ملخص أسبوع مأســــــــــــــــــــاوي!!! [الأرشيف]

sameer.adawi

11-22-2007, 09:01 AM

السلام عليكم ......
رحل نيناد ورحل معه أمل كنا معلقين فيه , الله يرحموا انسان كلنا بنحبوا وبنحترموا وترك بصمة لا تنسى ابدا بالنادي وبالشام كلها , وكل المنتدى والشباب عبروا عن حزنهم وحبهم واخلاصهم لنيناد وللنادي بطريقة حضارية وعفوية بعيدا عن التصنع والتظاهر بالانتساب لفلان او اي جهة وأخص بالذكر أخي محمد حامد ( الأدعشري) يلي فعلا كانت مشاركاتو مؤثرة وراقية (من وجهة نظري طبعا) وكل الشباب خير وبركة بالنهاية.....
بس في نقطة حابب علق عليها انتبهتلها تاني يوم وفاة نيناد (رحمه الله) وماحبيت احكي فيها وقتها , لأنو كان في شي اهم وشي مخلي ذهننا مشتت وضايع.
يلي بدي قولو كان في موضوووع كتبو الأخ ( عمر نصري) وحكى فيه انو لازم متل ما عم نعمل مشان نيناد من تبرعات ومباريات خيرية وصور ومسيرات وكنزات , كان لازم يصير هالشي للاعب الوحدة المرحوم( الشربجي) عمر نصري برافو عليه وانسان فعلا حكى كلمة حق وهاد شي لازم كان يصير وقت وفاة الشربجي بس مو هون المشكلة , المشكلة انو نط واحد من الاخواان مابدي قووول اسمو بس بيعرف حالو وحكى كلمة فعلا صدمتني كتير وكتير مو شوي : قال بزمانوو الشربجي حفر لنزار ومابعرف شو وكان ضدو(* ومابيستاهل *)ومن هالحكي !!! انا بحب نزار وبتمناه يرجع مو بس نزار اي واحد بجيب نتائج للنادي سواء نزار ولا غيرو ولا غيراتو,, بس يا بني آدم هاد الانسان مات لك عالقليلة لازم نحترم الميت وهاد كان يلعب بالوحدة (مابدك تعملو شي لا تعمللو بس هاد مابيعني انو تنشر عرضو وتحكي عليه للزلمة بقبرو)معقوووول ماضل فينا دم لهالدرجة بعدين انته يلي مابتمدح غير اصحاب الانجازات عطيني انجاز مسجل للوحدة أيام نزار محروووس, انته بكلامك هاد بتكره الناس فيه !! مستغرب الطريقة يلي علق فيها كتير !! ( أنا برجع بكرر مو ضد نزار ولا معو ولا مع اي حدا أنا بهمني الوحــــــــــــــــــــدة وبس ) مين مادربو انشالله العفريت الزرق بدربو انا معهم , بس هاد الكلام عيب وقمة العيب وحسيت هالانسان مسير مو مخير يعني مأجووور بعبارة أصح .

يا جماعة يلي بتمناه : لازم نكون ايد وحدة وقلب واحد مع الفريق ومع النادي ومع الادارة الحالية بالنهاية همنا الفريق ( هيك المفروض) بس ازا في ناس بدها هاد وبدها هداك سلامة تسلمكووون رح نضل هيك لاء ورح نتقدم كمان بس لورا ..

فعلا أصعب أسبوع بمر عالوحدة بتاريخوا بوفاة نيناد الملك وبالمواضيع يلي انكتبت بالمنتدى في منها عنجد بزعل ..

الله يصلح الحال يارب ..

ألف رحمة لصاحب( انجــــــــــــــــــازات) الوحدة (( نيناد))

وبالتوووفيق للوحــــــــــــــــــــــــــدة ادارة ولاعبين وجمـــــــــــــهور ..

يوفي بس برتقالي

11-22-2007, 09:07 AM

كلام سليم 100% والله يعطيك العافية ولا تجوز على الميت الا الرحمة
وبالنهاية هو من لاعبي الوحدة وبالتوفيق للوحدة

الوحدة وبس

عمر نصري

11-22-2007, 09:21 AM

مشكور أخ سمير عالموضوع

بس الكلمة ما كانت الي لوحدي الفي أكتر من شخص حكى بالموضوع

بس بعتقد متل ما قالو الشباب مو كتار اللي بيعرفو للمرحوم احمد الشربجي

بس كلمة حق لازم تنقال

انو في كتير لاعبين و مدربين على قيد الحياة ما انعمللهن شي بمسيرتهن الرياضية

و اللي بحز بالنفس محاربتنا لبعض و لللاعبين و لكل شخص

و التشكيك بالانتماء

الله يجمع قلوبنا و لا يفرقنا

و ان شالله تكون مصيبتنا اليوم

سبب تجمعنا غدا

و كما قيل رب ضارة نافعة

yanalooo

11-22-2007, 09:37 AM

حكيك صحيح 100% أخي مين ما يكون المدرب مو مشكلة المهم يرجع نادي الوحدة وترجع النتائج

أحلى friend

11-22-2007, 09:39 AM

والله كلامك جواهر

sameer.adawi

11-22-2007, 09:41 AM

يا جماااااعة لازم ننتبه لشي أنو نحنا كل يوم عم يطلع عنا تجمع يعني يلي عم يصير عنا ماصار ولا بنادي بالعالم يوم بيطلعو بجماعة الحكيم ويوم جماعة نزار ويوم جماعة الهوارة و......و........... و....... وهلأ طلعولنا بجماعة المنتدى يعني كل مالنا عم نتفرق ولهلأ ماشفت جماعة للوحدة للنادي بس !!؟؟

alwassouf

11-22-2007, 10:10 AM

هدا احلى موضوع بقراه
والله كتير كلامك واقعي

sameer.adawi

11-22-2007, 10:25 AM

اخ وسوف هاد مو موضوع بينكتب بس هي تصوووير للواقع يلي عايشينو حاليا جمهور الوحدة من تفرق وعصبية (وتبعات لأشخاص) وهاد الكلام مابيشمل غير ضعاف النفوووس بس والوحداوي الاصيل ابن النادي وبس معروف مين هوي..

حسان الحسيني

11-22-2007, 10:41 AM

مشكور على موضوعك حبيب
انا رديت بهل الطريقة لخبر العالم
انو كل واحد مابياخد معه غير عملو
المنيح رح ينضل ينزكر
والعاطل ماحدى رح يزركو بالمرة
اكتر من انو اترحم على الشربجي شو مطلوب مني
هات لشوف اتحفنا بردك

rami832

11-22-2007, 10:46 AM

كلام سليم الله يعطيك العافية

حسان الحسيني

11-22-2007, 10:48 AM

بس هاد مابيعني انو تنشر عرضو وتحكي عليه للزلمة بقبرو) , بس هاد الكلام عيب وقمة العيب وحسيت هالانسان مسير مو مخير يعني مأجووور بعبارة أصح . ..
التلي لكن ماجور ودخل لمين ماجور
كتار جربو معي بالنادي انو يحاولو يسكتوني عن كتابة كلمة من وجهة نظري انها حق وماطلع بايدهم لا ان كان بالتهديد ولا حتى بالمصاري
سلملي على كلمة ماجور حبيب
----------------------------------------
انا مانشرت عرضو للمرحوم الشربجي بس رديت على ماكان مكتوب بالموضوع
ومابظن انت مدام تزكرت الشربجي وغيرو وتزكرت نزار تنسى ايام التمرد عليه
الا اذا كان رائيك انو الي عملوه اللعيبة مع نزار صح

عمر نصري

11-22-2007, 10:48 AM

حسان ما بدها عصبية ببوس أيدك

انت مشهود الك بحبك للنادي

بس العالم كلها صارت تكتب بحساسية

ما عاد حدى كتب بتفكير

حسان الحسيني

11-22-2007, 10:50 AM

اخ وسوف هاد مو موضوع بينكتب بس هي تصوووير للواقع يلي عايشينو حاليا جمهور الوحدة من تفرق وعصبية (وتبعات لأشخاص) وهاد الكلام مابيشمل غير ضعاف النفوووس بس والوحداوي الاصيل ابن النادي وبس معروف مين هوي..
من وجهة نظري شملك هل الحكي

حسان الحسيني

11-22-2007, 10:53 AM

حسان ما بدها عصبية ببوس أيدك

انت مشهود الك بحبك للنادي

بس العالم كلها صارت تكتب بحساسية

ما عاد حدى كتب بتفكير
ليش يعني مسمحلو يتهمني
وممنوع عليي رد عليه حتى لوكانت طريئتي عصبية
؟؟؟؟؟؟؟؟؟؟؟؟؟

عمر نصري

11-22-2007, 10:56 AM

ليش يعني مسمحلو يتهمني
وممنوع عليي رد عليه حتى لوكانت طريئتي عصبية

؟؟؟؟؟؟؟؟؟؟؟؟؟

معلم

انا بحب شخصيتك القوية و اللي ما بتسكوت على أي شي

بس بتمنى منك ما تكب كل شي عملتو

بأسلوبك هاد

و فهمك كفاية

في أمور بالنادي بدها حل أكتر من هالقصص

انتيمعي ولا لأ :f):f)

حسان الحسيني

11-22-2007, 11:05 AM

مدام بتعرفي انو شخصيتي ئوية ومابسكت على الزايحة
ومالي لا تابع ولا ماجور
كان فيك انت وغيرك على الاقل دافعو عن الحئ مو اكتر
الساكت عن الحق شيطان اخرس

عمر نصري

11-22-2007, 11:10 AM

هيك زعلتني منك حسان

ما حلوة منك

حسان الحسيني

11-22-2007, 11:19 AM

هيك زعلتني منك حسان

ما حلوة منك
غريبة ليش زعلت لاانو حكيت كلمة حق
وانت حكيتها قبلي

عمر نصري

11-22-2007, 11:22 AM

لأ انك عم تهاجمني و انا عم هديك

مو زابطة مهيك

لازم كل واحد يهاجم التاني

مو مشان شي مشان حرية الرأي

Abu Waseem

11-22-2007, 11:34 AM

هلأ الهجوم ولو بكلمة صغيرة عالمرحوم أحمد شربجي صار حق؟؟
هاد بيضل رأيك وانتة حر فيه بس مو تفكر كل الناس متلك اذا أي شي ضد نزار وكأنو نبي معناها هو بيكون غلط
بيجوز يكون الزلمة وهية قصة قديمة كتير والله يرحمو بيجوز يكون غير رأيه أو عرف الخطأ أو أو أو.... ولكن والشهادة لله بأنه من أدروش وأكتر الناس أخلاقاً رحمة الله عليه ومهاجمة الناس بعدو وفاتهم ولو الحق معك مو من شيمنا ولو صح بقى كيف اذا كان هاد رأيك فقط؟

للمرة الأخيرة وصلت فكرتك بمقارنة وفاة نيناد بوفاة أحمد الشربجي

لكن فكرتي بتقول يلي مابيعرفك بيجهلك يا كابتن أحمد رحمة الله عليك ولو كان من أكتر الناس بيقعدو بالنادي أو بيحكو بقصص النادي وبتشبهها قصة اكابتن نيناد كمان.

sameer.adawi

11-22-2007, 11:58 AM

مشكور على موضوعك حبيب
انا رديت بهل الطريقة لخبر العالم
انو كل واحد مابياخد معه غير عملو
المنيح رح ينضل ينزكر
والعاطل ماحدى رح يزركو بالمرة
اكتر من انو اترحم على الشربجي شو مطلوب مني
هات لشوف اتحفنا بردك

شووووو بدي رد عليك من طريقة كلامك وحكيك مابينرد عليك

وأنا من ردوك توصلت لقناعة انو الحكي مع ال..... داء سقيم ..

على فكرة ضعاف النفوووس هنن يلي كل ماينرفسووو من شلة بساو شلة لحالن .. على مبدا تسليط الضووووء..

على كل حال هاد كلو مو رد بس تحترم يلي عم يوجهلك نقد وتحترم حالك برد عليك ....

حسان الحسيني

11-22-2007, 12:10 PM

كلامك مردود عليك
اذا انتو مابدكم تفهمو مشكلتكم
انا حكيت عن عملو مو عن اخلائياتو

حسان الحسيني

11-22-2007, 12:19 PM

ماينرفسووو .. عليك ....
اصبح لبعد عنك مشان ماتصيبني بشي رفسة
شنو باينتك من يلي بيرفسو

حسان الحسيني

11-22-2007, 12:23 PM

ياااااااااااااااااااااااااااااي باينتك نهزيت من كلمة
اتحفنا بردودك

sameer.adawi

11-22-2007, 12:32 PM

[QUOTE=حسان الحسيني;146040][CENTER]

كتار جربو معي بالنادي انو يحاولو يسكتوني عن كتابة كلمة من وجهة نظري انها حق وماطلع بايدهم لا ان كان بالتهديد ولا حتى بالمصاري

----------------------------------------

ههههههههههههههههههههههههههههههههههههههههههههه هههه

جد ضحكتني عن شو بدن يوقفووووك؟؟؟

عن كلمة خير انشا الله ... ولا عن باصات النادي ايمتى بدها تمشي..... ولا عن طباعة كنزات ... ولا عن توزيع اعلااام ... ازا هيك معناتا كتير خطير وفعال وبتشكل خطر على مصالح كتير تجار بهمها تفوووت بالنادي ...

مارح اوصفك شو انته بس راجع كل كلااامك وحكيك ووصوف حالك لأنو أنا أكبر من انو أوصف واحد من أمثالك وماعاد يشرفني ولا بناسبني اني علق على اي كلمة بتكتبها لأنك دوووون مستوى المناقشة ( من يلي مابيتناقشو) عرفتن أكيد .. يلي مابيطلع معهم غير صوووت واحد وصوت غير محبب..

alwassouf

11-22-2007, 12:37 PM

ياشباب كلنا اخوات وانا حابب قول شغلة
كل واحد فينا بيهاجم التاني
وياشباب ممكن نكون ايد وحدة
متل ماحكى حسان وانا رح انضم لرابطة الوحدة و بس

sameer.adawi

11-22-2007, 12:40 PM

بعدين حاج تحرض الشباب عاللعيبة حااااج

حاجتك أفلاااام

اللعيبة ماراحووو عالجنازة فهمناها وغلطووو فهمناها وبلا ضمير فهمناها بس بما أنك عامللي حالك ديبو الفهمان ليش ماجبت سبب عدم رووحة اللعيبة بدال ما تقعد وتردلي عموضوع الكنزات ههههههههههه ( لأنو مو آكل غير هم الكنزات انته) بموضوع بدنا نفسيات ولعيبه ومن هالحكي البلا طعمة ..

بتمنى انو نهتم بشي يخدم النادي مو يهدم نفسيات اللعيبة والجمهووور..

حسان الحسيني

11-22-2007, 12:42 PM

هلأ الهجوم ولو بكلمة صغيرة عالمرحوم أحمد شربجي صار حق؟؟
هاد بيضل رأيك وانتة حر فيه بس مو تفكر كل الناس متلك اذا أي شي ضد نزار وكأنو نبي معناها هو بيكون غلط
بيجوز يكون الزلمة وهية قصة قديمة كتير والله يرحمو بيجوز يكون غير رأيه أو عرف الخطأ أو أو أو.... ولكن والشهادة لله بأنه من أدروش وأكتر الناس أخلاقاً رحمة الله عليه ومهاجمة الناس بعدو وفاتهم ولو الحق معك مو من شيمنا ولو صح بقى كيف اذا كان هاد رأيك فقط؟

للمرة الأخيرة وصلت فكرتك بمقارنة وفاة نيناد بوفاة أحمد الشربجي

لكن فكرتي بتقول يلي مابيعرفك بيجهلك يا كابتن أحمد رحمة الله عليك ولو كان من أكتر الناس بيقعدو بالنادي أو بيحكو بقصص النادي وبتشبهها قصة اكابتن نيناد كمان.
كمان ابو وسيم ئبل ماتهاجمني انت التاني
فيك ترجع للموضوع وتشوفو وبعدين بتقرر ماحكيت عن نزار لانبي ولا غيرو
بس حكيت قصة انو الشربجي بزمانو اشتغل فيها بما يعتبر ضد النادي
لاانو بعد بهل القصة ترك النادي هو وغيرو من الاعبين تبع التمرد ويلي مافي داعي رد نزكر اسمائهم حكيت انو الواحد شو بيقدم بينال جزاء اعمالو
ان كان منيح العالم بضل تزكرو وان كان عملو مو منيح اكيد العالم رح تنساه
وبالموت مافي شماتة لاانو الموت كاس على كل الناس
لانشرت عرضو متل ماعم يتهم الشب ولا هم يحزنون

حسان الحسيني

11-22-2007, 12:45 PM

sameer.adawi (http://www.wahdawia.net/vb/member.php?u=3419) http://www.wahdawia.net/vb/images/orangeblack/statusicon/user_online.gif );
وحداوي أصيل

وما ناقشني جاهلا الا وغلبني
سلاما
سلاما سلاما

حسان الحسيني

11-22-2007, 12:51 PM

[quote=حسان الحسيني;146040][center]

كتار جربو معي بالنادي انو يحاولو يسكتوني عن كتابة كلمة من وجهة نظري انها حق وماطلع بايدهم لا ان كان بالتهديد ولا حتى بالمصاري

----------------------------------------

ههههههههههههههههههههههههههههههههههههههههههههههههه

جد ضحكتني عن شو بدن يوقفووووك؟؟؟

عن كلمة خير انشا الله ... ولا عن باصات النادي ايمتى بدها تمشي..... ولا عن طباعة كنزات ... ولا عن توزيع اعلااام ... ازا هيك معناتا كتير خطير وفعال وبتشكل خطر على مصالح كتير تجار بهمها تفوووت بالنادي ...

مارح اوصفك شو انته بس راجع كل كلااامك وحكيك ووصوف حالك لأنو أنا أكبر من انو أوصف واحد من أمثالك وماعاد يشرفني ولا بناسبني اني علق على اي كلمة بتكتبها لأنك دوووون مستوى المناقشة ( من يلي مابيتناقشو) عرفتن أكيد .. يلي مابيطلع معهم غير صوووت واحد وصوت غير محبب..
تبيع هل الفهم يلي عم يشر منك ياضغط

Abu Waseem

11-22-2007, 12:51 PM

أخ حسان ولله فهمت كلامك وعن شو وبعرف القصةمنيح والتمرد يلي انحكى عنو هو ضد نزار ويلي ضايقك هو هاد الشي بلضبط وعلى كل انطوت صفحات الماضي وعقى الله عما مضى الله يرحمو ويرحم نيناد ويعين نادينا

وكل حكيي كان فقط عن راي معين ويتحول لقاعدة وبس
يعني بيجوز لاقي برأيي أبو عدنان البواب أهم من أي مدرب بالعالم ويستلك الفريق وهاد بيضل رأيي بس لما بساويه قاعدة وأي شي غيرها غلط هون المشكلة...شكراً لتفهمك :))
:f)

sameer.adawi

11-22-2007, 12:53 PM

وما ناقشني جاهلا الا وغلبني
سلاما
سلاما سلاما[/quote]

بتعرف شغلة انته انسان ولا شي فاضي من جووا مع شوية عقد نفسية

kevin

11-22-2007, 12:53 PM

أنشالله يرجع نادي الوحدة شوكة بحلق كل الاندية السورية

salah

11-22-2007, 01:07 PM

كلام سامر سليم 100%
كل كم واحد عاملين جماعة و بيدافعوا عن شخص معين على الطريقة اللبنانية!!!!!!!
و نسوا شو يعني الوفاء للوحدة فقط و ليسى للأشخاص ؟ كل الأشخاص
و صدئوني ياشباب و للأسف الشديد أنا بتذكر هالأفلام كانت تصير من 20 سنة يعني و قت كان المدربون الحاليون لعيبة بالوحدة!
و مابنسى الأداري أبن حارتي أبو النور كيف كان يلف على بيوت اللعيبة و يلمون بسيارته و يترجاهم ليجوا يلعبوا لعبة بالدوري !!!!!!!!!!!!!!!!!!!!!!!!!!!!!!!!!!!!!!!!!
و يلي مابيصدق يسأل

الرومانسي الحزين

11-22-2007, 02:07 PM

ممكن افهم شو فائدة هيك موضوع بهالوقت يا سامر القصة ناتمت ليش صحيتها وحسان الو وجهة نظر وانت الك وجهة نظر وانا الي وجهة نظر يعني المنتدى للكل ما بدها نهاجم بعض كلنا هون لنعبر عن راينا مو لنتهم بعض وشوف موضوعك لون وصلنا شوي تانية راح تسبو بعض واذا بتشوفو بعض ممكن تتضاربو ليش ما بعتلو رسالة خاصة اذا كتير زاعجك الموضوع

ayham mardini

11-22-2007, 02:10 PM

كلامك صح 100% و يعطيك الف عافية

أبو صخر

11-22-2007, 02:52 PM

انا مستغرب بصراحة من الهجوم على حسان
الزلمة ما حكى شي عن أحمد الشربجي
ويلي بدو يراجع الموضوع ليكه الموضوع بالصفحة التانية بالعشاق
كل يلي قاله اني واحد اشتغل لمصلحة النادي وواحد اشتغل ضد النادي
بقصد يلي صار مع نزار وتمناله الرحمة متل ما تمنى الرحمة لنيناد
بس نحنا صايرين هالكم يوم معصبين وعمنفش خلقنا ببعض

Abu Waseem

11-22-2007, 02:57 PM

بس بيضل هاد رأيه طوني صح؟
يعني أنا برأيي الشربجي الله يرحمه بيسوى كل لعيبتنا الحاليين

أبو صخر

11-22-2007, 03:14 PM

أبو وسيم
طبعا هو من أهم لاعبي الوحدة القدماء
ومتل ما قلت كان قلبه عالنادي دائما
وكان يخدم النادي عالراتب يلي هلأ أصغر لاعب بالفريق ما بقبل فيه
وأنا كنت أسمع عن الاعب فقط
وحسب ما ذكرو الشباب حقق مع الوحدة كأس الجمهورية ببلاش
بس يلي بقصده اني مافي داعي لموضوع هجومي عالزلمة
لأني من كلمة لكلمة عمصير في علقات كل مالها عمتكبر
ونحنا كلنا بشكل عام مقصرين بحق الزلمة

kashi

11-22-2007, 03:42 PM

كلام بيجنن مشكور اخي

sameer.adawi

11-22-2007, 04:12 PM

ممكن افهم شو فائدة هيك موضوع بهالوقت يا سامر القصة ناتمت ليش صحيتها وحسان الو وجهة نظر وانت الك وجهة نظر وانا الي وجهة نظر يعني المنتدى للكل ما بدها نهاجم بعض كلنا هون لنعبر عن راينا مو لنتهم بعض وشوف موضوعك لون وصلنا شوي تانية راح تسبو بعض واذا بتشوفو بعض ممكن تتضاربو ليش ما بعتلو رسالة خاصة اذا كتير زاعجك الموضوع

ايمتى وقتوا طيب

عطيني تاريخ وساعة لنزلك ياه للموضوع .أنا شفت شي غلط وكبير مو مضطر اسكت بعدين حسان لو بيحترم حالو وبيحترم يلي عم يحاكيه مارد هالردود يلي مابعبر غير عن حالو فيها بس مو الحق عليه الحق عالمنتدى يلي عطاه اكبر من حجمو بكتير . لسه ئلعوووو الهوارة رحلي عالرابطة ئلعووو الرابطة خلئلي جماعة لحالو ليش هالتكتلات عم تصير بالنادي ليش ليش عم ننكش قصص ئديمة ومافي داعي تنحكا كرمال نزار ولا غيرو ولا غيراتو

يا جماعتو لهلانسان راجعو مووضعو وراجعو موضوعي وردودو عليي ويلي ئلو حق بياخدو ..

11-22-2007, 04:26 PM

شركتو بعضكن لما لسا