لحتى تكمل فرحتنا

[abo yazan]

بسم الله الرحمن الرحيم
يمكن الموضوع يلي رح بحكي فيه ما كتير مهم بس حبيت اطرح الفكرة
نحنا بلشنا هي السنة بشعار ((إيد بإيد نبني الوحدة من جديد))
ومتل ما شفنا تقريبا أنجزنا جزء كبير من الموضوع
يعني صار في ادارة جديدة بقياة الكبير أبو عبدو الله يخليه لولادو ويخلينياه
ومتلو كمان صار في كادر فني جديد ومتميز وأكتر من رائع وبضل كلامنا قليل كتير بالزعيم أبو حامد (زعيم المدربين)
وأهم شي الفريق الجديد كليا وحامل لقب الدوري والكأس بإذن الله لعام 2010/2011
يعني باختصار التطوير صار على جميع الجبهات (متل ما بقولو)
بس في شغلة لسا ما بنيناها وما أضفنالا ولا شي جديد مع إنو الموضوع كان من أوائل المواضيع المطروحة من قبل

لهلأ ما عملنا شي بالنسبة للجمهور (اللاعب رقم 12) والشي الكبير يلي بميز نادينا الغالي عن بقية الأندية السورية
الموضوع مو إنو نرجع الجمهور وبس
لازم يكون في إضافات حلوة
أنا الأفكار يلي عندي أكيد مو شي بالنسبة لأفكاركون ومشان هيك حابب نتساعد بس بشرط يكون الموضوع حكي وفعل مو بس حكي

1- لازم يكون في أغاني جديدة خاصة بنادي الوحدة وبسسس أغاني من النوع يلي بنحسن نغنيا عالمدرجات تكون خاصة بالموسم القادم حصرا ينذكر فيا اسم المحروس ورجالوا
نحنا عنا كتير منون بس المشكلة انو أكترون عم بكون مجرد جملة صغيرة أو كم كلمة بينحوكو بثواني معدودة بس يلي بدنيا أغاني كاملة وطويلة
2- لازم يكون في تنظيم كامل ضمن الجمهور وهي اكيد مسؤولية رابطة المشجعين يلي منشكرون على جهودون
لحتى يكون الجمهور كلو كلمة وحدة وصوت واحد
مثلا انو يوزعو شبابعلى كامل المدرجات
مو بس بالمنصة وبقية الجمهور نايم
ويكون معون مكبرات صوت هنن بيحكو ونحنا منرد وراهون
3- الأعلام على المدرجات بظن انو كل ما زاد عددا رح يكون المنظر رائع جدا ومميز وهي مسؤولية الكل وأولون أنا
4- نكتر من اسم نادينا الغالي عالمدرجات
يعني متل ما منشوف بالملاعب الأوروبية اسم النادي حاملينو مجموعة شباب كل واحد منون حامل حرف طبعا لباسون كلو بلون الأورانج
5- الجمهور كلو لما بيكون لابس لون واحد طبعا هو لون دمنا اللون الأمورانجي أكيد هاد الشي كتير حلو وهي كمان مسؤوليتنا كلنا يعني أنا ما لازم استنا النادي لحتى يوزع كنزات مشان إلبسا الكنزات يلي باللون البرتقالي معباية بالسوق
أنا هاد كل شي حسنت أدمو وأكيد أفكاركون رح بتكون حلوة أكتر
وأكيد هلا الجمهور يلي رح يجي بأول لعبة ويشوف في شي جديد بتاني لعبة رح يكون أول الحاضرين وهيك للنهاية يلي هي التتويج بإذن الله
وبرجع بتعذر عالاطالة
بس حبي للنادي عم يخليني احلم اني فوت عالعباسيين وشوف المدرجات كلا أورانج وبس
يعني مو بس الأدارة لازم تقدم وتشتغل نحنا كمان فينا نقدم كتير
((أنا حضرت السنة الماضية لعبة لحطين باللادقية ومع انون بالدرجة التانية بس شفت الجمهور قريب من الشي يلي عم بحكيه والله كان منظر أكتر من رائع))

[برتقالي للعظم]

أفكار حلوة مشكور حبيبنا

[ابوالعبد الوحداوي]

:wahdawia::wahdawia::wahdawia::wahdawia::wahdawia: :wahdawia:
افكار حلوة كتير خصوصا التنظيم عالمدرجات من توزيع الرابطة والأعلام ولبس كنزات عليها حرف من احرف الفريق بشكل متتالي ...

[ezzatsports]

thank you

thank you

[anas128]

بالتوفيق للوحدة

[برنس الوحدة]

يمكن بتكون بادرة جديدة وحلوة ويمكن لسا ما صارت بالوطن العربي لو قامت الادارة بتعين جالب حظ متل يلي بكون باوربا ويكون على شكل برتقالة بيتولى امور تحميس الجمهور و تشجيعة :chee2:chee2

[وحداوي- وبس]

مشكور عالافكار

[f.torres]

افكار حلو كتير
بس بيقصها التطبيق

[أبو جمال]

مشكور أبو يزن عالأفكار الحلوة والضرورية

[فادي النابلسي]

يعطيك العافية شي حلو وعم ننتظر من الرابطة شغلات حلوة وبالنسبة للأخ يلي كتب عن جالب حظ على شكل برتقالة كمان فكرة حلوة

[SH@@MI]

يعطيك العافية

وان شاء الله اذا ظبطت الشغلات اللي عم نحضرلها (أو عم يحضرولها بعض الأخوة) لح يزيد الجمهور ويرجع القسم اللي ترك الملعب

[أبو همام الوحداوي]

أفكار الأخ أبو يزن بمحلها

فكرة تحميس اللاعبين :chee1فكرة سديدة أثناء التقدم أو- لا سمح الله - مع التأخر أيضاً

لأنو ثقافة الفوز يجب أن تزرع في النفوس

[رامي الوحداوي]

أفكار حلوة

والرابطة ما بتقصر إن شاء الله

[محمود10]

الله يوفق للنصفق

[steve]

ان نشاء لله رح يصير هادا شي يلي كنا منتظرينو من زمان وشكرا ايلك على لفكرة لحلوة:chee2

[steelheart]

افكار حلوة وانا كنت عم فكر انو نعمل علام كبيرة ونحط عليها شعار يكون خاص بنادي الوحدة

[khaldoun-sy]

شباب كتير حلوة الفكرة، ممكن كمان يكون في لحشات تنحمل بالايدتين وتتوزع لأكبر قسم من الجمهور وبتنرفع بوقت واحد، يا سلام ولله شغله هي بكرة بالشتويةبتشكل لوحة حلوة

[khaldoun-sy]

والأحلى من هاد وهاد (الموجة البشرية) يلي اشتقنالها كتير :lol::lol::lol::lol::wahdawia:

[khaldoun-sy]

أحد أهم العوامل يلي بتساعد فريقنا كمان هو وجود رئيس النادي الاستاذ أبو عبدو، كلنا بنعرف الجهد الكبير يلي عم يبذلو أبو عبدو تحديداً وأنو الو فضل كبير بعد فضل الله على النادي أنو رجع البسمة من جديد على وجوه عشاق البرتقالي، الله يعطي الصحة والعافية وراحة البال. وأنا متأكد أنو مابفارق النادي وحيكون داعم كبير، بس حبيت اطرح الموضوع للتذكرة.

كلنا بنتذكر بـ 2004 كيف وقتها الاستاذ صفوان ما فارق الفريق وكان دائماً جنب لجنب مع نيناد والكل كان على قلب واحد متل هلأ 2010 -2011 ووقتها أخد الوحدة بطولة الدوري

لهيك الأمل كبير كتير السنة بعون الله، والله معك ياوحدة

[بولت]

يمكن بتكون بادرة جديدة وحلوة ويمكن لسا ما صارت بالوطن العربي لو قامت الادارة بتعين جالب حظ متل يلي بكون باوربا ويكون على شكل برتقالة بيتولى امور تحميس الجمهور و تشجيعة :chee2:chee2

عنجد فكرة ممتازة
كمان لازم الجمهور يلازم الفريق دائما يعني لا قدر الله اذا تعادل ما يقل الجمهور بالمباريات اللي بعدها

في فكرة تانية إنو الأدارة تعمل أشتراك بسعر خاص لكل المباريات اللي بيتصير بأرض الوحدة حتى يضمنو أكبر عدد من المشجعين

بالتوفيق للوحدة:can:

[أبوجانتي]

أفكار حلوة

[المتيم بالوحدة]

أفكار حلوة كتير بس منتمنى يبلش الدوري حتى نبلش نطبقى
:chee1:chee1:chee1:chee1:chee1:chee1:chee1:chee2:p rm

[lampard syria]

اي والله معك حق اخي

[WALID STAR]

الجمهور كلو لما بيكون لابس لون واحد طبعا هو لون دمنا اللون الأمورانجي أكيد هاد الشي كتير حلو وهي كمان مسؤوليتنا كلنا يعني أنا ما لازم استنا النادي لحتى يوزع كنزات مشان إلبسا الكنزات يلي باللون البرتقالي معباية بالسوق


ذكرتني بالجمهور الهولندي:f) الأورانجي الرائع على المدرجات:smile:

مشكووووووووووووووووور:f) للأفكار

[ابوهشام]

افكار حلوة

[ابو يامن]

انا برأيي اهم الشي انو كل الجمهور يلبس لون واحد وهوي طبعا البرتقالي وفكرة الاخ برنس الشام حلوة كتير انو يكون عنا جالب حظ مو انو نحن مآمنين انو لح يجبلنا حظ بس شغلة حلة هيك منكون اول فريق بالوطن العربي عمل هل الشغلة ياريت تفكروا بجد بهل الموضوع وشكرا

[أبوجانتي]

شكرا جزيلا

[انا دمي برتقالي]

شباب كتير حلوة الفكرة، ممكن كمان يكون في لحشات تنحمل بالايدتين وتتوزع لأكبر قسم من الجمهور وبتنرفع بوقت واحد، يا سلام ولله شغله هي بكرة بالشتويةبتشكل لوحة حلوة

هي الفكرة مهمة كتير وبسيطة.. بس تأثيرها رائع جداً وشكل الملعب بيصير أحلى وأحلى يعني مو بس جمهور وبس وخصوصاً عاللون الأورانج...

لحشات أورانج مع كل الجمهور دون استثناء منرفع إيدينا ومنلولح فيها طوال الأهازيج... تأثيرها رائع و وبيعطي وهرة مو طبيعية...

لي شاف الجماهير الإنكليزية والاسكتلندية بيفهم عليي تمام...

المنظر بيكون رااااااااااااااائع وحضور جماهيري مؤثر وما بيهدى طوال المباراة...

......................

وبالتوفيق للوحدة يلي اشتئناله كتير

----------------------------------

[انا دمي برتقالي]

أنا برأيي لحتى ما تبقى هي الأفكار مجرد كلام، لازم الرابطة تعمل شي بخصوص تنظيم الجمهور، إما من خلال مراكز مؤقتة حوالي الملعب قبل المباراة بساعتين أو بالنادي نفسه وعمدار أيانم الأسبوع لي بتسبق المباراة... لأنه لتنظيم هالشغلات وتطبيق هالأفكار بين الجمهور صعب يصير بمحاولات فردية...

إذا من أول مرة طبقنا الظاهرة بشكل واضح وجميل فبعد مباراة مباراتين بالكتير رح يطبقها بقية الجمهور بالكامل ولحاله... يعني رح تصير عادة وموضة...

[انا دمي برتقالي]

أهم الشي بالمباراة إنه ما نام ونسكت، وحتى لو كان فريقنا نايم...

كلكون بتتذكروا السنة لي أخدنا فيها الدوري كيف إنه تلترباع المبارايات جبناها بآخر عشر دقايق واحد بسبب تبديلات نيناد الله يرحمه تنين بسبب الفورة لي يفورها الجمهور بهل عشر دقايق الأخيرة... كان الفريق يقلب إعصار وقت الجمهور يفور هالفورة العجيبة...

وقت كان الفريق ينام ويسهى باللعبة، أو وقت كان الفريق التاني يبلش يصير خطر عمرمانا، جمهورنا لي كان يرجع الفريق للجو...

لسعتني متذكر مباراة الاتحاد ويلي فزنا فيها 2-1 بآخر عشر دقايق بعد ما سجل الاتحاد هدف التعادل فز الجمهور متل الإعصار يشجع الفريق ويشد همته وفعلاً انقلبت الأمور وضغط الوحدة عالاتحاد حتى جاب الهدف التاني غصب عنن...

ومباراة القرداحة بالشام 1-0 وكانت مباراة صعبة...

ومباراة المجد لي فزناها 3-2 بصعوبة رهيبة وبآخر عشر دئايئ تقريباً...

ومباراة حطين لي تقدم علينا 2-1 وقلبها الجمهور 3-2...

مباريات ما بنساها للوحدة وجمهوره...

وقوول الله يا وحدة....

:wahdawia::wahdawia::wahdawia::wahdawia::wahdawia: :wahdawia:

وبالتوفيق للوحدة

[انا دمي برتقالي]

وآخر ملاحظة وهي مهمة كتير، هي شغلة لاحظت إنها تكررت كتير بالفترة الأخيرة وسواءً بالسلة أو القدم...

ألا وهي مرض الشتائم والمسبات...

جمهور الوحدة كان من أفضل الجماهير من حيث أناقة تشجيعه وأساليبه وأهازيجه لي ما ضل نادي بسورية وحتى الأردن ما سرقها، لكن للأسف بالفترة الأخيرة (سنتين أو تلاتة) لاحظت إنه صار في بعض المسبات ويلي كانت تصدر بشكل فردي من البعض والقلة من الجماهير تجاه الفريق الخصم أو الحكم وبسبب وبدون سبب...

رجاءً رجاءً رجاءً هي السنة لازم نحارب هي الظاهرة وما نسمحلها تظهر وأبداً مشان ما تنتشر ويصير جمهورنا متل بعض الجماهير التانية...


بعرف كتير صبايا وناس ومنن رفقاتي كانوا يجيبوا أهاليون عمباريات للوحدة بس بآخر تلات أربع سنين بطلوا بسبب هالشغلة لي ما كانت من عوايدنا...

جمهورنا جمهور مميز وإله نكهته الأقرب للأوروبية.. وهو غير عن كل شي جماهير تانية بكل الوطن العربي...

وهيك بدنا ياه يضل وفريقنا بيستاهل

[انا دمي برتقالي]

بدنا من الرابطة تألفلنا وتعلمنا شي غنية خاصة بالوحدة يكون فيها نفس طويل وصوت جهوري وطويل متل أغاني الجمهور الإنكليزي وخصوصاً وقت بيغني النشيد الوطني للمملكة قبل بداية مباراته...

وعندون غنية تانية أغلب كلماتها مقاطع صوتية طويلة وهنن مو شاطرين بالأوبرا ولاشوي، ولا نهم وحوش ولا شوي اسمالله عليون... بيغنوها أكتر شي وقت مباريات المنتخب الإنكليزي وأكتر شي وقت بيكون منتخبون ربحان والجماعة مصطهجين وبالشوط التاني خصوصاً... ايه الملعب كله بيسكت وبيسمعلون...
وقت بيغنوها الملعب كله بيصير مشحون بالرهبة الإنكليزية المعروف عنها هالجمهور الفريد من نوعه...

فبدنا هيك غنية تكون طويلة خاصة بالوحدة (مو أقل من خمس دقايق وبتنعاد) ومقاطعها الصوتية تكون طويلة وبطيئة وتكون أشبه بالأوبرا الإنكليزية... وبدنا ياها خاصة بالوحدة مشان ما حدى يسرقها من الجماهير التانية....

شوفوا الجمهور الإنكليزي بهاللقطة الحلوة
http://www.4shared.com/video/fcigDNSX/English_fans_sing.html

حجم الملف 5 ميغا

[WALID STAR]

لو يرتدي الجمهور فانيلة برتقالية

يصبح المنظر جميل

مثل الجماهير الهولندية :f)الرائعة

[عمرالزهر]

الله يعطيك العافية مخ ثقلو ذهب

[abo yazan]

ااااااااااااااااااااااااااااااااااااااااا

[ابن الصالحية]

بالتوفيق لنادينا وان شاء الله نحنا مارح نئصر بنوب
:fb :fb :fb :fb
احلى شي فكرة اللحشات وانا برايي الادارة تصنع ونحنا مننزل نشتريها من النادي
وصراحة انا متأثر اكتر شي بالتشجيع الالماني كيف عندن حتى لو خسر الفريق بيضلو معو لاخر لحظة عم يشجعو حتى لو خسران بفرق كبير يمكن كلنا شفنا جمهور شالكة شلون بهالموسم لساتو مساند الفريق مع انو وضعو سيئ للغاية
وشكرا عالافكار

[المتيم بالوحدة]

اذا صار هاد الشي وصارت المدرجات ممتلئ بالارانج بتصير الفرق التاني تخاف تلعب عنا:chee1:chee1:chee1:wahdawia::wahdawia::fw:fw:fw :fw:fw

[انا دمي برتقالي]

بالتوفيق لنادينا وان شاء الله نحنا مارح نئصر بنوب
:fb :fb :fb :fb
احلى شي فكرة اللحشات وانا برايي الادارة تصنع ونحنا مننزل نشتريها من النادي
وصراحة انا متأثر اكتر شي بالتشجيع الالماني كيف عندن حتى لو خسر الفريق بيضلو معو لاخر لحظة عم يشجعو حتى لو خسران بفرق كبير يمكن كلنا شفنا جمهور شالكة شلون بهالموسم لساتو مساند الفريق مع انو وضعو سيئ للغاية
وشكرا عالافكار



يا ريت جمهورنا يتحلى كله بهي الروح هالسنة... وهوي أصلاً دايمن كان هيك ومانه بحاجت حدى يزكيه أو يعلمه الأصول


بس لعل الذكرى تنفع المؤمنين



وحداوي.... أصيل...

وشو ما صار يصير...

[الكتلوني]

والله اذا فوق هدول بيحطو صور اللعيبة بشكل كبير بيعطي المدرجات حلاوة اكتر

[steelheart]

بالتوفيق لنادينا الغالي

[غيفارا الشام]

أب يزن الورد يسلمو على هالموضوع الحلو
أنا ما لحقت أقرأ كل ردود الشباب رفقاتنا لذلك رح قول أقتراحاتي حتى لو كانت مكررة فسامحوني

1- بالنسبة للأهازيج : أنتشرت عنا بالتسعينات هوارة للوحدة رح أكتب يلي متذكرو منها و بشكل عشوائي و أتمنى جمعها و صياغتها بشكل جيد علماً بأن الهوارة هي بحر و بمنقدر نطول الهوارة قد ما منقدر :

- هور يابو الهوارة ، دبرها و مالها دبارة ، كلهم بدهم على قدهم و الوحدة بدو الصادرة

هوارة وحداوي الشام ، هوارة
و يا سلام ضروب سلام ، هوارة

هوارة وحداوية ، هوارة
نجم الكورة السورية ، هوارة

- أما بالنسبة للأعلام
فعمو الشرطي بياخدها مننا قبل ما نفوق عالملعب متحججاً أني ممكن أقتل فيها حدا ( لأنو جاية خانق أنا)

- و بالنسبة لللباس : أنا كنت بالنادي و طلبت لباس الفريق لأني شخصياً بحب ألبس لباس النادي أكتر من أطقم الأندية الأجنبية .... ولكن دون جدوى - لا لباس ولا جوارب و عليها لوغو النادي ولا حقائب و عليها لوغو النادي ... بئا برأيي أنو من المربح للنادي أنها تعمل أطقم إضافية للبيع و تكون نفس أطقم النادي يعني في فرق بين طقم برتقالي و عليه لوغو النادي و بين طقم برتقالي و عليه لوغو هولندا مو هيك شباب ؟؟؟

تحياتي

[ziad73]

:wahdawia:
انتظرواااااااااااااااااااا
الوحدة
:wahdawia:


الإعصار القادم من دمشق








:wahdawia::wahdawia::wahdawia:

[ابن الصالحية]

بانتظار رد على الافكار من المسؤولين بالنادي وتطبيقها
لازم نضل الجمهور المميز بالتشجيع لانو هي من اهم الميزات بنادينا

[العرقسوسي]

مشكور فكرة كتير حلوة
وبظن الألتراس رح يكون غير شكل هي السنة
وموعدنا بــ29 الجاري بالعباسيين

[abo yazan]

أب يزن الورد يسلمو على هالموضوع الحلو

تسلم حبيبي
بتشكرك عالمشاركة الحلوة
بالنسبة للأهازيج : أنتشرت عنا بالتسعينات هوارة للوحدة رح أكتب يلي متذكرو منها و بشكل عشوائي و أتمنى جمعها و صياغتها بشكل جيد علماً بأن الهوارة هي بحر و بمنقدر نطول الهوارة قد ما منقدر :
هاد يلي بدنيا يعني لو كل واحد بيعمل متلك وبيكتب يلي بيتزكرو وباضافة بعض التعديلات بيطلع معنا شي حلو كتير ما عم نطلب تأليف أغاني جديدة بكفينا نرجع الأديم
أما بالنسبة للأعلام
فعمو الشرطي بياخدها مننا قبل ما نفوق عالملعب متحججاً أني ممكن أقتل فيها حدا ( لأنو جاية خانق أنا)

الشوايا ما عم يخلونا نفوت الحمالة تبع العلم أما العلم لوحدو (القماش بس) بفوت عادي وهاد بكفينا مبدئيا والشاطر فينو يدبر حالو ويفوتو كامل للعلم طبعا هههههههه
و بالنسبة لللباس :
أما بالنسبة للباس إذا الإدارة ما عملت
فنحنا فينا نعمل إذا بتروح لأي محل ألبسة رياضية بفصلك بس طبعا بدو يكون في كمية بظن مو أقل من خمسين طقم وأنا بتأكد من الموضوع صاحبي بيشتغل بهالشغلة وأكيد إذا بدنا نعمل كمية الشباب كلا جاهزة لحتى تاخد
أما إذا ما حسنا ما بضل قدامنا غير انو نلبس أي شي المهم اللون البرتقالي

هاد رأيي ويا ريت الشباب يحكولنا آراؤون وأهم بالنسبة للأهازيج

[علاء]

والله فكرة جالب الحظ حلوة كتير وعجبتني
بس كمان باقي الأفكار حلوة كتيييييييييييييير
والله يوفق

[iyad]

وحياة عيونك وغلاوة الوحدة لنضل نشجع النادي بالملعب حتى لو شو ما صار
والله حيو وحداوية

[محمد660]

بسم الله الرحمن الرحيم

يمكن الموضوع يلي رح بحكي فيه ما كتير مهم بس حبيت اطرح الفكرة
نحنا بلشنا هي السنة بشعار ((إيد بإيد نبني الوحدة من جديد))
ومتل ما شفنا تقريبا أنجزنا جزء كبير من الموضوع
يعني صار في ادارة جديدة بقياة الكبير أبو عبدو الله يخليه لولادو ويخلينياه
ومتلو كمان صار في كادر فني جديد ومتميز وأكتر من رائع وبضل كلامنا قليل كتير بالزعيم أبو حامد (زعيم المدربين)
وأهم شي الفريق الجديد كليا وحامل لقب الدوري والكأس بإذن الله لعام 2010/2011
يعني باختصار التطوير صار على جميع الجبهات (متل ما بقولو)
بس في شغلة لسا ما بنيناها وما أضفنالا ولا شي جديد مع إنو الموضوع كان من أوائل المواضيع المطروحة من قبل

لهلأ ما عملنا شي بالنسبة للجمهور (اللاعب رقم 12) والشي الكبير يلي بميز نادينا الغالي عن بقية الأندية السورية
الموضوع مو إنو نرجع الجمهور وبس
لازم يكون في إضافات حلوة
أنا الأفكار يلي عندي أكيد مو شي بالنسبة لأفكاركون ومشان هيك حابب نتساعد بس بشرط يكون الموضوع حكي وفعل مو بس حكي

1- لازم يكون في أغاني جديدة خاصة بنادي الوحدة وبسسس أغاني من النوع يلي بنحسن نغنيا عالمدرجات تكون خاصة بالموسم القادم حصرا ينذكر فيا اسم المحروس ورجالوا
نحنا عنا كتير منون بس المشكلة انو أكترون عم بكون مجرد جملة صغيرة أو كم كلمة بينحوكو بثواني معدودة بس يلي بدنيا أغاني كاملة وطويلة
2- لازم يكون في تنظيم كامل ضمن الجمهور وهي اكيد مسؤولية رابطة المشجعين يلي منشكرون على جهودون
لحتى يكون الجمهور كلو كلمة وحدة وصوت واحد
مثلا انو يوزعو شبابعلى كامل المدرجات
مو بس بالمنصة وبقية الجمهور نايم
ويكون معون مكبرات صوت هنن بيحكو ونحنا منرد وراهون
3- الأعلام على المدرجات بظن انو كل ما زاد عددا رح يكون المنظر رائع جدا ومميز وهي مسؤولية الكل وأولون أنا
4- نكتر من اسم نادينا الغالي عالمدرجات
يعني متل ما منشوف بالملاعب الأوروبية اسم النادي حاملينو مجموعة شباب كل واحد منون حامل حرف طبعا لباسون كلو بلون الأورانج
5- الجمهور كلو لما بيكون لابس لون واحد طبعا هو لون دمنا اللون الأمورانجي أكيد هاد الشي كتير حلو وهي كمان مسؤوليتنا كلنا يعني أنا ما لازم استنا النادي لحتى يوزع كنزات مشان إلبسا الكنزات يلي باللون البرتقالي معباية بالسوق
أنا هاد كل شي حسنت أدمو وأكيد أفكاركون رح بتكون حلوة أكتر
وأكيد هلا الجمهور يلي رح يجي بأول لعبة ويشوف في شي جديد بتاني لعبة رح يكون أول الحاضرين وهيك للنهاية يلي هي التتويج بإذن الله
وبرجع بتعذر عالاطالة
بس حبي للنادي عم يخليني احلم اني فوت عالعباسيين وشوف المدرجات كلا أورانج وبس
يعني مو بس الأدارة لازم تقدم وتشتغل نحنا كمان فينا نقدم كتير

((أنا حضرت السنة الماضية لعبة لحطين باللادقية ومع انون بالدرجة التانية بس شفت الجمهور قريب من الشي يلي عم بحكيه والله كان منظر أكتر من رائع))

تكرم عينك من بكرة سأوّصي على كم سطل دهان اورانج ودهن المدرجات ، وهيك ما بتشوف إلا اللون الأورانجي
وبعدين وقت المباريات منوقف على الباب وكل مشجع بيدخل إذا بيكون لابس غير الأورانج ( مندهنو) وبعدين بيفوت عالملعب
أكيد أحسن أحلى حل

[abo yazan]

تكرم عينك من بكرة سأوّصي على كم سطل دهان اورانج ودهن المدرجات ، وهيك ما بتشوف إلا اللون الأورانجي
وبعدين وقت المباريات منوقف على الباب وكل مشجع بيدخل إذا بيكون لابس غير الأورانج ( مندهنو) وبعدين بيفوت عالملعب
أكيد أحسن أحلى حل
ههههههههههههههههههههه ما حبيتك بظن انو الموضوع جدي

[abo yazan]

بانتظار رد على الافكار من المسؤولين بالنادي وتطبيقها
لازم نضل الجمهور المميز بالتشجيع لانو هي من اهم الميزات بنادينا
وين الرد يا شباب