مباشــر : الكـرامــة ((2)) vs الـوحــــدة ((1)) .. انتهت ..

[wissam82]

بسم الله الرحمن الرحيم

هذا الموضوع مخصص للنقل المباشر لمباراة فريقنا

الكرامـة X الوحـــدة

المقامة بملعب خالد بن الوليد بحمص
للمرحلة السادسة من ذهاب دوري المحترفين 2010/2011م ..

نتمنى التوفيق لفريقنا البرتقالي الغالي
ومنصورين بعون الله يا وحداوية ..

فوز فريقنا يعني الصدارة إن شاء الله ..

الفريق يحتاج لدعواتنا جميعاً فلا تبخلوا بالدعاء له ..

:fl :fl :fl :fl

[SH@@MI]

يا رب توفيقك

المباراة ستبدأ الساعة السادسة والنصف

[أبو عرب]

بالتوفيق
يارب

[أبو عرب]

يا رب توفيقك

المباراة ستبدأ الساعة السادسة والنصف

ليش مو ستة؟!!!

[ابو محمد الوحداوي]

يارب النصر للبرتقالي اليوم

[maher alsory]

ليش مو ستة؟

[&&ledخالدkha&&]

بالتوفيق للبرتقالي
يا رب

[أبو جمال]

بالتوفيق للوحدة
يارب الفوز للوحدة
:fw
مشكور أبو أنس

[&&ledخالدkha&&]

بلش النقل على التلفزيون
ومنقولة والحمد لله
يا رب

[&&ledخالدkha&&]

كأنو شايف الملعب فاضي

[wissam82]

فريقنا البرتقالي يدخل بتشكيلة مثالية:

عدنان الحافظ

حمدي المصري - باسل العلي - محمد الاسطنبلي - رأفت محمد

عناد عثمان - نهاد الحاج مصطفى

يحيى الراشد ---------- سي الشيخ

عبد الرحمن عكاري - علي صلاح

وبالتوفيق يا رب لرجال البرتقالي ..

[&&ledخالدkha&&]

جمهورنا بجنن
الله حيو
ويبيض وشكم يا رب
رجاااااااااااااااااااااااااااااااااااااااااال

[مروان الوحداوي]

حاج تقولو كرامة
حاج تقولو كرامة
هادا الوحدة نادي الزعامة

[مروان الوحداوي]

الوحدة يا وعد القدر منحبك متل ما بيحب الزرع المطر
واكتر والله

[عدنان شيخاني]

قولو الله ياوحدة قولو الله ياوحدة قولو الله ياوحدة قولو الله ياوحدة

[&&ledخالدkha&&]

ولله رح ابكي من منظر جمهورنا
شي رائع رااااااااااااااااااااااااااائع
ان شاء الله بيرجعو ربحانين يا رب

[مروان الوحداوي]

سوف تبدأ المباراة الكرة بحوذة الوحدة

[samersabsoub]

الوحدةفي الابيض الكامل

[&&ledخالدkha&&]

قول الله يا وحدة قول الله يا وحدة

[عدنان شيخاني]

الوحدةفي الابيض الكامل


اللون الابيض وشو خير عالفريق

[&&ledخالدkha&&]

يلا يا رب
فريقنا نازل ضاغط يا رب

[أبو جمال]

:wahdawia:
:wahdawia: وحــــــــــداوية :wahdawia:
:wahdawia:

[عمار عبار]

اكلنا كول من العودة

[samersabsoub]

هدف للكرامة

[&&ledخالدkha&&]

العمى غول للكرامة

[أبو جمال]

أكلنا كول سهل

[ابو احمد]

اكلنا غول
يارب نعوض

[عدنان شيخاني]

معليش شو صار الوحدة متل النار

[&&ledخالدkha&&]

شفتولي الحافظ :icon_frown::icon_frown::icon_frown::icon_frown::i con_frown::icon_frown:

[عدنان شيخاني]

حرة مباشرة للوحدة

[مروان الوحداوي]

هش هش كرامة
هش هش كرامة

[مروان الوحداوي]

بشان الله يا وحدة يالله
بشان الله يا وحدة يالله

[maher alsory]

shooooooooooooooooooo

[عدنان شيخاني]

بلش الحكم يشتغل شغلو

[samersabsoub]

هدف ماغي للكرامة

[عمار عبار]

هدف ملغى للكرامة

[ابو احمد]

يعني الكول مو كتير صعب
بس الدفاع تركو للاعب يشوط عالمرتاح

[عدنان شيخاني]

الله سترنا ....

[&&ledخالدkha&&]

شو القصة اليوم

[حيدرة الشام]

السلام عليكم ورحمةالله حارسنا خالص انشألله يبدلو ...

:fb:fb:fb:fb

[عمار عبار]

مو معقول يا جماعة يعني لازم ناكل كم كول من العودة لحتى لاعبينا يمسكوه

[عدنان شيخاني]

الحافظ عليه اشارات استفهام

[عدنان شيخاني]

ركنية للوحدة ...

[عدنان شيخاني]

شو مشان ضربة الجزاء

[عمار عبار]

عرقلة سي الشيخ والحكم لم يحرك ساكنا

[حيدرة الشام]

هش هش كرامة اخلاق زبالة

[عدنان شيخاني]

الله يخلصنا من هيك تحكيم

[&&ledخالدkha&&]

شو عم يصير بالملعب

[samersabsoub]

مشاجرة بين الاعبين

[أبو جمال]

شباب أنا رافع محرمة بيضا إحتجاجا ع الحكم الخالص
:m(

[عدنان شيخاني]

صفرا لماكيتي ديوب

[حيدرة الشام]

لازمون حمرا لعما ضربون

[ابو احمد]

كل الشغل عن طريق سي الشيخ ويارب يتوفق اليوم

[maher alsory]

لازم الحكام من برة

[عدنان شيخاني]

لازم الحكام من برة


اي والله بس مين بدو يسمع

[سعيد بيازيد]

يعني جزاء مليار بالمليار وما صغره الحكم شو بدو أكتر من هيك

[عدنان شيخاني]

لعبة شوربة والله شوربة

[حيدرة الشام]

صفرا علي صلاح

[حيدرة الشام]

لأتحاد حط جول

[maher alsory]

الله يستر !!

[حيدرة الشام]

بلال عبد الدايم لازمو حمرا لأنو ضربو بقصد بس حسبي الله ونعم لوكيل

[maher alsory]

لازم نهاجم

[عدنان شيخاني]

لعبة بايخة ومملة وبتلعي النفس

[&&ledخالدkha&&]

صار في خشونة بالمبارة

[حيدرة الشام]

في حساسية ليوم بين اللعيبة

[عدنان شيخاني]

صار في خشونة بالمبارة


ت**** انت الصادق

[alres]

خطا للوحده

[مروان الوحداوي]

يلا الوحدة قادم وهلأ بتشوفو

[ابو احمد]

خشونة كبيرة من لاعبي الكرامة

[مروان الوحداوي]

الحكم خالص
\
مافي منو الا بحرستا

[&&ledخالدkha&&]

لعبة بايخة كتير من الفريقين
حتى هدف الكرامة ما الو طعمة
ان شاء الله فريقنا يتغير ويتحسن
ولله الكرامة ما الو طعمة

[alres]

عرضيه بلا طعمه

[حيدرة الشام]

لعبة باردة كتير ومافي تركيز بل باصات

[alres]

تسيدده بيد الحارس الكرامه

[مروان الوحداوي]

شوف بعينك سرية

[أبو جمال]

ضاع الحكم ضاع

[عدنان شيخاني]

شوف بعينك سرية


ضحكتني ليش مفكرو مو شايف

[&&ledخالدkha&&]

تشنج كبير بين الفريقين

[عدنان شيخاني]

مافي تركيز بتحس انو لعيبتنا كتار وقلال بنفس الوقت

[alres]

عنجد لعبه بارده

[ابو احمد]

يعني شو الفائدة من هيك رفعات لعبوا عالارض

[مروان الوحداوي]

حاج تقولو كرامة
حاج تقولو كرامة
هادا الوحدة والله زعامة

[عدنان شيخاني]

الحكم ضاع وصار يخبص ماعاد عرف مين بدو يرضي

[alres]

الاتحاد يتقدم على الجزيره 2 0

[مروان الوحداوي]

حرام والله يا وحدة حرام
اذا سي شيخ قصير بتعطي كرة عالية شلون بدو ياخدها
لعبو علارص

[mmrdem]

مشان الله هاد العراقي محترفففففففففففففففففففففف كانو عمنلعب ناقصين لاعب

[MOH@MAD]

بسم الله الرحمن الرحيم

ياااارب تنصر الوحدة يا كريم يا جبار

[أبو مصطفى الوحداوي]

فريقنا اليوم عم يذكرني بفريقنا بالسنين الماضي
فريق ضايع ومافي تركيز
وليش الاصرار على رفع الطابات مابعرف
ولا طابة مرفوعة جابت نتيجة
ان شالله أبو حامد بيكون الو رأي تاني بالشوط التاني

[الباسل]

يا زلمة كلها كرات خاطئة وبعدين

[عدنان شيخاني]

الكابتن نزار انبح صوتو مسكين

[alres]

اللعبه سيئه والمحروس عم ينفغ مو عاجبه الاداء اللعيبه

[مروان الوحداوي]

سي الشيخ يضرب لاعب من الكرامة بدون كرة

[mmrdem]

العكاري كل همو يكسر لاعبي الكرامة ويشلف الطابات

[alres]

الله يستر يمكن فيه انزار لفريقنا

[مروان الوحداوي]

انشاءلله ما ينطرد سي شيخ

[alres]

بطاقه حمراء لشي الشيخ

[عمار عبار]

طرد لسي الشيخ

[أبو مصطفى الوحداوي]

لاحول ولاقوة الا بالله

حمرا لسي شيخ

[مروان الوحداوي]

تفو عليك يا حكم
تفو عليكم ياحكم
تفو عليك يا حكم

[عدنان شيخاني]

حرام ......

[&&ledخالدkha&&]

لا حول ولا قوة الا بالله

[alres]

شو هل الحكم يلي بايت بالف حيط

[أبو مصطفى الوحداوي]

فاروق سرية يتدخل ويوقف المباراة

مسخرررررررررررة

[alres]

فاروق سريه نزل على الملعب

[alres]

ليش هيم يصير معنا

[RvH]

مسخرة اتحاد الكرة مسخرة

[الباسل]

مسخرة يلي عم يصير:mad:

[alres]

3 دقائق بدل ضايع

[wissam82]

خرب اللعبة الحكم أكتر مالها خربانة

حسبنا الله ونعم الوكيل ..

[عمار عبار]

اللعبة توقفت لاكثر من10 دقائق
والحكم يضع 3 دقائق

[عدنان شيخاني]

وقفت اللعبة اكتر من 10 دئايئ وماعطى غير 3

[الباسل]

3 د بدل ضائع
وقفوا أكتر من 10 د

[alres]

شو العرضيات يلي بلا طعمه من المصري

[عدنان شيخاني]

شلون الوحدة يتصدر مابيصير عيب

[أبو مصطفى الوحداوي]

حكم مسخرررررررررررررة

بس لازم نكون واقعيين

فريقنا فايت بالحيط من أول دقيقة بالمباراة

[alres]

انته الشوط الاول

[عدنان شيخاني]

الله لايجبر بخاطرك يا حكم الله يهد حيلك قولو آمين

[mmrdem]

الكرامة عميعرف يفرض اسلوبو لتضييع الوقت الحكم نزع المباراة

[samersabsoub]

3 ثلا ث دقائق بدل ضائع غريب بس 3 دقائق

[alres]

خلص الشوط الاول والوحده ضغط بدون فاعليه وعرضيات بلا طعمه

[عمووري]

مالها علاقة العبة بكرة القدم

[أبو جمال]

انتهى الشوط الاول للمباراة بأداء وضيع من فريقنا وبمهزلة تحكيمية وبعنتريات رئيس اتحاد الكرة

[oneka]

لك مشان الله طالعو للراشد :evil::evil:

[mmrdem]

الكرامة عمبيلعب بالاحتياط وخايف من الخسارة لهيك عمبيفرض اسلوب التكسير وتوقيف اللعب لحتى يمنع الوحدة من اللعب للاسف لاعبينا انجرو لهالفخ والعكاري كل ماعمبيمسك طابة عمبيشلفها تشليف والحافظ بيتحمل مسؤولية الهدف

[رامي الوحداوي]

الله **** هيك حكام وهيك اتحاد كرة قدم

مسخرررررررررررة

:crdr:crdr:crdr:crdr:crdr

:evil::evil::evil::evil:

[oneka]

لا حول ولاقوة الا بالله لك هاد النص أجدب (فهد عودة مابيشنص غير معنا!!)

[alres]

لا ولا قوه الا بالله

[oneka]

الله يفرجها أحسن شي

[رامي الوحداوي]

سي الشيخ مالح يلعب لعبة العساكر

والله مقصودة:crdr:crdr:crdr

[eu te amo]

يالطيف الله يستر :crdr:crdr:crdr

[RvH]

مهزلة التحكيم و اتحاد الكرة

لا تعليق

[alres]

بده شوي همه من الوحده من شان يرجع للعبه والا رايح تكون كارثه

[alres]

واياد ناصر مدري شو عم يعلك

[&&ledخالدkha&&]

لك يا شباب قبل ما نتطلع على الحكم (الفاشل طبعاً)
الفريقين فاشلين كمان
يعني ما شفنا شي من الفريقين غير التشنج والعصبية

[أبو شام]

الشغلة بدها بيان شغل أب راكز من اب عبدو بعد اللعبة ..
الحكم ما عم يخبص باجتهاد شخصي والشغلة مدروسة ..
ماكيتي بدو حمرا ..شافا حكم التماس ..نادالو فرفع صفرة ع ضرب متعمد ..
نفس الحالة حمرا ع سي الشيخ يلي لازم ما يلعب لعبة الجيش مشان العسكر بنبسطو
بلنتي واضحة ..
والانسحاب من الدور ي هو الحل الأمثل

[محمد ربيع]

ان شالله الكابتن ابو حامد هلاء بيكون حط الخطه المناسبه كل التوفيق للوحده

[ابن الصالحية]

لعما على هيك مسخرة تحكيم

[ابو محمد الوحداوي]

شو هل مسخرة
جزاء واضحى سي الشيخ 100\100
وتحكيم بيقرررررف

[samersabsoub]

سي الشيخ لازم بس صفراء

[chicharito]

شو دينو هاد رئيس أتحاد كرة القدم ؟؟

لك شو ألو علاقة ينزل على الملعب

لك يكون رئيس الصرامي مالو علاقة

لك وحيات ربي جاي على بالي روح أقتلو بنص بيتو

لك شو بدو باللعيبة ؟؟؟

لك هلأ المصيبة بسي الشيخ أنو نحرم اللعبة الجاي ضد الجيش

نحنا كان كل خوفنا يحرمو الجمهور أما حرمو الفريق من اللعبة

وهلأ بتوقع من نزار يكب علي صلاح برا ويعتمد على المهاجمين الشباب

وتشكيلة وطنية خالصة

وبتمنى يشرك الرمال باللعبة لأن مستوى بيدل على أنو لاعب كبير

ويارب نفوز

[أبو مصطفى الوحداوي]

لك يا شباب قبل ما نتطلع على الحكم (الفاشل طبعاً)
الفريقين فاشلين كمان
يعني ما شفنا شي من الفريقين غير التشنج والعصبية


كلام سليم

وبعدين ياشباب روئو شوي

سي شيخ بيستحق الحمرا

ضرب بدون كرة واضح

تحكيم مسخرة بدون شك

بس طلعوا عاللعبة..... وينو فريقنا؟؟؟؟؟!!!!!!

[oneka]

بغض النظر عن نتيجة المباراة...
الله يجيرنا من قرارات اتحاد كرة القدم بعد المباراة.:icon_frown:

[ابن الصالحية]

الجيش وسويدان الن ايد بطرد سي الشيخ
لانو خاف السويدان يتبهدل

[جوري]

فريقنا تشنج بسبب الكيك بوكسينغ يللي عم يلعبو الكرامة مسخرة مو بالعقل حكم فااااااااشل والسرية نازل عم يتمرجل اصلا ما قدرنا نمشي باصين ورا بعض بسبب فولات الكرامة والحكم عم يطنش

[ابن الصالحية]

ولاء شو 3د وقت بدل ضايع
ومباراتنا مع الاتحاد وتشرين 5
مسسسسسسسسسسسسسسسسسخرة

[oneka]

نفس ماعمل موسى تراوري من كم سنة (حمرا مع الكرامة)
ليش كل هالعصبية ياسي الشيخ!؟أي صفي لاعب ما مسكو وهوي راكب راسو!!!

[ابن الصالحية]

سي شيخ بيستحق الحمرا

ضرب بدون كرة واضح





وماكيتي شو مشانو يابا

[ابو محمد الوحداوي]

بداية الشوط الثاني والله يجيرنا احسن شي

[mmrdem]

لازم الكابتن نزار يفتح اللعب وهاد العراقي انهاء عقد فورا

[أبو جمال]

شدوا الهمة يا وحدة
:fw

[alres]

عنجد طرد مو بوقته لانه اللعبه الجايه مع فريق التحويشه

[أبو مصطفى الوحداوي]

وماكيتي شو مشانو يابا

وأكيد ماكيتي بدو حمرا

وكمان ضربة جزاء واضحة لسي شيخ

أنا ماعم دافع عن الحكام

قلت التحكيم مسخررررررررررة

بس فريقنا كمان مو هون بنووووب

[alres]

بلش الشوط التاني بفرصه للكرامه

[طارق الغبرا]

هل تعلم عزيزي أن رئيس الاتحاد الكروي ممنوع من النزول للملعب
ماشالله سرية نزل و بهدل لك الله يقصف عمرو

[عمار عبار]

اخطاء الحكم وتصرفات لاعبي الكرامة
لا تبرر لسي الشيخ ما فعله

حتى لو حرم من ضربة الجزاء وضرب ضرب خفي فلا يحق له ان يحرم الفريق من جهوده فهو بالنهاية لاعب محترف ويكلف النادي المبلغ المرقوم وكان عليه ان لا يضر الفريق بتصرفه الفردي المرفوض


ولا دخل للسويدان والاتحاد الكروي بطرده

[mmrdem]

فريقنا مو هون لانو الكرامة ماعمبيلعب باسلوب شريف

[ابن الصالحية]

الله يوفقك يا وحدة

وما زلنا بانتظار صلاح والعكاري

[alres]

ضربه حره مباشره للوحده يارب

[mmrdem]

لك يطالع العكارييي وعلي صلاححححححححح لو بيضلو سنتين مابيعملو شي بهالمباراة

[ابن الصالحية]

وحداوية
الله ينصركن

[مروان الوحداوي]

علي صلاح شو شغلتو بلملعب

[عمار عبار]

يجب ان يخرج العكاري وعلي فورا
فهم عالة على الفريق اليوم

[أبو مصطفى الوحداوي]

اخطاء الحكم وتصرفات لاعبي الكرامة
لا تبرر لسي الشيخ ما فعله

حتى لو حرم من ضربة الجزاء وضرب ضرب خفي فلا يحق له ان يحرم الفريق من جهوده فهو بالنهاية لاعب محترف ويكلف النادي المبلغ المرقوم وكان عليه ان لا يضر الفريق بتصرفه الفردي المرفوض


ولا دخل للسويدان والاتحاد الكروي بطرده

والله هادا هو الكلام السليم

[alres]

العكاري كنه عم يجامل مدربه السابق بهل الاداء الهزيل

[RvH]

يا رب نربح مو طمع بالصدارة لا و الله

بس نكاية بالحاقدين عالوحدة

[alres]

الله يجيرنا من الهجمات المرتده

[طارق الغبرا]

اخطاء الحكم وتصرفات لاعبي الكرامة
لا تبرر لسي الشيخ ما فعله

حتى لو حرم من ضربة الجزاء وضرب ضرب خفي فلا يحق له ان يحرم الفريق من جهوده فهو بالنهاية لاعب محترف ويكلف النادي المبلغ المرقوم وكان عليه ان لا يضر الفريق بتصرفه الفردي المرفوض


ولا دخل للسويدان والاتحاد الكروي بطرده

:)):)):))
______________-

[مروان الوحداوي]

من الشام للكويت غيرك يا وحدة ما هويت

[alres]

فرصه خطره للكرامه با احضان الحافظ

[ابن الصالحية]

باذن الله الفوز برتقالي
لانو ازا خسرنا رح ننزل للتاسع

[أبو مصطفى الوحداوي]

خلونا هلأ ننسى الشوط الأول بكل مافيه

ونركز بالشوط التاني وندعي لفريقنا بالتوفيق

[mmrdem]

لك شبوووووووووووووووووووووون ولا هجمة لهلق ولا تسديدة على مرمى الكرامة

[alres]

دقيقه 51 والنتيجه لسا هدف للكرامه بدون رد

[mmrdem]

شو عمبيستنى المحروس ليبدل

[alres]

الله يستر فريقنا لساده ضايع

[ابن الصالحية]

يا رب لا ترد هالجمهور خايب وزعلان

[ابن الصالحية]

ان شاء الله بيفوت كول
بجاه النبي

[عدنان شيخاني]

يارب حرة مباشرة

[أبو مصطفى الوحداوي]

لسا الشباب مصرين عالرفع

ضربة حرة هلأ

يارب التوفيق

[mmrdem]

بس مايشوطها العكاري

[أبو مصطفى الوحداوي]

بس مايشوطها العكاري

يعني علي صلاح أحسن؟؟؟

[alres]

ضربه حره من علىي صلاح بيد بلحوس

[مروان الوحداوي]

بشان الله يا وحدة يالله
بشان الله يا وحدة يالله

[mmrdem]

العكاري مو مطول لينطرد وعمبيخرب اللعبة

[الباسل]

يالله نحنا هالشوط أحسن
يارب

[alres]

والله الكرامه مو هل الفريق يلي بيخوف بس فريقنا فايت بل الحيط

[مروان الوحداوي]

والله ما بيفيدنا الا الدعاء

[ابن الصالحية]

دج دج دج شويطة

[عدنان شيخاني]

شفتولي الحافظ شلون ماطلع

[الباسل]

وليييييييي............كانت كول

[alres]

فرصه خطيره للكرامه ما بتتصدق انه ضاعت

[الباسل]

تفائلوا بالخير تجدوه

[أبو جمال]

يارب تجبر بخواطرنا يارب

[عدنان شيخاني]

لك وينو الفريق يلي لعب ضد الاتحاد

[ابن الصالحية]

بالتوفيق للوحدة
يا الله يارب
يا رب نفوز

[أبو مصطفى الوحداوي]

بلشوا الكرماوية يضيعوا الوقت

وجماعتنا لسا لهلأ مو هون

[الباسل]

يحيى يحيى...تعا تعا تعا

[alres]

يارب تجبر بخاطر هل الجمهور يلي طلع على حمص وما تخيبه

[alres]

اول شبه فرصه للوحده هاد الشوط

[عمار عبار]

افضل لاعبينا حتى الان
العثمان والمصري

[عدنان شيخاني]

بدها شي تبديل يحرك اللعبة

[الباسل]

يالله من الرفعات يلي ما لها طعمة

[أبو مصطفى الوحداوي]

ياعمي مو معقول اللي عم يصير

وينو أبو حامد

معقول يعني كل هالاصرار عاللعب بالعالي؟؟؟!!!

[alres]

شو هل العكاري يلي خالص

[عدنان شيخاني]

ورأفت كمان عم يشتغل حلو

[الباسل]

ضغط وحداوي
بلا طعمة للآن

[عدنان شيخاني]

وبعدين مع اللعب العالي ....

[alres]

تسيديده خطيره من يحيى الراشد

[alres]

فرصه للوحده بس

[أبو مصطفى الوحداوي]

رغم النقص العددي

بس فريقنا مسيطر بخط الوسط

بس مافي هجوم بالمرة

[مروان الوحداوي]

احساسي عميقول 1/1 نهاية المباراة

[alres]

شو علي صلاح كمان كازو خالص

[mmrdem]

علي صلاح مابيعرف يلم طابة

[alres]

لك والله مو صعبه بس شوي تركيز من فريقنا

[البلوغرونا]

الله يرحمك يا نيناد:blok:

[الباسل]

اوووووووووووووه

[أبو مصطفى الوحداوي]

أول وأخطر وأجمل فرصة للوحدة

رأسية علي صلاح بيد البلحوس

[alres]

فرصه خطيره لعلي صلاح

[مروان الوحداوي]

الوحدة مسيطر
بس ما في هجوم بدنا نشيل علي صلاح

[alres]

تحسن اداء فريقنا يارب

[الباسل]

الله يستر يا رب

[طارق الغبرا]

يلي بيزعل الكرامة سئ و نحنا أسوء

[alres]

مصعب بلحوس عم يضوع وقت

[mmrdem]

فريقنا بدون سي الشيخ مابيسوى شي سي الشيخ هو صانع الانتصارات ترقبوا هزيمة كبيرة مع الجيش

[alres]

دخل محمد زينو بدل فهد عوده

[مروان الوحداوي]

الهدف الوحداوي قادم بأذن الله
الله كبير يا جماعة
وبشان هلجمهور الكبير يلي اجا من الشام ما يرجع وهو زعلان

[أبو مصطفى الوحداوي]

غريب خروج عناد عثمان وهو يعتبر من أفضل لعيبتنا اليوم

[alres]

خروج عناد عثمان ودخل عبد الحكيم يوسف

[mmrdem]

وينزل النجم عبد الحكيم يوسف انتهت اللعبة

[alres]

العكاري مو بل الفورمه

[عمار عبار]

علامة استفهام على خروج عناد عثمان

[عدنان شيخاني]

غريب خروج عناد عثمان وهو يعتبر من أفضل لعيبتنا اليوم



لان عمل مجهود كبير وتعب

[أبو جمال]

الهدف الوحداوي قادم بأذن الله
الله كبير يا جماعة
وبشان هلجمهور الكبير يلي اجا من الشام ما يرجع وهو زعلان

الله يسمع منك يارب

[أبو مصطفى الوحداوي]

فريقنا بدون سي الشيخ مابيسوى شي سي الشيخ هو صانع الانتصارات ترقبوا هزيمة كبيرة مع الجيش

مع احترامي لرأيك

بس فريقنا بدون سي شيخ صار أفضل

لأن صار الكل عم يلعب وبطلوا يعتمدوا على لاعب واحد ولازم كل التمريرات تكون لألو

[البلوغرونا]

مافي ضغظ عم ياعبوا متل الطنطات:x:can:

[alres]

شوفوا بلحوس كيف عم يضوع الوقت والحكم مو شايفه

[mmrdem]

لازم الحكم يبوس مهند ابراهيم مو ينذرو

[مروان الوحداوي]

هادا هو الجوووول
هادا هو الجوووول

[alres]

طربه حره للوحده يارب

[alres]

يارب يالله

[mmrdem]

المشكلة ماعنا حدى بيعرف يسدد

[alres]

يارب يطالعوا للعكاري

[مروان الوحداوي]

شو هاد يالله
شو هاد العكاري شبو

[عدنان شيخاني]

شبو منحوس ...

[البلوغرونا]

يارب شي غول:lol:

[samersabsoub]

البلحوس على الارض

[mmrdem]

العكاري متوتر قوم منعطيه تسديدات لحتى يفش خلقو بالمدرجات مسخرة

[أبو مصطفى الوحداوي]

ليش مايشوط نهاد حاج مصطفى

عندو رجل قوية ومعروف بأهدافو من هيك تسديدات

[alres]

معقول كل التسيدات الحره النا مو عرفنا نحط وحده منهن

[أبو جمال]

يعني بدي افهم ليش الضربات الحرة ما عم ينفذها نهاد الحاج مصطفى
بتوقع تكون ضرباتو أخطر من ضربات العكاري وصلاح