24 تموز قرّب وين كنتوا؟؟

[An@s]

الذكرى السنوية الأولى لفوز البرتقالي بأول لقب للدوري بعد كم يوم وتحديدا يوم 24 تموز ويوميتها السنة الماضية ولادين الحلال سرقوا الحلم من عيوننا وشنططونا بالشوارع وهون وهون مشان هيك حبيت أعمل استفتاء لشوف وين النسبة الأكبر من شباب المنتدى كانت
أنا من جهتي كنت بالصالة وبحياتي مالح أنسى هاليوم الحلو.........
كل عام وأنتو بخير وانشاءالله ولانجازات أكتر وأكتر

[WASSEEM]

و الله يا معلم لا اخفيك كنت بالمحل و لا رحت عالنادي و لا رحت عالصالة.
كنت متمسر ادام التلفزيون .
و بصراحة كل ماحاول اطلع من المحل باتجاه الصالة مابعرف اقسم بالله حس
وخزة بنص البي من حرقان القلب على هداك القرار الأسود بتاريخ اتحاد كرة القدم
و الله يا جماعة حس حالي دمي ناشف و قلبي موقف و عروقي لح تطلع.
الحكي مو متل الشوفة يا ناس.....................بعين الله

[Abu Waseem]

Me too
وأنا ضلليت بالبيت وطلعت بعد اللعبة واحتفلنا بالطريق مع الجمهور يلي كان جنب الملعب والرايح عالنادي ومسيرات سيارات...وعقبال ماتنعاد الفرحة السنة الجاية ويلي بعدها وللأمام دوما انشاءالله

[syria alasad]

والله أنا والحمد لله قدرت فوت ع الملعب واحضر اللعبة
وفرحت مع اللاعبين جواة الملعب ...


ويارب تنعاد فرحتنا السنة الجاية بس بدون ما ينعاد منظر العباسيين الفاضي ..


وعلى فكرة كنا قلال كتير بالملعب بس ما سكتنا وحياة الله
وطول المباراة ونحنا عم نشجع
وحداوية

وعينكون ما تشوف يوم خلصت اللعبة شلون نزلنا ع الملعب متل المجانين

وبكينا من الفرحة يا شباب :cry: :oops: :twisted:

[حمودي اليوفاوي]

انا الشوط الاول كنت بالبيت
والشوط التاني بالصالة

[الصالحية]

الفرحة الأجمل للأسف كنت أراها على وجوه الجماهير وأنا بالغربة

وإنشالله الموسم القادم إن وصلنا سأكون بينكم

[MW@04]

كنت بالصالة :D :D :D

[mantoof]

للأسف شباب الغربة محرومين من هيك لحظات كرمال تأمين لقمة العيش

أيديكون معانا ندعي رب العالمين نجتمع كلياتنا على هيك مناسبات من اليوم وطالع وما نترككون لحالكون وما تتركونا لحالنا

حسرة بقلبي بس الفرحة غطت عليها

[همام]

والله أنا كنت بالبيت لأني كنت عامل عملية زايدة وما اقدرت اطلع بس طار عقلي من الفرحة

[Abu Waseem]

والله أنا كنت بالبيت لأني كنت عامل عملية زايدة وما اقدرت اطلع بس طار عقلي من الفرحة

والزايدة :lol:

[همام]

اي بس الزايدة طارت قبل عقلي :mrgreen: :mrgreen:

[سعدي]

انا كنت نايم و دريت بعد شي اسبوع انو أخدنا الدوري ..
:mrgreen: :mrgreen: :mrgreen: :mrgreen: :mrgreen: :mrgreen:
.
.
.
.
.
بالشوط الاول كنت بالبيت و بين الشوطين نزلت عالصالة و يومها بقينا جنب النادي لحتى وصلوا اللعيبة و استقبلناهم و فرحنا معاهم ... يوم لا ينسى فعلا ...

[abou malek]

انا كنت عم دور علي حرمنا من اللعب ئدام جمهورنا لاعدموا بنص ساحة العباسيين

[Bassel]

يا سيدي بالنسبة للشوط الأول كنت بالبيت عم احضر اللعبة عالتلفزيون و كان قلبي بين رجليي و كنت عاضض علساني طول المباراة تقريبا لحتى صفر الحكم و على شوي كان رح يجيني فالج (بعيد الشر عن قلبي)

أما بالنسبة للشوط التاني ........





























كمان كنت قاعد بالبيت و بنفس الغرفة و على نفس التلفزيون و عم احضر نفس المباراة :mrgreen:

[diaa]

أنا حضرت الشوط الأول ونص الشوط الثاني بالصالة بعدين رحت مع رفقاتي على الملعب عم ننتظر خروج اللاعبين وكانت الموبايلات شغالة مع واحد من رفقاتنا عم يتابع اللعبة من على سطح أحد المباني المجاورة من الملعب
وطول الطريق من الصالة للملعب كنا عم نهتف ( طاقية ولحشة ........ ياابن .....)
هذا الشعار الذي صار أشهر من نار على علم هداك اليوم .


:| :| :| :|

[mahmoud barhamgi]

I hope that u recive my message
I am so eagier to receive from u
M.barhamgi

[حسان1973]

كمان انا اول المباراة بالصالة وبعد الهدف التاني على الساحة مباشرة وتنذكر وتنعاد متل هيك ايام بس بوجود الجمهور بالمعلب وليس خارجه وغنوا معي يلا يلا طاقية ولحشة طاقية ولحشةك؟؟؟؟؟؟؟؟؟؟؟؟ياجبان يابن ال؟؟؟؟؟؟؟؟؟؟؟؟؟؟ يلا يلا اعلى اعلى

[An@s]

تنشيط..... لتغيير الجو.....


لسة متذكرين وين كنتو؟؟؟؟؟ :prm :prm :prm

[شامي وأفتخر]

ااااااااخ الله لايوفق اللي كان السبب .. أنا كنت راسم عوجهي برتقالي وأسود وكنت بالبيت ولما خلصت طيارة عالشارع بالسيارة مع ابي والعيلة رح تنعاد هالفرحة بإذن الله الموسم القادم لأنو هلأ البسمة صعبة:sad::sad:

[ابوشادي]

واناكنت باالجيش باالخدمةالزاميه

[رامي الوحداوي]

كنت عم شوفها بالبيت

وطلعنا بعد اللعبة ع النادي:prm

[ابو سطيف الوحداوي]

كنت بالبيت
وعم سب عللي منع الجمهور
ذكريات حلوة وانشالله بتنعاد

[ابو هاشم التركماني1]

كنت بالبيت :bs):bs)

[الكتلوني]

انا كنت بلصالة بس يوميتا تنذكر ومانتعاد ئرفنا عيشتنا ومن الشوب :b(:b(:b( الله لايسامح لي كان السبب