اليوم بالتمرين....ولماذا هذا الفعل ياجمهور الوحدة!!!؟؟؟ [الأرشيف]

Ammar Alfarawati

10-31-2005, 07:44 PM

اليوم ياشباب يلي شفتو بالتمرين شئ محزن

الاول ماشهدته على وجه مهند خراط من حزن لماحصل له بعد المباراة الماضية من شتم طاله من قلة خارج مشالح الفريق بالملعب
الى هؤلاء الذين يتصرفون بشكل لااخلاقي وغير رياضي الاتذكرون انكم حملتم هذا الشخص نفسه عندما سجل هدف التقدم على المجد العام الماضي وانه نفسه هو الذي سجل بمرمى الرجاء المغربي وانه هو نفسه الذي سجل بمرمى الجيش سابقا

والاهم من هذا كله انه لاعب بفريق الوحدة نحن لانرضى اصلا الشتم للغير فكيف على لاعبينا ابناء نادينا عليكم ايها المسيئين مراجعة انفسكم ومافعلتم كان شئ مخجلا بحق

لان هذا اللاعب هو ابن النادي صحيح انه قليل الخبرة لكن اصبروا عليه وسيكون من اوائل الهدافين بالدوري السوري باذن الله (وكمثال تذكروا بدايات معتصم علايا وهو من نفس جيل الخراط).

الثانية
الاصابة التي تعرض لها كل من ماهر مصطفى ضربة اخرى لفريقنا فقد تعاودت اصابته بالكاحل بعد الاحتكاك اليوم بالتمرين مع رافت محمد ولحين الغد يتبين مااذا سيكون الغياب بسيطا ام لفترة ....

الثالثة
اصابة عدنان مرزوق لكن والحمد لله الاصابة خفيفة تحتاج لعلاج بسيط وراحة يومين.

بالنهاية اريد ان اعرف من الجميع رايهم بالموضوع
ورايهم باللاعب مهند خراط هل نحن كجمهور يجب علينا الوقوف خلفه ومساندته ليصبح نجما
ام نحن لانتحمل الانتظار ونريد النتائج فورية دون النظر لاي شئ اخر؟

اسئلة اريد الاجابة عليها بكل صراحة وموضوعية.

نسيم الكفري*

10-31-2005, 07:52 PM

انتظرنا كتير لايمتى بدنا نتظر يعني ــ حلو النقض بطريقة حضارية مو متل ماعمل

الجمهور بسب اللاعب يعني صحيح جلطنا بالمباريات الماضية بس ما بصير يلي

عملوا الجمهور .

اعشق البرتقالي

10-31-2005, 07:54 PM

على فكرة نحنا عنا نسبة كبيرة من جمهورنا عبأ على النادي
او ازا فينا نقول (( عار )) على نادي الوحدة يكون عندو هيك جمهور
عم بحكي ( اخلاقيا و ثقافيا )
جمهور بس همو حط كوال , وانو يشوف فريقو فايز
ما بقدر انو فريقو ناقص اكتر من نص التشكيلة
مابقدر انو الخراط مهاجم لسه باول طريقو
لك اصبروا عليه , والللللللللللله اصبروا
مافي شي بييجي جاهز لحالو
يعني شو هو قصدا عم يضيع فرص ؟؟؟؟؟؟؟
لك لا تنسوا انو الخراط اول مرة عم يلعب اساسي بالدوري
مهاجم صغير
لسه بدو عدة مباريات لياخد عالجو
لك المقدمات يلي عندو ( سرعة ومهارة ) بتبين انو مهاجم رائئئئئع
بس استنوا عليه

EmadAsfour

10-31-2005, 08:00 PM

والاهم من هذا كله انه لاعب بفريق الوحدة نحن لانرضى اصلا الشتم للغير فكيف على لاعبينا ابناء نادينا عليكم ايها المسيئين مراجعة انفسكم ومافعلتم كان شئ مخجلا بحق

مظبوط كلامك بس مو لدرجة من اول الدوري لهلئ
وهوراس الحربة بدون اي هدف
ودفاعنا يلي سجل جميع الاهداف
اياد عبد الكريم
وليد الشريف
مو مسخرة

أبو صخر

10-31-2005, 08:00 PM

أبو جورج الوحداوي

10-31-2005, 08:06 PM

لا اعتقد ان الخراط سيكون مهاجما جيدا في المستقبل واتمنى ان اكون مخطئا
بس مشكلة التهديف مو من الخراط بس

من الادارة ومن المدرب

abou malek

10-31-2005, 08:06 PM

على فكرة نحنا عنا نسبة كبيرة من جمهورنا عبأ على النادي

:)) :)) :)) :)) :)) :)) :)) :)) :))

منيح يلي ما اجا شي اهبل و ضربوا بشي حجرة

اعشق البرتقالي

10-31-2005, 08:11 PM

لا اعتقد ان الخراط سيكون مهاجما جيدا في المستقبل واتمنى ان اكون مخطئا
بس مشكلة التهديف مو من الخراط بس

من الادارة ومن المدرب
بالله اخي فيك تخبرني شو هي مشكلة المدرب ؟؟؟؟
بعتقد ازا بدنا نلوم حدا , فاااااااااااخر واحد لازم نفكر فيه هو نيناد
بستغرب حكيك ؟؟؟؟!!!!!

WASSEEM

10-31-2005, 08:13 PM

EmadAsfour

10-31-2005, 08:13 PM

لا اعتقد ان الخراط سيكون مهاجما جيدا في المستقبل واتمنى ان اكون مخطئا
بس مشكلة التهديف مو من الخراط بس

من الادارة ومن المدرب

معك حق شادي
يعني نعطيه مهلة حتى يخلص الذهاب
والدوري يروح مننا
حاجة يا ................

انا مع النتائج في هذه المرحلة الانتقالية لفريقنا

اعشق البرتقالي

10-31-2005, 08:16 PM

ليش في بعض الشباب مصممين انو يحطوا الحق على حدا
لك ازا في شغلة لازم نعلق عليها
انو تاخرنا لجبنا لاعب محترف
وحتى مو بايدنا الشغلة
لانو اتحاد القدم (( الله يخليه )) هو اتاخر لنزل قرار الاحتراف
يا شباب ما بدنا ننسا انو الفريق ناقصو اهم اللعيبة , بالمقدمة ( السيد والمعتوق )
يعني شي عادي يلي عم يصير بالفريق .

EmadAsfour

10-31-2005, 08:22 PM

عمار حبيبي أنا بالنسبة الي مع احترامي لمهند خراط و حبي له كوحداوي
الا اني غير متفائل بهذا اللاعب مستقبلا أبدا فنحن نعرفه منذ زمن و لم يتغير
مستواه ,فوضعه على حاله منذ سنوات.. و اعتقد أنه خارج الحسابات البرتقالية....

رغم ذلك لا نقبل أن يسب هذا اللاعب أو غيره أبدا......

تمام هذا الحكي يلي عليه علامات وحكي دهب

مهند من هلئ مودع البطولة ومسلم النمر تبعاتو

وخالص كازو رغم عمرو

كمال عاجي = 10 من مهند خراط

نبيل الشحمة = 10 من موفق الحسين

شو كمان نحكي

مل قلبنا يا عالم حاجة

M o H a M e D

10-31-2005, 08:34 PM

أكيد يلي صار عيب وبينم عن جهل يلي قاموا بهالفعل
مهند خراط رغم سرعته ومهارته بس بنيته الجسدية ضعيفة وهاد أكتر شي بيعيبه
يعني بهالمعطيات لايلام كتير بالمباريات الماضية وخاصة أنو ما عمتجي طابات متل العالم وعميلعب لوحدو بالهجوم فمن الصعب جدا أن يصنع فرص لنفسه
بالمختصر مهاجم قليل خبرة وهي كانت فرصتو ليأثبت نفسو بس لحد الان ما عطى المطلوب
وبالتوفيق للخراط ولكل اللعيبة

أبو لؤي

10-31-2005, 09:18 PM

1ـ طبيعي جدا ً أن لا يرضى أحدنا بشتيمة لاعب يلبس القميص البرتقالي
وما سواه كما ذكرت
2ـ كما ذكرت أنه هو الذي سجل هدفا ً على الرجاء والجيش سابقا ً
هذين الهدفين شاهدتهم في الملعب لكن لا أدري لو أنه لم يسجل
هذين الهدفين ما كانت ردة فعل الجمهور لأن الهدفين سجلا
من حالة انفراد تامة بالمرمى
على كل حال كما ذكر بعض الأخوة
{لو بدها تشتي كان غيمت}
اللاعب كما ذكر بعض الاخوة أخذ فرصة مناسبة إلى حدن الأن
واللاعب الوموهوب الذي لديه الإمكانيات لا يطلب من مدربه
سوى فرصة مباراة واحدة فقط ليثبت له نفسه وليس 500 مباراة
ليس 500مباراة علينا أن ننتظر كل لاعب شاب حتى يثبت نفسه لنا
وإلا فإننا سنحتفل سويا ً في وصوله إلى قمة مستواه
ولكن للأسف سيكون ذلك الموعد
في مباراة اعتزاله ...
على ما أظن

Radwan

10-31-2005, 10:26 PM

[align=justify:b95d541daf]عفوا" من جميع الذين شاركوا وأعطوا رأيهم باللاعب مهند الخراط لأنني أقول في علم كرة القدم المسؤولية في التسجيل تقع على خط الوسط الذي عليه تمويل هجوم الفريق بالفرص ونحن ليس لدينا سوى مهاجم واحد لايمكنه مهما كان موهوبا" أن يسد النقص الموجزد حاليا" فالأهداف يا شباب غالبا" تأتي من المتابعات ومن أرتداد الكرة من الحارس أو المدافعين والخراط تطلبون منه فعل كل هذا بمفرده لاتظلموا أبن نادينا كان الله في عونه لمهندنا وسامح الله الإدارة على التفريط بعدد من لاعبينا دفعة واحدة رغم أننا كان لدينا أستحقاقات مهمة وقبل الدوري مباشرة"ونحن في الأسبوع الخامس ومازال الفريق يفتقد للتعويض عن اللاعبين الذين فقدهم.

مهند سجل أهداف جميلة ورائعة و لايمكن أن يكون العطل منه بل من الوضع الذي يعيشه الفريق بشكل عام وتحية مني للاعبنا مهند الخراط وأقول له بإذن الله سيكون كل شيئ كما تريد وآمل أن يكون ما حصل حافزا" لك لبذل المزيد من العطاء لنادينا وتمنياتي لك بالتألق والنجومية .[/align:b95d541daf]

:roll:

tiger

10-31-2005, 11:08 PM

باختصار خراط نجم بتعرفوا ليش
لأنو بيلعب بدم......لك ركضتو غير
وأنا عندي ثقة فيه لأبعد الحدود
والجمهور يلي شتمو هنن حوش ونور

S@MER

10-31-2005, 11:58 PM

لاعب هجوم واحد داخل منطقة جزاء شو بدك تتوقع منو
لازم يكون في مهاجم تاني ناحو يساعدو ويغطي عليه
أنا برائي لسا ما أخد فرصتو الصح
انا برائيي انو لازم ننتطر حتى يرجع ماهر السيد وغسان معتوق بسلامة
ومهاجم تاني جانب مهند بعدين منحكم عليه

هيثم

11-01-2005, 12:02 AM

مهند خراط لاعب جيد يحتاج إلى مهاجم ممتاز إلى جانبه يموله ...والفريق هلأ عنده خط وسط ممتاز .....لكن للأسف اللمسة الأخيرة مفقودة عنده وأكبر مثال الفرصة التي لاتصدق في لقاء الحرية..عمل كل شي إلا التسجيل

syria alasad

11-01-2005, 12:51 AM

اخي الكريم انا ما بعرف

نحنا واجبنا انو نوقف معو ونشججعو لآخر لحظة
وضد انو ينشتم قولاً واحداً

بس بنفس الوقت لازم اللاعب يطور حالو
يعني هالزلمة كم سنة الو بالرجال ؟؟؟
يعني حاجتو ... لازم يصير احسن من هيك

EmadAsfour

11-01-2005, 10:16 AM

[align=justify:91b0af8410]عفوا" من جميع الذين شاركوا وأعطوا رأيهم باللاعب مهند الخراط لأنني أقول في علم كرة القدم المسؤولية في التسجيل تقع على خط الوسط الذي عليه تمويل هجوم الفريق بالفرص ونحن ليس لدينا سوى مهاجم واحد لايمكنه مهما كان موهوبا" أن يسد النقص الموجزد حاليا" فالأهداف يا شباب غالبا" تأتي من المتابعات ومن أرتداد الكرة من الحارس أو المدافعين والخراط تطلبون منه فعل كل هذا بمفرده لاتظلموا أبن نادينا كان الله في عونه لمهندنا وسامح الله الإدارة على التفريط بعدد من لاعبينا دفعة واحدة رغم أننا كان لدينا أستحقاقات مهمة وقبل الدوري مباشرة"ونحن في الأسبوع الخامس ومازال الفريق يفتقد للتعويض عن اللاعبين الذين فقدهم.

مهند سجل أهداف جميلة ورائعة و لايمكن أن يكون العطل منه بل من الوضع الذي يعيشه الفريق بشكل عام وتحية مني للاعبنا مهند الخراط وأقول له بإذن الله سيكون كل شيئ كما تريد وآمل أن يكون ما حصل حافزا" لك لبذل المزيد من العطاء لنادينا وتمنياتي لك بالتألق والنجومية .[/align:91b0af8410]

:roll: :roll: :roll: :roll: :roll: :roll: :roll: :roll: :roll: :roll: :!: :?:
:?: :!: :?: :!: :?: :!: :roll: :?: :!:

:roll:

EmadAsfour

11-01-2005, 10:20 AM

الراقصة الفكحة بتقول الارض مايلة

والديك الفصيح من الجاجة بصيح

مل قلبنا انا لا اسانده ابدا ابدا

وبفم مليان كمان

**BreakeR**

11-01-2005, 11:10 AM

هو مابصير ينسب
و بس لازم يراجع حساباتو للفترة الاخير
و بنصبر شوي علي

حسان1973

11-01-2005, 03:33 PM

4 سنين بالفريق الاول ولسة باول الطريق ايمتى بيصير بنص الطريق لما يصير عمرو 30 سنة والله رح تجننونا كنى نحكي انو طولو بالكم تئولو لا طيب رجعنا نفس المشكلة انا ضد شتم الاعب بس كمان للجمهور صبر وبعدين حبيبي موبس عنى الجمهور بدو كول وربح كل مشجعي العالم هيك ونحن فخورين بجمهورنا بشوماعمل وشو ماكان لاانو جمهورنا بيضل ارحم واخلاق اكتر من غير جماهير وفهمكم كفاية

وحداوي موت

11-01-2005, 04:47 PM

ياجماعة قبل ماتلوموا مهند خراط لوموا نيناد يلي روح من الفريق نبيل الشحمة ويلي روح كمال عاجي ياجماعة هلا مافينا نحكم على مهند لانو مهند صرله سنتين على السكور والدوري الماضي كان في مباريات مايكون موجود على السكور وفجاة السيد نيناد قرر ينزل مهند اساسي ولاتنسوا انو فؤيقنا مابيوقف على مهند لانو في عمر خليل كان هداف على ايام المجد وفي علي خليل كمان هدا فينه يلعب هجوم وفي نقص الكابتن ماهر والكينك غسان و كمان الوحدة دائما هيك بتكون بدايته بلدوري يعني اتذكروا السنة الماضية بلشنا بخسارة مع الجيش بعدين تعادل مع الكرامة وسيدي هلا منشوف شو رح يطلع مع الفريق وانشاء الله خير :arrow: :arrow:

حمودي اليوفاوي

11-01-2005, 06:40 PM

لك الله يعين الخراط

الخراط لحالو شو بحسن يعمل

ازا كان معاه مهاجم تاني جنبه لكان فيها وما فيها

بس لحالو مستحيل يعمل شي

fabe

11-01-2005, 09:17 PM

يعني اذا الفريق مل عم يحقق نتايخ فهاد الشي مو بسبب الخراط
لحالو... ما لازم نحملو كل المسئولية كلها!

Zizou

11-01-2005, 10:00 PM

أنا مع أن يبقى الخراط ضمن جدران النادي و كما زكر الأخ عمار مهند سجل على الجيش و المجد و الرجاء و غضاعتو لعديد الفرص بالدوري ياتي من عدة اسباب أهمها أن الخراط لا يمكن أن يلعب كرأس حربة لأن جسمه هزيل فكيف عندما نزج به وحيدا دون مساندة ؟؟ جميعنا شاهدنا موفق الحسين المفترض أنه لاعب هداف كيف ضاع على الرغم من وجود المصطفى و السيد معه كمساندة من الخلف فكيف نطلب من لاعب شاب كان قد اثبت موهبته سابقا بالتسجيل و التهديد و هو يلعب بمركز غير مركزه و حيدا وسط دفاعات عملاقة ؟؟؟؟
صبرتو عالدنية كلها و عالخراط هلأ ماعاد عندكم صبر؟؟؟

wehdawi 4 ever

11-02-2005, 06:49 AM

السلام عليكم ورحمة الله وبركاته يا أخواني
اما بعد فالمشكلة مو مشكلة خراط
يعني بمباراة الحرية ما أجا هالفرص يلي بينحكا فيها
او متل يلي كان يساويها ماهر السيد مع ضرار
بعدين مافي هالوسط الكتير قادر يوصل الكرات بعد ما انضرب الماهرين و ضرار
وشوف بمباراة الرجاء ليش سجل الخراط بدك مهاجم يكون معو يسحبلو لعيبة ويشيل عنو كتف
وهلأ مافي موفق الحسين ومافي مهاجم غيرو ومع النواعير نزل نيناد الجعفر بس ماخرجو
دوبو وسط مدافع وزيادة
يعني اذا بتتذكرو ماهر السيد الموسم يلي قبل الماضي اول ما أجا عالوحدة
وخاصةً بمباراة الوثبة بالذهاب بدمشق وقت ربحنا 2-0 واحد سجلو كمال عاجي مقص
والتاني ماهر مصطفى بالشوط التاني
ووقتها كان ماهر مالو موفق باللعب زيادة
صار الجمهور ينادو خمسة مليون انو عما يسمعوا انو انت دفعنا حقق 5 ملايين
ومالك عرفان تلعب
وشوفو ماهر هلأ الجمهور بس مجرد شافو فايت عالملعب بيجن جنانون
و علىفكرة انا من زمان بقول لرفقاتي انو الخراط لاعب واعد والو مستقبل بس بدك نيناد ينزلو وهي اتت الفرصة استنوا وعلموا على كلامي
اذا بيصير متل عساف واحسن ولا لاء

وشكراً

لا إلاه إلا الله

SAD LoOoVER

11-02-2005, 06:44 PM

يعني فعلا هدا الاعب ممكن يكون الو مستقبل حلوو
يعني بدووو شوية صبرررر

Alwa7dawi

11-02-2005, 11:19 PM

معلم أنا متأكد نو هالعالم جهلة وما بيعرفوا شو يعني أخلاق وما رح يصلو لهالموقع ويسمعوا يلي قلتو

mmahroos

11-03-2005, 09:28 AM

كامل طريقة اللعب في مباراة الحرية تحتاج إلى تقييم و ذلك لأن الإصرار على الرفع أدى إلى إظهار الخراط بهذا المستوى الضعيف.
و لكن أيضا هناك جزء كبير من المسؤولية في إضاعة الفرص كان بسبب استهتاره.!!!!!!!!
الانتظار قليلا خير من الحكم المبكر و لكن مع إعادة النظر من اللاعب نفسه...........................

حمودي اليوفاوي

11-03-2005, 09:50 AM

والله العظيم هاد يللي بدي احكيه

يعني بمباراة الحرية ( نحنا نفس الاسلوب من اول دقيقة )
كرات مرفوعة من اليمين واليسار

بس الخراط قصير كتير
ودفاع الحرية كلهم عمالقة

والخراط ما بحسن يلعب رأس حربة
بس ممكن يبدع الخراط لما يلعب جنبه مهاجم تاني

بسام وحداوي

11-03-2005, 08:27 PM

يا مهند مستواك جيد ولكن حاول ان تحسن من مستواك ولايشغلك اقوال بعض من ا : :b( ( لجماهير التافهة على قول المثل 0يا جبل ما يهزك ريح) هاهاهاهاهاهاها

أيهم القاضي

11-03-2005, 09:10 PM

مع الأسف ياشباب جمهورنا بعد الفوز ببطولة الدوري وكأس الجمهورية ظن نفسه قد وضع بطولة أسيا بجيبته وسيبدأ قريباً المنافسة عالمياً وهذا خطأ وعلى الجمهور الصبر وليتذكروا كيف كانوا يشجعون فريقهم قبل 10 سنوات رغم أن ترتيبه لم يتجاوز (السادس ) و لا داعي لتحميل (مهند خراط ) مسؤولية تعادل ؟؟!!!
وأعود وأكرر تعادل يعنس ليس خسارة ومازلنا في بداية الدوري وإن شاء الله بعودة المصابين ستتحسن الأوضاع ......
بس أهم شي يعرف الجمهور أنو الرياضة فوز وخسارة و........ تعادل !!!!!!

الرومانسي الحزين

11-05-2005, 11:14 AM

شباب ليش بننسى بسرعة اي شي حلو وبنتذكر بس السيء اتذكرو مهند خراط واهدافو ولسا بعدو شب وما اخد فرصتو وما بنقبل اي حد يسب او يشتم الفرق الاخرى كيف بقى بنرضا ينشتم ابن نادينا وهو وحداوي والله عيب على كل لازم الصبر على الاعب

اسامه شفيق قطرميز

11-05-2005, 04:40 PM

اصابة ماهر السيد
ايقاف موفق الحسين
عدم وجود محترفين
عدة عوامل يتمنها اي مهاجم شاب ليلعب تسعين دقيقه
ويسبت نفسه بالملعب
ولكن ماهر خراط لم يستفد من هذه الفرصه الذهبيه التي
حصل عليها وأعتقد أنها لن تتكرر له :!: :!: :!:
ففي حال التعاقد مع لاعبين محترفين وعودة ماهر الكره السوريه
فسوف يجد نفسه هو وزميله موفق الحسين على مقاعد الاحتياط
يمكن طيلة المباريات المتبقيه من عمر الدوري
وسوف يندم على المباريات الذي لعبها ولم يسجل فيها
أربع مباريات ولا هدف :| :| :| :|