الحق علينا ؟؟ ؟ طيب رضيانين بس ....

[سعدي]

آخر كم يوم طلع تصريح جديد انو الجمهور (بدون قصد ) عليه مسؤوليةبنتائج الفريق و ذلك من خلال الضغط اللي عم يصير عاللعيبة وقت منتعرض لهدف .
بغض النظر ان كنت مع هالرأي أو ضده
بس نحنا الجمهور دراويش .. و منرضى نكون حمالين الأسية
خلص نحنا رح نحمل كل الموضوع و الحق علينا . .
المباراة الماضية بملعب الجلاء كان أقل حضور جماهيري للوحدة من كذا سنة .. بس كان في شي 3 الاف
مع اني متأكد انو هالالاف التلاتة هني الاوفياء اللي بيضلو ورا النادي بكل حالاته
بس مع هيك رح نفترض انو بسبب محبتهم للفريق أثروا بشكل سلبي . .
برجع و بقول نحنا رضيانين نكون السبب . .
بس شو الحل ؟ ؟ ؟؟ ؟
المباراة القادمة رح تكون بحلب مع عفرين
ما بتوقع يطلع اكتر من 50 مشجع و بتوقع اقل من هيك كمان
يعني بالمختصير ما رح يكون في جمهور يضغط عالفريق . . .
خلينا نجرب حالنا بلا جمهور
و صدقوني عند اول 3 نقاط بيجيبها الفريق ليرجع الجمهور أحسن من أول . ..

الجمهور بشكل عام مرتاح للكابتن محمد جمعة و خصوصي انو عم يشرك لعيبة شباب و بتوقع كان الو دور في التأكيد على صفقة قصي و عبد الناصر اللي هني لعيبة شباب كمان . . .
و ما عنا مشكلة انو ينحط الحق علينا و يطلعوا اللعيبة أبرياء
بس اربحووووووووووووووو

[Abu Waseem]

كلام حلو كتير سعود
حمد لله على سلامتك

يعني يلي بدون ياه مستعدين نعملو بس يلعبو ويربحو لك جتى لا يلعبو المهم يربحو

[taiger]

لك اذا بدن ما منحضر اللعبة على التلفزيون كمان بلاها بس المهم يفوزو يقلعو عينا بش كول والله حرام كولين بس من اول الدوري لهلأ

[ali barbour]

مو بالأول ليكونو شار بدن ينقلو هيك مباريات بتوطي الراس

[ali barbour]

والبتوفيق وإن شاء الله ومتل العدة والكل رح يقول مبارة عفرين إن شاء الله رح تكون فك النحس متل كل اللي سبقوها

[yanalooo]

بالتوفيق للوحدة

[alwassouf]

وينك سعدي اشتقنالك
بدك تطلع على حلب

[سعدي]

وينك سعدي اشتقنالك
بدك تطلع على حلب


اهلين ابو حميد
من يوم و طالع ما رح تشتاقلي كتير ان شاء الله

اما موضوع حلب . . .
بصراحة لأ
بخاف اعمل ضغط عليهم

خليهن هالمرة بدون جمهور لنشوف اخرتها

[ali barbour]

:lol::banبالتوفيق يا وحدة:ban:lol:

[حمودي اليوفاوي]

الحق كل عليي
بس مشان الله اربحوا

[EmadAsfour]

كرمال الله يسكتوا افضل لهم ولنا

[Ammar Alfarawati]

كل الحق على سعدي ...دائما عامل ضغط..:mrgreen:

[MOH@MAD]

الله يقدم لي فيه الخير

[wissam82]

أقنعتني أبو السعود ... :mrgreen:

بس إن شاء الله تقنع اللاعبين والمدرب بهل كلام ... :ban

[عادل مرتضى]

يعني هلق برغم هالتصريح الغير لامدروس مو المهم الحق على مين المهم النقاط ومتل ماقال الأخ سعدي خلي الحق علينا المهم نربح

[وحداوي موت]

خلص اوكي بس على الملعب لا حدا يروح
بس انا على التلفزيون شفت الجمهور كلو عم يشجع من قلب ورب بلعبة الشرطة وما سكتوا
لحتى خلصت اللعبة
الكوتش محمد ما شاف هل شي بلملعب

[حسام الوحدة]

( خلينا نجرب حالنا بلا جمهور )
على أساس مباراة الفتوة سافر عليها 200000متفرج من الشام وضغطو الفريق وخسرنا 2-0
أخي أنا معك نحنا بنتحمل كل شي بس هنن يجيبو شي نقطة

[khaled rihawi]

انتظرو الوحدة بالاياب
و ان غدا لناظره قريب

[M-AL MN@GED]

فعلاً غريب أمرون

على كل حال متل ماقلت سعود هي مباراة عفرين إختبار لنشوف شو الحجة بقا

بكرا بيقلولك لأنو مافي دعم جماهيري خسر الفريق ((لاسمح الله))

الحمد الله على سلامتك سعووووود

[<IBRAHIM>]

يالله ان شاء الله خطوة خطوة
المباراة الجاية بنسجل غول بيلي بعدها غولين بيلي بعد بعدها بنجيب نقطة بيلي بعد بعد بعد بعدها يعني وقت نصير بالدرجة التانية بنجيب تلت نقط بأذن الله :whi