أخطا محمد جمعة كثيرا

[أبو كاسم الصالحاني]

اخطأ محمد جمعة
نعم لقد أخطا الجمعة عندما حاول بناء فريق شاب في هذه المرحلة العصيبة التي يمر فيها نادي الوحدة حاليا فكل من شاهد مباراتنا مع الشرطة لاحظ أن مثل هكذا مباريات تحتاج لعناصر خبرة قادرة على التعامل مع حساسية مباراة الجيران فقد لاحظنا مثلا أن اللاعب علي موصلي كان حماسيا لأبعد الحدود لكن حركته كانت بلا بركة( على فكرة هذا مثل شامي) ونحن نقدر ذلك لأنه يفتقد للخبرة كذلك الحال بالنسبة للزبيدي و وحده الحرس طارق خربوطلي كان فعالا و هو من طينة الكبار و قد كان أجدى بالمدرب لو زج بعناصر الخبرة أمثال القيشاني و المعتوق والسيد الصغير( ماهر) منذ البداية و علي خليل والاستمرار مع هذه العناصر حتى نهاية الذهاب للخروج بأقل كم ممكن من الخسارات ثم يقوم بزج هؤلاء الشباب في الإياب بعد أن تستقر أوضاع الفريق لكن الجمعة حاول الإستفادة من حماسة الشبان و شوقهم للعب بقميص النادي لكنه يجب أن ينتبه إلى أن أي خسارة جديدة ستؤدي إلى تحطيم نفسية هؤلاء اللاعبين الشباب و أتمنى أن يكون إنضمام قصي حبيب للجوقة البرتقالية فأل خير على الوحدة كما أتمنى من الإتحاد الرياضي الإكتفاء بعقوبة الايقاف لمبارتين فقط بحق الخالد و معاملة الوحدة بشكل موازي لحالات سابقة مع أندية الكرامة و الإتحاد و غيرها ...... حتى لا يساهم بشكل من الأشكال بالمشاكل التي يمر فيها الوحدة كما يتوجب على الإدارة الوحداوية متابعة الموضوع بأقصى سرعة ( لا يضيع حق وراءه مطالب) و أرجو أن تبينو رأيكم في ذلك من خلال ترك تعليق

[wissam82]

بخالفك بالرأي يا أخي ...

انا بشوف إنه أفضل شغلة عملها الكابتن محمد جمعة لحد الأن هي الزج بالشباب
وإذا بدنا نحكي عن الزبيدي فأول شي الكابتن غسان معتوق مصاب والزبيدي
عنده الخبرة الكافية ليلعب هيك مباريات وخاصة انه لعب مع منتخب الناشئين والشباب
ولعب نص الموسم الماضي مع الوحدة ...

وأكيد الموصلي منيح بس بتنقصه الخبرة ,, و شو بيعمل المدرب إذا عنده
العاجي ومهند خراط مصابين ..؟؟؟

[أبو كاسم الصالحاني]

Soryمنك Wissam82 بس أنا شب و اسمي حسن

[wissam82]

ايه لا تأخذنا معلم
بس شلون كنا بدنا نعرف إنك حسن إذا مالك حاطط h ببداية اسمك ...

يلا رح عدل ردي .... :))

[عادل مرتضى]

يعني باعتقد برأيي خلال هالفترة أحسن شي الزج بالشباب مع وجود بعض عناصر الخبرة الضرورية بالفريق وباعتقادي الكابتن محمد جمعة لسه ماغلط غير بتصريحه أنه الجمهور سبب الخسارة السابقة وما عداها كل شغله صح

[ابنك ياأحلى شام]

هاد الحكي الخطأ و الخطأ الفادح

[أبو كاسم الصالحاني]

طيب خلص إقتنعت بس برأيكم لح انشوف نتائج جيدة قريبا؟؟؟

[bmekhaled]

يعني والله من حيث المبدأ أنا ضد انو يكون في شي اسمو فريق من الشباب أو فريق خبرة .
يعني الفريق الطبيعي لازم يكون توليفة من الشباب و الكبار سوا بحيث يكون بأرض الملعب في شباب و ركض و حماس و بنفس الوقت لازم يكون في خبرة و و المفروض المدرب يعرف ايمتى ينزل اللاعب الشاب بحيث انو ينزلو ليكسب ثقة مو والل هوبلينا
يعني لو الوحدة بغير هالظروف كنت قلت على المدرب مالو علاقة باللياقة لأنو زت حارس و راس حربة شباب و غيرهن و نحنا بقمة الضغط بس بما انو فريقنا خالص مع الشكر و كل اللعيبة ما عم تنفع فبظن اللي ساواه معقول

[وحداوي موت]

انا مبسوط منو بشغلة وحدة
هي طارق
لانو اشراك طارق كتير منيح وضروري
لانو بيكفي الولد ابن النادي

[alwassouf]

احسن شي من ابوتركي انو نزل الخربوطلي

[yanalooo]

بالتوفيق للوحدة أحسن شي

[WASSEEM]

خلوني احكي رايي بتجرد يا شباب ...
هذا الوقت ليس وقت تجريب الشباب على الأقل أنه ليس لدينا
شباب خرج ينشلو فريق و هذا الموضوع لا يخفى على أحد
الفريق يجرب اللاعبين الشباب عندا يكون لديه تشكيلة تضم
عناصر خبرة تشتطيع النهوض بالفريق مطعمة بالشباب لقادرين
على التوليف مع العناصر الخيرة و بهذا فالشباب المطلوبين
يجب أن يكونوا بصفات معينة و هذا انطبق على فريق الكرامة
تماما قبل عامين أو ثلاثة عندما ان فريقه مطعم بلاعبين شباب
و كان الفريق ينافس لثلاث سنوات متتالية على بطولة الدوري و لكن
لم يفلح الا بعدما اكتسبت عناصره الخبرة اللازمة و تربع بعدها على
عرش الكرة السورية ....
اما ان تقول لي اننا أشركنا لاعب أو لاعبين شباب اثنين لتجديد دم الفريق
فهذا الكلام لا فائدة منه و الهدف منه اسكات الناس فقط لا غير
و الموضوع اكبر من اشراك لاعب بمباراة الموضوع يجب ان يكون مدروس
و على اسس معينة سليمة و ليس شلفة ...
الخربطللي حارس موهوب و سنستفيد منه لسنوات و لكن بسببه
فقدنا لعبه الشرطة مثلا و ايضا الموصللي ليس اللاعب الشاب الذي
نبحث عنه لنطعم الفريق به....
الموضوع يا جماعة أننا اليوم لسنا بصدد التجريب نحن اليوم بصدد
الهروب من هاوية الهبوط من الدرجة الثانية ...
يا جماعة من يجرب لاعبيه الشباب يكون ضامن لمركز بأول خمس فرق
و يعرف انه بعيد نوعا ما عن المنافسة على البطولة و لكنه بموقف
سليم من الهبوط ايضا .....

الموضوع بحاجة لغير التجريب لكي لا نضطر لتجريب لاعبي الناشئين
غدا بالدرجة الثانية لا سمح الله لان شبابنا الموجودين حاليا لن
ينفعوننا حتى بالدرجة الثانية .....

علينا ان نفهم الواقع و نقرأه جيدا و نضع يدنا على الخطأ و لا نأخذ أمورنا
بالعواطف (( انو لاء مين قللك ماعنا قواعد ؟؟؟؟؟نادينا ملئ بالقواعد))
لاء سيدي ماعنا قواعد و اذا ضليننا هيك بدنا نتبهدل و بدنا نضل نجيب
محترفين و وقتها لا تعمير الشام و لا تعمير حمص لح يستطيعو تغطية
تكلفة النادي و الله يجيرنا و كل عام و انتم بخير .

شكرا

[هنو]

انا برأيي انو هاد هو الشغل الصح

[bav@ry]

أنا رأيي انو اشراك الشباب كانت أكتر شغلة صح عملها المدرب وخلتني أتفاءل

[<IBRAHIM>]

والله مابعرف شو بدي احكي انا بعيد عن الفريق وماعم شوف اي مباراة لابدي رأي
احسن شي لاتعليق

[ربيع الوحدة]

يلا يارب بالتوفيق للورشة البرتقالية إدعولهم........