من يحاسب قناة art بعد هالفصل الناقص ...؟؟؟!!!

[wissam82]

طبعا متل ما الكل بيعرف وخاصة المغتربين انه كنا مترقبين على أحر من الجمر النقل التلفزيوني
لمباراة فريقنا البرتقالي ضد فريق الجيش اليوم على قناة art متل ما تم الإعلان سابقاً ..

وفعلا على حدود الساعة 2 إلا ربع بدأ الاستديو التحليلي للمباراة وكانوا الضيوف مع الصحفي فايز وهبي
عم يحكوا عن المباراة بشكل عام وكان التعاطف مع نادي الوحدة سمة مشتركة بين فايز وهبي وضيوفه ..

والكل توقع إنه تكون مباراة حلوة ونارية ,, مما زاد حماستنا وشوقنا لنشوف المباراة
وخاصة انه صار بالفريق لاعبين جدد متل دارلتون وقصي حبيب وعبد الناصر وبقيادة الكابتن عماد ...

وانتظرنا هلئ بيبدوا نقل وشوي بيبدأ النقل وعلى حدود الساعة 2,15 حطوا مباراة الجيش والاتحاد
وعلى قناة art2 مباراة الوحدة والمجد من مرحلة الاياب ,, وطبعا المباريتين مسجلين وقدمى ..

وكتبوا بالشاشة تحت (( نعتذر عن نقل مباراة الجيش والوحدة بسبب عطل تقني وسنعيد عرض اللقاء بوقت لاحق )) ... :x :x

ويا حزركم شو هو العطل التقني يلي طلع .......؟؟؟؟؟؟؟؟؟؟؟؟؟؟؟؟!!!!

العطل التقني انه شركة art اختلفت على حظنا مع شركة الرياضية يلي شارية حقوق النقل التلفزيوني ,, والخلاف على أمور مالية بينهم ..

وبين شركة Art وشركة الرياضية راحت علينا المباراة وما قدرنا نشوفها (( الله لا يسامحهم )) ...

بقى مين بيتحمل مسؤولية هالشي ومين رح يعوض الجمهور يلي انحرم من متابعة اللعبة ..؟؟؟

والمفروض يكون في شرط جزائي بحال خاوزت الشركة بالنقل ,,
لان كلنا يلي مشتركين بالغربة مشتركين مشان نضل متابعين لفريقنا ....

منتمنى ما عاد تكرر هالشغلة لانها فعلا مسخرة حقيقية ,, والله لا يسامح الشركتين على هالفصل ...

[سعدي]

وسامو مين بيقدر يحاسبهم ؟ ؟ ؟ ؟ ؟
الجماعة اشتروا حقوق البث انو ما حدا ينقل غيرهم

بس كمان ما حدا بيجبرهم انو ينقلو مباراة معينة ..

يعني متل هالفصل بيأثر على مصداقيتهم مع جمهورهم . .
و هني بصراحة مو فرقانة معاهم الا الجمهور المصري و السعودي
يعني ما رح يزعلو اذا زعل منهم السوريين . . .
بس انو ليش آخدين حقوق دورينا طالما انهم مو مهتمين فينا ؟؟
هي اللي اسمها سياسة الاحتكار ..

بس اذا بدك الصراحة ما حدا بيقدر يجبرهم ينقلو شي
ما في شرط بيجبرهم ينقلو شي .. .

[kashi]

عنجد يا عيب الشوم عليهم والله تركت الشغل ورحت على البيت على اساس المباراة منقولة بس شو بدنا نحكي انشاء الله ما تنعاد لانو الواحد على اعصابه في كل مباراة للوحدة وطبعن الشكر الكبير للشباب في هذا المنتدى العظيم مشان النقل للمباراة

[Ammar Alfarawati]

المشكلة ياوسام

انو الخلاف الجوهري مادي وحتى في مراسلين ومذيعين ومخرجين ماقبضت من ست اشهر من الـ Art ...غريب هالامر بس بتوفع الامور تتحلحل قريباً

[wissam82]

بس والله شي بيحرق القلب الشي يلي صار اليوم
لانه كنا مهيأين حالنا نفسياً لنشوف اللعبة و نشوف فريقنا بعد التعديلات الكتيرة يلي صارت فيه ..

والفكرة أبو سعود انه بلشوا بالنقل قبل اللعبة وحطوا الاستديو التحليلي من أرض الملعب ولما
صار وقت اللعبة وصافرة البداية راحوا وما عادوا رجعوا .... :evil: :evil:

وأكيد الاتفاق بينهم وبين يلي باعهم حقوق النقل انه ينقلوا مباراة مباشر
مو يحطوا مباراة مسجلة من مرحلة الذهاب ,,

يعني هون قمة المسخرة ...

[سعدي]

وأكيد الاتفاق بينهم وبين يلي باعهم حقوق النقل انه ينقلوا مباراة مباشر
مو يحطوا مباراة مسجلة من مرحلة الذهاب ,,
لأ وسامو
الاتفاق انو ما حدا ينقل فضائي غيرهم
بس ما في شي بيجبرهم ينقلو مباراة معينة . .
يعني هني احتكروا النقل
بس ما في شي بيجبرهم ينقلو
الا مصداقيتهم مع المشتركين
و متل ما قلتلك
نحنا مو فارقين معاهم
بيكفيهم الجمهور المصري و السعودي

[سعدي]

وسامو في منتدى لART
بتقدر تحط موضوعك و شكواك فيه
و الكل يردوا عالموضوع .. . كيف
انو في ناس بسوريا عم تعترض . . .

على فكرة حاولت ادخل على منتداهم طلعلي التالي :
http://www.artonline.tv/images/message.png

حتى المنتدى مو شغال لاسباب فنية
هههههههههههههههه

[Ammar Alfarawati]

ممنوع تعترض عليهم لاغين الدخول للسوريين اليوم خخخخخخخخخخخخخخخخ

[سعدي]

ممنوع تعترض عليهم لاغين الدخول للسوريين اليوم خخخخخخخخخخخخخخخخ
هو مشان هيك لازم يفوت وسام من السعودية
بيشوفو ايبي سعودية بيفتحو كل شي كرمالوووو

[WAEL -AL BRNE]

عنجد اليوم قمة المسخرة صارت بعد ماضليت شي ساعة بلبنك ومشان حظي يكمل كان في اكتتاب بلبنك اليوم وطلعت من البنك الساعة 3 الا خمس دقائق وطرت طيران بسيارة ووصلت ع الساعة 3 وربع وبشوف مباراة الجيش والاتحاد ع سبورت 1 والوحدة والمجد ع سبورت 2 وربي فتت بلحيط فكرت صار تعديل بلمباريات لانو متعود ع الاتحاد الرياضي عنا مافي شي مابصير بس بعدين لهديت حالي حطيت ع الراديو وبسمع ملاعبنا الخضراء

[سعدي]

هو الواحد بيشترك بالاي ار تي
مشان يحضر اللعبة عالراديو

[سامح-ف]

بس والله شي بيحرق القلب الشي يلي صار اليوم

[سعدي]

منيح اني رحت عالملعب
كان احد الخيارات انو شوفها بالبيت ..
الحمدلله انو في مين شحطني عالملعب . .

[messi]

الف الحمد لله انو منقدر نحضر اللعبة بالملعب


الله يعين المغتربين


بس المباراة سجلوها ورح يعيدوها

[yanalooo]

يلا طولو بالكون
الله يجعلها أكبر المصايب

[برتقالي مجروح]

الله لا يسامحهم على هالمسخرة كبينا مصارينا لهيك قناة نسة مشان نشوف مباريات الوحدة آموا على حظنا ما نقلوها

[EmadAsfour]

ارذل شركة هي art

????????????????/
انتهازيين دائما

[حسام الوحدة]

الله **** اللي عطاهم حقوق النقل الحرمية ولاد الحرمية ؟؟؟

[<IBRAHIM>]

انتو مشان مباراة وهيك
مين يحاسبهن على حرمان المشاهدين في اميركا الشمالية واميركا الجنوبية و استراليا او اي دولة لاتصلها اشارة قمر الهوت بيرد او العربسات والنايلسات من مشاهدة ولو اي مباراة من الدوري السوري
ونقلهن لمباريات دوري الدرجة التانية السعودي ودوري الشباب الله لايوفقن بجاه النبي

[وحداوي موت]

يضربوا هنن الجوز راحت اللعبة علينا
كنت متمني شوف اكتر شي قصي
بس ما نقلوها وفي كتير عالم اكلة كم مرتب بهل شغلة

[MOH@MAD]

والله مسخرة ايه والله مسخرة
يوم عن يوم art عم تثبت فشلها

[wissam82]

ارذل شركة هي art

????????????????/
انتهازيين دائما

فعلاً
اذا صاحب القناة والشركة الضفدع كامل قصدي صالح كامل شو رح نتأمل منهم يعني ...

[samer88]

انشاء الله بتسكر الا ار تي و منخلص منها

[ali barbour]

عيب والله عيب يا art

[<MoHaMeD DaBoUL>]

شو بدك تعمل وسامو شكيون ل الله
بس شو بدو يحكي الواحد مسخرة

[السامر]

كنت متمني نشوف المباراه وخاصه الاستديو التحليلي كان متعاطف معنا وبالذات الكابتن جورج

[Abu Waseem]

هي هية سياسة الاحتكار يلي متبعتها ART وقدوتاه بهالشي Microsoft
متل ماقال سعدي
مو هاممهم الزبون (المواطن) السوري
ومحتكرين كلشي عنو (دوري سوري - مباريات منتخب - دوري أبطال) يعني مابنسى منوب شو عملو فينا وقت منتخب شبابنا ومباراته مع البرازيل
لذلك لازم نشجع الهاكر وما نساعد بنوب بشراء اشتراكات من هيك شبكة محتكرة حاطة الدين شعار الها انه السرقة حرام مع انه الاحتكار أكبر حرام