ماهر السيد على ستار اف ام [الأرشيف]

مشاهدة النسخة كاملة : ماهر السيد على ستار اف ام

noel

10-13-2010, 12:00 PM

اول شي انا تعمدت حط هل موضوع بقسم المحلية لاعتبار كثيرين من الشباب موضوع ماهر ما بخص الوحدة.

هاد تقرير عن المقابلة:

ما هر حكى قريب الساعة و محور كلامو الوحدة و النادي

و يلي فهمتو من اللقاء
--------------------
ماهر ما بدو نادي الجيش لأنو مشاعروا كلها للوحدة
ماهر بالحرف قالها انو قلبو مليان حنين و شوق ليلبس القميص البرتقالي
ماهر اعترف انو انتقالوا للجيش هو غلط كبير بس كان لظروف ضغط من طرفين
ادارة الشومان - ادارة السويدان يلي عملت شغلات مو رياضية
ماهر احتفالي ضد الوحدة نتيجة ضغط الجمهور يلي ما كان متوقع يشتموا بهل طريقة
((دخلت المباراة و الكل بنادي الجيش يحسب جمهور الوحدة عليي لأتفاجئ بمسبات لا احد يرضاها فاحسست بشماتة من لاعبي الجيش هذا هو حمهورك!
ماهر مستعد لتوقيع عقد لسنين مع الوحدة حصرا
ماهر لا يتدرب حاليا
ماهر لن اكون سعيد إلا بنادي الوحدة و مستعد لأي تنازلات كرمال مثل النادي
ماهر اكد انو علاقتو بالمحروس و القوطرش جيدة و ما في اي مشكلة
------------------------------------
هي مختصر المقابلة تقريبا بما يخص النادي يعني ماهر عندو رغبة و شوق يلعب معنا

رأيي ازا بيفيد النادي فنيا و بعتقد ماهر بفيد اي فريق بشكل فني
لازم نوقع معو حتى لو بينا و بينو تارات و كره كبير او حب كبير و نحنا ما بهمنا غير يلي بفيد الوحدة فقط

sameer

10-13-2010, 12:04 PM

ماكان لازم ينسب ماهر من القلة المندسة بين الجمهور , وهاد رأيي من زمان وماهر ازا بفيد الوحدة وضمن خطط نزار يا أهلا وسهلا برجعتو

الكتلوني

10-13-2010, 12:11 PM

يعني اذا مافي سيرة الولد قصي في سيرة هاد التاني

:crdy:crdy:crdy:crdy:crdy:crdy:crdy

أبو عامر

10-13-2010, 12:12 PM

انا شخصيا اتمنى عودة ماهر السيد مو مشان ماهر مشان النادي وبس ليكون موسم برتقالي بكافة المقاييس انشالله والله ليصير عنا خط وسط مرعب
سي الشيخ والسيد والراشد وعلي صلاح وعبد الرحمن عكاري قدام شي بيخوف يا جماعة قشعر بدني
هههههههههههه

bmekhaled

10-13-2010, 12:15 PM

لك حاجة بقى
لو مو النية عاطلة ما بيلبس إشارة الكابتن و بس بلعبة الوحدة
كل شي بدو يبرره يبرره بس قصة شارة الكابتن ما عم تروح من بالي

خلصنا نادينا تحضر السنة بدونه .. أنو مصلحة و أنو بيفيد و أنو بلوط ؟!!

وحداوي متغرب

10-13-2010, 04:23 PM

يللي متابع سيرة ال السيد بالوحدة ابتداء من حسام و نهاية بماهر بيعرف النتيجة ثرثرة و ذبذبة و محسوبيات و مؤامرات يعني بعد الجنان اللي جنو بتسجيلو الاهداف ضد الوحدة بنصحو يمحي اسم الوحدة من راسو ولا محسب حالو مفتح بين عميان؟؟؟؟؟؟؟؟؟؟؟

wissam82

10-13-2010, 04:40 PM

أول شي يعطيك العافية يا غالي ع الموجز يلي كتبتلنا ياه عن المقابلة
ووضحت فيه النقاط الرئيسية يلي حكاها الكابتن ماهر ..

تاني شي برأيي هالكلام يلي حكاه ماهر ممكن كتير يضره ويأثر عليه بنادي الجيش
إذا بقي عندهم الموسم القادم ..

بكل الأحوال الله يختار يلي فيه الخير لنادينا وللكابتن ماهر ..

ابن الصالحية

10-13-2010, 04:40 PM

والله احترنا
احسن شي هي الشغلات نتركها للادارة بتفهم فيها اكتر اذا مصلحة النادي بتقتضي انو يجي حي يجيبو ويوقعو معو بس اذا ما لن مصلحة معو فما رح يوقعو معو
هنن ادرى

وحداوي انا

10-13-2010, 04:51 PM

القرار عند الامبراطور و صراحة

انا ما بتمنى رجعة ماهر ابدا

الشي يلي ساواه ما عم احسن

انساه يا جماعة :mad:

بعد الحب يلي قدمناه و الدلال يلي

نزل عليه من الجمهور و الداعمين

بلحظة بينسى كل شي

love barca or die

10-13-2010, 06:00 PM

نشالله ماهر عالوحده يا رب

wassim80

10-13-2010, 06:14 PM

استغفر الله العظيم ..!!!!!!!!!!!!!!!!!

عمرالزهر

10-13-2010, 07:15 PM

نشالله ماهر عالوحده يا رب

امين يااكرم الاكرمين

وحداوي- وبس

10-13-2010, 07:46 PM

انا سمعت المقابلة ومبين من كلام ماهر انو مابدو يلعب الا للوحدة
وهو اعتذر عن فرحتو بالجول الاول
نشالله عودتك قريبة ياكابتن ماهر

SH@@MI

10-13-2010, 08:06 PM

بالتوفيق للوحدة فقط

ويفضل يضل بالجيش

برتقالي للعظم

10-13-2010, 08:30 PM

لا حول ولا قوة إلا بالله

حشات الدكر قرفت اتفرج عالمسلسلات بالتلفزيون من قد ما عم شوف مسلسلات معتة بهالمنتدى
نفس الأشخاص يلي سبوا ماهر وشتموه لما سمعوا بخبر انتقاله للجيش هنن نفسن يلي عم يتمنوا يرجع ويهللوا وكل كم يوم بينزل موضوع مشانه

سعدي ببوسسسس ايدك سكرلنا هالموضوع

أبو شام

10-13-2010, 10:11 PM

ماهر غلط ..واعترف بغلطو ..
وهاد الكلام اذا كان قايلو تمام فهو كلام بيعبر عن ندم كبير بقلب الزلمة ..
والندم بيغسل الخطا..
بس يا ماهر نحنا ما فينا نفيدك ..
اذا اب حامد بدو ياك فرح نقلك اهلا وسهلا ببيتك ..
واذا ما بدو ياك رح نقلك انت يلي تركت بيتك وتحمل نتيجة خياراتك ..

وحدة قدم و سلة و طائرة

10-14-2010, 12:29 AM

شو بدنا نتحمل من ماهر لنتحمل

انتخابات مجلس الشعب قربت و حسام بدو يرشح حالو عن ريف دمشق ( المليحة ) :cons

مشان هيك ماهر حابب يرجع على الوحدة

قبل 12 سنة ماهر ترك الوحدة و راح على الجيش و سجل علينا كول و ركض الملعب كلوا فرحااااااااااااااااان

حاجة مسخرة بقى

أكبر غلط يرجع هيك لئلوء على نادينا

مادة السيئ أسمه العملي لماهر السيد

وحدة قدم و سلة و طائرة

10-14-2010, 12:36 AM

يلي ساوا هالمقابلة هو عمرو الهاشمي أحد المبروظين و المقربين من ال السيد و يمكن هو صاحب الأذاعة او مديرها أو شي من هيك

و يلي أعد اللقاء يمان القدة صديق مقرب للهاشمي
و اللقاء كله من أجل مصلحة مادة السيئ و مصالحته
و لاننسى أخر أعمال السيد عدم الرد على ابو عمر و التوقيع لفريقه المفضل نادي العسكر , على عكس ما وعد فيه ابو عمر السنة الماضية

( على فكرة التنين الهاشمي و القدة اذا بشوفهم بالشارع ما بعرفهم )
بس منقول من كووورة

abouabdoo

10-14-2010, 01:21 AM

لك ما خلصنا بئا

مو ملاحظين أنو يلي عم يرحبوا بماهر هنن ( أبو 100 مشاركة )

nemr

10-14-2010, 01:28 AM

بيت السيد ما بيجي من وراهون غير المشاكل

bashardo الوحداوي

10-14-2010, 10:54 AM

samer1

10-14-2010, 02:54 PM

ماهر ثروة كبيرة لانادي الوحدة وياريت أدارة
توقع معو بسرعة خلي خط وسط يكون مرعب
بافريق :box:

وحداوي مدريد

10-14-2010, 05:20 PM

والله جمهورنا مو عرفان الهه وين حاطو
بعدين هدول يلي سبو كم واحد شاوي بلا أخلاق

عمار عبار

10-14-2010, 08:04 PM

الله يبعده ويسعد نادينا

iyad

10-14-2010, 11:07 PM

الله يخليك ياماهر ويو فقك حل عنا والله كل جمهور الوحدة مابينسا كيف كان حال الفريق السنوات الماضية بوجود حضرتك

iyad

10-14-2010, 11:11 PM

والله مابعرف شو احكي مابدي حط حالي محلك بس بدي قول لما بدك تلعب لنادي الوحدة لانك بتحبو الله يوفقك وهذا الكلام بيصير لما يريد الملك نزار والجماهير الوحداوية

iyad

10-14-2010, 11:16 PM

وماهر السيد كلنا منعرفك انت لاعب كبير بس مابعرف ليش هيك صار
والقلة يلي سبتك من الشوايا مافيهن مابدي احكي كلمة كبيرة بس عيب

iyad

10-14-2010, 11:18 PM

لانو نسيو انو نحنا بزمن الاحتراف وهدول بدهن يسيؤ لاسمك ولجمهور الوحدة