الكرامة يغرق بمشاكله

[noel]

يغرق نادي الكرامة كل يوم بمشاكله الادارية التي بدأت تلقي بظلالها على الامور الفنية حيث فشل الاجتماع بين رئيس النادي مرتضى الدندشي ومشرف الفريق الأول فارس شاهين والمدرب محمد قويض رغم الاتفاق على موعد في النادي لثلاث مرات ألغيت لعدم حضور الدندشي
ردة الفعل جاءت من الشاهين الذي يتغيب عن حضور تمارين الفريق منذ الأسبوع الماضي مما يؤشر إلى وصول العلاقة بين الطرفين إلى طريق مسدود و قد قدم الشاهين استقالته منذ اسابيع
اما على الصعيد الفني فبعد الابقاء على فابيو و ماكيتي كمحترفين و ما جلبه من مشاكل
خرج الجنيات و العمير و الاتاسي و الخاووج و خالد جنيد قائد شباب الكرامة
الجنيات و الجنيد و الاتاسي سيرتدون قمصان البحارة التشرينية فيما سيوقع العمير للطليعة
و تشير اخبار لخروج لاعبين آخرين

تعاقدات الكرامة اقتصر هذا الموسم على الثلاثي الزينو و الحسين و العبدلله
و ترفيع بعض الشبان فيما تبدو الامور تتجه للاسوء

[noel]

تم تصحيح الاسماء عذرا:):wink:

[طارق الغبرا]

بصراحة أنهيار هيك نادي هو أمتداد لأنهيار الكرة السورية و لا يمكن يكون المنتخب بخير أذا الأندية مرضانة

[<IBRAHIM>]

شي طبيعي اندية تقوم على طفرات وهبات تجار همن البروظة انو باي دقيقة تنهار
وقت كنا نقول للكرماوية انو يلي عم يصير للكرامة طفرة كانو يزعلو
الاندية بسوريا مابيمشي حالها الا اذا تخصخصت فقط لاغير

[&&ledخالدkha&&]

شو بطلو يدعمو ....................
هلق رجع الدعم للجيش وشوي لشرطة
الله يرضى عليكم صفو:blok: بدور

[برتقالي للعظم]

بصراحة أنهيار هيك نادي هو أمتداد لأنهيار الكرة السورية و لا يمكن يكون المنتخب بخير أذا الأندية مرضانة




كلام سليم 100 % بس هلأ الدعم رح يتوجه كلو للجيش والشرطة ورح يجي يوم ونرجع نشوف فيه 6-7 لعيبة من الجيش بالمنتخب متل أول فلا تستغربو بكرة من وجود العلايا والزبيدي وصهيوني وكاوا حسو بدلا من البلحوس وأسماء جيشاوية بحياتها ما شاركت مع المنتخب، متل محمد خلف بزمناتو لما كنا كل لعبة يشارك فيها نتبهدل
قسما بالله لحد هاللحظة ما بنسى مباراة ايران وسوريا بتصفيات كأس آسيا 2000 لما كانت النتيجة تعادل 1-1 وبآخر الوقت ضغط منتخبنا وصحتلوا فرصة ما بتتعوض قام محمد خلف بدل ما يمرر لواحد من 3 لاعبين منفردين من بيناتهن ينال أباظة فضل انو يسدد ولأنو (حصان) بدل ما يشوطها عالغول شاطها على خط التماس بالجهة التانية وبعد هالفرصة صفر الحكم

[وحداوي_موت]

الله يوفق الوحدة الدمشقي و بس

[Orange Blood]

عقبال عند بقية الاندية

وبالتوفيق للبرتقالي في دحر الجميع

[المتيم بالوحدة]

بالتوفيق للبرتقالي

[أيهم القاضي]

بالأساس مرتضى الدندشي بالمناسبات ليتواجد بالنادي وباقي الوقت بشغلو بالإمارات وما عم يستوعب هو وغيرو أنو الإدارة ما بتصير عالموبايلات وضروري تواجد رئيس النادي يومياً بس هي مشكلة رجال الأعمال بدهن النادي وهنن غرقانيين لشوشتهن بالشغل ووقت بيتركوا رئاسة النادي ما عاد يدعموه نهائياً

طبعاً هادا الشي ألو استثناءات متل الاستاذ صفوان نظام الدين:ban

[العرقسوسي]

الله يدب الخلاف
بس برابو عم يرفع من الشباب
هي أحسن شغلة بيعملها نادي الكرامة

[عمار عبار]

للاسف
يبدو بانها
نهاية نادي مجتهد ومتالق