سوريا & الإمارات

[عدنان شيخاني]

تبدا بعد قليل مباراة منتخبنا الوطني مع منتخب الامارات الشقيق ادعو معنا بالتوفيق لمنتخبنا الغالي

[عدنان شيخاني]

المباراة منقولة على دبي الرياضية

[AMIN]

بالتوفيق للمنتخب :spdban

[AMIN]

حبيبنا اكيد المباراة منقولة ولا متل مباراة كوريا

[عدنان شيخاني]

اكيد منقولة وفي استديو تحليلي وكمان منقولة على ابو ظبي الرياضية الاولى

[عمر نصري]

شباب منقولة شي عالنت ؟؟؟؟؟؟؟؟؟

[AMIN]

اكيد منقولة وفي استديو تحليلي وكمان منقولة على ابو ظبي الرياضية الاولى

المشكلة اني بالشغل بس حتابعها هون بمعيتك :mrgreen:

مشكور معلم

[عدنان شيخاني]

النشيد الوطني

[عبود القوتلي]

بداية المبارة

[عدنان شيخاني]

رابط للمباراة


http://www.qassimy.com/game/game/174/%D9%82%D9%86%D8%A7%D8%A9_%D8%AF%D8%A8%D9%8A_%D8%A7 %D9%84%D8%B1%D9%8A%D8%A7%D8%B6%D9%8A%D8%A9.html

[برتقالي للعظم]

بالتوفيق لمنتخبنا الغالي

[hoosams]

الدقيقة الخامسة والفريقيين في جس نبض الفريق الاخر

[عدنان شيخاني]

فريقنا ماسك الوسط مبدئياً

[عدنان شيخاني]

بلشت حجشنة عبد الرزاق الحسين

[عدنان شيخاني]

ركنية اولى لسوريا

[برتقالي للعظم]

تشكيلة سوريا:
مصعب بلحوس
علي دياب - طه دياب - عبد القادر دكة - وائل عيان - عبد الرزاق الحسين - جهاد الحسين - فراس الخطيب @ - محمد زينو

هدول يلي بينو معي لهلأ

[عدنان شيخاني]

شو وينكون شباب مافي حدا لحدا شايف

[برتقالي للعظم]

الأداء سلبي من الفريقين حتى الآن

[omar alwahdawi]

السلام عليكم

مشان الله شي رابط شغال

:syr:syr

[عمر نصري]

شو آخر الأخبار شباب

[ابو وسام]

لا أداء مبشر للمنتخب

[عدنان شيخاني]

هاد شغال ادعولنا بالفوز

http://ar.justin.tv/silvar58

[عدنان شيخاني]

خطييييرة للامارات عنا مشكلة بالدفاع

[ابو وسام]

الدفاع يخز العين حولو وحوليه

[برتقالي للعظم]

أهلين عدنان شلونك
شو مشان هالانفرادة

[عدنان شيخاني]

الدفاع سلامتكون

[برتقالي للعظم]

اقرأوا الفاتحة على دفاع منتخبنا
خلال دقيقتين الفرصة التالتة للتسجيل
3 مهاجمين اماراتيين ومدافعين بس من سوريا

[عدنان شيخاني]

أهلين عدنان شلونك
شو مشان هالانفرادة


شي ناهي وشي فاخر عالآخر

[برتقالي للعظم]

تدوير كرة بلا فائدة وتمريرات بلا طعمة داتئماً مقطوعة من الجانب الاماراتي

[عدنان شيخاني]

فرصة ضائعة من وائل عيان مابعرف شلون ضاعت

[برتقالي للعظم]

عبد الرزاق الحسين سوبر وايت عفوا سوبر مان
ونديم صباغ فات نام عفواً فان دام

تشكيلة بتقرف عفواً بتشرف

[عدنان شيخاني]

عبد الرزاااااااااق الحسين شلون اخدينو عالمنتخب مابعرف متل التور التاير لما يمسك الطابة

[&&ledخالدkha&&]

sho alakhbar
tmnoni::::::::
ma bkdr aktb arbi

[عدنان شيخاني]

لعب عقيم مابيجيب ولاد عفوا مابيجيب كوال

[برتقالي للعظم]

عبد الرزاااااااااق الحسين شلون اخدينو عالمنتخب مابعرف متل التور التاير لما يمسك الطابة


اذا بدك هلأ بعدلك أسماء 23 لاعب فقط شلوووووون أخدينون عالمنتخب
المدرب مصر على اشراك الزينو الفاشل حتى الآن
ومصر على اشراك الخطيب الأناني أو عالأقل تنبيهه أنو في 10 لاعبين تانيين بأرض الملعب
ومصعب بلحوس منتهي الصلاحي كان رح يطعمينا غول ببلاش

الله يسترنا بقطر

[عدنان شيخاني]

sho alakhbar
tmnoni::::::::
ma bkdr aktb arbi


انا بقدر اكتب عربي :tong
حبيب اللعب لسا ماانفتح بس الشوط التاني بيصير الشغل

[&&ledخالدkha&&]

adish alntiga

[برتقالي للعظم]

ههههههههههه
أما شو هجوممممم خيييلة
حارس المرمى عم يرقص فراس الخطيب والزينو ونفد منهن كمان والغول فاااااااااضي :sadgif:

[عدنان شيخاني]

الدقيقة 41 والنتيجة 0 - 0

[برتقالي للعظم]

حبيب اللعب لسا ماانفتح بس الشوط التاني بيصير الشغل

ضحكتني عدنان لدرجة انو مالي عرفان شو رد على كلامك

[عدنان شيخاني]

اشتغلو جماعتنا وفرصة لجهادووو

[عمر نصري]

شباب مشان الله يا بتنقلوا شو عم يصير بجدية


يا أما ما حدا يكتب شي


لسى مسخرة و حكي فاضي


لو سمحتو انقلولنا شو عم يصير بدون تعليقات

[برتقالي للعظم]

قسماً بالله فراس الخطيب حامل صيت أكبر من حجمه بكتييييير
بسبب أنانيته روح فرصة هدف محققة لمنتخبنا
قال محترف وكابتن المنتخب قال
بس يا حيف على أشباه الرجال

[ابو عمر الدمشقي]

ليللي بالشغل هاد رابط المباراة http://yasports.blogspot.com/2010/10/ch-9.html

[برتقالي للعظم]

شباب مشان الله يا بتنقلوا شو عم يصير بجدية


يا أما ما حدا يكتب شي


لسى مسخرة و حكي فاضي


لو سمحتو انقلولنا شو عم يصير بدون تعليقات



شكراً لمشاعرك النبيلة
بس من الردود لازم تعرف "لبيب من الاشارة يفهم" :tong

[عدنان شيخاني]

شباب مشان الله يا بتنقلوا شو عم يصير بجدية


يا أما ما حدا يكتب شي


لسى مسخرة و حكي فاضي


لو سمحتو انقلولنا شو عم يصير بدون تعليقات



معلم شو رأيك تسفئنا كفين والله بيكون احسن

[الأدعشري]

عطونا شي رابط شغال

[برتقالي للعظم]

انتهاء الشوط الأول بالتعادل السلبي

[عمر نصري]

حبيباتي


القصة مو قصة وطنيات و لا عصبية


و لا بدي اطرق حدا كفين


نحنا أدرى بمنتخبنا و وضعوا

بس مو كمان فوق الموتة عصة قبر

بقى عن جد يا بتفهمونا شو عم يصير يا بلا ما حدا يتفزلك رجاء

[عمر نصري]

مشكورين شباب


و منتمنى يكون الشوط التاني شكل تاني

[برتقالي للعظم]

أحلى شي بدبي الرياضية أنو فجر ابراهيم محلل فني :cons

[عدنان شيخاني]

شدو الهمي سوريا شدو الهمي

[برتقالي للعظم]

حبيباتي


القصة مو قصة وطنيات و لا عصبية


و لا بدي اطرق حدا كفين


نحنا أدرى بمنتخبنا و وضعوا

بس مو كمان فوق الموتة عصة قبر

بقى عن جد يا بتفهمونا شو عم يصير يا بلا ما حدا يتفزلك رجاء


روق معلم
ما حدا قال وطنيات
على كل حال بالنسبة الي الله وكيلك عم شوف المباراة وأنا عم اتغدى لذلك كل ما طلع خلقي من لاعب بجي وبكتب وهلأ خلصنا دولعة وان شاء الله بتشوف نقل غير شكل ومع احصائيات كمان
شلوني معك :iron:

صحي عدنان ليش هيك ردودك استفزازية لتكون من جماعة فجر ابراهيم :tong

[برتقالي للعظم]

شدو الهمي سوريا شدو الهمي

شو صرت كرماوي ؟؟ :crdy

[عمر نصري]

أحلى شباب


و بعتذر منكن

[عدنان شيخاني]

شو صرت كرماوي ؟؟ :crdy


لا معلم عم احكي متل لهجة الغنية مشان المصداقي

[برتقالي للعظم]

بدأ الشوط الثاني
تبديلين للإمارات
خروج يوسف جابر و دخول عبد الله موسى
خروج عمر عبد الرحمن ودخول اسماعيل مطر

[برتقالي للعظم]

خطأ على نديم صباغ

[عدنان شيخاني]

شباب ما انتبهت في شي تبديلات بالشوط التاني

[برتقالي للعظم]

فريقنا ضاغط مع بداية الشوط التاني وخطأ من المدافع كاد أن يهدينا هدف
ركنية لسوريا

[عدنان شيخاني]

منتخبنا غير شكل الشوط التاني

[برتقالي للعظم]

مبعدة إلى ركنية ثانية

[عدنان شيخاني]

أربع ركنيات متتالية لسوريا

[برتقالي للعظم]

ركنية ثالثة قصيرة من وائل عيان ومبعدة إلى ركنية رابعة

[برتقالي للعظم]

ركنية خامسة للمنتخب

[برتقالي للعظم]

الدقيقة 53"
الركنيات
سوريا 5-0 الإمارات

نتيجة المباراة
سوريا 0 - 0 الإمارات

[هيثم المنجد]

بالتوفيق ......

[برتقالي للعظم]

خطأ على وائل عيان وصفراء على المدافع الاماراتي خالد سبيل

[برتقالي للعظم]

ركنية جديدة لسوريا
المنتخب ضاغط

[طارق الغبرا]

عك كروي
و لا جملة أو خطة مدروسة

[عدنان شيخاني]

ركنية سابعة لمنتخبنا وفراس الخطيب غير من سياسة الانانية بالشوط التاني

[برتقالي للعظم]

الركنية السادسة مبعدة إلى ركنية سابعة

[ابو سطيف الوحداوي]

عشر دقايق ضغط و سيطرة سورية

[برتقالي للعظم]

ركنية ثامنة لسوريا
هههههه
من كتر الركنيات ماعم نعرف نكتب شو عم يصير

[برتقالي للعظم]

سنحاريب ملكي يستعد للدخول
*****
فرصة خطيرة لإسماعيل خليل وانفرادة ينقذها مدافعنا

[عدنان شيخاني]

دخول سنحاريب ملكي وخروج الجلطة

[ابو سطيف الوحداوي]

شي حلو الشوط 2 لهلا

[برتقالي للعظم]

الدقيقة 58"
الركنيات
سوريا 8-0 الإمارات
الانذارات
سوريا 0-1 الإمارات
التبديلات
سوريا 0-3 الإمارات


نتيجة المباراة
سوريا 0 - 0 الإمارات

[برتقالي للعظم]

تبديل سوريا دخول سنحاريب ملكي
وتبديل للإمارات خروج أحمد خليل

[برتقالي للعظم]

الركنية الأولى للإماراتتمر بسلام إلى تماس

[برتقالي للعظم]

تحول السيطرة للمنتخب الإمراتي
خطأ على مشارف الركنية
ضربة مرمى لسوريا

[ابو سطيف الوحداوي]

يالله يا رب

[عمر نصري]

برافو

كلام كتير حلو لهلأ


بالتوفيق لمنتخبنا

[ابو سطيف الوحداوي]

الجمهور السوري مبيضها

[برتقالي للعظم]

ركنية للإمارات وبدأ اسماعيل مطر يزعج دفاع منتخبنا
ولكن في لمسة يد على مطر بس ما شافها الحكم

[برتقالي للعظم]

برافو

كلام كتير حلو لهلأ


بالتوفيق لمنتخبنا


يعني مروق هلأ معلم؟؟

[عدنان شيخاني]

اكلنا كول بلا طعمة

[ابو سطيف الوحداوي]

هدف اماراتي

[برتقالي للعظم]

مرتدة لمنتخبنا تنفذ باستعجال




هدف للإمارات

[برتقالي للعظم]

غول مالو طعمة من مصعب بلحوس

[برتقالي للعظم]

دخول عبد الفتاح الآغا وخروج جهاد الحسين

[ابو وسام]

العمى شو هالدفاع هاد الخالص..يخرب بيتون...

[ابو سطيف الوحداوي]

النتيجة ما بتهم
واللاعبين عم يلعبو نص ع نص
ابتعادا عن الاصابات

[برتقالي للعظم]

الدقيقة 58"
الركنيات
سوريا 8-2 الإمارات
الانذارات
سوريا 0-1 الإمارات
التبديلات
سوريا 2-5 الإمارات


نتيجة المباراة
سوريا 0 - 1 الإمارات

[ابو سطيف الوحداوي]

صحي الجمهور الاماراتي

[عدنان شيخاني]

غول مالو طعمة من مصعب بلحوس


مالو علاقة مصعب بلحوس خطأ دفاعي بحت

[صمت المعاني]

اللي عما يقول ماله طعمة

اسمحلي ما بتعرف شي بالطابة

مرتدة تنفذ باتقان وبسرعة قصوى
كمان تمريرات سريعة مومثل فراس الخطيب

بدو كل شي اله

[برتقالي للعظم]

الله عليهم
اسم سوريا بالملعب واصل من أبو ظبي للدوحة
شكراً لكل من ذهب لتشجيع المنتخب في ابو ظبي

[ابو سطيف الوحداوي]

بسيطة لا تهزو بدنكن
الله يختار الخير

[طارق الغبرا]

فريقنا خالص
عذرآ منعت الأحلام و الأمال عني
و سأدعكم تحلمون

[برتقالي للعظم]

اللي عما يقول ماله طعمة

اسمحلي ما بتعرف شي بالطابة

مرتدة تنفذ باتقان وبسرعة قصوى
كمان تمريرات سريعة مومثل فراس الخطيب

بدو كل شي اله


شـــــكراً غمرتنا بلطفك

[عدنان شيخاني]

اللي عما يقول ماله طعمة

اسمحلي ما بتعرف شي بالطابة

مرتدة تنفذ باتقان وبسرعة قصوى
كمان تمريرات سريعة مومثل فراس الخطيب

بدو كل شي اله


على فكرة انت و ردودك ماطقتك من زمان وتركنالك المعرفة كلها

[ابو سطيف الوحداوي]

والله هالسنحاريب ماشي حالو
شو رايكن

[ابو سطيف الوحداوي]

ركنية بعد فرصة سورية

[صمت المعاني]

على فكرة انت و ردودك ماطقتك من زمان وتركنالك المعرفة كلها



الله يسامحك

ليش ابن بلدي

[ابو سطيف الوحداوي]

متل العادة بس ناكل غول بيشتغل البانزين السوري

[الأدعشري]

ادي النتيجة وصلو عالنبي:mad:

[صمت المعاني]

بدي اعرف ليش زينو عما يلعب

حدا يفهمني مين واسطته

وليش فراس بيكره سنحاريب

وما عما يمرره كرات

واسفي

[AMIN]

بسيطة هلأ شوفوا كيف حيشدوا الشباب :iron:

[ابو سطيف الوحداوي]

الحكم على طريقة لاتلقني بتشقني

[عدنان شيخاني]

واحد صفر للامارات واللهم صلي على النبي

[عبود القوتلي]

سؤال هدا الفريق يلي بدو يلعب مع اليابان :sadgif::sadgif::sadgif:

[ابو سطيف الوحداوي]

مازالت 1 للامارات

[mhd81]

على فكرة انت و ردودك ماطقتك من زمان وتركنالك المعرفة كلها

كابتن عدنان.......روق
أنته كتير متفائل و هاد شي ممتاز و يدعو للاحترام
بس بصراحة هاد منتخب مو خرج ينافس
اللعب واضح
والمنتخب بصراحة و لا تزعل مني هاد رأيي
خالص
واليو أنا اتاكدت أنو رح نطلع من الدور الأول
سامحوني

[ابو سطيف الوحداوي]

اللهم صلي وبارك على النبي

[عدنان شيخاني]

حاجتو فراس اسماعيل صار لازم ينزل قصي حبيب بدالو

[صمت المعاني]

واحد صفر للامارات واللهم صلي على النبي

اللهم صلي على سيدنا محمد واله وصحبه وسلم

والله بحيك انا وبحب كل الوحداوية

اما اذا ما بتحبني مشان تعليقاتي بسيطة

سامحني اذا زعجتك

بس هاااذ تعليقي على الكول مش اكثير
اما تعليقك قد يكون صحيح

انا اسف ابن بلدي الغالي

[ابو سطيف الوحداوي]

يا الخبر اليوم بفلوس و بكرة ببلاش
وانا متفائل

[mhd81]

الزينو .......شو طعمتو........

[عدنان شيخاني]

كابتن عدنان.......روق
أنته كتير متفائل و هاد شي ممتاز و يدعو للاحترام
بس بصراحة هاد منتخب مو خرج ينافس
اللعب واضح
والمنتخب بصراحة و لا تزعل مني هاد رأيي
خالص
واليو أنا اتاكدت أنو رح نطلع من الدور الأول
سامحوني


معلم انا زلمة بحب كل شي بسوريا متلي متلكم تماما بس انا بختلق بشغلة انا بوهم حالي وبقول عن كل شي بيخص سوريا منيح لو شو ماكان

[ابو سطيف الوحداوي]

الله يحبب الللعيبة ببعض
ويحببنا ببعض

[برتقالي للعظم]

فريقنا خالص

عذرآ منعت الأحلام و الأمال عني

و سأدعكم تحلمون



روق أبو النور كلنا همنا واحد
بس واجبنا متابعة المنتخب (الخالص للأسف) والوقوف جنبه
كلنا نعرف ونتوقع ما سيحصل في الدوحة
لكن إن كان من جهز وعمل للمنتخب لم يفعلها بضمير
فنحن لدينا من الضمير والأخلاق ما يكفي ويفيض لمؤازرة المنتخب حتى لو نعلم أنه سيفشل سريعاً

[ابو سطيف الوحداوي]

قولو يا رب
وشو ما صار بسيطة

[برتقالي للعظم]

واليو أنا اتاكدت أنو رح نطلع من الدور الأول

سامحوني



أنا متأكد من زمان :iron:

[عدنان شيخاني]

فرصة حلوة من سنحاريب ولازم ياخد فرصتو ويكون اساسي شي لعبة عالاقل

[ابو سطيف الوحداوي]

المنتخب الاماراتي يعادل بل ويتفوق على المنتخب السعودي
وهددو لا حدا يزعل

[برتقالي للعظم]

نعود للمباراة مرة أخرى
محاولات خجولة لمنتخبنة ودبل كيك حلو لسنحاريب ملكي بس للأسف بالمدافع الاماراتي

[صمت المعاني]

سيمفونية راااااااائعة

والدفاع

باي باي

قال دكة قال

ههه

قال عبد الدايم قال

ههههه

[mhd81]

معلم انا زلمة بحب كل شي بسوريا متلي متلكم تماما بس انا بختلق بشغلة انا بوهم حالي وبقول عن كل شي بيخص سوريا منيح لو شو ماكان

أمرك زعيم
أنا بالنسبة لئلي حاجتي كسران خواطر:oops:

[ابو سطيف الوحداوي]

والله شادين الهمة الشباب

[صمت المعاني]

وين كان السنحاريب من زمان

اخ بس
الشنكو وينه

[برتقالي للعظم]

مهاجمينا في منطقة الجزاء وقت الكرة المرفوعة بذكروني لما منا نلعب بالحارة
كل واحد فينا عم يدور عالطابة

[عدنان شيخاني]

والله شادين الهمة الشباب


انت كينج معلم

[عدنان شيخاني]

وين كان السنحاريب من زمان

اخ بس
الشنكو وينه


معلم اسمحلي علق على ردك
حبيب كل مدربين العالم بيخلو لاعب اسمو ورقة رابحة مابدو يفتحها قبل البطولة ولؤي وسنحاريب هو الورقة تبعنا ولعب الفريق اليوم مابيدل على اداء الفريق لان الودي غير الرسمي تقبل مروري

[ابو سطيف الوحداوي]

شو رايكن بالوضع لهلا شباب

[برتقالي للعظم]

الدقيقة "82

ســـــوريـــا 0 - 1 الإمـــــــارات

[برتقالي للعظم]

شو رايكن بالوضع لهلا شباب

منتخبنا عم يحاول بس بدون خطة واضحة
الإمارات انخفض مستواهن شوي

[ابو سطيف الوحداوي]

كلامك عجبني يا اخ عدنان بالنسبة للاوراق الرابحة

[عدنان شيخاني]

دخول شنكو وسامر عوض وخروج الفراسين

[برتقالي للعظم]

تبديل لمنتخبنا
لؤي شنكو وسامر عوض
خروج فراس الخطيب(وأخيرا) و نديم صباغ

[صمت المعاني]

معلم اسمحلي علق على ردك
حبيب كل مدربين العالم بيخلو لاعب اسمو ورقة رابحة مابدو يفتحها قبل البطولة ولؤي وسنحاريب هو الورقة تبعنا ولعب الفريق اليوم مابيدل على اداء الفريق لان الودي غير الرسمي تقبل مروري

شكرا معلم معك حق

بس اللي خايف منه

انه فراس الخطيب يظل على انانيته
باعتبار ما في غيره مهاجم وما يتفاهم مع ملكي بنوب

شكلاا حبيب البي الوحداوي

[عدنان شيخاني]

غير رأيو المدرب وطلع نديم صباغ ونزل قصي حبيب بس ماعرفت مين طلع بدالو

[mhd81]

6 دقايق .... شو رح يعملو؟؟؟؟

[ابو سطيف الوحداوي]

شو عم يتغير الفريق

[عدنان شيخاني]

شكرا معلم معك حق

بس اللي خايف منه

انه فراس الخطيب يظل على انانيته
باعتبار ما في غيره مهاجم وما يتفاهم مع ملكي بنوب

شكلاا حبيب البي الوحداوي


معلم انا بستغرب لما تقولو انو فراس الخطيب اناني حبيب القلب لازم المهاجم يكون عندو جرأة ويكون عندو حلول فردية ولاغنى للمنتخب عن فراس ابدا

[برتقالي للعظم]

أنا لحد اللحظة مالي عرفان ليش أرقام لعيبتنا
40-53-54-46-63- 21
شو ماضل أرقام بالدنية

[ابو سطيف الوحداوي]

اللي شاف مباريات السعودية
في مقارنة مع الامارات
مين احسن

[برتقالي للعظم]

معلم انا بستغرب لما تقولو انو فراس الخطيب اناني حبيب القلب لازم المهاجم يكون عندو جرأة ويكون عندو حلول فردية ولاغنى للمنتخب عن فراس ابدا


اسمحلي رد عدنان
الحلول الفردية مطلوبة لكن مو 90 دقيقة بالمباراة
فراس الخطيب بالفعل أناني

[عدنان شيخاني]

كلامك عجبني يا اخ عدنان بالنسبة للاوراق الرابحة


على راسي يامعلم لان هيك لازم يصير اذا فرد كل اوراقو ماعاد يقدر يفاجأ المنتخبات التانية بولا شي وهاد امر مفروغ منو بس منتخبنا عاجبني نوعا ما

[AMIN]

معلش شباب بتضل ودية وما في داعي للتشائم

[mhd81]

أنا لحد اللحظة مالي عرفان ليش أرقام لعيبتنا


40-53-54-46-63- 21

شو ماضل أرقام بالدنية


ليش هي لعبةفوتبول؟؟؟

[صمت المعاني]

معلم انا بستغرب لما تقولو انو فراس الخطيب اناني حبيب القلب لازم المهاجم يكون عندو جرأة ويكون عندو حلول فردية ولاغنى للمنتخب عن فراس ابدا


ما اختلفنا على ها الشي

بس النقطة السوداء انه اناني فوق الازم

وتاني شي عدم تعاونه مع المهاجم الثاني هو ملكي
وهذا اخطر شي

[ابو سطيف الوحداوي]

والله في فرص النا ياشباب
واللعيبة مو خايفة

[برتقالي للعظم]

اللي شاف مباريات السعودية
في مقارنة مع الامارات
مين احسن

الإمارات أفضل بالتأكيد
لكن هذا لايعني انو رح نربح عالسعودية

[mhd81]

يا سلااااااااااااااااااااااام

[ابو سطيف الوحداوي]

هدف اماراتي 2

[عدنان شيخاني]

كول تاني للامارات

[برتقالي للعظم]

الدقيقة "90

ســـــوريـــا 0 - 2 الإمـــــــارات

[ابو سطيف الوحداوي]

المشكلة بالدفاععععععععععععععععع

[عبود القوتلي]

ياعيني شو هادا يامصعب

[ابو سطيف الوحداوي]

لساتني مصررررر انو هاي مبارراة ودية

[طارق الغبرا]

حارسنا الخالص

[mhd81]

يا أما يا حوينة المنتخب فينا!!!!!
يا أما يا حوينتنا بالمنتخب!!!!
ما بعرف؟؟؟

[عدنان شيخاني]

ياجماعة الخير والله سنحاريب منيح كتير لازم يكون اساسي بدال الجلطة

[برتقالي للعظم]

محاورة من قصي حبيب داخل الجزاء وظهره للمرمى بعد ما استلم الكرة من ركنية
وا أسفاه

[صمت المعاني]

حارسنا الخالص



والله صحيح كلامك اخ طارق

بس ضيف له كمان الدفاع فارط والله

[ابو سطيف الوحداوي]

مباراة السعودية هي المذاكرة الحقيقية للمنتخب
واليابان الامتحان

[عبود القوتلي]

إذا ما في عقوبة من الإنسحاب أنا برأي ننسحب من لعبة اليابان بتم نتيجة 3-0 أرحم

[برتقالي للعظم]

الركنية رقم 10 لمنتخبنا
تنفذة مقطوعة وهجمة مرتدة للإمارات

[عدنان شيخاني]

صار وحش حارس الامارات على حظنا

[ابو سطيف الوحداوي]

المعلق مروووووووووووووق عالمنتخب الاماراتي

[برتقالي للعظم]

نهاية الفلم

ســـــوريـــا 0 - 2 الإمـــــــارات

[mhd81]

مباراة السعودية هي المذاكرة الحقيقية للمنتخب
واليابان الامتحان

أبو سطيف.....يعني الاردن هو الجلاء؟؟؟؟؟

[ابو سطيف الوحداوي]

يعطيكن العافية تعبتو معنا
نراكم بمباراة السعودية

[عدنان شيخاني]

نهاية المباراة 2 -0 للامارات

[صمت المعاني]

ارفع القبعة للمذيع الاماراتي اللي

صار يمدح الشام وسورية

وصار يحكي عن دمشق

انها مدينة التاريخ والحضارة
اكثير من اي مذيع سوري

ارفع القبعة لك احترامي

وشكرا ايها المذيع الفذ
شو رايكم شباب

[عبود القوتلي]

المعلق مروووووووووووووق عالمنتخب الاماراتي

هنن لعبوا منتخب الإمارات لعبة سهلة قبل البطولة مشان رفع المعنويات

[ابو سطيف الوحداوي]

لا ان شالله الجلاء بيكون بادوار متقدمة :tong

[عدنان شيخاني]

الله معط ابو سطيف والى اللقاء مع مبارة السعودية والان نعود الى اشغالنا

[ابو سطيف الوحداوي]

اي انا معك عاشق الوحدة وبايرن

[عدنان شيخاني]

ارفع القبعة للمذيع الاماراتي اللي

صار يمدح الشام وسورية

وصار يحكي عن دمشق

انها مدينة التاريخ والحضارة
اكثير من اي مذيع سوري

ارفع القبعة لك احترامي

وشكرا ايها المذيع الفذ
شو رايكم شباب


معك حق معلم

[dr.ada]

يا جماعة و الله شي بعصب , من وقت ما استلم تيتا لعبنا 3 مباريات ودية خسرناهم كلهم و أكلنا 4 أهداف و ما سجلنا و لا هدف ....
استبعد لاعبين مهمين قلنا نظرة مدرب و عم يلعب بتشكيلة أساسية تتجسد بالزينو قلنا كمان المدرب من حقه بس شو المقابل لا أداء و لا نتائج و العوض لله

[صمت المعاني]

اي انا معك عاشق الوحدة وبايرن



شكرا ابو صطيف

بس عنجد معلق اكثر من رائع

اللي بيحكي عن مدينتي

انا بحبه

[أبو شام]

حاج مسخرة
منتخب تافه ومالو جنس الطعمة
حارس خالص
دفاع متلبك
وسط ضايع
هجوم نايم
وما حد ينط ويقلي مباراة ودية لأنو المكتوب باين من عنوانو ..
هدول مجموعة تحاويش وعيب يكونوا منتخب .
هاد رأيي من زمان ..وبمباريات العراق ال2 وبلعبة اليوم تأكدت من هالشي ..
بعلبة السعودية بتوقع تعادل لأنو فريق السعودية خالص
مع اليابان 5 أو 6
مع الاردن فرق طابتين للأردن
المنطق هيك بيقول ..
وكل واحد اجتهد من المنتخبات رح ياخد نصيبو ..
ومنتخبنا اجتهد حرام ..موشيت انو ما اجتهد ..
ويمكن نطلع ع الدور التاني ..
بس مو تبع كأس آسيا ..
تبع كأ س اسيا للأغاني
لأنو هاد لي تعبنا فيه واجتهدنا فيه
الأغاني
بالتوفيق للطرب

[صمت المعاني]

معك حق معلم



انت المعلم اخي عدنان

بس عنجد
شي بيرفع الراس لما تسمع من معليق غير سوري عن دمشق وسوريا

كلام بيرفع الراس

[أبوحمزة الوحداوي]

انت المعلم اخي عدنان

بس عنجد
شي بيرفع الراس لما تسمع من معليق غير سوري عن دمشق وسوريا

كلام بيرفع الراس


كلامك صحجيح معللم

[أبوحمزة الوحداوي]

حاج مسخرة
منتخب تافه ومالو جنس الطعمة
حارس خالص
دفاع متلبك
وسط ضايع
هجوم نايم
وما حد ينط ويقلي مباراة ودية لأنو المكتوب باين من عنوانو ..
هدول مجموعة تحاويش وعيب يكونوا منتخب .
هاد رأيي من زمان ..وبمباريات العراق ال2 وبلعبة اليوم تأكدت من هالشي ..
بعلبة السعودية بتوقع تعادل لأنو فريق السعودية خالص
مع اليابان 5 أو 6
مع الاردن فرق طابتين للأردن
المنطق هيك بيقول ..
وكل واحد اجتهد من المنتخبات رح ياخد نصيبو ..
ومنتخبنا اجتهد حرام ..موشيت انو ما اجتهد ..
ويمكن نطلع ع الدور التاني ..
بس مو تبع كأس آسيا ..
تبع كأ س اسيا للأغاني
لأنو هاد لي تعبنا فيه واجتهدنا فيه
الأغاني
بالتوفيق للطرب



كلامك صحيح أبو شام ومليون بالمية بسسسسسس
‏*كلنا منعرف هالشي ونحنا ما بنؤول بدنا كأس آسيا بس لازم نستنى لتخلص اللعب التلاتة وبسسسسس وبعدها لكل حادث حديث

[أبوحمزة الوحداوي]

هاردلك للمنتخب
وبالتوفيق في الدوحة.....

[ابو سطيف الوحداوي]

الله يمضي هالبطولة على خير