روحنا المعنوية ستظل في القمة/افتخر فانت وحداوي

[أبو صخر]

مساء الخير شباب
مو ملاحظين اني شي غريب يلي عميصير بالنادي وبالموقع
صرلنا من وقت حادثة وفاة نيناد لهلأ نفسياتنا كلها تعبانة
لك بدي نزل موضوع بيضحك ما عمأحسن
حاسس حالي كأني بجو حزن,عصبية,جنازة, كئابة
والله ما بعرف شو قول
واذا نزلت موضوع بيضحك فرح كون اصطناعي والشباب رح يجاملونا
بكم رد مو من قلبهم لأننا كلنا بالهوا سوا

ومن مشكلة لمشكلة الله يجعلها أكبر المصائب
الحمدلله بالسلة فريقنا صفر عالشمال مع مدرب صفرين عالشمالين
بالقدم 4 صفار وبجدارة بس يلي بختلف اني مدربنا جديد
يعني في أمل اكثر
والشي الوحيد يلي لازم يرفع معنوياتنا هو الاياب
المدرب رح يصير أقدم ورح يتعود الاعبين عليه اكثر
يعني انسسسسسسسسسسسسسسجام متوقع باذن الله

والأهم هم المبارايات رح تكوت أغلبها بالشام
وهون صار دورنا :)):))

فوق منها الأعضاء ما عميتحملو بعضهم
ولاعبين مسؤولين ومخلصين بجدارة لقميصهم الشخصي
والنادي عمره وأبده
ما بدي قارن لأني لو قارنت فرح اعلق بمشاكل
بس بكفي مثال أشرف يلي الكل بيعرف شو صار ولسا قلبه عالنادي
وكاني موجود بنص النادي
والشجرة البرتقالية بحاجة لمثل هؤلاء الأغصان
شبان مخلصين وواعيين وذو دم برتقالي





بس مع ذلك,برجع بقول لازم ويجب علينا بان نرفع معنوياتنا بأي من الأشكال

وعهد عليي باني باذن الله رح نرجع مثل أول وأحسن
لازم نبدأ من الصفر من اول وجديد
رح بلش من هلأ بتنزيل مواضيع مرحة ومشجعة

وترجع روح الأعضاء الى المرح والتفاؤل

كم هو جميل بأن نبني جسرا من الأمل فوق بحيرة من اليأس

[أبو صخر]

وحداوي أصيل شو ما صار يصيرررررررررررررررررررررررررررررررررررررررررررررر

[<IBRAHIM>]

وحداوي اه يانيالي
والله بترك الرياضة المحلية كلها وما بترك الوحدة
وهالقاذورات المعبية النادي الا ما تطلع ويرجع فريقنا كبير كالعادة

[salah]

أن شاء الله خير
بس حاسس أنو نادينا فعلاً مليء بكل من لايمت للوحدة و للرياضة بصلة؟؟
لاخبرة
لاأخلاص
لاعمل
لاأنتماء
لامحبة
لاشعور
لاضمير
متطفلين
حقودين
متلاعبين
متأمرين
مخربين
إلى أين المصير ياوحدتنا بوجود هؤلاء ال......................

[أبو الياس]

شوف لك أب صخر

إنا كلي ثقة بممتاز ملص وطريف قوطرش وأخوه مع أبو النور

السلة إن شاء الله مالنا خوف عليها
لكن العجيب كثرة المنظرين على الإدارة
الإدراة يلي كانت السنة الماضية معارضة وهل السنة استلمت ليش العالم عم بتزعير
كل يوم في أكتر من عشر مواضيع
يلي عم بيطالب بترفيع فريق الشباب بحب قلو كلمة كبيرة: سد بوزك - ترتيب الوحدة الأخير بدوري الشباب
أنا بس بقول شغلة صغيرة

الحزم ثم الحزم
الإدارة قالت ما في ولا بطولة لا سلة ولا قدم هل السنة ومركزنا ممكن يكون متوسط ونظرتها أوسع وأشمل من كل نظراتنا البسيطة

لذلك هادول المنظرين يلي ريت يعيرونا سكوتهم شوي
ووسام غازي
خلال التشات معك أنت قلت كلمة هامة
يا ريت تطبقها
أنا شخصيا معك بنسبة 70%

حاجة لعب ولاد هون بالمنتدى
كل واحد صار فهمان وصار بيفهم أكتر من أي إدارة

يعني شغلة
تخبيص هادي درويش مو شايفينو طريف وأحمد وأنور؟؟؟ أكيد نعم شايفينو
بس استنو لنشوف
قلنا لإدارة الموقع بدنا يكون في حوار مع أكتر من عضو من إدارة الوحدة ومن دون دبلوماسية
بس كانت المساهمات قليلة
قلنا أنو بدنا حوار صريح مع الدرويش الهادي بس لما إجا الحوار كانت أجوبتو دبلوماسية

مرة تانية انا على ثقة بالإدارة الحالية
بس لجنة كرة القدم كلها بدها نفض
لأنو العطل منهم اول شي - لأنو بسببهم عم يجي تقصير اللاعبين

سلام يا أب صخر

[وحداوي موت]

الحمد لله طوني
ما في شي بيضل متل ما هو الا ما تتغير الاحوال

[هنو]

شو ما صار و شو مايصير
نادي الوحدة ما بيطلع من قلوبنا

يمكن نكره و نحب شخصيات
بس النادي خط أحمر
اذا كرهناه بيوقف قلبنا

[yanalooo]

سنبقى نحبك
ياوحدة

[yanalooo]

أنشاء الله يعود الوحدة لسابق مستواه

[عمر نصري]

شوف لك أب صخر

إنا كلي ثقة بممتاز ملص وطريف قوطرش وأخوه مع أبو النور

السلة إن شاء الله مالنا خوف عليها
لكن العجيب كثرة المنظرين على الإدارة
الإدراة يلي كانت السنة الماضية معارضة وهل السنة استلمت ليش العالم عم بتزعير
كل يوم في أكتر من عشر مواضيع
يلي عم بيطالب بترفيع فريق الشباب بحب قلو كلمة كبيرة: سد بوزك - ترتيب الوحدة الأخير بدوري الشباب
أنا بس بقول شغلة صغيرة

الحزم ثم الحزم
الإدارة قالت ما في ولا بطولة لا سلة ولا قدم هل السنة ومركزنا ممكن يكون متوسط ونظرتها أوسع وأشمل من كل نظراتنا البسيطة

لذلك هادول المنظرين يلي ريت يعيرونا سكوتهم شوي
ووسام غازي
خلال التشات معك أنت قلت كلمة هامة
يا ريت تطبقها
أنا شخصيا معك بنسبة 70%

حاجة لعب ولاد هون بالمنتدى
كل واحد صار فهمان وصار بيفهم أكتر من أي إدارة

يعني شغلة
تخبيص هادي درويش مو شايفينو طريف وأحمد وأنور؟؟؟ أكيد نعم شايفينو
بس استنو لنشوف
قلنا لإدارة الموقع بدنا يكون في حوار مع أكتر من عضو من إدارة الوحدة ومن دون دبلوماسية
بس كانت المساهمات قليلة
قلنا أنو بدنا حوار صريح مع الدرويش الهادي بس لما إجا الحوار كانت أجوبتو دبلوماسية

مرة تانية انا على ثقة بالإدارة الحالية
بس لجنة كرة القدم كلها بدها نفض
لأنو العطل منهم اول شي - لأنو بسببهم عم يجي تقصير اللاعبين

سلام يا أب صخر



يسلم هالتم عمي مازن

بس بدي ضيف على حكيك كلمة وحدة بس

و الشباب اللي شافو لعبة النواعير

بدون ما احكي و لا كلمة ببين معون


مبارح الفريق فريق تشيكلس ( يعني علكة )

و الله يوفق

[wissam82]

ايه الله يحسن الأحوال يا أبو الطون
ويرجعلنا الفرحة والانتصارات
ويفرجها على هالنادي ....



وكلمة لأبو البقاء:
أبو البقاء هون منتدى وما فيك تسكت حدا ,, وكل واحد حر برأيه يحكي يلي بده ياه
الحكي ببلاش يا عزيزي ....

بسلا أنا ولا أنت ولا أي حدا بيحقله يسكت حدا ,, كلامك بصراحة بهيك لهجة استغربت يطلع منك
مع إنك أنت أكتر واحد كنت تنقد وتحكي ,, بقى كل واحد ئله وجهة نظر منحترمها ........

[حسان الحسيني]

كم هو جميل بأن نبني جسرا من الأمل فوق بحيرة من اليأس

[السوري الدمشقي]

مرحلة وبتمر ان شاء الله..

[rami832]

وحداوي أصيل شو ما صار يصير

[أبو الياس]

وكلمة لأبو البقاء:

عمي وسام
بالفترة الأخيرة كترت كتير كتير المواضيع يلي هي مكررة ومالها لزوم وهاد يلي بينادي بترفيع فريق الشباب وهاد يلي بيجيب رأي تخبيص من هون وهاد يلي ما بتعرف الله وين حاطوه

وإذا بدك تخلي هل الحكي يكتر شوي شوي
المنتدى كلو ما بيصير ما عليه القيمة من مستوى هل المواضيع

عدا عن انو المنتدى نازل وفارق كتير عن اول بمستوى مواضيعو الخارجة عن الرياضة
وهي رسالة مني للمشرفين وع راسهم الخ أبو عيد

تقبلو رأيي بروح رياضية وبإدراك أوسع ولك مني أحلى تحية

[أبو الياس]

كمان شغلة معلم
انا ما فهمت عليك شلون يعني انا أكتر واحد كنت احكي وانتقد؟؟؟ من وين بتجيب هل الحكي؟؟؟ أنت تغيرت كتير بالفترة الأخيرة ونظرتك صارت غير موضوعية تجاه بعض النقاط وبعض الأشخاص

على كل حال أنا قلبي كبير وبيسع الكبير والصغير
وأهلا وسهلا فيك -

[wissam82]

بالفترة الأخيرة كترت كتير كتير المواضيع يلي هي مكررة ومالها لزوم وهاد يلي بينادي بترفيع فريق الشباب وهاد يلي بيجيب رأي تخبيص من هون وهاد يلي ما بتعرف الله وين حاطوه

وإذا بدك تخلي هل الحكي يكتر شوي شوي
المنتدى كلو ما بيصير ما عليه القيمة من مستوى هل المواضيع


والله بهي معك حق ......

بس المشكلة صايرين إذا منعمل واجباتنا الأكثرية بيحتجوا وبيقولوا عم نكم الأفواه ...

وإذا تركنا الوضع على ما هو عليه ,, بيصير متل ما عم تقول أنت أو نتهم بإنه نحنا مقصرين بواجاتنا ...

يعني والله احترنا ,, مع انه أنا مع رأيك بأنه نحافظ على مستوى معين بالكتابات
وينحذف يلي ماله طعمة أو مكرر ......

[wissam82]

القصد إنه كل واحد ئله رأيه وإذا ما عجبنا رأي غيرنا ما بيحقلنا نسكته .....

يعني يلي عم يطالب بفريق الشباب فيك تناقشه بإنه فريق الشباب تبعنا فاشل وأسوء من الرجال
بس ما فيك تئله (( سد بوزك )) وتحاكيه بهيك لهجة ......


وبشكر قلبك الكبير يلي استوعبني ... :teas:mrgreen:
وتحياتي ئلك ولتايوان ...

[alwassouf]

يعني الوحدة باقي بقلوبنا
والا ماتنزاح هالغيمة السودة

[الرومانسي الحزين]

ااااااااااااااااااااخ يا اب صخر من قلب مجروح

[الصالحية]

ليتحد الجمهور وليغير هذه الأدارة

الكروية الفاشلة

[جوري]

يذهب اشخاص و يأتي أشخاص لكن الوحدة يبقى:prm

[أبو صخر]

أحلى وحداوية بعرضي
يا هيك الرجال يا بلا

أبو الهود كلنا وجعنا سوا
مازن رح رد عليك بس والله راسي عميوجعني مو هلأ
بايتنك معصب عالأخير


صالحية :طيب اذا اتحدينا او ما اتحدينا
آخرتها ما في غيرنا يلي عمياكل هو...:sad:

[حسام الوحدة]

أنا رح قول

معليش شوفيها بالأياب بنكفيها

بأذن الله رح تتغير النتائج حتى ماعاد نشوف أسماء الشميتة اللي طلع صوتهم بمنتدانا

[raul.7.realmadrid]

مستحيل على اي وحداوي انو ينسا نادي الوحدة او يترك تشجيعو و الجمهور و الشعبية الكبير بترجع انشالله بس يلتف النادي كلو مع بعضو ولو ما ربحنا اي بطولة لانو من زمان كان اقل جمهور يجي 25000 و الفريق ترتيبو السابع و على مباراة بردى واليقظة و هيك فرق
المهم الناس السيئة يلي بالادارات تحل عن سمانا وتتركنا بحالنا وتستحي على دما وهي شايفة انو ما حدا من الجمهور بيطيقا و تنقلع

[raul.7.realmadrid]

مستحيل على اي وحداوي انو ينسا نادي الوحدة او يترك تشجيعو و الجمهور و الشعبية الكبير بترجع انشالله بس يلتف النادي كلو مع بعضو ولو ما ربحنا اي بطولة لانو من زمان كان اقل جمهور يجي 25000 و الفريق ترتيبو السابع و على مباراة بردى واليقظة و هيك فرق
المهم الناس السيئة يلي بالادارات تحل عن سمانا وتتركنا بحالنا وتستحي على دما وهي شايفة انو ما حدا من الجمهور بيطيقا و تطلع