هل الوحدة مهئ ليلعب دور البطولة بالدوري السوري....

[WASSEEM]

بعد العرض المأساوي للفريق البرتقالي ببطولة دمشق و بعد أن أقنعنا أنفسنا أن المدرب
يريد التجريب و أن ماحصل كان عباراة عن بروفا كانت عوضا عن معسكر خارجي مكلف...

الجواب الشافي كان بمباراة الرجاء البيضاوي الذي كان فيها فريقنا اكثر من رائع بالنسبة لنا
على الأقل , لأن الخسارة كانت أكثر من متوقعه و من الجميع تقريبا و لو أنه هناك من كان متفائل
ظاهريا الا ان الخوف الداخلي حاضرا و بقوة, و صرنا نتسابق في وضع نتيجة لخسارة البرتقالي
فهنا ثلاثة و هناك سبعةو هكذا , و لكن البرتقالي خرج من العباسيين برأس مرفوع فهو قارع
فريق افريقي عملاق و لم يخرج منكس العقال , بالعكس كان فارس اللعبة و كان للروح المعنوية
الكبيرة و الهمة الرائعة أثرها الكبير على الجمهور الذي استعاد الثقة مجددا بالفريق و ادارييه
و بنفس الوقت كان للفريق رسائله الخاصة فبعد أن كان للجمهور رسالته الموجهة للادارة حصرا و
ليس للمنتقدين أو المنظرين أو المسؤولين الرياضيين الذين غسل يده منهم للأبد كل من أحب البرتقالة.
المهم أن رسالة اللاعبين كانت واضحة أنهم أيضا جاهزون للتحدي و بكل ظروف و لكن ((((افهموا علينا و ريحونا))..
اذا الجمهور كان له رسالته الخاصة و اللاعبين كان لهم رسالتهم الخاصة و كل الرسائل تصب في
بريد الادارة نرجو من الادارة أن تفتح بريدها و تقرأ الرسائل بتروي وتكمل مابدأت به .....

كل التحية للجمهور و اللاعبين و الادارة ايضا و لكل منهم دوره الكبير ولكن...........

هل ماشاهدنا يوم الجمعة سيتكرر بالدوري و سنرى نفس الروح و نفس القوة اضافة
للتشكيلة الثابتة بالوجوه التي تستحق أن تكون بالفورما مع اللمسات الأخير للمدرب
أم أن ماشاهدناه يوم الجمعه كان طفرة...نقطة انتهى.

[همام]

اللاعبين كانوا متحمسين جدا جدا جدا
وبذلوا 95 % من جهدهم ومن يللي بيقدروا عليه
وبالدوري قد ما كانت المباراة حماسية فهالهمة ما بتطلع فوق الـ 75%
وانشالله خير
بس أنا بتوقع المنافسة على المركز التاني أو التالت :arrow:

[Ammar Alfarawati]

انا بقول انو الوحدة بهيك وضع سينافس وبشكل اكبر بعودة المصابين

وخصوصا عودة غسان وماهر...

[حمودي اليوفاوي]

انشالله الوحدة قادر على المنافسة بقوة ع اللقب
ولا تنسوا لعبة مباراة الرجاء بدون اربعة عناصر اساسية
السيد الاسطنبلي الرداوي المعتوق

يعني هلأ صرنا نشوف دكة احتياطية للوحدة فيها على الاقل مستوى يقارب مستوى الاساسيين بسبب كترة اللاعبين المميزين
وانشالله نشوف عدد الجمهور نفسه تبع يوم الجمعة واكتر
ومع تعاون الادارة رح يرجع الوحدة للمنافسة

[Bassel]

بتوقع المنافسة بقوة على المراكز الثلاثة الأولى

[khaled rihawi]

انشاء الله الوحد سيكون منافس قوي لا سيما اذا احسنت الادارة اختيار المحترفين

لا سيما مهاجم و لاعب وسط صانع العاب و بالتوفيق للجميع

ابو سليمان

[EmadAsfour]

شباب القادم مذعل وعلمو على كلامي

وحداوية البطولة

[عبيدة]

تمنياتي للوحده بالتوفيق
لكن هذا الموسم ستكون المنافسة مختلفة جدا
والوضع الموجود داخل النادي والادارة ربما يكون له الدور السلبي في مسار الفريق نحو لقب الدوري



لذلك سيكون على الفريق بذل جهود مضاعفة جدا
فالجميع يعلم
بأن الجيش اصبح فريق متخم باللاعبين
ومثله الكرامة والاتحاد
بالاضفة لفرق تسعى جاهده لدخول دائرة الضوء
متل المجد والطليعة بطل الاياب في الموسم الماضي



مع تمنياتنا لجميع الفرق بالتوفيق
وخصوصا البرتقالة
وتسونامي العاصي :o

[S@MER]

أنا متأكد أنو الدوري وحداوي وبس

[همام]

وكاترينا شلونها باسل بيك
قال تسونامي العاصي قال :roll: :mrgreen:

[henry]

الوحدة البطل وبس

[SAD LoOoVER]

الوحدة وبس ان شا الله خيرررررررررررررررررررررر :))

[حمودي اليوفاوي]

شباب لا تنسوا شغلة مهمة كتير
السنة الماضية رغم الظروف الصعبة جبنا المركز التالت ونافسنا على البطولة لفترة محدودة بالاياب
يعني رغم :
- رغم الخلافات الادارية وكل شي كنا نسمعه فيه ع الادارة .
- احيانا اللاعبين يمتنعو عن التدريبات بسبب تأخير صرف الرواتب وهل مشاكل يليل كانت تصير
- خلافات اخرى

وانشالله بعد ما انحلت هل الامور رح تكون البطولة وحداوية

[M o H a M e D]

أنا صوتت للخيار التاني
وليش لأنو متل ماقلكن الأخ همام
وبالتوفيق :))

[حسان1973]

منقول باذن الله وحداوية خالصة بس

[AHMAD SALTAJI]

اذا بتنحل المشاكل الاداية وكل واحد بشتغل شغلتو باذن الله الدروي للوحداوية
قولو انشالله

[calcio wf]

بتوقع المنافسة على المراكز الثلاثة الأولى :?: :?: :?:

[سعدي]

انا من جهتي متفاءل ان شاء الله

[WAEL -AL BRNE]

ياشباب لاتفكرو كتير الدوري لا اكبرررررررررر جمهور بشام الوحدة وبس :)) :))

[بهاء]

يعني هلأ صرنا نشوف دكة احتياطية للوحدة فيها على الاقل مستوى يقارب مستوى الاساسيين بسبب كترة اللاعبين المميزين

حبيبي وين اللاعبين وينهن :?:
نزل ماهر وضرار وغسان بدل وليد وجمال وباسل العلي وهات لشوف وين الاحتياط القوي :roll: :!: :?:
حبيبي النادي كب أربعة من أحسن لعيبتو [ينال وإياد والعاجي وموسى] :evil: :evil:
ولاتنسى حسام والشحمة :cry:

[syria alasad]

حبيبي أبو السيم
مشكور ع الموضوع
وأنا بقدر قول وبكل ثقة انو حسب الظروف الحالية لن تذهب بطولة الدوري بعيداً عن الوحدة ...

لأننا مؤهلين لذلك وفريقنا يضم منتخب وطني بذاته
بالإضافة الى مدرب له باع طويل وخبرة بالدوري السوري
ولا ننسى جمهورنا الكبير الذي له الدور الكبير

وبالنهياة الادارة الواعية المتفهمة التي لا تبخل بشيء على الفريق

الخلاصة : الدوري وحداوي إن شاء الله ... :))

[WASSEEM]

يعني هلأ صرنا نشوف دكة احتياطية للوحدة فيها على الاقل مستوى يقارب مستوى الاساسيين بسبب كترة اللاعبين المميزين

حبيبي وين اللاعبين وينهن :?:
نزل ماهر وضرار وغسان بدل وليد وجمال وباسل العلي وهات لشوف وين الاحتياط القوي :roll: :!: :?:
حبيبي النادي كب أربعة من أحسن لعيبتو [ينال وإياد والعاجي وموسى] :evil: :evil:
ولاتنسى حسام والشحمة :cry:

:evil: :evil: :evil:

لا تغلطوا الامور بنووووووب حبيب

اياد هو راح من اجل الاستقرار العائلي بعد ماتجوز

موسى راح بسبب الاحتراف يلي لغوه من ثم رجعوه

اما ىينال كازو مو بس خلص و صار بدو غيار طرمبة

اما كمال الي بس شو عمل وقت كان ينزلو المدرب كنا بس ينزل ندعيلو ةمو يسجل كول ندعيلو يطلع صاغ

[وائل سقا أميني]

طبعا طبعا الوحدة البطل
الوحدة وبس
ليش بدها تنين يحكوا فيها
هادا الوحده مو حيالله
:P :P :P

[Zizou]

لأ هالسنة أنشالله سنة الوحدة بلا منازع إي بعد العرض أمام الرجاء
أنا بشوف أون بدنا ندحل الأرض دحل
و ناكل الفرق التانية بلا ملح
لك بدنا نحط الإتحاد و الجيش بجيبتنا الصغيرة و نخشخش فيهم كمان
لكان شبكم متشائمين لك نحنا الوحداوية
:twisted:

[نسيم الكفري*]

انشاء الله البطولة وحداوية المهم مانضوع النقط السهلة متل السنة الماضية

وبعد ماشفنا مباراة الرجاء انشاء الله الوضع بيطمن بس قولوا يارب .

منصورين بعون الله

:)) :)) :)) :))

[خضر]

إن غداً لناظره قريب

والبطولة إلنا بإذن الله يا حبيب

[وحداوي مووووت]

الدوري للوحدة إن شاء الله بس المهم الله يجيرنا من الإصابات ومن المشاكل بين اللاعبين وأنا بضمنلكن الدوري وقتها

[كنان]

بالتوفيق للبرتقالة الدمشقية
:lol: :lol: :lol: :lol:
الوحدة الدمشقي بطل الدوري السوري 2005 - 2006

[سيمو]

فريقنا بنافس بس مابتوقع ياخد الدوري لأن الصف الاحتياطي ضعيف

يعني في عنا لاعبين ماألهون محل من الاعراب
جمال معو ومحمد جعفر ووليد الشريف

يعني مع احترمي لهدول اللاعبين هدول شو عملو بمباراة الرجاء

هي عم بحكي بصراحة وبشكل منطقي وبدون عواطف ماحدا يزعل

يعني فينا نقارن احتياطنا باحتياط الكرامة أو الاتحاد أو الجيش طبعا لا :roll:

[فراس غازي]

سيكون الوحدة فارس الدوري باذن الله....

[Abou Omar]

تفائلوا بالخير تجدوه ... وان شاء الله الوحدة بطل الدوري الموسم القادم وتوقعاتي تكون المنافسة مع الجيش بالذات لأنو فريق عم يتعب على حالة للموسم القادم وعم يركز حاله مزبوط ... أما الاتحاد ففريقه السنة مو متل السنة الماضية من كل النواحي وبتوقع مايجيب مركز متقدم بنوب ... والكرامة ممكن يقدم احسن من السنة الماضية بس كمان ماراح يقدر يكمل المنافسة بوجود فرق عم تشد الهمة متل فريقنا ان شاء الله والجيش كمان :))

[syria alasad]

اي شو هاد يا سيدرة
اي علي الحلال درر وجواهر وكنوز عم تحكي
يا هيك المشاركات يا بلا :twisted: :mrgreen: :m(

[همام]

والجيش كمان؟ :roll:

[syria alasad]

اي لأ
شلون انعمى على قلبي وما شفت كلمة الجيش ؟؟

الوحدة وبس الله يرضى عليك

[أبو الياس]

أسمع جعجعة ولا أرى طحناً ؟؟؟
جيبولنا هداف ماكن جنب السيد وساعتها قولوا أنو البطولة ل 3- 4 سنوات الجاية هي للوحدة :evil:

[syria alasad]

لك يا أخي والله لح يجيبوا ..


بس مو ليعرفوا بالأول اذا في احتراف ولا لأ ... :evil:

[zhoor]

بدها الشغلة همة ماتبعدنا عن العباسيين

[WASSEEM]

تفائلوا بالخير تجدوه ... وان شاء الله الوحدة بطل الدوري الموسم القادم وتوقعاتي تكون المنافسة مع الجيش بالذات لأنو فريق عم يتعب على حالة للموسم القادم وعم يركز حاله مزبوط ... أما الاتحاد ففريقه السنة مو متل السنة الماضية من كل النواحي وبتوقع مايجيب مركز متقدم بنوب ... والكرامة ممكن يقدم احسن من السنة الماضية بس كمان ماراح يقدر يكمل المنافسة بوجود فرق عم تشد الهمة متل فريقنا ان شاء الله والجيش كمان :))

يا ريت الفرق كلها تشد الهمة و تكون منافس قوي ليكون الدوري أحلى و شيق أكثر.. :arrow: