ما هو رأيك بأداء لاعبنا حمدي المصري مع المنتخب؟

[yamen]

السلام عليكم
برأيي حمدي المصري ما قدم الأداء اللي قرأنا عنه في تقارير المباريات الودية الوحداوية
تمريرات عشوائية وتشتيت غير مركز
الهدف جاء من جهته
الخوف من استلام الكرة والتعجيل بتمريرها لغيره
انعدام الهجمات من جهته
وختمها ببطاقة صفراء

هذا رأيي حسب ما شاهدته اليوم في المباراة

يمكن اعذر حمدي لانها المباراة الأولى الو مع المنتخب وبما أنو المنتخب بشكل عام ما قدم المطلوب منه ولكن اللي قدمه حمدي المصري برأيي لا يليق بتوقعاتنا عنه

بتمنى أنو يندمج بشكل أفضل مع المنتخب وأنو يقدم أداء أجمل في المباراة القادمة ان شاء الله

[W@SEEM]

يمكن الحرص أو الخوف من الإصابة سبب أداءه لحمدي اليوم

بس بشكل عام آداء لاعبي المنتخب اليوم ككل أقل من عادي ومافي ولا لاعب أميز من التاني

[noel]

كلامك مو صح حمدي مو لعبان مع لعيبة المنتخب ابدا مشان هيك ما قدم مستوى منيح كتير لكن كان مقبول و سكر زاويتو بالشوط التاني منيح

[ابو احمد]

صحيح الهدف جاء من حهته
انا توقعت منو اداء افضل حسب الكلام اللي سمعتو عنو
بس منرجع منقول انو الفريق كلو ضايع ومالو خطة واضحة
وحمدي اول مرة بيلعب مع المنتخب
الله يوفقو بالمباريات القادمة

[wassim80]

والله عمرك أطول من عمري. حمدي مابين اليوم ويمكن مااتأقلم مع المنتخب لسه
الله يوفقه ويكون نجم قادم بقوة لنادينا وللمنتخب

[محمد ربيع]

لك اللعيبه يلي لازم هنن يئدمو اللعب الحلو ماشفناهم بدك يانا نحكم على لاعب لسا اول لعبه ئلو بلمنتخب

[الوحدة عشقي]

بس يا حبيب انا ما شفتو متفاهم مع اللعيبة يلي بجهتو وهاد هو السبب والخوف من انو ينصاب
بس بالشوط التاني قدم يلي عليه

[SH@@MI]

صعب ينحكم على لاعب من أول لعبة الو مع المنتخب
بكون مشتت منو بدو ياثبت جدارته بانو يكون دائماً بالمنتخب ومنو بيكون غير متأقلم وما بيعرف حدا من اللعيبة

خصوصي انو ما معو حدا من التشكيلة لا من الوحدة ولا من النواعير


بعدين مجرد استدعائه للمنتخب بوضح قديش هاللاعب جيد بالنادي

اللي بكون جيد جداً بالنادي بكون عادي بالمنتخب
واللي بكون سوبر بالنادي هو اللي بكون ممتاز بالمنتخب

[steve]

انا برئي كان مقبول داخل بس سبب هو عدم النسجام مع لاعبين بس مع الوحدة رح يكون عملاق

[سامي حرح]

لسا مااخد عالفريق..ومنيح يلي ماطلع منيح هلق..لانو بالتاكيد لح يشتغل على حالو اكتر معنا..

[wahdawi4ever]

ميسي استدعيه عل المنتخب قبل يومين مارح يعرف يلعب

بدك تقيم لعب حمدي المصري من اول مباراه

[<IBRAHIM>]

حمدي مبين عليه سريع ولياقتو عالية وشويط بس مشكلتو كان متلبك كتير وهالشي طبيعي بالنسبة للاعب اول مرة بيلعب مع المنتخب
اهم شي بلاعب كرة القدم هي الثقة بالنفس واذا كان متلبك مابيطلع منو شي
بس اشتهت ماهر السيء يلعبو بس باص واحد لنشفلو شي رفعة كل مايفوت مع ماهر مستحيل ماهر يرجع يلعبلو باص :crdr

[أبوجانتي]

جيد ومقبول بالتوفيق له ولبرتقالتنا

[steelheart]

حسب ما سمعت انو كان كتير منيح بالمباريات التحضيرية , شو يلي تغير؟؟؟
اذا بدكن بجب بعملو فركة ادن بركي بخاف من لعيبة كمال الاجسام :m(

[خيرو]

حمدي كان غير موفق مبارح ...
حاول يعمل شي بس دائما كان متردد

[wissam82]

ما بيصير نحكم على أدائه من أول مباراة بيلعبها مع المنتخب

وخاصة انه مو متمرن ولا تمرين مع المنتخب لهلئ ..

فأكيد رح يكون في سوء تغطية وتشتت بمهامه بأول مباراة بهيك ظروف ..

وإن شاء الله بالمباريات الجاية بيتحسن أكتر ..

[ميت على قيد الحياة]

الشوط التاني كان جيد
وبشكل عام المنتخب كلو ضايع

[anas128]

بالتوفيق للوحدة ولاعبين الوحدة في جميع المناسبات

[kakaled]

شفتولي:blok::cry ماهر

[هنو]

انا كنت بدي نزل هيك موضوع بس اكيد مو بعد أول لعبة

ع الاقل لينتهي دور منتخبنا و بتمنى نطول :blok:

بس بشكل عام بالشوط الاول كان متردد نوعا ما

بس بالتاني

سكر جهتو بوش الاردنيين بشكل كامل

[RvH]

المنتخب كان سيء بشكل عام

و ما في حدا احسن من حدا

[khaldoun-sy]

برأي الشخصي أنو ما منقدر نحكم على اللاعب مع أول مباراة مع المنتخب، خلينا نتريث شوي. بس الأكيد أنو نال قبول المدرب نزار

[name1906]

مباراة الاردن ماأدى منيح وكان سبب الهدف الذي دخل علينا
لكن بمبارة الكويت ياريتو لعب متل مباراة الاردن
الجهة تبعو كانت مفتوحة لكل الاعبين وهدف الكويت كان بتمريرة منو للاعب الكويتي
شو القصة حمدي

[المتيم بالوحدة]

طيب عم تقولو أول مباراة بس لاعب كرة قدم ما يعرف يلعب باص وين صارة هاي المكتوب مبين من عنوانو:cry::cry:

[نبيل أبو بسام]

ياحرام على هيك رياضة هاد اللاعب لايمت لأي شي بكرة القدم وللأسف الشباب عملو مارادونا وأخواته بدي أفهم شو ماعم يتفرجو علي

[iyad]

كل المنتخب كان ضايع مو بس هو ولازم نعزرو لانو هي اول مباراة الو

[محمد سكر]

والله شفتو جيد بس مامنقدر نحكم عليه من أول لعبة ...

[name1906]

:b(-----------------------

[noel]

بعمركن لا تحكموا ع لاعب من مباراة و خوصا مباريات دولية مو محلية

حمدي لاعب جيد بنادي الوحدة و تأقلم مع خطة نزار 4-4-2 كظهير يساري

راح ع المنتخب لعبو بخطة 3-5-2 كخط وسط

يعني غير خطة و غير لاعبين و بدكن يا يقدم مستوى؟؟؟؟؟؟؟؟

[yamen]

حمدي لاعب جيد بنادي الوحدة و تأقلم مع خطة نزار 4-4-2 كظهير يساري

راح ع المنتخب لعبو بخطة 3-5-2 كخط وسط

يعني غير خطة و غير لاعبين و بدكن يا يقدم مستوى؟؟؟؟؟؟؟؟
لا تأخذني حبيبنا
بس شكلك ما شفت المباراة أبدا:m(
بكل الاحوال والله ما منتمنا الا انو تكون مرحلة مؤقتة ويقدر يتجاوزها ويبدع مع المنتخب ومع الوحدة
بالتوفيق لحمدي المصري

[noel]

لا تأخذني حبيبنا
بس شكلك ما شفت المباراة أبدا:m(
بكل الاحوال والله ما منتمنا الا انو تكون مرحلة مؤقتة ويقدر يتجاوزها ويبدع مع المنتخب ومع الوحدة
بالتوفيق لحمدي المصري

مبلى شفت لمباراتين و حمدي خبص فيهن و هو سبب غول الكويت التاني مية بالمية
اما غول الاردن ما بيحمل مسؤوليتو كتير الحق ع قلب الدفاع ما مسك لاعب داخل الجزاء
بس لاتنسى انك تلعب ظهير دفاع غير انو تكون بالوسط جناح بس لا خطة و لا انسجام بالمنتخب
ع كل حال انا براهن ع مستوى هل لاعب يلي شافو مع المحروس بيعرف انو لاعب سوبر
:))

[iyad]

ياحرام على هيك رياضة هاد اللاعب لايمت لأي شي بكرة القدم وللأسف الشباب عملو مارادونا وأخواته بدي أفهم شو ماعم يتفرجو علي
ياسيد نبيل ليش عم تقول هيك انا بحترم رايك يا اخي بس كمان هي اول مباراة للاعب مع لاعبين اول مرة بيلعب معن حتى بدون تمرين يعني لازم نعطي فرصة للاعب حتى يبين ومشان الله لا تاخذني سلام

[SH@@MI]

ياحرام على هيك رياضة هاد اللاعب لايمت لأي شي بكرة القدم وللأسف الشباب عملو مارادونا وأخواته بدي أفهم شو ماعم يتفرجو علي
بفهم منك انو سجلت بالمنتدى مشان تزت هالكلمتين ال بلا طعمة وتطلع
مشاركة وحيدة عم تحكي فيها عن اللاعب انو سيء
مو بس سيء ساويته لا يمت لكرة القدم بصلة

يا ريت تعذب حالك وتنزل تحضر تمرين واحد ولح تشوف حمدي المصري كيف بيلعب

[أبو همام الوحداوي]

أرى أنه لعب واثق من قدراته وعندو كونترول جيد