الى محمد جمعة ..كفى كلاما دون حقائق [الأرشيف]

مشاهدة النسخة كاملة : الى محمد جمعة ..كفى كلاما دون حقائق

WASSEEM

01-14-2008, 11:55 AM

لم يكتفي الكابتن محمد جمعة باصدار الاتهامات
و التصاريح ضد حسام السيد بل زاد عليها اتهامات
جديدة للكابتن عماد شومان اليوم بصحيفة الوطن
و منذ بداية اتهاماته التي يريد بها التغطية على فشله
مع الفريق حتى اليوم لم يعطينا شيئا واحد يثبت
به ماقاله ان كان على السيد او على الشومان
فهل يعقل هذا ؟؟؟؟؟

و هل هكذا يتعامل المدرب المحترف ؟؟؟؟

كلامك مردود عليك يا كابتن فلم تقنعنا ابدا بانه
كان هناك يوم كنت مدربا للفريق أدنى تطور على
اداء الفريق و لم نلحظ و لا حتى لمسة واحد من
اللمسات التي يضيفها اي مدرب جديد لاي فريق
فكيف تريد اقناعنا انك كنت ناجحا مع الفريق و لكن
هناك من فشلك.
نتيجة عملك مع الفريق كانت خمس خسارات و تعادل
و لم نسجل هدفا واحدا.

يا كابتن مازلنا نحبك ونقدرك و صدقا اني مازلت اعتقد
انك انسان محترم و طيب فلماذا تريد تغيير صورتك
لدينا .؟؟؟

ابتعد عن تصريحاتك رجاء و توقف عن اتهام الناس
فأنت قلتها لي بالحرف الواحد ان حسام طوال تواجدك
لم يتدخل بعملك و انك لا تملك الحقائق التي تدين
السيد و الشومان فكيف اذن تريدنا ان نقتنع بماتقول؟؟؟ .

Abu Waseem

01-14-2008, 11:58 AM

أنا كوحداوي
الجمعـــــــــة صار خلف ظهورنا سواء كان الحق معه أما لا

وهلأ مع النادي وبس وحاجتنا مهاترات وشروخ

أبو عامر

01-14-2008, 11:59 AM

WASSEEM

01-14-2008, 12:09 PM

والله يا وسيم كلامك صح بس ليش ليتهجم على هالناس عالفاضي على كل حال جاية يوم ويبين كل شي وما بظن انو يصغر حالو ويتهم بدون دلائل وانا ضد حسام السيد قلبا وقالبا انو يكون بالنادي مجرد تواجدوضرر للفريق الله وكيلكم يا جماعة وبوكرة بدنا نشوف السوبر عماد شومان شو رح يطلع معو

يا اخي انا هنا لا اتكلم لادافع عن احد
و لكن ردا على التصاريح المتكررة للجمعة و التي مللنا منها

و عن سؤالك ....فهناك من يزرع براسه ان هناك من عمل ضده
و لكنه لا يريد الاعتراف بروح رياضية انه لم يقدم شئ...

فلياتي اليوم ليقول اي شئ يثبت له كلامه و سانشره باكبر
خط متاح بالمنتدى .....

.................................................. ...........................................
اكيد ابو وسيم ماتقوله هو عين الصواب ........

لؤي الصالح

01-14-2008, 12:15 PM

الجمعة فشل مع الفريق وهو عم يحاول يدور على اعذار للفشل الذريع

MOH@MAD

01-14-2008, 12:21 PM

لا حول ولا قوة الا بالله
انا بلاقي انو محمد جمعة فشل مع الوحدة
بس انا بعتقد انو في كمان مضايقات كانت تجي
بالعكس وسيم خلي يحكي ليشبع
بركي بيطلع معو شي

وحداوي موت

01-14-2008, 12:30 PM

انا كلامي متل كلام ابو وسيم بلضبط
كلام محمد جمعة كلو ما بيهمني لانو بهل وقت يلي بيهمنا النادي وبس

01-14-2008, 12:38 PM

للاسف شخص تافه ولايملك اي احترام
لو كان الكلام صحيح فكان لازم ما يذكرو لمصلحة النادي فما بالك بالكذب

Zizou

01-14-2008, 01:02 PM

هلأ صحيح أني بتمنى أنو يجي اليوم يللي بشوف فيه حسام السيد برات النادي أو على القليلة ما يكون كتير متحكم بالفريق متل ما عم يصير حاليا
بس كمان أحمد جمعة زودها و و أصلا ماكان الجمعة بحاجة مين يفشلو لأنه فشله كان واضح من البداية فريقنا كان بحاجة مدرب صارم و خبير و هالصفتين ما بظن أنو الجمعة امتلكهم

عمر نصري

01-14-2008, 01:27 PM

الله يسعدو و يبعدو

و متل ما قال أبو وسيم

كفانا شروخ

و بالتوفيق لكل جديد و مفيد للبرتقالي

yanalooo

01-14-2008, 02:03 PM

بالتوفيق للوحدة وخلونا نفكر بالقادم لأنه الأهم

Ammar Alfarawati

01-14-2008, 02:07 PM

متل ماقال ابووسيم انتهى الكلام عن هالموضوع ...لازم نفكر بيلي جاية.

احمد وسيم

01-14-2008, 02:19 PM

ياجماعة دائماً الأنسان الفاشل بيبحث عن شماعات يعلق فيها فشلوه التدريبي

الله يوفقه وبنقوله الله يعطيك العافية وحاجة حكي نحنا بدنا نتائج ودائماً لو بتتذكروا قبل كل مبارة بقول لقيتها ورح تشوفوا ياريت طلع معوه شي بس نحنا بنتمنالوه الخير ويتركنا بحالنا
ويطلب الله يوفق المدرب عماد شومان وأنا لي رأي بهالفترة الحالية ورسالة بتمنى توصل للسيد ممتاز ملص

أنو يتعامل مع الكل حسب عملوه ويكون على قد هالمسؤولية ونحنا معوه بس الله يستروا مايجامل حد ويتعامل بدبلوماسية لأنو ممكن نصير بالقاع لا سمح الله وأنا ثقتي بالدكتور ممتاز كبيرة والوحدة كبير وراجعين بإذن الله

wissam82

01-14-2008, 02:51 PM

والله قبل ما يستلم الوحدة كنت احترمه كتير ووقفنا معه وساندناه لأكتر من أربع مباريات
وكنا نقول معلش بده وقت ....

بعدين بين تمام انه هو فاشل وماله علاقة بشي اسمه تدريب فريق رجال وتبديلاته كلها تخبيص
وخطته غايبة وما بيعرف يعطي دروس نظرية ...

ورغم هيك ضلينا محترمينه لحد ما بلش بالتخبيص ويرمي فشله على غيره ويعمل فتن
ومبين تمام انه مدفوش من طرف معين ليحكي هيك ...

ولحد هون وبس يا محمد جمعة ,, أنت مدرب فاشل بفئة الرجال ولازم تعترف بهل شي ...

nemr

01-14-2008, 05:58 PM

السلام عليكم
شباب كلنا منعرف انو حسام السيد بيتدخل بكل صغيرة وكبيرة بالفريق
وانا اكتر واحد فرحت لانو ترك النادي
بس مع هالشي بطلوب من الكابتن محمد جمعة يعطينا دلائل على حكيو وانا ما بشك بصدق كلامو
مع احترامي للجميع بس مالو مصلحة يكذب
وبالتوفيق للشومان وللوحدة

حسام الوحدة

01-14-2008, 07:30 PM

بعد فشلك يا كابتن محمد جمعة بنادينا الوحدة
تمنينالك الخير مع غيرنا وسكتنا وما حكينا شي
وقبل ما تروح من عنا أخدت كل أحترامنا وتقديرنا ومحبتنا
بس الظاهر أنت مابدك المحبة والأحترام تبعنا
لأنك لو بدك تبادلنا نفس المشاعر ما كنت رميت الفتن بالنادي
لأنه خلقة مو ناقصنا يعني هي تركت ومشي الحال
شو فائدة هالتصاريح اللي عم تصرحا
ولا هي أخر الدنيا بالنسبة ألك نحنا مازلنا نحترمك بادلنا نفس الشعور
وأنسى نادينا لأنك صرت من الماضي بالنسبة لنادينا ولنا

سعدي

01-14-2008, 07:36 PM

محمد جمعة
جزء من الماضي . .
انا من جهتي بحاول أنسى هالفترة اللي قضاها عنا