رجا رافع .. كم اتمناك ان تكون برتقالي

[حمودي اليوفاوي]

اول شي مبروك للمجد نقطة التعادل من ملعب االنار بالجزائر
امام جمهور كبير وحماسي ورائع لوفاق صطيف الجزائري بطل النسخة السابقة من دوري ابطال العرب

بس كنت حابب احكي شغلة على رجا رافع صاحب هدف التقدم للمجد اليوم
رجا بعتقد افضل مهاجم بسوريا / مهاجم قناص /
هدف اليوم سجلو من فرصة وحيدة للمجد
صنعها رجا رافع بعد ما تلاعب بدفاع وفاق صطيف ومر من لاعب جزائري وانفرد بالحارس
وسجل الفرصة رجا رافع بالتأكيد
وخلال المباراة وخصوصا بالشوط الاول .. كان بدفاعات وفاق صطيف بمهارات كبيرة .. على الرغم انو مهمتو تسجيل الاهداف كونه مهاجم صريح


انا عم احكي هل حكي .. لانو نحنا للاسف دايقين المر .. ونحن عم نعاني هجوميا كل سنة
وخصوصا هالسنة .. لكات معقول هدفين للوحدة بسبع مباريات بالدوري !!!
باقي فرق الدوري اقل فريق جايب ع الاقل خمسة اهداف

وبمقابلة سابقة لمنتدانا منتدى وحداوية .. صرح الدكتور ممتاز ملص انو التعاقدات الموسم المقبل حتكون غير شكل ومختلفة عن الموسم الحالي
هالسنة اجت الادارة متأخرة واللي ضرب ضرب .. واللي هرب هرب
فبتمنى بتمنى بتمنى .. ادارتنا والمسؤولين عن كرة القدم عنا
يكونوا مفكرين برجا رافع من هلأ
احسن ما نقضي الموسم المقبل ..
وصل لاعب من نييجريا .. وودعنا لاعب من السنغال .. جربنا لاعب من زامبيا
لانو رجا بسواهم كلهم .. وحتى لو كان سعرو غالي .. بس الغالي بيرخص
احسن ما نعاني من ذات المشكلة كل موسم


على فكرة رجا رافع لغاية الان تاني هدافي دوري ابطال العرب ب4 اهداف
وشوفوا ع مين جابهم ... جاب الاهداف على اقوى الفرق الافريقية ( وفاق صطيف الجزائري - الهلال السوداني - الاتحاد الليبي )
اما متصدر الهدافين بدوري ابطال العرب لاعب الوحدة السعودي عيسى المحياني ب8 اهداف
بسجابهم على فريق واحد وهو ضعيف جدا ( فريق من جزر القمر )


برجع بقول .. بتمنى يجي يوم واشوف رجا رافع بلباس البرتقالي
ولو اني متوقع اذا استمر رجا بهالتألق بالشامبينزليغ العربي .. ما رح يطول عنا بسوريا
هاي الهلال السوداني قدملو عرض

[wissam82]

ما شفته الموسم الماضي لما رجع من الكويت شو عمل فينا ,, لما كان بده يوقع معنا على أساس .......؟؟؟؟؟؟؟

انا بحبه بس من وقتها نفر قلبي منه بصراحة ...

[alwassouf]

انشالله نشوفوا بالبرتقالي
وان شاء الله قبل نهاية هالموسم
الادارة تتعاقد مع لعيبة ممتازين

[حمودي اليوفاوي]

ما شفته الموسم الماضي لما رجع من الكويت شو عمل فينا ,, لما كان بده يوقع معنا على أساس .......؟؟؟؟؟؟؟

انا بحبه بس من وقتها نفر قلبي منه بصراحة ...

هلأ ما بعرف .. بتزكر انو نزل موضوع يا عنا بالممنتدى يا بجريدة الرياضية
شرح فيه رجا وجهة نظرو ع الشي اللي صار

بعدين لا تصدق انو لاعب بدو يجي يلعب عند نادي تاني بدو ينتقلو حبا فيه
اكيد بد ينتقل كرمال المصاري اولا يعني بدو يلحق مصلحتو
المجد دفعو اكتر مننا

[وحداوي موت]

رجا لاعب فنان جدا جدا
بس للاسف ما توفق بلكويت ونزل مستواه كتير
وبعد عودتو من الكويت رجع مستواه شوي شوي
ان شاء الله اذا ما كان رجا عنا يجينا لاعب بمستواه

[Elwani]

رجا لاعب جيد جدا..وبالفعل نحنا بدنا هيك مهاجم

بس أخي حمودة انت سهل عليك تقول هالحكي..انت بتعرف إذا رجا بيجي عالوحدة وبياخد مقدم عقد و راتب شهري كبير شو بدو يصير؟؟؟

اي بدها تشتغل المدابح عنا بالفريق

لأنو بكل بساطة أحسن لاعب عنا بكون عم ياخد قد نص مارح ياخود رجا..وما تقلي انو حدا منهم بيرضاها

وهيك ا الفريق بدو يصير عصابات من اول وجديد..يا اما الإدارة بدها ترفع رواتب اللاعبين كلها
وياعيني عالكسر يللي بدو يصير

بقا انا برأيي خلينا عالاعب المحترف أحسنلنا..

[حسان الحسيني]

بالتوفيق للوحدة

[wissam82]

هلأ ما بعرف .. بتزكر انو نزل موضوع يا عنا بالممنتدى يا بجريدة الرياضية
شرح فيه رجا وجهة نظرو ع الشي اللي صار

بعدين لا تصدق انو لاعب بدو يجي يلعب عند نادي تاني بدو ينتقلو حبا فيه
اكيد بد ينتقل كرمال المصاري اولا يعني بدو يلحق مصلحتو
المجد دفعو اكتر مننا

لا حمودة المجد ما دفع أكتر منا ....

وكانت مفاوضاتنا معه رح تزبط وتفركشت على أخر ثانية (( رغم المماطلة والدلال بالبداية من طرفه )) ..

يعني كان من الأول يقول ما بدي وصلى الله وبارك ,, بس وصلت اللقمة للتم بعدين قال
مارح يلعب غير للمجد ,, ايه شو نحنا لعبة بإيده ..

[MOH@MAD]

أحلى حلقة المعلق اليوم :grin:
شو قال آل رجا رافع احترف بالكويت آل مفكر انو الكويت شي لعيبة كتيرر
يعني بس على كل حال انا متفآئل برجا رافع مع المنتتخب السنة
وان شالله يجي لعنا :neutral:

[M o H a M e D]

وسام حسب ما انحكى وقتها غير هيك ...

صحيح كان عميماطل هو ... بس كانت ادارة الحبوباتي كمان مو حاسمة قرارها ...

[yanalooo]

مبرووووووووووووووك
لنادي المجد المستوى يلي عم يقدمو رغم الصعوبات التي واجهته قبل هذه المباراة

[حسام الوحدة]

مر على نادي الوحدة مهاجمين أفضل من رجا رافع ؟
ومبروك للمجد

[الرومانسي الحزين]

ليش ما يكون عنا هيك لاعب والاندية تحط عينها عليه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟



عجبي يا نادي العاصمة

[مستر مدريد]

هي السنة رجع لمستواه

وفعلا قناص ( بس وقت يكون بمستواه )

و الهدف اليوم اكبر دليل

بس مشكلتو انو سويعاتي

بمبارة بيجيب 3 اهداف و شبي 4 مباريات ما بيسجل

على كلا مبروك للمجد و مبروك لرجا المستوى الجيد

[michaelko]

رجا رافع من أحسن المهاجمين بسورية هداف قناص ومراوغ ولعيب بالراس

مارح نفتح القصص القديمة ليش ما جابوا عالوحدة خلينا ساكتين كفانا انقسامات ومو ناقصنا

[أبو صخر]

لاعبي المفضل عربيا وآسيويا
هو وجهاد الحسين وماهر والآمنة حرام يغيبو دقيقة وحدة عن مبارايات المنتخب

[rami832]

بالتوفيق للبرتقالي

[أغيد الفرا]

لاعب رائع و ممتاز

بس كمان مو معناتا إذا تألق اليوم لازم يتألق كل يوم

هي بلعبة الاتحاد الليبي ضيع فرص سهلة

على كل ياريت يجي