لماذا حضرنا بالأمس و لم نحضر من قبل ؟؟؟؟

[هنو]

مرحبا شباب
أول شي بحب بارك للمجد فوزو و تأهلوا عن جدارة

بس في سؤال محيرني

ليش مبارح جماهير الشام ( و أغلبهم وحداوي ) راحت و حضرت اللعبة و شجعت المجد ؟

و ليش لما كان الجيش يلعب بطولات خارجية ما كان حدا يحضر لعبو ؟










أنا ح جاوب عن حالي :
أنا مبارح ما حضرت بس قلبي كان مع المجد و السبب زوال الحساسية بين الناديين

و لما كان الجيش يلعب كنت كون حريص ع حضور اللقاء
بس للأمانة كنت شجع الفريق المنافس ( و كان كل الملعب متلي )
السبب : أني بكره نادي الجيش لانو مدعوم و كلو وسايط و عم يحارب نادينا سراً و علناً





قأنتو شو السبب برأيكون ؟

[سامو]

يعني متل ما قات المجد كان عم ساعدنا ووقف معنا بالأزمة يلي كنا فيها اما الجيش و بالأخص سويدان عم يسعى و عم يشتغل ليطفي الألق تبع الوحدة بالشام , وبالنهاية (جمهور الشام للوحدة و بس)

[MOH@MAD]

والله وانا معك نادي الجيش تحويشة :evil:
وبشع الفريق المنافس يلي بيلعب معو :twisted:

[غيث كردي]

لسببب بسيط أني أكره نادي الجيش
مبروك majodea و لكل المجداوية يلي عنا بالمنتدى

[الأغا الوحداوي]

جمهور الشام للوحدة وبســـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

[حسان الحسيني]

بس انا لاحضرت لا للجيش
ولا للمجد ولا حتى شجعت ضدهم
عشقي الوحدة وبس

[قطناوي .. وحداوي]

مبروك للمجد .. وعئبال السنة الجاية الوحدة ... الجيش انسى

[M o H a M e D]

بس انا لاحضرت لا للجيش
ولا للمجد ولا حتى شجعت ضدهم
عشقي الوحدة وبس




me too

أنا خطر ببالي سؤال تاني ..
معقول كل هالجمهور الوحداوي أجا ليشجع المجد .. و قبل بكم يوم كان لعبة ناديه و الملعب فاضي ...!!!

هو يمكن الدخول مجانا ساهم بهالحضور ... بس مو لهالدرجة ...!!!

[وسيم (ابن الوحدة)]

أنا مع أي فريق يمثل سوريا خارجيا و ليكن الجيش أو المجد أو الطليعة أو الكرامة أو الاتحاد و كلي أمل بأن يكون الموسم القادم الوحدة

[وحداوي موت]

اكيد الاولوية للبرتقالي باي بطولة
بس المجد على لعبو وعلى اخلاق لعيبتو بيستاهل الواحد يشخعوا خارجيا بس

[alwassouf]

هلآ ماعد في حساسية مع المجد

[wissam82]

أنا مع أي فريق يمثل سوريا خارجيا و ليكن الجيش أو المجد أو الطليعة أو الكرامة أو الاتحاد و كلي أمل بأن يكون الموسم القادم الوحدة
:)):)):))

وكمان المجد بيبقى فريق أغلب لاعبينه دمشقيين .....

[rami832]

اكيد الاولوية للبرتقالي باي بطولة
بس المجد على لعبو وعلى اخلاق لعيبتو بيستاهل الواحد يشخعوا خارجيا بس:ban:ban:ban

[وسيم (ابن الوحدة)]

:)):)):))

وكمان المجد بيبقى فريق أغلب لاعبينه دمشقيين .....

فعلا أخي وسام و ما أجملها من لحظة عندما يكون ممثل سوريا فريق دمشقي بلاعبين دمشقيين

[kashi]

فريق المجد بيستاهل التشجيع

[<IBRAHIM>]

صراحة انا حضران للجيش مباريات اكتر من الوحدة لاني سابقا كنت ما احضر بالملعب غير اللعب بالبطولات الخارجية والجيش كان يشارك اكتر بكتير
وهلاء لو كنت بالشام وفي لعبة خارجية للجيش فلح احضرها كمان
لانو اني اظهر عظمة بلدي لباقي العرب اهم بكتير من مشكلة مع مجموعة اشخاص

[همام]

فكري لعبة الجيش بدوري أبطال العرب ضد الهلال قبل ما الوحدة يشارك كان الملعب فيها معبى و أنا كنت بالملعب و الفوتة كانت بـ 100 يمكن و كل الجمهور كان مع الجيش
يوميتها كان الهلال فايز 2-0 و باخر خمس دقايق حط الجيش جولين قام تعادل و يللي حطهم البديل أحمد حريري يللي نزل اخر شي و يوميتها صار المدير تبع فريق الهلال حط عقالو بالأرض و بلش ينطوط عليه :chee2

[inzaghi 9]

سيدي السبب معروف

وهو الحساسية الكبيرة بين الوحدة والجيش

وقلتها مو غيابها مع نادي المجد

[الوحدة يا عشق كل دمشقي]

لك احلا شي احضر لعبة للجيش .. وشجع الجيش.. بالمنام ما استرجيت احلم فيها ..خفت يطلعلي سويدان لأنو :cool:بس مبارح صحيح كان في جمهور .. بس وين وين جمهور الوحدة صحيح كلو او تلت رباعو من الوحدة بس فائسةةةة .. ما حلوة اللعبة من دون الوحدة .. وطول الوئت يحكو مجداوية وانا وحداوية .. بس الصراحة .. المجد بيستاهل التشجيع .. لأنو لعب مو طبيعي مبارح .. بس انو تطلع كلمة مجد من تمي لألأ بس وحداويةة ... انشالله السنة الجاية بكون الوحدة

[وحداوووي]

جمهور الشام وحداوي وبس
أما الجيش جمهوره تحويشة متلو :shock: يعني كتيبتين حفظ نظام بيعبو ا الملعب :roll: ولأنو أبداً مابيحبوا الخير للوحدة لأنو شوكة بحلقهن:bs)

[الرومانسي الحزين]

وقوف اداراة ولاعبين المجد معنا والمدرب الفقير وحداوي هو من شجعنا للحضوووووور
ولكن يبقى العشق الازلي للوحدة
الدمشقي

[حسام الوحدة]

السبب سويدان الجبان السمان ؟؟؟؟؟؟
انا مع الوحدة وبس

[yanalooo]

أنا عندي رأي أول شي مبروك لنادي المجد وعقبال الطليعة وتاني الشي بتمنى من جمهورنا جمهور نادي الوحدة متل ما حضر بمباراة المجد يرجع ويحضر وبقوة بمباريات فريقه الأغلى نادي الوحدة وأنشاء الله بالتوفيق لنادي الوحدة البرتقالة الدمشقية
:fw :fw :fw :fw
جهور الشااااااااااام للووووووووووووحددددددددددددة وووووووبسسسسسسسسسسسس
:fw :fw

[أغيد الفرا]

و الله لو كانت لعبة للجيش ما كنت حضرت !
ما بحبو لهلنادي .. على الأقل مع المجد مافي حساسية