الغاء فسخ عقد العاجي

[wahdawia.net]

ارسلت ادارة نادي الوحدة كتابا لاتحاد الكرة الغت فيه الكتاب المرسل عن فسخ عقد كمال عاجي والالغاء جاء نتيجة الجهد المبذول والجدية الملحوظة من كمال في التمرين .


http://www.l22l.com/l22l-up-3/2e9208755b.jpg (http://www.l22l.com)

[عمر نصري]

بالتوفيق للعاجي و الله ما بيستاهل إلا كل خير


و انظلم من كل المدربين اللي اجو عالنادي

[wissam82]

كمال لاعب موهوب
إن شاء الله ياخد فرصته مع الفريق بالمباريات القادمة ...

[MOH@MAD]

الله يوفق كمال عاجي لاعب ممتاز وبيستاهل كل خير

[وحداوي موت]

الله **** هل اصابة يلي ما خلص منها
كمال لاعب للاسف لهلا ما اخد فرصتو يلي عم ينتظرا من زمان
ان شاء الله بعد هل مرحلة يرجع متل اول واحسن

[kashi]

انشاء الله خير وبتوفيق للعاجي وللوحدة

[جوري]

انشا الله ياخد فرصتو و يتوفق مع الفريق

[سعدي]

هاد الحكي اللي بينسمع
و الله كمال من ولاد النادي و بينحب كتير الزلمة

ان شاء الله يتحسن مستواه و نشوفو بالمبارايات عم يسجل

[yanalooo]

كمال لاعب موهوب
إن شاء الله ياخد فرصته وبالتوفيق للوحدة

[<IBRAHIM>]

طيب ياريت نشوفو بارض الملعب مو بس يكون موجود عكشوف الفريق
شغلة من تنين يا يلعب ويقدم مستوى مميز
يا ينفسخ عقدو اذا ماقدم اداء جيد طبعا بعد ما ينعطى فرصة مو يضل لاعب تمرين

[Ammar Alfarawati]

ابراهيم ... هي الفكرة موجودة عند احد اعضاء الادارة .

المبلغ يلي عم نعطي لاي لاعب ماعم نستفيد منو نفسخ عقدو ومنوفر من مقدم عقده وراتبه ومنعطي راتب ولو بسيط للاعب اواكتر من الشباب وهيك محفزهم ومنستفيد منهم للمستقبل ... (كلامي هاد عام ومالو عن كمال ) بس حكيت بناء على كلام ابراهيم ويلي فيه فكرة كتير مهمة.

[<IBRAHIM>]

تمام عمارو والله كنت بدي اكتب نفس كلامك
مثلا ومن اول يوم شو فائدة اسلام والرداوي معنا وهنن ما عم يشمو ريحة ارض الملعب ليش ياخدو مصاري
يتم ترفيع كم لاعب من الشباب ورواتب تتوزع مكافاءت عليهن
وكمان انا نفس الشي مو قصدي عكمال بس اذا اللاعب مو مأهل ليشارك بالدوري فالله معو مين ما كان

[Ammar Alfarawati]

عنا لاعب لاعبين عليهم ضو اذا انتعب عليهم ولعبوا مباريات اكتر منستفيد منهم ان شاء الله وفي هاد اللاعب عمار بغدادي المعار من النضال ويلي انتهت رعايته حاليا هاد لازم نشتريه لان مميز وبهدف وشفنا كيف فادنا بالشباب ... النضال طالب فيه 300 الف لازم الادارة توافق وماتتردد ابدا لانها وعلى حسب ماسمعت مابدها تدفع هيك مبلغ !!!.مابدنا يصير فينا متل قصي والقضماني بعدو..

[<IBRAHIM>]

الله يسمع منك عمار وصناعة لاعب والله مو صعبة كتير وما بتطلب كتير وقت المهم بس يكون اللاعب عندو قابلية للتطور وفي مدرب فهمان

[وحداوووي]

كمال لما كان شباب والله كان ممتاز ويلي ساعد على تراجع مستواه هنن المدربين يلي إستلموه وعلى كل حال الله يوفق النادي وكل اللاعبين

[WAEL -AL BRNE]

العاجي من افضل اللاعبين عنا بالوحدة بس مظلوم من الكل والله يرحم ايامك ياابو حامد

[midokokash]

لك و حياة الرب العاجي ملك و هداف بس ياريت ياخود فرصة أكبر لعيب و حريف و من صناعة الكابتن نزار

[وحداوي_موت]

كمال لاعب موهوب ونشيط بس ليش فسخوا عقدوا من الاساس

[مستر مدريد]

بتمنى نشوفو بالملعب و ينعطى فرصة اكبر

[هنو]

كمال لاعب موهوب و فنان بس حظاتو قلال

و الله يوفقو يارب

[ابو حميد]

والله يا جماعة كمال سواء كان منيح او لأ ما حيشمها شنو محسوب على جماعة كفرسوسة وفهمكم كفاية

لك تمنيت الادارة ئبل ما تفسخ عقدو تلعبو كم دئيئة مو كم مباراة متل نص اللعيبة يلي بدها كب من زمان محروء كرتها وخالصين بس بما انهن محسوبين على جماعة معينين بتلائيهن اساسيين كل الدوري وماحدى وصل النادي لهون غيرهن
والبئية عندكم

[messi]

كمال لاعب مقاتل وموهوب لكن حظه قليل
وهو من الوحداوية الاصيلين
الف مبروك وخبر حلو

[عدنان التقي]

لعلي من اكثر المتابعيين لوضع الاعب الخلوق كمال عاجي وللاسف فمباراه واحدة في الاحياء الشعبية كلفت كمال ماوصل اليه وهو يعرف ذلك ......؟ لقد منح الكثير من الفرص وكان على قدر المسؤولية وهو هداف بالفطرة رغم قامته اليافعة ...ولكن الاصابة عاودته من جديد وما ان يشفى من اصابة حتى تلحق به الاخرى....المهم في الامر ان ادارات النادي قاطبة والدكتور ماهر جمال وزير النفط السابق وهو احد اكبر العشاق والراعين للنادي الكبير كان لهم اهتمام خاص بوضع كمال من حيث العاية والعلاج داخل القط وخارحه
اخي كمال حتى لانقول ان هذه هي فرصتك الاخيرة لاثبات قدرتك وابداعك وانا اعرف انك تملك الكثير منها ارجوك رجاء الاخ الكبير ان تعطي كل مالديك ونترك الباقي لامر الله
عدنان التقي -الكويت
ابو سامي

[عدنان التقي]

لعلي من اكثر المتابعيين لوضع الاعب الخلوق كمال عاجي وللاسف فمباراه واحدة في الاحياء الشعبية كلفت كمال ماوصل اليه وهو يعرف ذلك ......؟ لقد منح الكثير من الفرص وكان على قدر المسؤولية وهو هداف بالفطرة رغم قامته اليافعة ...ولكن الاصابة عاودته من جديد وما ان يشفى من اصابة حتى تلحق به الاخرى....المهم في الامر ان ادارات النادي قاطبة والدكتور ماهر جمال وزير النفط السابق وهو احد اكبر العشاق والراعين للنادي الكبير كان لهم اهتمام خاص بوضع كمال من حيث العاية والعلاج داخل القط وخارحه
اخي كمال حتى لانقول ان هذه هي فرصتك الاخيرة لاثبات قدرتك وابداعك وانا اعرف انك تملك الكثير منها ارجوك رجاء الاخ الكبير ان تعطي كل مالديك ونترك الباقي لامر الله
عدنان التقي -الكويت
ابو سامي [/font][/size][/font]

[Gazwan]

هادا خبر حلو
كمال ابن النادي وواحد من الخلصين له