الحب على الطريقة الوحداوية

[الرومانسي الحزين]

السلام عليكم ورحمة الله وبركاته :
احب ان اشرح لكم ومن وجهة نظري عن اسلوب محبة الوحداوية للفريق ف90 % من الجمهور جمهور نتائج و5% جمهور نزار محروس و3 % جمهو نيناد وبيببقى 2 % جمهور الوحدة الجمهور يلي كان يتابع الوحدة ايام تحت مدرجات ملعب تشرين الجمهور يلي كان ما يعبي نص المنصة بس كان جمهور وحداوي للفريق لا للاعب ولا لمدرب ولا لادارة جمهور بيعشق الوحدة جمهور قدر يجيب ويجذب جماهير اكبر لما بدا يشرح طريقة حبو للفريق لحتى عبا الملعب يوم كاس الجمهورية هاد الجمهور يلي بنقدر نقول انو هو الاتنين بالمية قدر يصنع معجزات ويدخلنا كتالت اكبر جمهور بالوطن العربي وبعدين بدات الفئات المندسة يلي همها النتائج وبديت جماهير تشجع النتائج وبس وجماهير تشجع احلى ابو حامد ونحنا جمهور نزار وبس طيب نزار لاعب كبير وانا عن نفسي بعشقو بس مو اذا ترك النادي لازم نطفش لانو ترك لانو اذا انا عم شجع النادي كرمال شخص فانا مو مشجع للنادي انا بقيت مشجع للشخص وبس وبعدين اجانا جمهور نيناد وكانو متل يلي قبلهم بيهم نيناد وبس نيناد مدرب جاب بطولة دوري صح بس مو بلاعبين من النادي كان سمحو بالاحتراف وهلاء اذا ترك نيناد واجا غيرو وغير ابو حامد راح يقل الجمهور يرجع يا جماعة انسو كل الاسماء وشجعو الفريق الفريق يلي لون دمنا برتقالي كرمالو وشكرا على قراة الموضوع واسف اذا ازعجت اي حد

[WASSEEM]

مع احترامي لكلامك أرقامك غلط و غلط كبير....

لو كان 90 % من جمهورنا جمهور نتائج لكنت شفت 100 زلمة بالملعب ....
اما انو بس 2 % هو الجمهور الأصيل فهاد يعتبر ظلم لكل مين بيحضر مباريات
الوحدة بالملعب....
مابدنا يا جماعة نخلط الحابل بالنابل......

لحتكون نتائج الاستفتاء لصالح نادي الوحدة و هاد مفروغ منو.....

[مالك]

التصويت غلط لأنو مابيصير يكون التصويت لأشخاص والنادي
لأنو أكيد رح نختار النادي بس المشكله وين الصح :?: :?: :?:

[اسامه شفيق قطرميز]

صفوان و خالد مع بعض
والوحده بكون الاقوى بسوريا

[أبوأيوب]

بسم الله الرحمن الرحيم
ياعيني عليك يارومانسي بالعكس أناعاجبني
تصويتك وجميل مش عشان شي إلا
عشان نثبت لبعض إنو في إخلاص
للنادي وللنادي وبس ثم تبدأ الأولويات
كيفما شائوا الشباب حتى ولو عشان
تراوري
وبعد النادي أنا حبيبيي ياخيو نزار وغالب الزركان

[حسان1973]

انا صوتت للنادي مع اني كشخص مع نزار والي صوت لنزار او نيناد او صفوان او الحبوباتي هاد مصلحجي وكولكجي بتعرفو لبيت الكولكجي موهيك النادي لاانو هو الي عرفنى على هل ناس وهل ناس كل واحد منهم خدم النادي بطريقتو الخاصة الصوتو لااشخاص ال بيت الكولكجي كترانيين والله هون بالمنتدى كمان موبس برة

[Ammar Alfarawati]

نادي الوحدة طبعا
بس كيف بتقارن شئ مع شئ اخر هو ذائب فيه (يعني عم تقارن شئ باجزاءه)؟؟؟

[سعدي]

اكيد نادي الوحدة ... و بتوقع القصد من التصويت هون تذكير الناس أنو انتماءنا لازم يكون للنادي و ليس لاشخاص في النادي و أتوقع ان النتيجة ستستمر بتفوق النادي و هذا الصحيح ..

[Zizou]

نادي الوحدة طبعا
بس كيف بتقارن شئ مع شئ اخر هو ذائب فيه (يعني عم تقارن شئ باجزاءه)؟؟؟
معلم أنا حبيتها كتير هي شي ذائب بشي يعني بكلمتين يا عمار كفيت ووفيت
فعلا يعني لولا كل يللي زكرتهم يا سيد رومانسي هنن جزء من الوحدة ونحنا لولا الوحدة ما كان ألنا علاقة فيهم و أنا ما رح صوت لأنو النتيجة محسومة سلف لبرتقالة دمشق

[S@MER]

أكيد للنادي وبس

[bombastice]

مؤكد أن الجميع سيقولون الوحدة ولايمكن أن لانقارن بين حبنا لعائلتنا وحبنا لشقيقنا .

فالسؤال المطروح بهذا المعنى .

[أبو جورج الوحداوي]

الوحدة اهم من اي شي اخر

[EmadAsfour]

انا مارح صوت لانو استفتاء مالو طعمة
طبعا محبة النادي لاغير وبس

[ramitotti]

يا أخي لك حاجة تقولولي نزار محروس و ما نزار لك ملينا من هالقصة تركو الزلمة بحالو وحاجة تجيبو سيرتو
و الله ما في غيرو نزع النادي هوة و أيمن حكيم كل واحد عملي عصابتو وهي بتعمل مشاكل مع هي وهي بتخربا على هي ما حنخلص نحنا من هالقصة
و الله اللي طالبنو مو كتير بدنا النادي وبس لا نزار ولا أيمن
:x :x :x :x :x :x :x :x :x :x :x :x :x :x :x

[أبو لؤي]

يعني الزلمة فايت عم يحكي كلمتين حلوين
يذكرنا فيهم أن انتمائنا أولا وأخيرا ً للنادي
وبالتأكيد لحنا ما نسيانين هالشي
لأنو هاد الشي بدمنا
بس حضرتك تفوت تتفزلك
وتزتلك كلمتين بلى طعمة لشو
شايف الموضع رايق والشباب عم يجاوبوا برواء

احكي على قد الموضوع وصلى الله وبارك

[حسام الوحدة]

ولا شخص بيهمني على قد مابيهمني نادي الوحدة وهذه الأسماء كلها عابرة ولا يبقى سوى النادي بس ياريت طرحتوا الأسم الذي أثار طرحه بالنادي للتدريب بلبلة كبيرة أنتقلت للمنتدى( أو العكس)

[S@MER]

الوحدة أولا


أهلين شادي
وأحلى شريك والله

عم يصلك سلامتي مع أخوك

[wissam82]

مين نكشه للموضوع ....... :b(:b(


بس على فكرة مناسب وقته هلئ ......

[سعدي]

أهلين شادي
وأحلى شريك والله

ابو سمرة
الموضوع من سنة 2005
بس ما بعرف ليش حسام الوحدة نكشو :m(

بكل حال معليش خلانا نتزكر شادي
الله يرجعو بالسلامة

[Ammar Alfarawati]

ضــــــــــــاع شادي :cry (تبع فيروز)..

[همام]

يا سيدي هالموضوع فعلا هلأ وقته

[حمودي اليوفاوي]

هادي
ليش ما حطيت خيار
( ماهر السيد )

ياللا هلأ بختار ( الاختيار شيت الوحدة الدمشقي )

عم امزح ها

[rami832]

الوحدة اكبر من اي شي

[حسام الوحدة]

ابو سمرة
الموضوع من سنة 2005
بس ما بعرف ليش حسام الوحدة نكشو :m(

بكل حال معليش خلانا نتزكر شادي
الله يرجعو بالسلامة

أكيد انا مفهمت عن شو عم تحكي اذاخير شكراً واذا مو خير كمان شكراً
ويالله المهم اتذكرتوا شادي الله يرجعه بالسلامة مع اني مابعرفه

[الرومانسي الحزين]

يا سيدي هالموضوع فعلا هلأ وقته
من ال 2005 لهلاء ولسا وقت هالموضوع شغال لك همامو

[الرومانسي الحزين]

هادي
ليش ما حطيت خيار
( ماهر السيد )

ياللا هلأ بختار ( الاختيار شيت الوحدة الدمشقي )

عم امزح ها
حمودي يرحم جدك بدي اتعرف عليك