المساعد الشخصي الرقمي

مشاهدة النسخة كاملة : شادي مرعي: سأنضم للمنتخب بقيادة ميلان


noel
09-28-2010, 02:49 PM
ابدى لاعبنا السوري شادي مرعي 33 عام لاعب وسط متميو في نادي لوكيزي الايطالي رغبة كبيرة بالعودة لتشكيلة المنتخب الوطني الاول في الفترة القادمة التي يستعد من خلالها منتخبنا لدخول منافسات كاس اسيا
واتصل شادي مرعي بموقع المحترفين صباح يوم امس الاثنين وابدى اسفه لما وصل اليه حال المنتخب بالفترة الاخيرة
وطلب من اعضاء لجنة المحترفين السوريين باتحاد كرة القدم تقديم اسمه للمدرب الجديد كما اكد انه جاهز للخضوع للاختبارات والمشاركة بالمباريات الودية القادمة شرط ان تكون بيوم الفيفا.

وحول جاهزيته البدنية والفنية قال المرعي : انا حالياً جاهز من جميع النواحي البدنية والفنية واشارك مع فريقي لوكيزي الايطالي بشكل اساسي و بانتظام وانا متاكد انني سانال اعجاب المدرب الجديد الذي سيقود منتخبنا في حال قدومي للمنتخب ومشاركتي معه في المعسكرات والتدريبات وفي المباريات الودية القادمة.
واضاف شادي قائلاً: انا اصبح لدي خبرة كبيرة بالملاعب الايطالية واصبح لي اسم في ايطاليا والحمدلله وارغب بتقديم هذه الخبرة للمنتخب في بطولة كاس اسيا


والجدير بالذكر ان شادي مرعي كان قريباً من العودة للمنتخب عندما كان المدرب الايطالي كابريني سيدرب منتخبنا حيث ابدى الاخير اعجابه الشديد بالمرعيالذي لعب لخمس فرق ايطالية بالسيريا بي و سيو بعد ان تابع له اكثر من مباراة على ارض الواقع لكن تعثر صفقة رعاية المنتخب من قبل شركة غاردن سيتي وقفت حائلاً امام انضمام شادي للمنتخب
و بذلك يكون المرعي ثالث من يعرض خدماته على المنتخب بعد تغيير فجر بعد
عمر ظريف مدافع تشاكارينا في الدوري الارجنتيني الممتاز
و كابي جلو مدافع ألميلو هيراكليس بالدوري الهولندي الممتاز

bmekhaled
09-28-2010, 04:24 PM
شادي مرعي ؟؟!!
ولييييييييي ... لساته عايش هاد ؟؟

ما شاء الله .. كتر الخير !

عدنان شيخاني
09-28-2010, 05:00 PM
بس سمعت انو عمرو 34 سنة والله كبير بدنا لعيبة متل انس واحمد شربيني او عالاقل جورج مراد وجورج مقدسي

انا دمي برتقالي
09-28-2010, 09:06 PM
بس سمعت انو عمرو 34 سنة والله كبير بدنا لعيبة متل انس واحمد شربيني او عالاقل جورج مراد وجورج مقدسي

أنا ما شفت اللاعب ولا بعرف عنه شي..

بس إذا عمره 34 فهادا دوا...

وخصوصاً إنه عم يقول إنه عم يشارك باستمرار وكأساسي مع فريقه فهادا الشي معناها عنده لياقة كاملة...

بدنا لاعب خبرة من مستوى أوروبي لهالمنتخب...

وشادي على ما يبدو من الكلام لي قريته، يبدو أنه الأنسب

برتقالي للعظم
09-29-2010, 07:26 AM
شادي مرعي، ليش ما بيجي عالمنتخب وليش غايب عن الأضواء من وقت ما سافر على ايطاليا

شادي مرعي من مواليد اللاذقية لاعب تشرين سابقا
لعب مع منتخب شباب سوريا ببطولة كأس آسيا 1996 للشباب بكوريا الجنوبية
وبتذكر هدف له على الهند من ضربة جزاء فاز فيه منتخبنا 1-0
زملائه بالمنتخب هداك الوقت : ياسر جركس - مهند الشيخ ديب - فادي عفش - سيد بيازيد - سليم جبلاوي
وشهدت البطولة خروج منتخب سوريا حامل اللقب 1994 من الدور الأول بعد خسارة بالافتتاح مع اليابان 3-1 ومع الصين 2-0 وفوز على الهند 1-0 وعلى قطر 2-0 أيام ماكان عدد المشاركين بالبطولة 10 منتخبات

بظن بعام 1998 انتقل شادي لإيطاليا لأحد فرق سيرا c يعني درجة تالتة وتنقل بعدة أندية

ووجوده بالدوري الايطالي لحد الآن وهو بهالعمر هاد بيعني بأنه عم يقدم مستوى حلو وان شاء الله اذا اجا على سوريا يكون مكسب للمنتخب

wassim80
09-29-2010, 10:25 AM
مين شادي مرعي :roll:

برتقالي للعظم
09-29-2010, 10:48 AM
شبنا أب كريـــــــــــــــــــــم

مين شادي مرعي :roll:


شادي مرعي من مواليد اللاذقية لاعب تشرين سابقا
لعب مع منتخب شباب سوريا ببطولة كأس آسيا 1996 للشباب بكوريا الجنوبية
وبتذكر هدف له على الهند من ضربة جزاء فاز فيه منتخبنا 1-0
زملائه بالمنتخب هداك الوقت : ياسر جركس - مهند الشيخ ديب - فادي عفش - سيد بيازيد - سليم جبلاوي
وشهدت البطولة خروج منتخب سوريا حامل اللقب 1994 من الدور الأول بعد خسارة بالافتتاح مع اليابان 3-1 ومع الصين 2-0 وفوز على الهند 1-0 وعلى قطر 2-0 أيام ماكان عدد المشاركين بالبطولة 10 منتخبات

بظن بعام 1998 انتقل شادي لإيطاليا لأحد فرق سيرا c يعني درجة تالتة وتنقل بعدة أندية

ووجوده بالدوري الايطالي لحد الآن وهو بهالعمر هاد بيعني بأنه عم يقدم مستوى حلو وان شاء الله اذا اجا على سوريا يكون مكسب للمنتخب

W@SEEM
09-29-2010, 12:14 PM
إن شاء الله في حال أستعدوه للمنتخب يكون فعلاً مستواه جيد ويفيد المنتخب بشيء

Khaled Nayseh
09-29-2010, 12:58 PM
مستمر بالدوري الإيطالي لأنو العمر الافتراضي للاعب هنيك أربعين سنة :smile:

wassim80
09-29-2010, 01:17 PM
شبنا أب كريـــــــــــــــــــــم

مو ناقصه المنتخب جلطات . بعدين في لاعبين بدورينا ممتازين وبيفيدو المنتخب
صحيح شو صار بانتر ؟؟ قصدي ميلااااااااااااااااااااااااااااان لساته حردان وماعم يرد على جوالو :b(

برتقالي للعظم
09-29-2010, 01:30 PM
مو ناقصه المنتخب جلطات . بعدين في لاعبين بدورينا ممتازين وبيفيدو المنتخب
صحيح شو صار بانتر ؟؟ قصدي ميلااااااااااااااااااااااااااااان لساته حردان وماعم يرد على جوالو :b(

ليكون سمعان ترطيش حكي انو منتخبنا فاشل ومستحيل يتطور طالما القيادات متل الغسالة الاتوماتيك قام بطل يرد

والله أنا رأيي يرجعوا فجر ويعطوه متل ما رح يعطو ميلان

Khaled Nayseh
09-29-2010, 01:35 PM
صحيح شو صار بانتر ؟؟ قصدي ميلااااااااااااااااااااااااااااان لساته حردان وماعم يرد على جوالو :b(

يا زلمة شو هالمهزلة يعني شو خايف يرد على تلفونو يعني
بكرا بيقلك كنت حاطو سايلنت وهلأ انتبهتلو

هنو
09-29-2010, 02:09 PM
اووووووووووووووووووووووووووووف


و انا عم قول لحالي ليش عطست


تاري الغبرة متر عليه لابو الشود





و بالاحرا مافينا نحكم ع لاعب ماشفناه من سنيييييييييين

المتيم بالوحدة
10-02-2010, 07:24 PM
جيبو الاعبين خلينا نصفون على الرف لانو الرف فاضي:36_11_6[1]:

WALID STAR
10-02-2010, 07:35 PM
:banهلا تذكر بكير كتير :can: