كفاكم يا مشجعين البرتقااااالي [الأرشيف]

مشاهدة النسخة كاملة : كفاكم يا مشجعين البرتقااااالي

وحداوي موت

11-13-2007, 06:09 PM

مساء الخير يا شباب
الحمد لله انو ما في حدا غريب عم يفوت ويمكن في حدا عم يفوت المنتدى ويشوف
اذا بدكن ترضوا كلكن لازم يكون عنا بلنادي
شي الفين لاعب
ولكل عضو نحط مدرب يلي بدو ياه واللعيبة يلي بدو ياها والتشكيلة يلي بيحبها
عنجد عم احكي مو مزح او مسخرة
اشتهيت شوف بموضوع واحد متفقين الكل على رائي لك شو صاير كل واحد بدو مدرب وكل واحد بدو اداري
هدا بيقول انو فلان طق البرغي لنيناد
وهدا بيقول صفوان نظام الدين ليش ما اجا او فصلوه او بدهن يفصلوا
هدا بيقول ما بدنا ايمن وهدا بيقول ما بدنا فجر
ولك حتى اجانب ماعم يمشي الحال معكن ما بدكن مدربين اجانب
وما بدكن مدربين من ابناء النادي
وما بدكن مدرب مو دمشقي
يعني شو يطلع الدكتور ممتاز على المريخ يجيبلكن مدرب ويجي
او الحل التاني نعمل بلنادي شي مية فريق كل عضو الو فريق بيحط المدرب يلي بدو ياه وبيمشي الحال
الشغلة التانية ما بدكن اللعيبة من الرجال يلي بيسمكعن بيفكر انو فريق الشباب والناشئين تبعنا ابطال الدوري ومالي عرفان
اللعيبة يلي عنا مناح وهدا الموجود ومتل ما بيقول المتل جود بلمجود
الشغلة التالته
قصضة نيناد او فضيحة نيناد او متل ما بيقولوا طق برغي لنيناد
نيناد خلص ماعد يجي لعنا اوكي شو نادي الوحدة وجماهيرو والشام كلها واقفة على نيناد
الزلمة بيحبنا ونحنا منحبو جابلنا القاب وكان معنا مثالي كتير ومحبة الجمهور الو ما اجت من فراغ
بس هدا يلي صار حاولوا يرجعوه وما رجع شو نعمل خلص نضب ونسكر النادي ونعد بلبيت
اخر الاتهامات وصلة لاعضاء المنتدى انو هنن افا قصة نيناد بقا بحق الرب معقول يلي عم يصير
اذا نحنا الاعضاء من يوم يومنا متفقين 80% بلمية متفقين مع بعض باغلب الاحيان حتى الاعضاء القدامي بيعرفوا هل شي منيح مع احترام الجميع الجديد قبل القديم
بقا كيف بدو يكون النادي بخير والفريق بخير اذا مافي تنين من خمسين الف وحداوي متفقين
صفوا النية وناموا بلبرية صفوا النية لاي مدرب رح يجي
شجعوا اي مدرب يح يجي لانو وقت عم نقف مع المدرب فاكيد نحنا عم نقف مع النادي
لانو مافي اي مدرب بلعالم بيخسر حالو او ما بيحب فريقو يكون منيح
قلنا من السنة الماضية خلي ادارة الحبوباتي تروح وما بدنا شي السنة الجاية
شايف الشباب من اول لعبة صار بدهن بطولة الدوري
يا شباب الكل بيعرف المشاكل يلي تركتها الادارة الماضية بدها زمن لتنمحا ما في شي بيتصلح بيوم وليلة
هي الدكتور ممتاز امن على فريق السلة لانو المكل بيعرفلعيبة القدم غير لعيبة السلة قواعد النادي بالف خير تبع السلة ممتازين
اما قواعد القدم ضعيفة كيتر
رح يتم انشاء مدرسة للحراس ومدربين قواعد مميزين ورح يصير اهتمام كبير
الدكتور ممتاز وعد انو يكون السنة الجاية تعاقدات مفيدة للنادي ولفريق الرجال ووعد باصلاح كل شي
بس الوقت اسرع واقوى منو
نحنا كلنا رح نكون للوحدة وكلنا فرحنا وقثت اجت الادارة الجديدة القديمة الخبيرة الاصيلة
وقفوا مع النادي واتفقوا وما رح يصير الا الشي يلي بيعجبكن
اسف جدا جدا على الاطالة

عـــــــــــــــــــــــــامــــــــــــــــــــــ ـــر

wissam82

11-13-2007, 06:14 PM

يسلم تمك يا عامر

أنت بهل موضوع لخصت كل شي عم يصير
وحكيت كلام رائع ومنطقي وانا بوافقك عليه حرف حرف .........

و فعلا المنتدى بهل فترة صاير متل:

الحمام المقطوعة ميته ,, أو متل سوق الهال ,,
يعني كلٌ يغني على ليلاه .........

حسام الوحدة

11-13-2007, 06:16 PM

سامي حرح

11-13-2007, 06:18 PM

اي روق..مشان تعرف اديش جمهورنا فهمان..يعني اذا كل واحد عندو فريق ومدرب..البرازيل مابتوقف بوجهنا:shock:

سامي حرح

11-13-2007, 06:23 PM

والله كلامك كله درر وأنا معك فيه 100% ولا أعترض على شيء أبداً وأنا مع كل الأعضاء وكل من يحب النادي ولا أحب أن أغرد خارج السرب
ولكن أنا أسف فأنا ضد الحكيم ومعارض لقيادته الفريق يعني سمحولي فيها
إلا الحكيم إلا الحكيم إلا الحكيم وسامحوني

لك درر والله درر..
اييه....الله يرحم ايام المحملجي...والله الى الان يمكنه العب...بس ايمن الحكيم فضل يريحو...شايفين اديشو كبير هالحكيم..عنجد حكيم...:crdr:crdr:crdr

وحداوي موت

11-13-2007, 07:06 PM

اذا في اربعة اتفقوا معي بلردود الدنيا لسا بخير

يمان القدة

11-13-2007, 07:11 PM

كلامك على العين والراس عمي عامر والحكي منطقي بس والله محروقين

حسام الوحدة

11-13-2007, 07:18 PM

لك درر والله درر..
اييه....الله يرحم ايام المحملجي...والله الى الان يمكنه العب...بس ايمن الحكيم فضل يريحو...شايفين اديشو كبير هالحكيم..عنجد حكيم...:crdr:crdr:crdr

الله يسعد ربك بتمنى انك تكون قرأت أول مشاركة لي بالمندى وكانت تحت عنوان المحملجي يعود لاعباً واذا لم تقرأها ارجع بالصفحات للخلف وستجدها وستفهم من المقصود بكلامي ومين كان وراء تطفيش المحملجي وبقية اللاعبين

y@sser

11-13-2007, 07:25 PM

اذا في اربعة اتفقوا معي بلردود الدنيا لسا بخير

والله ياشباب لازم يكون انتمائنا للنادي فقط
وندعم كل مين بيشتغل للنادي مهما كان

مصطفى الحلواني

11-13-2007, 08:01 PM

سلم الله أيديك على هذا الموضوع المنطقي وياريت كل الجمهور اللي بالمنتدى بيطرح هيك طروح واعية ، وحاجة بقا لسا قصة نيناد ونزار شاغلة بال الجميع ، خلينا ننسى نزار زنيناد لأنهم مستحيل يأتوا هالموسم على الأقل ، وخلينا نوقف مع أيمن الحكيم ( وأنا أعترض على رأي الزميل حسام الوحدة لأنه غير منطقي إطلاقا ) فالواضح أنه المدرب القادم وخلينا ندعي له بالتوفيق فهو في النهاية يقود نادي الوحدة نادينا ولا مصلحة لنا بفشله أو تفشيله واتمنى من الزملاء الكف عن انتقاد أيمن الحكيم بل خلينا نتحد لنساعد نادي الوحدة على تجاوز محنة هالموسم .

sameer.adawi

11-13-2007, 08:08 PM

هههههههههههههههههههههههه

كلامك حلو بس وحياتك مارح نتفق غير بهيك مواضيع

جرب حط موووضووووع مثلا ( نزار او نيناد لكم الاختيار) وشوف شباب الوحدة كيف رح يخدمووووك .. هههههههههههههههههه شر البلية مايضحك

وحداوي موت

11-13-2007, 08:10 PM

ئي ضحاك ضحاك ضروري تضحك

حسام الوحدة

11-13-2007, 08:15 PM

الوحدة يا عشق كل دمشقي

11-13-2007, 08:37 PM

الحمد اله .. اخد موقف المتفرج انا ..

الرومانسي الحزين

11-13-2007, 08:38 PM

http://www.wahdawia.net/vb/showthread.php?t=6370&highlight=%E1%E3%E4+%C7%E1%E6%E1%C7%C1

بتمنى من الكل يقرا هالمووضوع

مصطفى الحلواني

11-13-2007, 08:44 PM

alwassouf

11-13-2007, 08:59 PM

بالله كل كلامك صح ودخيل ربك من كتر مو محروق قلبك
طلع معك هك موضوع

حسام الوحدة

11-13-2007, 09:59 PM

عذرا من الزميل حسام الوحدة لأنني لم أقصد الاعتراض على رأيه أو مصادرة رأيه فهذا شأن شخصي ولكننا مللنا من الانتقاد لشخص أيمن الحكيم فدعونا نتركه يعمل مع هذه الإدارة ولننتظر النتائج لا أن نحكم على عمله سلفا ً فهو ابن الوحدة ولا نتصور أن يعمل لضرر ناديه وأكرر اعتذاري للزميل حسام الوحدةولكن كان من الأفضل لو تم فهم كلامي بصورة أفضل ( أردت القول أننا منذ الآن مع المدرب الجديد مهما كان اسمه حتى ولو كان أيمن الحكيم لكي ننجح عمله )

شكراً على التوضيح
ولكن اذا تم التعاقد مع هذا المدرب فأنا لن أقف معه بل سأقف مع نادي الوحدة وسيبقى ولائي للنادي فقط ولن يتغير فيني أي شيء وسأبقى المشجع والمحب دائماً ولكن لن أعترف بوجوده وإن كان رأيي يهمني فقط
وشكراً لأهتمامك مرة أخرى

M anas sheekh aly

11-14-2007, 02:30 AM

ابو عمير يسلم تمك
هدا هو الكلام الصح و هدا اللي الكل لازم يعملو اذا كانو فعلا بيحبو النادي
لانو الولاء الاول و الاخير للنادي مو لاشخاص معينين
و اللي بيحب نزار يروح يشجع شباب الاردن و اللي بدو نيناد يروح يشجع النجمه و كل و احد بيحب حدا اكتر من الوحده يروح لعندو او عالاقل يعيرنا سكوتو و يريح راسنا
يسلمو مره تانيه ابو عمير :f):f)

وسيم (ابن الوحدة)

11-14-2007, 05:38 AM

كلامك يا عامر صح و دهب و كلنا بنوافق عليه و بنأيدو مليون بالمية

بس التأييد و الموافقة شي و الواقع شي تاني

يعني الإدارة نفسها مو منسجمة مع بعض ، بتحس في فريقين بالإدارة و كل فريق مو طايق التاني و بنفس الوقت ما حدا بدو يعلن هالشي للناس و كل واحد بيشتغل بالتاني من تحت لتحت

بقه إذا الإدارة هيك فما بالك بالجمهور

يعني عنجد يا عامر بتمنى كلنا نطبق الحكي يللي حكيتو بس للأسف حتى يمكن أنا اللي عم اكتب هالحكي و انته ما رح نقدر بأرض الواقع نطبقو

rami832

11-14-2007, 06:43 AM

يسلم هالتم حبيب لازم كون كلنا قلب واحد وغيورين على اسم نادي الوحدة

Ammar Alfarawati

11-14-2007, 07:01 AM

كلامك كتير حلو عامر ... بس يبقى الراي راي ولكل واحد فكرة بحب يطرحها ماحدا ملزم بقبولها وحتى برفضها

وهون تبادل اراء مو اكتر مع اختلافها وتوافقها فالادارة مثلا رح ترد علينا كلنا .. لا ..رح تستانس براي المنتدى بس مارح يكون عملها مبني على المنتدى ورايه ... انا فهمان فكرتك عامر واكيد من حبك لناديك كتبت هالكلام بس كمان كل واحد حر ... وكل واحد محبة النادي بعبر عنها بطريقة ... وهون عم احكي عن يلي بحبوا النادي فعلا ومالهم مصالح ابداً .

Abu Waseem

11-14-2007, 08:12 AM

منلف مندور منروح منجي وبيضل موضوع طالع موضوع نازل مطالبين فيه بالولاء للنادي
طيب
المنتدى انوجد وخلق لمناقشة وتبادل الآراء
ليش فتنا المنتدى؟ ليش هاد المنتدى بالذات؟؟

يعني غريب انو اذا كنت وحداوي فخراس وسد حلقك وماتقول رأيك ولا تنتقد وبتحضر المباريات متل الألف ومابتسمعنا غير تشجيعك واذا كنت بعيد من باب النادي ومالك معرفة شخصية من أبو فادي لأبو عدنان لرئيس النادي فأنت مابتفهم بشي وخليك ساكت لانو في شغلات مابتنحكى ونحن أفهمن منك ومنعرف اللعيبة والادارة وووووو.................

وبعدين يعني مع قصص نادينا يلي طول عمرون بدون يانا ساكتين؟؟
نادي حطين وبجمهورو بيهز الدنية اذا حسو بشي غلط ولو بطرق شوارعية لكن بيعملو يلي بيشوفو صح ووراهم تشرين والاتحاد والفتوة , الا نحن منكون مالنا وحداويين اذا منفتح تمنا بكلمة
وتعريف الوحداوي هو: يلي مين ماكان بالنادي ولو أولمرت لازم نشجعو طالما لبس برتقالي ونسكت وماننتقد ولا كلمة هادا غير تسميتك بمسميات رهيبة

حاجة بقى منشان يلي خلقكون حاج

EIHAB

11-14-2007, 08:28 AM

يسلم تمك ابو البيس..
يعني هي مشكلتنا بالنادي والمنتدى وبكلشي اسمو وحدة..
ولي وصلنا لهل الحالة انو لازم دائما تكون مع... وشغتلك بس تشجع وتهتف ولو كنت شايف الخطأ ئدام عيونك لأنو في شغلات كبيرة انت ما بتعرفها وانت بعيد عن الجو والشغلة كبيرة ومن هل الحكي..
اذا اتهمت حدا فانت خفاش واذا قلت انو هالمدرب لا يصلح للتدريب بناء على تجارب سابقة فانت محارب للنادي وانت منتمي لاشخاص..وهدفك تخريب النادي
صرنا 3 سنين مع احترامي للجميع كل ما تتخذ الادارة قرار ننسى رئينا فيه ونززل ونهتف ونشجع سواء بالمنتدى ولا الملعب والنتيجة انو وصلنا لهون
الغريب انو الادراة يلي اقالت الحكيم يلي كذبنا الكذبة وصدقنها بخصوص بقائنا بالاولى هي نفسها بدها ترجعوا بالله عليكم اليست مهزلة
يعني معقول بسوريا كلها ولا بالعالم كلو ما صفي مدربين غير نيناد يا الحكيم
ولسا بدكم ياننا انو نقول تحية للادارة على بادرتها الكريمة باعادة ايمن ومن هالكلام
اذا استلم الحكيم اكيد انا اول واحد لح شجعوا لنو عم يدرب الفريق البرتقالي..
بس براي انو مولازم يستلم وخصوصي بهل المرحلة الصعبة يعني كفانا تجارب..
يعني بدنا نضل نسلم رقبتنا للحكيم حتى تصدفلها معو شي مرة وينشل الفريق ويثبت انو مدرب عظيم طبعا مع الاحترام الشديد لشخص ايمن..

وبالنسبة للسلة في لاعبين النادي صرلو سنين عم يتعب عليهم بعتناهم اعارة وشوفوا شو عملوا مع فرقهم الجديدة

كلنا مع الادارة وكلنا فرحنا لما استلمت هالادراة الرياضية نادي الوحدة ولكن للاسف حتى ان لم نرى شي ملموس الا عقد الرعاية
واذا حكينا انت ضد النادي وانت ضد الادراة وانت وانت وانت يعني الاتهامات جاهزة..
انا اول واحد كنت ولح ضل مع الادارة بس الى متى!!!

Ammar Alfarawati

11-14-2007, 08:35 AM

واذا حكينا انت ضد النادي وانت ضد الادراة وانت وانت وانت يعني الاتهامات جاهزة..

انت ايهاب جباصيني ...

وسيمو

11-14-2007, 10:45 AM

اذا ما بدنا نتناقش ليش عم نفوت على المنتدى ولا ليش المنتدى بالاصل!!!

حسن عوده

11-14-2007, 10:46 AM

انا برايي اتسموه موقع نادي الوحدة بحيث انه ما يكون في منتدى لانه تعريف المنتدى تبادل لوجهات النظر وانتوا بدكن وجهة نظر وحدة اسمها " موافق "

لك ليش انخلق المنتدى اذا ما بدكن تقبلوا راي الجمهور ؟؟

لك لازم يعجبني الحكيم لحتى اتحطوا تحت اسمي وحداوي اصيل ؟؟

لك لازم قول ايه لاي قرار اداري لحتى كون وفي للوحدة ؟؟

لازم لما يخسر فريقي 4 مباريات متتالية قول الوضع تمام وما في شي بخوف لحتى كون ابن النادي ؟؟

لازم لما ياحطوا لكوستيكا قول برافو ادارة ولما يتعاقدوا مع الحكيم قول برافو ادارة ولما يأحطوا للحكيم نفسه قولل كمان برافو ادارة ؟؟؟؟

لازم كل يومين ادخل على المنتدى شوف موضوع عن الولاء للنادي ؟؟ وانه اللي بينتقد بكون خاين وبكون ما عنده ولاء وانه اللي بقول الله يوفقك يا حكيم بكون وحداوي أصيل ؟؟

لك كل مشرفين الشام نزلت على الموضوع تهلل وتشكر و ترحب فيه وكانه انجز تاريخي وكانه مو موضوع سدة حنك لاي واحد بده يقول لا نفس المشرفين هدول عم طالبهن من قرن من الزمن يعرفوني على فريق السلة الجديد كوني مغترب ما حدى منهن كلف خاطره يحط اسماء اللاعبين على الاقل و لعلمكن مشاركة او تنتين بس بالموضوع للمشرفين !!!!!!!!!!!!!!!!

و الحجة انه مشرفين السلة مو موجحودين !! لك شو عم تقودوا تمارين النادي انتوا ؟ اي واحد فيكن بدل ما يفوت يطئ حنك بهيك مواضيع و يعلمنا اصول الدين في اولاء للوحدة يروح يكمش حاله على النادي و ينزل هيك موضوع علما بانه نحنا بالاسبوع الخامس من الدوري السلوي يعني ما ضل شي للذهاب وانا ما بعرف شي عن الفريق !!!!!!!!!!!!!!!!!

بأى حاجة يا مشرفين يا كرام ويا اعضاء حبابين نلحش مشكوووووووووور و يسلم تمك و الله يعطيك العافية و روحوا اعملولكن شغلة مفيدة للجمهور اللي محروء قلبه برة سوريا على فريقه

بكـــــــــــــــفي مشان اللي بتعبــــــــــدوه

M o H a M e D

11-14-2007, 11:37 AM

و الله العظيم الواحد مل و قرف من يلي عميصير إن كان بالنادي أو بالمنتدى ...

حقد و ضغائن و تسفيه ... و الشاطر يلي بدو يعلم ع التاني أول ...

لا حول و لا قوة إلا بالله ...

اسقالله وقت مافي ألف عضو مسجل بالمنتدى و كان المنتدى عنجد متنفس للواحد مننا .. يفوت ينسى همومه و يروق أعصابو ...

wissam82

11-14-2007, 01:25 PM

اي واحد فيكن بدل ما يفوت يطئ حنك بهيك مواضيع و يعلمنا اصول الدين في اولاء للوحدة يروح يكمش حاله على النادي و ينزل هيك موضوع
حسن عودة ........... طق الحنك هو كلامك وردك يلي ما بيستاهل ينرد عليه ...

وإذا متل ما عم تقول المنتدى لتبادل وجهات النظر ليش كتير انزعجت من هالموضوع .....؟؟؟؟؟؟؟؟
عجبي ,,, ولا لأنه غير مطابق لوجهة نظرك ...........

وفعلا ردك أتفه من إنه نجاوبك عليه .........

وحداوي موت

11-14-2007, 01:29 PM

والله في البعض من الشباب حرفوا الموضوع متل ما بدهن
او يمكن يكونوا مو فهمانين القصد من الموضوع
كل شي كتبتوا انو بس لحتى تروق العالم لحتى يطلع خبر رسمي باسم المشرفين عن القرارات الجديدة والمدرب الجديد
لانو كل شوي ينزل موضيع واشاعات الاعضاء مالهن ذنب كل شي عم يسمعوه عم يحطوه ليحطوا العالم بلصورة هدا الشي يلي بيشوش على الجمهور
بعدين يا سادة الادارة وقت بدها تحط المدرب سواء الحكيم او غيرو مارح ترجع للمنتدى او تشوف اراء الاعضاء
لانو السنة الماضية كل الدنيا كانت ضد الادارة القديمة وما حدا رد عليهن
بعدين اذا عم تحكي انو انا مالي بلشام ومالي عرفان شي
وحيات عيونك وغلاوتك عندي يا ابو وسيم
انا هون وبنص دبي عم تصلني الاخبار اول باول وكطل شي عم يصير عم يصلني وشوف كم خبر انا منزلو بلمنتدى قبل ما المشرفين ينزلوه مع الاحترام للكل واكبر الاحترام لانو كل المشرفين خير وبركة
اولا واخرا هدا كلو حكي وانا حكية هل مووضع حكي اذا عجبك رد عليه واذا ما عجبك ما بتفرق معي اذا رديت ولا لاء انت حر وهدا رائيك ورائيك على عيني وراسي لانك انت غالي علي
ومتل ما حكيت هي المنمتدى اراء وانا عم احكي باسمي انا لالي عضو بالادارة ولا لي عضو بلنادي ولا حتى مشرف عم احكي باسم المنتدى
انا حكيت باسمي وهدا رائيي ليش انت ضجت كل هل ضوجة والسيد حسين والسيد وسيمو وايهاب

Abu Waseem

11-14-2007, 02:14 PM

عامر من وين جبت انو أنا قلتلك انو انتة شو عرفك بأخبار النادي هي واحد؟
تنين مين قللك انو أنا قصدتك بحكيي؟
ماذكرت لا اسمك ولا ناقشتك الك
أنا عم أحكي عن الفكرة يلي عم تطروحها بعدة مواضيع بالمنتدى من انو نكون كلنا خلف النادي بالمختصر يعني انو نشجع النادي وننسى الأسماء مين ماكانت
هاد هو ردي على هي الفقرة المتكررة بمواضيع أغلب الشباب ومنهم موضوعك بالمنتدى فقط
رغم معرفتي باهتمامك الكبير وانك بتحطني بجيبتك بأخبار النادي وقصصو (يلي بالحقيقة جننتني) ومحبتك للنادي وأنك أصيل وما علقت على هالشي منوب وردي الحمد لله مازال موجود وماتعرضت فيه الك شخصياً أبداً لحتى ترد عليي شخصياً
مع محبتي عامر

وحداوي موت

11-14-2007, 02:19 PM

والله يا ابو وسيم بتعذر منك
يمكن انا فهمتك غلط وانت بتعرف اديش انا بحبك على الاقل انت ابن الحارة يعني ما في شي رح يغلى عليك
وانا اسف مرة تانية اذا فهمتني او انا فهمتك غلط

ayham mardini

11-14-2007, 02:21 PM

يسلم ايديك يا عامر على هالكلام ........لك المشكلة صايرة انو ما عمتعرف
على مين بدك ترد ....... بقرا الموضوع و بقول لاحول و لا قوة الا بالله .. احسن الشي ما اكتب رد.

Ammar Alfarawati

11-14-2007, 02:23 PM

اشتغل تبويس الشوارب ... شباب مابيمشي الحال مابكمل المسلسل لاخر حلقة بعدين :m(

احلى شباب .... المهم ماحدا يتدايق من التاني هي وجهة نظر لااكثر .. وابووسيم وعامر من زينة الشباب بهالمنتدى :))

Abu Waseem

11-14-2007, 02:27 PM

تسلم عمار

عامر حبيب قلبي بعرف كلشي حكيتو ومافي داعي للاعتذار ماصار شي
ولازم توضح الصورة من شو مزعوجين
وبصراحة ماعاد في شي بيبسط بهالنادي
وعلى راسي ولله عمورة

ومتل ماقال عمار لازم نقدر نحكي رأينا بدون مانتهم وننسب

حسن عوده

11-14-2007, 02:32 PM

حسن عودة ........... طق الحنك هو كلامك وردك يلي ما بيستاهل ينرد عليه ...

و لييش انحمقت كتير على كلمة طق حنك وتركت باقي الموضوع ؟؟

اذا ما شفت من ردي غير هالكلمة فبكون مصيبة كبيرة وبالنسبة لهالكلمة طلعت غصب عني من حرقة قلبي بسبب موضوع فريق السلة اللي حضرتك واحد من المشرفين اللي مطنشينه وكانه موضوع عادي وبعتذر من هالكلمة للكل وقدام الجميع انا آسف

لكن وباقي كلامي ؟؟؟؟؟؟؟؟؟؟؟؟؟؟ تافه يا وسام ؟؟ هاد اللي طلع معك ؟؟

بس انا االحق علي و الله

حسن عوده

11-14-2007, 03:01 PM

والله في البعض من الشباب حرفوا الموضوع متل ما بدهن

انا حكيت باسمي وهدا رائيي ليش انت ضجت كل هل ضوجة والسيد حسين والسيد وسيمو وايهاب

اولا حسن مو حسين
تانيا انا بقللك ليش ضجت

لانه من حقي انه اعرف ولو اسماء بس مجرد اسماء ما بدي شي تاني مجرد اسماء لعيبة السلة بالنادي وهالحكي من اسبوعين طلبته بموضوع رد علي يمام مو المشرفين و الله يعطيه العافية اعطاني كام معلومة على قد ما بيقدر لانه الرجال بالسعودية مو هون

ارجعت من اسبوعين طلبت هالطلب روح شوف الموضوع م مشرف دخل و علق و انجز و اشتغل ؟؟؟؟؟؟؟؟؟؟؟؟؟

و بالمقابل اي موضوع بينزل لدعم الادارة و مساندتها بكل قرارتها انا كانت صح او لا بتلاقي كل مشرفين الشام اتجمعوا بالموضوع عم يشكروا و يمدحوا و يثنوا على كاتبه

معي حق انحمق ولا لأ ؟؟؟؟؟؟؟؟؟؟؟؟ظ

و بعد كل هالشي بييجي وسام بااشا بقللك ردك اتفه من انه ينرد عليه ؟ وحضرة جنابه عامل اللي عليه كمشرف بمنتدى الوحدة لحتى ابلع لساني ؟ موضوع فريق السلة بده ينزل وباقرب و قت و مو على كيف حدى لانه منتدى جماهير الوحدة ما نعرف فيه مين فريقنا هاد عيب و الف عيب وانا ما رح اسكت على اي مشرف لحتى شوف الموضوع لانه فعلا ما عاد اقدر اسكت على هالشي وللعلم الموضوع ماله دخل بمشاكلكن الشخصية كمشرفين ومين ما كان المشرف انا رح وجهله الحكي

Ammar Alfarawati

11-14-2007, 03:05 PM

لك انت بصلتك محروقة حسن
الموضوع الله وكيلك عم نشتغل فيه من قبل ماتحكي ... هلا بدك تقلي شو كيميا ... في ظروف ماخلتنا نكمل ... طول بالك علينا وروق .

حسن عوده

11-14-2007, 03:09 PM

لك انت بصلتك محروقة حسن
الموضوع الله وكيلك عم نشتغل فيه من قبل ماتحكي ... هلا بدك تقلي شو كيميا ... في ظروف ماخلتنا نكمل ... طول بالك علينا وروق .
ايــــه بأمرك
بس قول لوسام ما يتطاول واذا ما عنده رد منطقي متل ردك الافضل ما يرد اصلا

وحداوي موت

11-14-2007, 03:10 PM

wissam82

11-14-2007, 03:12 PM

انا ما غلطت معك لبعد ما أنت غلطت بحق كل المشرفين الموجودين ......

يعني ردة فعل طبيعية ,, وهي عندك الردود راجعها وشوف مين غلط أول ...

حسن عوده

11-14-2007, 03:16 PM

حسن حسين كل الاسماء خير وبركة وانت بلذات على عيني وراسي
شو دخل السلة وصور السلة بهدا المووضع
اذا معصب كتير روح نزيل على الشام احضر لعب وصور على كيفك
انا شفت موضوعك بلسلة ومعك حق تعصب بس كاتبينلك انو شوية وقت وبيصير خير
انا معك طولوا ولهلا ما حطوا الصور بس كمان الظروف يلي خلتهن يتاخروا بس انت روق وما بيصير الا متل ما بدك

حبيبي تسلملي عينك انا اشوي زلمة عصبي وناقصني b12 المهم انه شو دخل الموضوع بموضوع السلة انا اللي حرق دمي انه ما حدى منهن عبرنا من اسبوعين بينما اول ما ينزل موضوع شكر وعرفان وتقدير بتلاقيهن عم يتسابقوا يردوا عليه بس هيك القصة
فانحمقت شو اعمللك ؟ !
سامحنا انت وعمار فرواتي

وحداوي موت

11-14-2007, 03:18 PM

لك ولا يهمك حسن اذا هيك الله يجعلها اكبر المصايب
خلص روق وما بيصير الا كل خير :f):f):f)

samer88

11-14-2007, 03:19 PM

كلام وحداوي موت كلام سليم
والوحداوي الاصيل يلي فعلا بحب النادي ما بيهمو الاسماء
بكل دول العالم بيطرحو اسماء و المشجعين بيعطو رأين بس وقت بيجي أي مدرب او لا عب عنادي الكل بيصيرو وراه لمصلحة النادي و بينسو أرائن لانو النادي فوق كل شي
جد يا شباب حاج
شو بدكن يرجع النادي يتهدد و تفرط لالادارة لاسمح الله و يجينا ناس حرامية بيكرهو النادي متل لالادارة السابقة ساعتها بتنبسطو ؟!!!!!!!!!!!!!!!!!!!!!!!!
يا شباب في ناس كتير مصلحتها سقوط الوحدة و منن بيفوتو على هالمنتدى و منن لا
فلا نعطين الفرصة لينفذو مخططاتن الحقيرة
الوحدة و بس بغض النظر عن الاسماء و هي الادارة وحداوية اصيلة بكل معنى الكلمة الله يوفقن و بدنا نصبر كتيررررررررررررر لنرجع نبني يلي هدمتو الادارة السابقة بس بأذ الله بعدها بنستفيد

حسن عوده

11-14-2007, 03:27 PM

انا ما غلطت معك لبعد ما أنت غلطت بحق كل المشرفين الموجودين ......

يعني ردة فعل طبيعية ,, وهي عندك الردود راجعها وشوف مين غلط أول ...
يا سيدي بزكرك كمان انه انا اعتذرت عن الكلمة وقدام الكل لانه الاعتراف بالذنب فضيلة
بس كمان رح اسالك شو رايك بباقي الموضوع التافه تبعي ؟؟؟؟؟؟ ولا مو من مستواك ؟

وعلى فكرة كلمتي ما بتزعل لانه لانه ببساطة الحكي واقعي ومن بيت اهلي جبته والدود موجوده ؟ ووقت الجد ما بسمع باسمك حتى بين اللي قرأوا الموضوع مجرد قراءة يا ريت تهتم بواجباتك كمشرف قبل ما تنحمق لدفاع عنها

wissam82

11-14-2007, 03:41 PM

حسن عوده

11-14-2007, 03:51 PM

بظن مو شغلتك تئلي اهتم ولا ما أهتم أو شو أعمل .........

ومالي بحاجة شهادة منك بشغلي وعملي أو تقصيري إذا كنت مقصر ,,

يعني عدم المؤاخذة رأيك ما بيهمني بالمرة ,, لأنه أصلا ما منشوفك إلا بالمناسبات...

بس رأيي الشباب يلي بينقدوا بهدف الإصلاح أكيد على عينى وراسنا من فوق ...
فعلا انه الحق علي اللي اعتزرت من اشكالك العمى بهيك اسلوب غجري

لكن شوفولي بقى هالموضوع وردود امشرفين فيه " شو تعريف لاصلاح عندكن " ؟

http://www.wahdawia.net/vb/showthread.php?t=12152&page=2

وزعل من كلمة طق حنك لكن شو اسمه هاد يا ... ؟؟؟؟

ديدو84

11-14-2007, 03:52 PM

الموضوع جاب عكس مفعولو
ليش هيك نجرح ببعضنا كلنا متدايقين من وضع النادي بس منضل اخوة و الاخ بيحوى اخوه اذا غلط

wissam82

11-14-2007, 04:05 PM

استغفر الله العظيم من كل ذنب عظيم ......

والله هالردود يلي عم تحكي عليها قليلة على حكي وردود يلي متلك
يعني شي بيطلع الواحد عن دينه .....

بكل الأحوال الموضوع أخد أكبر من حجمه بكتير

وإذا هلئ اعتراضك مشان لاعبين السلة وأسمائهم ,, خلص بس يصير الموضوع جاهز منزلك ياه ما رح نخبيه عليك لا تخاف ....

وإذا مو عاجبك شغلنا بدك ما تأخذنا بس هاد الموجود والله .......
فعلا إرضاء الناس غاية لا تدرك ...

وأحلى شي إنه تذكر كل هالتقصير بفترة معينة بعد شغلة معينة ... :m(:m(

وزعل من كلمة طق حنك لكن شو اسمه هاد يا ... ؟؟؟؟

؟؟؟؟؟؟؟؟؟؟؟؟؟؟؟؟؟؟ معك تفضل كمل ..........؟؟؟؟؟؟؟؟؟

wissam82

11-14-2007, 04:07 PM

اذا بدك ترد رد لأني بدي أقفل الموضوع (( مشان ما تقول عم أحجب رأيك)) ...
وانا ما عاد رد بعدك شو ما حكيت لانه مافيه نتيجة ....

حسن عوده

11-14-2007, 04:08 PM

اعتزرنالك بهدلتنا وهلأ جاي تعمل حالك ملاك !!!شو بدك يعني ؟؟؟بقى سكر عالموضوع وحاجة بقى لانه فعلا اخد اكبر من حجمه معك

wissam82

11-14-2007, 04:18 PM

ماشي متل ما بدك .......

الردود موجودة .....

messi

11-15-2007, 06:03 PM

شوفو وين كنا ووين صرنا

عن جد يا وسام الله يعينك شو بدك تكون لتكون

wihdawi almani

11-15-2007, 10:23 PM

لك روحوا يا حاجه مسخره
بدكم تتخانقوا كل واحد يعطي الاميل تبعو للتاني و فرطوها
كان ورتانين هالمنتدى من اهاليكم
و بتحكوا ليش الوحده ما عم يتحسن وضعوا
بلا مسخره بفوت الواحد لينبسط شوي و يقرا خبر حلو مو مشان نقرا نشر غسيلكم روحوا غسلو بغير محل

Gazwan

11-15-2007, 11:31 PM

هادا يلي شاطرين فيه نحنا
العياط و الشياط و نحنا أولاد بلد وحدة
هو أنتمائنا للنادي طبعا ً
بس من غزارة الأحداث و المفاجآت يلي عم تهل
فتنا بالحيط