منتدى الوحداوية يناقش عودة جمهور البرتقالي.ادخل و شارك.

[wahdawia.net]

احبائنا أعضاء المنتدى اسعد الله أوقاتكم بكل خير.
أسباب عزوف جمهور البرتقالي كثيرة و متعددة اتفقنا في بعضها و اختلفنا على بعضها و لكن
مايهمنا الآن ليس أسباب غياب الجمهور بل ماهو الحل المفيد لكي يعود الجمهور الأول بسورية
كما كان و لنستعيد ذكريات أحلى أيام نادي الوحدة و سيقوم مشرفو المنتدى على عمل استفتاءات
سنبدءها بهذا الاستفتاء لنقيم طرق عودة الجمهور للملعب فنناقش الأمور التي تهم الادارة
مع أصحاب الشأن بالنادي و نناقش فيما بيننا مانستطيع عمله من خلال منتدانا قبل بدأ الموسم الكروي القادم.
و بعد تكوين صورة تامة عن هذا الموضوع سنقوم باعلان الخطوة القادمة انشاء الله...

إذا أحببتم المشاركة معكم لتوضيح مقوما ت الحفاظ على الجمهور . انا مستعد

[حمودي اليوفاوي]

في اكتر من نقطة :
1- انا صوتت لتفعيل نشاط رابطة المشجعين

بس كمان في سبب واضح لانخفاض جمهور الوحدة وهو عدم وجود روح قتالية للاعبي الفريق من اجل الفوز

وهاد الشي كان موجود قبل شي 3 سنوات 4 بس هلأ معدوم

[حسان1973]

سيدي صرلنا مليون مرة كاتبين انو السبب ليس اولا ليس النادي كما قبل اي من ابناء دمشق وريفها بل اصبح لاعبين من خارج المحافظة ولا تقولوا انو هاد احتراف هي الاتحاد والكرامة والحرية والفتوة ماعندهم لاعبيين من خارج محافظتهم ثانيا وليس لان الفريق هذا الموسم لاينافس الموسم الماضي كنا ابطال دوري واكثر مرة حضر جمهور لم يتجاوز 15 الف ثالثا عدم تقديم الفريق للمستوى الفني الجميل الذي كان يميز كرة الوحدة رغم عدم الفوز بالبطولات رابعا وبراي الشخصي اهم شي غياب الكابتن نزار عن النادي حتى ولو بصفة الاشراف وتتذكرون عند عوته قبل سنوات في مباراة الحرية امتل ملعب العباسيين عن بكرة ابيه خامسا تفعيل الرابطة بشكل افضل للتواصل مع الجمهور وليس فقط مع اعضاء التنظيم سادسا عودتي الى المنصة الرئيسية شلون عجبتكم اخر وحدة

[Zizou]

كل ما ذكر سابقا له دور في إنخفاض الحضور الجماهيري للمباريات وأن أختلفت نسبية تأثيرها و لكن السبب الرئيسي كان قد ذكره اللأعب السابق (عساف خليفة) وهو الذي عاصر الأيام الذهبية وهو أن الجمهور في تلك الأايام كانت تأتي و كل منها كان لديه جار أو قريب أو أحد المعارف ضمن اللأعبين إضافة الرمزية التي كان يشكلها الكابتن و المدرب نزار محروس
الجماهير لم تكن تأتي للنتائج و الألقاب بل كانت تأتي لترى لاعبين من أبناء المدينة التي من أجلها أحبوا هذا النادي النتائج كانت أخر مطالبهم حتى بالمواسم التي أحتل ببدايتها الفريق الصدارة كان الجميع يعلم أننا لن نخرج بأفضل من المركز الثالث
ولكن الحضور كان في أوجه خاصة بوجود المحروس كمدرب و الخليفة كلاعب نحن بحاجة لرموز تنسي الجمهور الخصارة و تضخم الفرحة له وأنا أرى أنه في الوقت الحالي بسبب أن معظم اللاعبين من أتو من أندية أخرىيجب ان يأخذ عساف خليفة دور مؤثربالفريق كان يكون مديراً فنياًولما لا مدرب بالمواسم القادمة فمكانته و هيبته بين الجماهير تمكنه من إعادة الحضور لوضعه القديم
(لا تأخذونا طولت عليكم بس لأني من زمان مستني هالموضوع ينفتح وألبي مليان منو)

[حسان1973]

ملبعرف على اساس ناجي بدو يشارك رأيو معنا مايكتب شو الاسباب برايه

[alres]

ناس اوفياء هذا كل شئ

[Mohammad Raslan Balout]

مشان جمهور كرة السلة...

اذا بترجعوا معي للماضي بلعبة الوحدة الشامي مع الحكمة اللبناني اللي كانت باخر بطولة دبي الدولية لكرة السلة 2001 و خسر فيها كان الجمهور معبي الصالة بنادي الاهلي من تراسها لمحرابها و لكن خسر فيها بفارق نقطين او اريعة ما بتذكر بالتحديد اديش كانت النتيجة لانه نحنا فزنا بيلي قبلها و بعدين بعدين فزنا بببطولة اسيا بعام 2003 و لما لعبنا مع الحكمة بنفس البطولة بالشارقة بسنة 2004 خسرنا

من الصعب جدا ومن النادر جدا كمان انه فريق الوحدة يحافظ على لقبه باستمرار بس اللي عم لاحظته و بكييت مشانه
كييف كان حضور الجمهور ببطولة اسيا بالشارقة و كيف كان حضور الجمهور بمباريات الوحدة

انا بس بدي احكي شغلة انه يا جماهيرنا حضوركون الواسع هو اللي يخلي الوحدة يبقى عل ملحمة من الانتصارات و حضوركون هو الي بساند فريق الوحدة ما دام انتو بتشجعوه
و اذا انتوا كنتوا عم تفتخروا بمدينتكون و عراقتها و حضارتها شجعو فريق الوحدة مو ببيوتكون
لا، بوجودكون على كراسي المدرج لانه اللعيبة و الاعبات ما رح يسمعوا صوتكون من التلفزيون ... رح يسمعوه باذانون

يا جماعة بدي احكيلكون ياها شخصيا ... انو انا جبيت عيلتي كلها و ما استحيت بالعكس افتخرت فيهون لانه بعدوت بيتذكرو الشام و نحنا بالغربة :)

اذا انتو عم تسبوا فريق الوحدة كلما بيخسر لانه انتو السبب ... ما في حدا منكون عم بيشجع

اعتبرو ها 100 ليرة كبيتوها بالبحر ... حرقتوها .... اكلتو فبها شي سندويش او شربتو اي شي..

معلش شباب المشكلة احنا منتحملها بنسبة 99 بالمية

وشكرا كتيير على الموضوع

[حسان1973]

والله يااخ مالي عرفان على شو عم ترد انت فوتت شعبان برمضان مو الجمهور كلوا بيخص شي اسمو نادي الوحدة نحن عم ناقش اسباب عدم حضور الجمهور وفهمت منك انو مشان ال100 ليرة بس وهاد اكبر غلط براي

[مالك]

لازم نحب الوحده من القلب ولازم نعرف انو مو دائما رح نربح ولازم نحس انو اللاعبين قلبن على النادي

[alamjad]

أهم سبب برأي أنو نادي الوحدة للاسف صار تحويشة متل الجيش

يعني بغير نوادي بتشوف معظم لاعبين الفريق من أبناء المدينة أو المحافظة

أكيد أنو يكون عنا كم لاعب خارجي مو مشكلة بس ما يكونوا أغلبية بالفريق

حتى يشعر ابن الشام انو عم يشجع فريق مدينته مو المنتخب الوطني و السلام

[همام]

حبيبي انته لما تشجع ناديك بتكون عم تشجعه لأنه ناديك مو لأنو لعيبته جيرانك..؟
أما فكرة عساف تبعع انو كل واحد عم يجيب معو جيرانه فمالها أساس من الصحة
ليش؟؟
أخي عنا 15 لاعب بيلعبوا باللعبة وممكن ينزلوا عالملعب اذا كل واحد جاب 100 زلمة هاه
(مين هاد يللي بيجيب 100 زلمة؟؟) بكون جاب 1500 متفرج هادا اذا ما كان نصهم عم يتابعوا المبارايات هلأ


الفكرة الرئيسية هو انو أنا و انتوا ونحنا هون بالمنتدى منقدر ندفع 100 و 50 وغير و غيراتو لحتى نحضر مباراة
أما العالم يللي عم تصمد حق أكلها فمالوا مجبور يدفع 100 ليرة وبلا مباراة بلا بطيخ
بروح بطعمي ولادو فيها أشرفلوا و أكيد هادا السبب هو يللي نقص الجمهور :roll:

[هيثم]

للاسف بالوقت الحاضر سعر البطاقة المنخفض والمنافسة على اللقب هنن يلي بيخلو الجمهور يجي

[الصالحية]

بسيطة كتير

رجعوا التشجيع لأهله شباب الهوارة

إعيدوا نزار محروس للنادي كأداري

أبعدوا الأرهاب عن الجمور

حاسبوا اللاعبين حين يقصروا

ليشعر الجمهور أن هناك من يغار على دمشق

وجماهيرها وناديها

وعلى مسؤؤليتي

العباسين سيمتلئ كما زمان

[حسان1973]

لك شو قاعد بمخي يازلمة انت مونفس اراي هي هل بيقولو نحن جماعة نزار وبس مع العلم انا وانت كاتبين بعودة الكابتن نزار ولو اداري او مشرف بس دق المي وهي مي لايصلح العطار ما افسدته الرياح

[Zizou]

حبيبي انته لما تشجع ناديك بتكون عم تشجعه لأنه ناديك مو لأنو لعيبته جيرانك..؟
أما فكرة عساف تبعع انو كل واحد عم يجيب معو جيرانه فمالها أساس من الصحة
ليش؟؟
أخي عنا 15 لاعب بيلعبوا باللعبة وممكن ينزلوا عالملعب اذا كل واحد جاب 100 زلمة هاه
(مين هاد يللي بيجيب 100 زلمة؟؟) بكون جاب 1500 متفرج هادا اذا ما كان نصهم عم يتابعوا المبارايات هلأ


الفكرة الرئيسية هو انو أنا و انتوا ونحنا هون بالمنتدى منقدر ندفع 100 و 50 وغير و غيراتو لحتى نحضر مباراة
أما العالم يللي عم تصمد حق أكلها فمالوا مجبور يدفع 100 ليرة وبلا مباراة بلا بطيخ
بروح بطعمي ولادو فيها أشرفلوا و أكيد هادا السبب هو يللي نقص الجمهور :roll:
لكان على ايا أساس نحنا مندعي أنو الوحدة الممثل الوحيد للشام ؟ إذا كانو كل لعيبتنا من برات الشام أنا بالنسبة ألي بضل وحداوي حتى لوكانو اللعيبة من الكونغو و الزولو
بس بالنسبة لكتير عالم مو مستعدة تضحي كرمال لعيبة الساحل و حلب و الجزيرة يتشبرؤا بنادينا
أنت ما بتفرء معكالمصاري بس أنا بتفرء معي ال50 و 100 ليش حتى ما بتفرء شو حدا ألك اني أبن ملياردير بس بحياتي ما تركت مباراة كرمال المصاري سواء من كانت من جماعة ال100 ولا 50
شوف كيف من زمان بتنزل على السويقة بتلاقي العالم معلقة صور المحملجي و بالعمارة صور الفتوت أكيد السبب الاساسي هوة حبن للنادي مو لجيرانن بس كان الأنتماء بيجمعن مع اللعيبة
من سنتين وقت إنتخابات مجلس الشعب بتذكر محمد حمشو فتح الأبواب بلعبة الوحدة و الجيش
بدوري القدم كنت متوقع أنو الملعب حينتلى قبل المباراة بساعة لأنو على ايام عساف ونزار كانت لعبة الجيش أقل شي بيجيها 40ألف بس وقتها على العكس يادوب حضر 20ألف والله وقتها ما أنزعجت نت الخسارة بالغولين أد ما أدايأت من الحضور العادي غلاء التسعيرة عامل مساعد بس مو اساسي وإذا حضرت لعبة حطين تبعا ال25 بالكاس بتعرف شو اظدي
ماشي لك أمي

[خضر]

أنا كنت أحضر أنا وعشرة أو خمسطعشر واحد من رفقاتي بأكتر المباريات ..
وهالعدد بلش ينقص شوي شوي من أيام نزار .. وبآخر أيام نزار كان حتى ملعب الجلاء ما يتعبى منيح ..
المشكلة أنه كل إدارات نادي الوحدة مع إحترامي لألهم كلهم ما عرفوا كيف يحافظوا على الجمهور ، يعني بتشرشح الواحد شرشحة بس ليقطع باب الفوتة على الملعب وهوه عم يعلق ميت خناقة لحتى يشتري بطاقة ويصف بالدور ساعة وهنه لهلق ما عرفوا يفتحوا غير بابين أو تلاتة من عشر بواب .. بعرف أنه الجمهور كان عم يعبي الملعب حتى بهيك ظروف .. بس أنا بعرف كتير ناس ملوا وبطلوا يجوا لأنه هالظروف ما تغيرت .. ومعلومكم القعدة جوات الملعب مو كتير بتفرفح القلب .. بعدين المستوى أوقات بيكون عالي كتير ، وأوقات بينزل للأرض .. يعني مباراة قوية مع الجيش وراها مباراة بتهوي مع الشرطة وراها مباراة قوية المجد وراها مباراة بتهوي مع الفتوة ..
وفي ناحية تانية .. يعني مع إحترامي لماهر السيد ، بس بالوحدة مافي لاعب من يللي بينقال عليه نجم شباك .. يعني متل نزار .. ومتل عساف .. ومتل أبو النور وآندريه .. يعني لاعب بيحسسك أنه ممكن يقلب النتيجة بأي وقت بإذن الله .. وبيعطيك الثقة بالفريق كله أنه مهما نزل مستواه ممكن أنه الله ينصره ..
أما ناحية أنه أنا رايح أتفرج على لاعب من الشام ما بعرف منين عم يجيبوها هي .. لأنه إذا متل ما قال عساف أنه كل لاعب كان يجيب أهل حارته فهاد معناته أنه جية علي خليل وعمر خليل رح تخلي الملعب يتعبى من أهالي المخيم والحجر الأسود يللي فيهم أكبر كثافة سكانية بالبلد .. وأنا وكل مين كان يحضر معي ما كان فيهم واحد جاره لشي لاعب بالحارة أو بالزاموقة ..
يا جماعة الشام فيها أربع فرق أولى سابقاً وشي خمسة تانية .. لك منين بدها تلحق لعيبة .. لك الحلبية صارعين مخنا أنهم بلد كرة الأدم .. ومع هيك عندهم نادين بس بالأولى وواحد مدري تنين بالتانية ، لو كان الشام فيها فريقين بس ، الوحدة والمجد مثلاً ما كانوا احتاجوا إلا للعيبة البارزين من برات الشام ، ومع هيك أنا مالي مع هالنظرية أصلآ .. لأنه بآخر الدوري أنصاب الأزور ومندو وضرار وهدول التلاتة بس يللي من برات الشام بكل معنى الكلمة ، لأنه الشحمة ورأفت كانوا بقواعد الوحدة ، ومع أنه كانوا كل يللي بالملعب إلا تراوري من الشام مع هيك كان الجمهور قليل .. ( ولي ليكون قصدكم على تراوري ) ..
أما إذا كان قصدكم لعيبة من الشام يعني شامي أح بقى هيك فتنا بمشكلة كبيرة يا حبيب القلب مازولا .. وبظن في هيك أندية بالدرجة التانية في عندها هيك ميزات
وهيك بيكون كل أندية العالم ماشية بالغلط .. وبس نادي الكرامة ماشي صح .. يا أخي شو هالكرماوية هدول .. أحسن فريق عربي .. والدليل أنهم ما قدروا يمرقوا من الزمالك يللي كان ناقصه كل الفريق .. ووقت رجع كل الفريق طلع بالمركز العاشر بالدوري .. شي فريق ماكن والله
طبعاً كل الأسباب يللي أنذكرت من الشباب إلها دور ولو كان بسيط .. بس بالنسبة ألي باختصر رأي من كل هاللت السابق وبقول أنه السبب الأكبر هو أنه ما حدا عم يحترمنا .. لا الإدارة بتحترمنا بشروط التعهيد وبتخلينا نفوت بكرامتنا ، ولا اللعيبة بيحترموا الناس يللي قاعدين بعز دين طقة الشمس مشان يشجعوهم ..
لعمى .. بس هنه كمان عم يلعبوا بعز دين طقة الشمس .. مشكلة كبيرة والله ..

[basem]

أنا ضد الرأي أنو كل لاعب بيجيب أهل حارته ... لو كان جمهور الوحدة القديم
الكبير يجي مشان المحملجي أو فلان أو علان ومو مشان الوحدة .. فبصراحة
بالناقص من هيك جمهور .. كل الدول العربية مشان ما نقول الأوروبية في
بالأندية تبعها لاعبين من كل المدن ومو بس من مدينة النادي نفسه .. الولاء
والتشجيع هوه لأسم النادي .. مو لفلان من الناس ...
أنا من ناحيتي هجرت الروحة وقت كنت بسوريا بسبب النورنة والزعرنة يللي
بتصير كتير والمشاكل المتوقعة بعد وأثناء المباريات .. عداك عن السبب الأهم
وهوه الدخول الهمجي والخروج الهمجي والتعامل مع الناس كأنهم خراف ..
( الخراف تحترم أكتر حتى ) ... يعني بصراحة وقت الشبوبية الواحد بيتحمل
هالشي وكل ما كبر فيه العمر بيبدا ينسحب شوي شوي من هالبهدلات يللي
بتصير على باب الملعب وفهمكن كفاية ...

[الصالحية]

بتصير على باب الملعب وفهمكن كفاية ...


حلوة يا بلدي

[عبيدة]

1/بصراحة عودة نزار الها دور كبير
2/الكل لاحظ كيف قل جمهور حطين وتشرين والوحدة لكثرة اللاعبين الغربا بالفريق
3/موضوع 100 مصيبة هي اكبر هم يعني اذا رب اسرة عندو 4 شياطين اعمارهم فوق 10 سنين انخرب بيتو الزلمة بيقوم يا بيروح لوحده يا بيقلهم قعدو نتفرج بالبيت احسن
5/يلي هي الاهم بنظري ضعف رابطة المشجعين يلي هي الها الدور الاكبر

[MW@04]

المشكلة الأساسية هي بالعقلية المتخلفة للجمهور

وشفنا أمثلة كتيرة عليها بالمنتدى :lol:

[الصالحية]

المشكلة الأساسية هي بالعقلية المتخلفة للجمهور

وشفنا أمثلة كتيرة عليها بالمنتدى



فعلا في كتير منهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[حسان1973]

ولك شو قصدكم انتو الاتنين فهموني لشوف يلا :mrgreen: :mrgreen: :mrgreen:

أنا برأي إنو السبب الوحيد هو حب جماهير مدينة دمشق للرياضة أقل منه في المحافظات الأخرى وهذا له أثر كبير فمثلا نادي الكرامة نادي عريق وقديم ونادي بطولات وكذلك نادي الإتحاد والفتوة والحرية يعني الشغلة شغلة عراقة نادي و تاريخه يعني إذا بتعمل إحصائية لفرق العالم كلها بتلاحظ إنو النادي إلي عندو جمهور كتير هو النادي إلي له تاريخ كبير وهاد الشي ليس بالمطلق يعني نادي الوحة لازم يعمل تاريخ لألو لحتى يربي جمهور ويكون كبير وشكرا

انا بقول انو مستوى الفريق هو السبب لأنو يوم فوق ويوم تحت هادا أولاً

اما ثانياً فالسبب حفظ النظام ـ لما روح أحضر مباراة بودع أهلي لأنو يمكن ما ارجع
بسبب الطوشات مع حفظ النظام بالفوتة والطلعة

لازم يلتقى حل لحفظ النظام لانو نحن بشر مو دواب الله يعزكم ـ

[diaa]

المشكلة في قلة حضور الجمهور للمباريات هي :

1- تذبذب أداء الفريق من مباراة لأخرى
2- سعر البطاقة الكاوي
3- تعامل حفظ النظام المأساوي مع البشر
4- توقيت المباريات ( أغلب المباريات تقام ظهراً )

ملاحظة : أحب أن أعقب على قول بعض الشباب أن الجمهور كان يحضر بكثرة لأن اللاعبين من الشام (على رأى عساف خليفة )
بس بدي قول شغلة واحدة
الكابتن المحبوب عساف خليفة مع إحترامي الشديد له ولإنجازاته ولبلده من أين أصله .
الحارس الخلوق سامي جمعة من أين أصله
وإن أردتم أمثلة آخرى للاعبين قدماء أصلهم ليس من الشام فحدث ولا حرج

فالمشكلة ليست بالأصل فنحن نشجع الوحدة لأنه الوحدة بغض النظر من أين اللاعبين .

أول سبب للعزوف الجماهيرى وأهمها هو البهدلة والخناقات يلى عم تصير بالفوتة على الملعب يعنى بصريح العبارة الإدارة كتير مقصرة من هالناحية, فيها بكل بساطة تطلب من إدارة الملعب يفتحوا كل الأبواب

ثانى الأسباب هو المستوى المتدنى يلى عم يقدمه الفريق كلنا بيعرف أيام زمان كيف كان الوحدة يلعب كرة قدم ممتعة وكيف كانت الصحافة تشبهنا بالمنتخب الهولندى " البطل الذى لم يتوج بكأس العالم"

ثالث أسباب العزوف هى المشاكل الأدارية داخل النادى التى تصيب الجماهير بخيبة أمل قبل المنافسات قبل الاعبين.

و آخر سبب هو من أضاع علينا بطولة الدورى هذه السنة و ظهورنا بمستوى متواضع فى أبطال آسيا.

[Abu Waseem]

المشكلة الأساسية هي بالعقلية المتخلفة للجمهور

وشفنا أمثلة كتيرة عليها بالمنتدى



فعلا في كتير منهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ذكرتوني بالفنانين منقرالون بلجرايد وبكل مقابلة بتسمعون وكلهون بيحبو ام كلتوم وعبد الحليم وعبد الوهاب وبيحكو عن موجة الفن الهابطة هالأيام ....وماحدا عرفان عن مين عم يحكو.........ممم
:?