لماذا الحكيم

[الرومانسي الحزين]

يا شباب بدون عصبية وبدون ردود متسرعة بتمنى تقرو موضوعي للاخر حتى تفهموني صح وبتوقع انو صرتو تعرفو اني مستحيل كون تابع لحدا الا لنادي الوحدة ومن منبع محبتي للهلنادي رح احكي هالكلمتين الطوال شوي



هل صفوان نظام الدين لا يعرف بالفريق واحتياجاته ؟
هل نزار محروس لا يعرف عقلية لاعبنا وما يناسبه ؟
هل ادارتنا الكريمة لا تفقه شي بكرة القدم ؟



اكيد كل الاجوبة لا لانو الكل بيحبو النادي لانو نادي الوحدة مو نادي اشخاص
انا كنت ولفترة كبيرة ضد الحكيم وضد اعادتو للنادي ولكن بعد سقوطه الموسم الماضي امامي بغرفة الملابس واسعافي له لبيت عمي اكتشفت كم هو طيب ومحب للنادي يجوز انه لا يستطيع ان يجلب لنا بطولة دوري ولكن برااييي المتواضع بتوقع انو ممكن يفهم على لعيبتنا الاشاوس يلي ما حدا عم يفهم عليهم انا بقول نعطي فرصة للحكيم حتى نهاية الذهاب ووقتها لكل حادث حديث بتمنى ما تاخدو كلامي على اني متيم جدا بالحكيم وتاخدو كلامي من وجهة نظر محبة النادي فنادينا ليس حقل اختباااااااااااااااار وكفانا يا جمهور تشتت


الاختلاف بالراي هو القاعدة الصحية لاي شي بالكون
ولكن لا يفسد الاختلاف للود قضية
انا بعرف انو في عالم ضد هالشي بس فكرو قبل الجواب وعطوني رايكم بحيادية ودون نظر للماضي ونبش الدفاتر القديمة





مثال ( انا كنت ضد حسام جدا ببداية الموسم ولكن عندما اقتربت منه ورايت ما صنعه وما يصنعه وقفت له احتراما لانه بالفعل وحداااااااااااااااوي حتى النخاع )

بقى بتمنى كل واحد مننا يعقد مع نفسو شوي ويفكر قبل ما يجاوب

وبالنهاية بحال فشل ايمن لا سمح الله انا مستعد لاي مساءلة من الشباب


وشكرا

[يمان القدة]

هلا عمي هادي التصويت بالمنتدى لمصلحة ياسر اولا وثانيا لمصلحة ايمن اما موضوع

موضوع حسام لسا بكير صحيح مظلوم الزلمة وانا اول من اعتذر منو بس لسا في رجعة

لموضوعو لانو في اسئلة لسا ماتجاوب عليها مو وقتها اما بالنسبة للمدرب فيلي بيعمل

لمصلحة النادي انا اول مين حصوتلو مع ميولي للسباعي

[Gazwan]

هادي بيك أنا معجب فيك و برأيك
يعني دائما ً كلامك سليم و بينسمع

[نيرازوري للأبد]

معلم انا برايي انه الوحده لازمه مدرب من خاااااااااارج النادي والله احسن
وبالناقص وجع راس

لانه بهالحاله بيكون المدرب الجديد مو محسوب على حدا !!!!؟؟؟؟

[حسان الحسيني]

بالتوفيئ للفصة لنهاية الذهاب
هادي برائيك نادينا لسة بدو فرصة
بغض النظر عن اسم المدرب
نادينا حاليا بيلزمه اولا
مدرب بيعرف يجيب نئاط بالدوري
ثانيا
تحمل الاعبين المسؤولية الملقاة
على عاتقهم وهي الحفاظ على اسم النادي

[غيث كردي]

بدنا مدرب بعيد عن المشاكل و ما بتهمو مشاكل النادي

[SAD LoOoVER]

هادي بيك أنا معجب فيك


لا تضاربلي على هادي ايووواااااا

:neutral::neutral::oops:

و يسلم تمك سا ابن اللحام اشتقنالك والله

[wissam82]

والله أنا رأي من رأيك أبو الهيد

يعني من الأسماء المطروحة بفضله على الباقي وخاصة بالظروف الحالية المزرية ...

لأن ما عاد فيه وقت لأي تجارب مدربين وحرد واستقالات

على الئليلة أيمن الحكيم بيعرف اللاعبين ووضع الفريق بشكل عام .....

وبغض النظر عن تجربته الموسم الماضي ,,
كان فيه كتير أراء لشباب إنه لازم ياخد فرصته بظل توافر الاستقرار المادي .......

و اللوم أولا وأخيرا على الإدارة وترددها ومماطلتها بإتخاذ القرارات الحاسمة وخاصة بقصة المدرب ..

[وحداوي موت]

بدنا مدرب يحصل على نقاط وهل شي متوفر بلكابتن ياسر
اما الحكيم بسلامتك والله اذا استلمنا عنجد لنصير بلتانية
مو من الحكيم اكيد
بس من المشاكل يلي بدها تصير وقت يستلم الحكيم

[kashi]

انشاء الله خير يا شباب

[alwassouf]

انا معك احلى رومانسي
والحكيم منيح وحسام منيح وانت منيح

[syria alasad]

اول مرة بشوفك عم تحكي مظبوط


وبظن هلأ وقت الحكيم

واكيد ما لح نكون افهم من نزار وصفوان اللي بدهون الحكيم بالوقت الحالي



وبالتوفيق لكل مدرب يدرب الوحدة


بس المهم نطلع من هالأزمة بقا

ملينا

[الأدعشري]

هادي نحنا كلنا منحب لنادي و اكيد لحنا اصغرمن انو نفهم اد الأدارة بأحتياجات الفريق
بس محبتنا للنادي بتفرض انو نحكي رأينا بصراحة وبدون مسايرة لحدا
ايمن حكيم وحسام السيد من رموز النادي بس ليش الأدارة بترجع بتجرب شي مجرب؟؟
و على فرض انو المشكلة الرئيسية تكمن في اللاعبين من هنا اقول اننا مع اي مدرب يأتي ولكن بالمقابل انو نشوف تغيير ..يعني بالمشرمحي وبدون حيا خليهن يقلعــــــــــــــــو كل لاعب عم يتحكم بالفريق ونحن سنصبر على الفريق
لأنو النتائج الحالية لا اتوقع انو يكون في نتائج اسوأ من هيك..
برجع وبقول انو نحنا لسنا ضد اشخاص ولكن لأننا نعشق الوحدة نتمنى ونطالب له بالأفضل
حسب المعطيات التي نعرفها

[مستر مدريد]

اول شي يا هادي يجب فصل العاطفة عن العمل

لانو ما حدا بينكر حب الحكيم للنادي و حزنه الشديد وقت كان يخسر الفريق معو السنة الماضة و لا حتى فرحة البقاء

بس يلي بدو يتعين كمدرب مو لازم نعينو لانو بيحب الوحدة و بس

لازم يكون في عندو شخصية و فكر احترافي ( مع احترامي للحكيم )

بس طول فترة استلتمو السنة الماضية ما لاحظت لمسته كمدرب

و الله يقدم يلي فيه الخير

[yanalooo]

:b(أيهههههههههههه
خلي النادي يجرب لاعبين ومدربين
لنوصل للهاوية لنوصل للدرجة التانية ونندم وقت لا ينفع الندم :b(

[yanalooo]

ما بدنا الدوري الدوري ما بدنا الكأس بدنا مدرب ولاعيبة متل الناس

[yanalooo]

ما بدنا مدرب يجبلنا الدوري وما بدنا يجبلنا الكأس لأنو صار همنا البقاء بالدرجة الأولى
لأنو راحت أيام نادي الوحدة راحت علينا

[yanalooo]

:sad: الله يرحمك يا نيناد
والله يرحم نادي الوحدة :sad:

[الرومانسي الحزين]

بالفعل اثبتولي يا شباب انو وقت بنتناقش بالعقل مافي احلى منا والحمد لله اول موضوع ما بيصير فيه مشاحنات وبتمنى نبقى هيك ايد وحدة




غزانو مستني منك تليفون او اضافة على الياهو لاني انا كمان معجب فيك




انس ابن الزرزور بشرفي انك بتجي بالمراتب الاولى بين الشباب يلي بحبها


وائل هي اول مرة انا بحكي فيها صح كتر الله خيرررررررك !!!!!!!!!!!!!!!

[rami832]

خير ان شاء الله خير

[taiger]

طيب مين ما كان المدرب الي لح يجي بس امتا جاية بس يخلص الدوري ولا شو الموضوع وين الجنة من اسبوع وعم نسمع انو تشكلت وبعدين واخرتا

[Abu Waseem]

على فكرة في أبو عدنان بيحب النادي أكتر من الحكيم منخليه يستلم وهكذا يلي بيحب أكتر ووحداوي أكتر منسلمو الكوتشية

آسف هادي بس ما عم تقنعوني
وتاريخ هالمدرب فنياً فاشل مع كللللللللللللللللل الفرق يلي دربها

[الأدعشري]

على فكرة في أبو عدنان بيحب النادي أكتر من الحكيم منخليه يستلم وهكذا يلي بيحب أكتر ووحداوي أكتر منسلمو الكوتشية

آسف هادي بس ما عم تقنعوني


والله هاد كلامي من الأول

[الرومانسي الحزين]

على فكرة في أبو عدنان بيحب النادي أكتر من الحكيم منخليه يستلم وهكذا يلي بيحب أكتر ووحداوي أكتر منسلمو الكوتشية

آسف هادي بس ما عم تقنعوني
وتاريخ هالمدرب فنياً فاشل مع كللللللللللللللللل الفرق يلي دربها
والله العظيم الحق معك مليون بالمية بس بذمتك ما بقيان غير المحلمي والحكيم والمحلمي ما بيعرف شي اسمو دوري سوري بقى مين بتحتااااااار