كلمتين بحق هادي الرومانسي

[سعدي]

اول شي السام عليكم و رحمة الله و بركاته
تاني شي ..
هادي آخد على خاطرو من الاشراف
و معتبر انو تصريح ( المشرفون ) كان متل اللي عم يتبرأ من هادي
اول شي توضيح صغير لهادي و للشباب : لما انكتب( انو هادي هو باللجنة الاعلامية للرابطة و ليس المنتدى ) كان هالشي عبارة عن توضيح لصاحب الشكوى (نديم الجابي) اللي ما بعرف شو اللي خلاه يزعل كل هالقد من خبر نقلو هادي اللحام بوجود اعضاء آخرين من فم الدكتور ممتاز ملص شخصيا
طيب يا جماعة الخير .
الزلمة سمع شي من الدكتور ممتاز و في شهود على الشي اللي سمعو
اجا عالمنتدى و كتب هالكلمتين هون بالمنتدى من باب وضع اخوانو البرتقاليين بجو الاخبار .
طبعا انحكى بغير مواضيع عن هالقصة انو هادي كلامو صحيح و موقع الكرة كلامو صحيح .
بس موضوعي هون هو كلمتين للرومانسي الحزين ابو الهيد
ما تاكل هم ابو الهيد
ردود الاعضاء بتوقع كانت اكبر هدية الك
و الموضوع اللي انت اعتبرته اساءة الك
انقلب الى مديح الك عبر ردود الاعضاء

ما كنت حابب احكي اكتر بهالموضوع
لنو في بالنادي أمور أهم كتير من شوية خلافات أخوية بين بعضنا
بس شفت انو لازم هالكلمتين يوصلوا لهادي . .


و برجع و بقول : في كتير اشياء هلأ بنظري و بنظر هادي و بنظر الكل أهم من هالمشكلة
بس ما بيمنع انو توصل هالكلمتين

[Ammar Alfarawati]

هادي قلبو طيب....

[حسان الحسيني]

العتب مو على الجابي
العتب على مدير الموقع عنا معقول ماعندو ثقة باعضاء منتداه ولاانو لاانو بيخالفوه الراي صار بدو يكذبهم

[M o H a M e D]

إذا كان المقصود من رد المشرفون توضيح ... فهو بدا واضح للجميع كاعتذار و تبرأ بالفعل ...

يعني شو الداعي له بهالوقت ... و شو كتب هادي ليتم هالتوضيح عليه ... هل هاجم نديم الجابي و لا سبو ..؟؟؟!!!

ياريت لو نزلتوا موضوع تطالبوه للأستاذ نديم بالاعتذار عن الاساءة الشخصية لهادي ...

[سعدي]

إذا كان المقصود من رد المشرفون توضيح ... فهو بدا واضح للجميع كاعتذار و تبرأ بالفعل ...

يعني شو الداعي له بهالوقت ... و شو كتب هادي ليتم هالتوضيح عليه ... هل هاجم نديم الجابي و لا سبو ..؟؟؟!!!

ياريت لو نزلتوا موضوع تطالبوه للأستاذ نديم بالاعتذار عن الاساءة الشخصية لهادي ...

انا عم بحكي رأيي الشخصي بالموضوع
و ماني حابب احكي و زيد حكي كتير عليه
و انا ما بعرف و لا حتى بدي اعرف نديم الجابي لاطلب منو يعتذر

كلامي موجه لهادي و ما هو تبرير لاي كلام انحكى باسم المشرفون هو مجرد توضيح كيف انا فهمت القصة ...
بس ما حبيت خليها رسالة خاصة لهادي و بس .. لأنو عندي اسبابي لهالشي ..
هاد كل شي ..

[M o H a M e D]

سعدي أنا ماعمبحكي معك بشكل شخصي ...

أنا كلامي مع السيد "المشرفون" ...

[wissam82]

هادي على عينا وراسنا من فوق
وكلامه عنا طابوه أخضر ......


بس صار سوء فهم متل ما حكى سعدي إنه تضارب بالخبر
بحكم إنه الدكتور بده يلفلف القصة ويحلها بطريقته ...

على العموم حصل خير وهادي واحد منا وفينا ومارح يهون عليه
يبعد عنا متل مو نحنا ما بيهون علينا يتركنا ...

[kashi]

كل شباب المنتدى بجننو وهادي ملك

[حسن عوده]

بحكم إنه الدكتور بده يلفلف القصة ويحلها بطريقته ...





بده يلفها تحميلة يعني بحكم انه دكتور ؟

[حسان الحسيني]

اي مقالة للمشرفون بتنزل بناء على طلب من مدير الموقع وسيم

[الرومانسي الحزين]

على راااااااااااااااااسي يا ابو السعود ومالي نسيالك ياها انك انت ووسام وعامر وغيث كنتو اول المتصلين من الصباح الباكر لتعرفو شو في بس اعذروني عن عدم جلب الاخبار حتى اخذ حقي الكامل انا من الاعضاء ومن المشرفين فردا فردا اخدت حقي وزياااااااااااادة وهالشي بيشرفني ومحبتكم الي تاج على راسي بس الموضوع فيو اهانة كرامة وتخلي عني وكاني مالي من اعضاء المنتدى لذلك انا مستني تبرير واحد لينزل الموضوع باسم المشرفون ليش

[حسان الحسيني]

هادي شو اخر الاخبار
هات لنشوف بحكم انك كنت بتمرين اليوم
:bs)

[نيرازوري للأبد]

انا برايي انه هادي عمل واجبه وما في داعي للزعل ونكبر قصه صغيره بينا

[أحلى friend]

انا رأي يا هادي القصة زادت عن حدا

وتركلي هاد الصحفي عليي

[alwassouf]

هادي انت حبيبنا كلنا وكل الاعضاء اخوات فلا تكبرا ابو الهيد قلبك ابيض

[وحداوي موت]

انا ببصملوا بلعشرة لهادي
انو من اول ما شارك بلمنتدى لهلا ما نزل ولا خبر كذب
الزلمة بيعمل يلي عليه بينزل بيحضر تمرين الالعاب والفرق يلي بلنادي
بيسمع الاخبار وبينقللنا ياها
هدا جزاة يلي بيعمل خير ؟؟؟؟؟؟؟؟؟؟؟

[أبو صخر]

مشكور أبو سعود
وبأسمي كمان بقول اني هادي من أنشط الأعضاء
وعميشتغل من قلبه للنادي
لا بمصاري ولا بمصلحة
يعني الموقع بحاجة له الأثبات صار بردود الاعضاء الكرام

هو يلي صار بتحليل شخصي
لا الحق على وسيم ولا الحق على هادي
هو الاستاذ نديم كمان معه حق بس ما كان لازم يكتب بسخرية
عن هادي

الغلط صار من الدكتور ممتاز وعتابي له هو عتاب محبة
المهم نيته كانت صافية مشان يهدي الجمهور

[michaelko]

alla yqaoeek ya hadi albatal oa klna maak ya romanci alsham alaoal

[Abu Waseem]

لكن خليك غرقان برومانسيتك الحزينة :lol:

أحلى هادي رومانسي بشرفي

[مهند الوحداوي]

نديم الجابي = طريف رجب

يا ريت الاسماء ما تنذكر بالمنتدى ونحن بالف خير وسلامة

[rami832]

خير ان شاء الله خير

[bmekhaled]

هادي الرومانسي من أهم الأعضاء أكيد و هي بشهادة الكل
و أحلى رومانسي حزين رجاء خليك متل ما معودنا ..... رويترز المنتدى

[يمان القدة]

المشكلة شهادتي بهادي مجروحة لانو رفيقي بس بحب قول بيكفي انو هادي معروف انو ابن نادي الوحدة ومستحيل انو حدا ولو لمرة انو يطعن بهل الحكي اما بالنسبة للسيد نديم
الجابي بحب قلو شغلة انو مو اول مرة بيعمل هل الشي بعدين مابدنا نذكروا بموضوع نادي الجيش