ضربة جديدة للبرتقالي : السيد خارج صفوف الوحدة ؟؟!!

[samersabsoub]

http://syrian-soccer.com/photo//wehda/soccer_maher3-12-2007-47540a0e42cbb.jpgفجر قائد فريق الوحدة ومنتخب سورية ماهر السيد مفاجأة من العيار الثقيل صباح الإثنين عندما تقدم باعتذاره رسمياً لرئيس النادي الدكتور ممتاز ملص عن استمراره مع فريق الوحدة طالباً فسخ عقده بالتراضي مع النادي.

وفي تصريح خصه بموقع الكرة السورية حول الأسباب الذي دعته لاتخاذ مثل هذا القرار المفاجئ أفاد السيد بأنه قد درس قراره جيداً وأن الشتائم التي تعرض لها بعد لقاء الوحدة والنواعير في الدوري هو وأخيه حسام والمطالبة بابتعادهما عن النادي وكأنهما العلة وراء نتائج الفريق السيئة هي السبب المباشر لهذا القرار بالإضافة إلى أسباب غير مباشرة فضل عدم الخوض فيها حالياً.

وأشار السيد أنه تأثر كثيراً لسماع عبارات الشتيمة خاصة وأنها المرة الأولى التي يتعرض فيها السيد لمثل هذا الأمر.

وتطرق السيد إلى مايجري داخل كواليس النادي والمؤامرة التي أطاحت بالروماني كوستيكا والذي وصفه السيد بأنه أفضل من درب في نادي الوحدة .

وختم السيد حديثه قائلاً: ( ليتذكر هؤلاء الذين شتموني وأخي حسام وهتفوا لعودة نزار محروس أنهم أنفسهم من شتم نزار في ملعب الجلاء قبل سنوات عندما كان مدرباً للفريق وطالبوا برحيله وكادوا يتسببوا له بأزمة قلبية وهذه الحادثة بالذات هي سبب ابتعاد المحروس عن النادي ومازالت غصة كبيرة في قلبه . وداعاً لنادي الوحدة وجمهوري الحبيب وهذه المرة سيكون الطلاق فيما يبدو نهائياً وأتمنى التوفيق لزملائي في الفريق وسأبقى ماحييت برتقالي الهوى وسأشجع الفريق من المدرجات ).

ووعد السيد بحديث شامل يفتح من خلاله قلبه بصراحة متناهية لتوضيح الحقائق التي جرت وتجري في نادي الوحدة .

من جهة أخرى فقد علم موقع الكرة السورية ان إدارة الوحدة ستجتمع مساء الاثنين لبحث موضوع اعتذار السيد وأمور أخرى حيث تتجه النية للاستغناء عن خدمات بعض المدربين واللاعبين بناء على توصيات اللجنة المسيرة لأمور كرة القدم في النادي.

[jolan69]

موهيك بتنحل الامور ياماهر السيد انت لالعب اكبير ومابيصير تترك النادي باصعب الظروف الي قاموبالشتم مابعبرو عن جمهور الحدة الي وقف معك باصعب الظروف ارجو منك اناتعدل عن قرارك وترجع للنادي الي احبك و

[yanalooo]

السيد معو حق بس مو هيك بيكون الحل لأنو أحسن لاعبين العالم بينسبو وما عملو هيك ولا هو أحسن منهم ومو هادا وقت هي المشكلة لأنو فريقنا كتير عم يعاني نتمنى من السيد اعادة النظر بالموضوع

[مالك]

كملت يالله المبلول مابيهمو زخ المطر
انشاء الله بيكونوا اللي شتموا الكابتن ماهر وصلوا لهدفهن وعبروا عن حبهن للنادي ..... عجايب والله هالدنيا عجايب ..........

[An@s]

طبعا ً ولا واحد من جمهور الوحدة بما فيهم يللي سبوا ماهر بالملعب بيتمنوا يكون ماهر برات الفريق
وكلياتنا منعرف أنو ماهر هو اللاعب رقم واحد بسوريا وهلأ عم يتعافى من الإصابة مشان هيك ما عم يحسن يلعب تمام..........
بس في حال ضل مصمم على ترك الفريق طبعا ً نحنا إنتمائنا أولا ً وأخيرا ً للقميص البرتقالي بغض النظر عن مين لابس هالقميص

بالتوفيق للبرتقالي .... وفي عبارة بيقولها جمهور ليفربول لما بيكون وضع فريقهون مشابه لوضعنا هلأ وهي

لن ندعك تسير وحيدا ً

وهي منقولها لبرتقالتنا الرائعة دائما ً

[عمر نصري]

عن جد



خير ان شالله



سبحانك يا رب


منتمنى يتكذب الخبر بأسرع وقت

[rami832]

عن جد



خير ان شالله



سبحانك يا رب


منتمنى يتكذب الخبر بأسرع وقت






اليوم بدو يكون معنا بالمنتدى لا تنسى

http://www.wahhttp://www.wahdawia.net/vb/showthread.php?t=13023dawia.net/vb/showthread.php?t=13023

[Abu Waseem]

مابعرف بس مافيي قول غير حرد وردة

[حسان الحسيني]

??????????????????????
يافتاح ياعليم
يارزاق ياكريم
اي شوهل الاخبار الي مدري شوبتعمل

[سامو]

نشالله تكونو انبسطو يا جماعة نزار , يلي انتو نفسكن متل ما قال الكابتن كنتو عم تسبو نزار
مشان الله يا جماعة المنتدى ( هادي , حسان .... الشباب كلها ) ما فيكن تدخلو بوساطة مع الكابتن و توصلولو انو يلي كان عم يسب نصفهن مندسين و النص التاني ولاد و عواينية (ولا حدا يفهم من حكيي انو أنا مع فلان ولا ضد فلان الكل حبايبنا و نزار و حسام و ماهر والملص كلهن تاج راسنا ) نشالله يكون ماهر عم يفوت عالمنتدى

[Nassib kabbani]

يعني انو العالم تشتم خسام ممكن نقول والله ممكن منزعجين من اداء اللاعبين لانو هو المسؤول عن الفريق اما انو يسبوا ماهر فبتمنى حدا يعطيني سبب واحد بس
لك الزلمة كان عم يلعب تحت تاثير الادوية كرمال الفريق والله العظيم عيب ياشباب
بعدين يلي عم يطالبو بنزار يعني نزار صار فلتة زمانو ما هو تمرن فينا ثلاث سنوات وبعدين وقت صار منيح تخلى عنا

[kashi]

لازم امور تتحسن ما بعرف شو عم يصير الله يستر وبس

[sameer.adawi]

لا تعليق !!!!!

رفعت الاقلام وجفت الصحف .....

[wissam82]

هاد يلي بده ياه بعض الحاقدين للأسف تحقق ........

ما منقول غير في الله شايف وعارف ...

وحسبنا الله ونعم الوكيل ...

[محمود الصفدي]

ألى الكابتن ماهر السيد المسامح كريم دين السلام دين التسامح سامح الله المسامح :cons

[غيث كردي]

لاحول ولا قوة ألا بالله

[M o H a M e D]

والله العظيم متمني هالشي يصير من أول الموسم .. خلينا نخلص من عواء بعض عالم ...

و الله العظيم أنو أبو حامد براء منكم و بيقرف يحط إيدو بإيد هيك عالم وسخة ...

[kinan]

استغفر الله شو هل اليوم المعت والادارة شو رأيها

[infonp1]

ما هكذا تورد الإبل يا ماهر..

[وسيم (ابن الوحدة)]

ما هكذا تورد الإبل يا ماهر..

فعلا ما هكذا تورد الإبل يا أبو خالد

نتمنى من الكابتن أبو خالد أن يفصل مستقبله و مصيره عن أخيه أبو طارق

أنا شخصيا لا أعتقد أنو ماهر السيد سيفسخ عقده و يمكن بس زوبعة إعلامية أو خليني قول تعصيب و انزعاج مما حصل مع ماهر و حسام السيد في لقاء النواعير

لعله خير إنشا الله

و بنرجع بنقول يا ريت ماهر السيد ما يترك الفريق و لكن في حال رغبته بترك الفريق ما بنقدر نقول إلا الله يوفقه و بنضل بنحبه بالملعب و عالمدرجات

[WASSEEM]

أخ وسيم لفت نظري طلبك لماهر ان يفصل بين مصيره و مصير حسام..
فهل تعتقد أن ابو طارق انسان مسئ في نادي الوحدة ؟؟؟؟
و هل تعتقد أن ماحصل معه يوم الجمعه الفائتة هو نتاج عمله بالنادي..؟؟؟؟

[الرومانسي الحزين]

http://www.wahdawia.net/vb/showthread.php?t=13061

[alwassouf]

والله العظيم عيب
لاعب ينسب
وهو من احسن لاعبي سوريا
يعني ادا نزل مستواه بنسبو
ياحسافا على هالنادي

[taiger]

يا خي والله عيب نسب منعرف بس كمان ماهر لازم يكون قلبو عالنادي والله النادي بحاجتو وبالذات هلأ

[زاهر الوحداوي]

يا خسارة يا ماهر

[Elwani]

يا خسارة يا ماهر

[وسيم (ابن الوحدة)]

أخ وسيم لفت نظري طلبك لماهر ان يفصل بين مصيره و مصير حسام..
فهل تعتقد أن ابو طارق انسان مسئ في نادي الوحدة ؟؟؟؟
و هل تعتقد أن ماحصل معه يوم الجمعه الفائتة هو نتاج عمله بالنادي..؟؟؟؟

طلبي لأن يفصل ماهر بين مصيره و مصير حسام بكل بساطة هو بسبب ما قاله ماهر (عبر موقع الكرة السورية بأنه و نتيجة لسب الجمهور له و لأخيه فسوف يعتذر عن اللعب) و هالشي أنا ما عم افهمو يعني شو دخل ماهر السيد كلاعب بعضو الإدارة و المشرف الفني على الفريق حسام السيد ؟ يعني لو اعتذر ماهر السيد عن اللعب مع الفريق بسبب شتم الفريق له فقط ما كنا حكينا شي بس مبدأ الربط بين ماهر و حسام مبدأ مرفوض و برأيي الشخصي بيضر الطرفين و الاسمين . طبعا أنا أتحدث هنا عن مبدأ العلاقة الاحترافية داخل النادي و لا أتحدث عن حقيقة كون الاثنين اخوة .

يعني حسام المفروض ما يكون بحاجة ماهر و لا ماهر المفروض يكون بحاجة حسام .

كوني طلبت الفصل بين الاثنين لا يعني أن حسام سيئ و ماهر جيد و كذلك العكس الصحيح ... :)) المسألة و ما فيها أن ربط مصير لاعب بعضو إدارة (من ناحية احترافية) أمر غير مقبول

أنا شخصيا لا أعتقد بأن حسام السيد شخص سيئ و لكن بنفس الوقت أعتقد بأن ما حصل معه يوم الجمعة هو نتاج لعمله بالتأكيد فهو عضو الإدارة المسؤول و المشرف على الفريق فهو يجب أن يحاسب قبل غيره ... أعتقد شخصيا بأن الجمهور يجب أن يأخذ موقف من جميع أعضاء الإدارة و ليس حسام السيد فقط فحتى هذه اللحظة أثبتت الإدارة بالإجماع فشلها الكروي و السلوي

أرجو بيان و توضيح أنني عندما أقول بأن الإدارة أثبتت فشلها فهذا لا يعني بأنها سيئة و أنا لست بصدد تجريح فلان أو علان من الناس فكل الناس أفضل مني و أكفئ مني و لكن أستطيع فقط كما قلت سابقا و أكرر مرارا و تكرارا بأنني أحكم على أداء الإدارة أو المدرب أو المشرف أو حتى اللاعبين من خلال النتائج و النتائج فقط هي الفيصل و بالتالي حتى هذه اللحظة الإدارة بالكامل لم تستطع أن تخرج من مستنقع الموسم الماضي ، بل للأسف الأمور تسير بمجرى ضبابي مرعب

بنهاية كلامي أود التشديد على أنني ضد شتم أي شخص مهما اختلفت أو اتفقت معه لأن هذا لا يعبر عن أخلاق جمهورنا

تحياتي و آسف للإطالة

[أغيد الفرا]

استغفر الله العظيم

اي و الله طلعت روحنا .. و كرهنا الرياضة من قفا هيك عالم بالنادي

[WASSEEM]

وسيم أتذكر يوم نزلت الى دمشق و كانت الامور تعيسة في نادي الوحدة؟؟؟
أتذكر يوم قلت لي انك صدمت بنادي الوحدة ؟؟؟؟ و انك لم تتصور ان يكون
بهذا السوء؟؟؟؟؟

أتذكر يوم قلت لي أن أوضاع الناد فعلا سيئة و هناك من يعمل ضده و هم من
أهل النادي ؟؟؟؟


أتذكر ماذا سألتك عن حسام السيد و ماذا قلت لي ؟؟؟؟؟؟؟

يا ذكرني يا أما أنا بذكرك بالحديث ...........

[samersabsoub]

الرد من نديم الجابي للموقع +




تعقيب الموقع:
لانملك بحال من الأحوال أن نصرح على لسان أحد نجومنا دون علمه .ماقاله الكابتن ماهر السيد لنا بالحرف نشرناه وأنا شخصياُ كنت في عيادة الدكتور ممتاز صباح اليوم وأمضينا قرابة الساعة نناقش الموضوع فكيف يمكن أن ينفيه.لعلها حركة ذكاء لاستيعاب فورة الغضب لدى الجمهور مع احترامنا لمسؤول الإعلام في منتدى الوحداوية الغارق في رومانسيته الحزينة الذي أساء إلينا ولن نسمح لأنفسنا بالإساءة إليه لأنه تربطنا علاقة ود وصداقة مع القائمين على المنتدى وعلى رأسهم مديره السيد وسيم غازي.
مدير موقع الكرة السورية
م.نديم الجابي

[WASSEEM]

ملاحظة الأخ هادي اللحام (( الرومنسي الحزين )) هو مسؤول الاعلامي في
الرابطة و ليس في منتدى الواحدوية ..............

[وسيم (ابن الوحدة)]

وسيم أتذكر يوم نزلت الى دمشق و كانت الامور تعيسة في نادي الوحدة؟؟؟
أتذكر يوم قلت لي انك صدمت بنادي الوحدة ؟؟؟؟ و انك لم تتصور ان يكون
بهذا السوء؟؟؟؟؟

أتذكر يوم قلت لي أن أوضاع الناد فعلا سيئة و هناك من يعمل ضده و هم من
أهل النادي ؟؟؟؟


أتذكر ماذا سألتك عن حسام السيد و ماذا قلت لي ؟؟؟؟؟؟؟

يا ذكرني يا أما أنا بذكرك بالحديث ...........

أنا أذكر كل كلمة دارت بيني و بينك يا وسيم كما أني أذكر كل كلمة و قول و فعل حصل إن كان بيني و بينك أو بيني و بين أبو طارق و لك و لأبو طارق كل السلام و التحية

و بالنسبة للشباب يللي ما عندون فكرة عن الموضوع ما عندي مانع يا وسيم انو تتحدث بالموضوع من بابه لمحرابو ففي الإعادة إفادة و عندما تكشف جميع الحقائق تصبح الأمور أوضح للجميع و الحديث يطيب و يحلو بكل حقائقه و أسراره

فعلا وسيم عندما نزلت إلى دمشق كانت أوضاع النادي سيئة جدا و ها نحن الآن أمام إدارة جديدة و أعضاء جدد و على رأسهم الدكتور ممتاز ملص و أبو طارق ... هل لك أن تخبرني عن وضع النادي حاليا؟؟ برأيي الشخصي هو أسوء من السنة الماضية ... جميعنا استبشر خيرا و أنا أولكم بوجود حسام السيد ضمن الإدارة لأننا جميعا اعتقدنا بأن بيده الحل و التغيير المطلوب و لكن ماذا كانت النتيجة؟؟ أترك النتيجة للواقع المر الحالي الذي يقول بأن النادي أصبح أسوء من الموسم الماضي

يا وسيم و يا جميع أعضاء الموقع الكرام أود توضيح أمر بسيط جدا و هو أن الإدارة موجودة لتحسين أوضاع و حال الفريق و هذه هي مهمتها الأساسية فإذا فشلت الإدارة في هذا الأمر لا يبقى للإدارة الشريفة إلا أن تنسحب من أجواء النادي و تعطي الفرصة لغيرها ليثبت نفسه

فشل الإدارة يا جماعة الخير لا يعني أنها سيئة ... فيما يخصني أنا شخصيا لم أتحدث عن الإدارة أو أي عضو فيها بأنهم سيئين ... فشل الإدارة لا يعني أنها سيئة بس يا أخي ما عم تزبط معون نهائيا

طب يعني شو نعمل؟ نضل مع الإدارة و نقول بدنا هالإدارة و بدنا ممتاز و حسام و و و ... الخ و ينزل الفريق عالتانيه؟؟؟؟؟؟؟

طيب يا سيدي في مين عم يشتغل ضد النادي و اللي عم يشتغلو ضد النادي ما رح يوقفو شغل؟ طب عم نجابه هالناس؟ عم نحاربها؟ عم نوقفها عند حدها؟ اذا ما عم يطلع معنا شي طب يا أخي ننسحب و نعطي الفرصة لغيرنا

بنهاية المطاف ، النادي شو عم يستفيد؟ شو النتيجة من هالتكتلات و الخناقات و المشاكل؟؟

محبتي و احترامي لجميع من خدم البرتقالي و أحب و أخلص للبرتقالي كبيرة جدا و لا شك بأن حسام السيد هو واحد من هالأشخاص اللي قدمو للنادي الكثير ... و لكن بنهاية المطاف حبي و انتمائي للنادي أولى من أي شخص أو اعتبار

اذا وجود حسام بالنادي عم يفيد النادي بالنتائج فأنا معه و اذا وجوده عم يضر النادي و يسبب تكتلات و مشاكل فأنا مع خروج حسام من النادي

قد يكون حسام صديقي و انسان مقرب مني و لكن بنهاية المطاف مصلحة البرتقالي تأتي أولا و هذا الكلام أنا سمعته من حسام السيد شخصيا ...

النتائج أعزائي هي من يجب أن تجعلنا نتمسك بالإدارة أو نطالب بتنحيها

[السوري الدمشقي]

لاحول ولاقوة الا بالله .. كل يوم منسمع خبر اسوء من يلي ابلو ... ان شاء الله تنحل الأصة ويبئى بالنادي

[وحداوي موت]

لك الله يعينك يا ماهر
الله يعنيك
اذا الجمهور حملة مسئولية كل شي عم يصير بلفريق
يا عيني على هيك جمهور مذبذب

[infonp1]

هذه ضربة جزاء ظالمة بحق الوحدة..

[yanalooo]

:)) الوحدة يا زهر وفل
الوحدة يا فل يا حارق قلوب الكل
والشامي يا ملك الكل :))
بالتوفيق للوحدة

[محمد موازيني]

لازم ماهر مايترك الفريق لان هو الي شايل الفريق ويلي سبوا ماهر جمهور قليل كتيررررررررررررررررررررررررررررررررررررررر
خليك يا ماهر والله منحبك

[هنو]

و بعدين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟:mad: