي دورة دمشق مع الرياضي وبتعرفوا وقتها شو صار ...
المهم أنا وقتها كنت قمت قبل ماتخلص اللعبة بشوي وكان الفرق وقتها 30 نقطة وكنت ع الباب وقت بلشت المشاكل ... المهم حملت حالي وركدت والشرطة واقفة ع الباب ونازلة بالجمهور بالعصايات ... أكلنا يلي فيه النصيب و فكرت حالي نفدت ... قام طلع يلي برا الصالة أكبر من يلي جوا ... ووقتها تكسرت اشارات المرور و صار حرق دواليب والشرطة صارت تجيهم تعزيزات من كل مكان ... أنا حملت حالي ومشيت ناح جامع الايمان لأركب سرفيس جوبر واذا بلاقي دورية واقفة هنيك و داكة وراها شي عشر وحداوية ... كنت لابس كنزة بردقاني ... قام الضابط ابن الكلب قلهن جيبوه ... وركدوا ورايي هالشوايا أنا نطيت من السور بين الشارعين وركدت بهالشارع ومالي وعيان لالسيارات ولاشي والله سترني وقتها ... ضليت راكد حتى وصلت على جسر فكتوريا ...
و وقتها والله لهنيك كانوا عميكمشوا العالم ...
وكتير ناس بعرفهن وقتها انكمشوا وضلوا محبوسن فترة طويلة...

messi

01-30-2007, 11:45 AM

ولي
شو هالمغامرات محمد :b(

وحداوي موت

01-30-2007, 04:11 PM

ابو وسيم لعبة الرياضي لاتذكرني فيها
يلعما شو صار يوميتها
الله وكيلك اكتر من عشرين سيارة شرطة اجو لعنا على الحارة مكسرين من الجمهورين الوحداوي والرياضي
واكترمن شي مية اب وام اجو ياخدو اولادهن من مخفر ركن الدين
وعم الك صار بلاوي بلصالة بلااااااااااااااااااوي

abou malek

01-30-2007, 05:25 PM

انتظروا مغامرات أبو مالك الورد ضد الاهلاوية :evil: :evil: :evil: :evil: :evil: :evil:

و باقي جماهير الاندية الأخرى

abouabdoo

01-30-2007, 09:59 PM

أما لعبة الوحدة والكرامة عماد حكيلنا شو صار
أي سنة وكيف علقو
هي اول مرة بسمع فيها
نزار والحموية علقو

هي اللي ربحناها 4 - 3 وتأهل الكرامة لأنو ربحان بالذهاب 2 - 0

وقتها تقدم الكرامة وعادلنا
صارت 2 - 1 للكرامة وعادلنا
صارت 3 - 2 للكرامة وعادلنا
بعدين حطينا الرابع
بس ما استفدنا شي ....

كانت لعبة ربع نهائي وبهديك السنة الكرامة أخد الكأس وقت ربح على حطين 3 - 0

Abu Waseem

01-31-2007, 08:19 AM

:)) أبو عبدو