هل من المنطقي المطالبة بفريق شباب بالوقت الحالي؟؟؟؟

[WASSEEM]

تحية برتقالية للجميع
سمعنا اصوات تنادي بفريق شاب للبرتقالي و نحن معهم بهذا
و الصحيح أنه يجب علينا ايجاد فريق شاب للنادي قادر على حمل
الراية لسنوات و ماأجمل أن ترى فريق برتقاليا دمشقيا خالصا
نشجعه و نحبه و لكن ؟؟؟؟!!!!!!!!

الادارة الحالية هي التي اسمعتنا كلاما عن فريق شباب سيبدئ
البناء و التحضير له و ان خطط الادارة هي خطط مستقبلية و لكن
هذا لا يعني أننا سنبدأ بالمطالبة بفريق شاب منذ الآن فكيف
لنا أن نرفد فريقنا الأول بلاعبين شباب و لا يوجد لدينا أرضيه
مناسبة للرفد...
فريق الشباب خسر ثلاث مباريات و تعادل بواحدة و عمليا ليس
لدينا لاعبين شباب على قدر الترفيع فهل نجازف بالفريق الأول لكي
نقول أنه لدينا فريق شاب ...
سيقول احدنا هاهو فريق الكرامة جازف لعدة سنوات و حصل اخيرا
على فريق ممتاز سأجيب أن عناصر الكرامة الشابة التي لعب بها
كلها عناصر موهوبة و استطاع الكرامة لسنوات المنافسة على
بطولة الدوري الا أن حصد اخيرا فريقا هو الأفضل في سورية على الاطلاق...

مستوى فريقنا الشاب أقل من أن يتم ترفيعه ليلعب باسم الوحدة و هو
غير محضر و لا حتى فنيا للعب باسم الفريق الأول لذا فمافعلته الادارة
بالتعاقد و لو مؤقتا مع لاعبين من خارج النادي هو منطقي و لو كان
الحل مؤقت و طبعا نحن بزمن الاحتراف و مافعلته الادارة عين الصواب ...
صحيح اننا كنا نتأمل أن تتعاقد ادارتنا مع لاعبين من شطراز رفيع و لكن يجب
اولا ان نتذكر ان الادارة بدات بالتعاقد بعد ان أنهت كل الاندية تعاقداتها و
بهذا فخيارات الادارة كان قليلة بالاضافة الى ان التعاقدات و رفع الاسماء
للاتحاد كان قبل توقيع عقد الرعاية الذي انهى تقريبا كل مشاكل النادي
المالية و من ثم فالادارة تعاقدت مع لاعبين جيدين بشكل عام....
لا نريد أن ننتقد فقط من اجل الانتقاد و علينا الانتظار.
الادارة تعمل كل مافيه خير للنادي و رئيس النادي لم و لن يجامل احد
مهما كان وزنه او اسمه و معروف عن الدكتور ممتاز ملصص مدى جديته
بالعمل و ان انتمائه الرياضي لاسم النادي لا لأسماء ابناء النادي و بهذا فنحن
مطمئنون تماما لعمل هذه الادارة التي على الاقل تعرف ماذا تفعل و ان لم
نحصد الان سنحصد بقادمات الايام ....
وفق الله ادارتنا لكل مافيه خير للنادي و ابناءه.

[السلام]

مع هذا كله شو المشكلة ان نبدا باعداد حقيقي وجدي على ايدي مدربين

غير الموجودين ونحضر فريق للمستقبل

وياحبذا ان يكون المدرب من نادي الكرامة وذلك لخبرتهم الطويلة في هذا المجال كما فعل الكرامة حين تعاقد مع راتب الشيخ نجيب لتحضير فريق لنادي الكرامة

[WASSEEM]

مع هذا كله شو المشكلة ان نبدا باعداد حقيقي وجدي على ايدي مدربين

غير الموجودين ونحضر فريق للمستقبل

وياحبذا ان يكون المدرب من نادي الكرامة وذلك لخبرتهم الطويلة في هذا المجال كما فعل الكرامة حين تعاقد مع راتب الشيخ نجيب لتحضير فريق لنادي الكرامة

البداية كلمة تعبر عن نفسها و البداية يعني الصبر و لا تعني الحصاد
نتمنى فعلا ان يبدا النادي بالتحضير لفريق المستقبل منذ الان ....

[M-AL MN@GED]

والله إذا بدنا فريق شاب من ولاد النادي بدنا نصبر كتير

وفريقنا الشاب مو خرجوا يترفع بنوب بعد هل النتائج يلي عم نسمعها

وبكل الأحوال جمهورنا مالو خلئ يعني هلأ بيقلولك بدنا فريق شاب

بس يعملوا فريق شاب مابيصبروا عليهون وبيصير بدون الدوري دغري

[Radwan]

طالما لن نكون منافسين هذا الموسم على الألقاب فمتى يكون الوقت مناسب للزج بشباب النادي برأيي أن نأتي بمدرب من خارج النادي والأفضل أن يكون أجنبي ويتم إعتماد تقييم منه للمواهب الموجودة بعد إجراء عدة مباريات ودية والزج بمن يقع عليه الإختيار ببعض المباريات في الدوري وأنا متأكد من وجود مواهب ضمن أسوار نادينا ولكنها لم تأخذ فرصتها .

المهم أن يمنع تواجد أي كادر من العاملين في النادي خلال وجود هذا الخبير المختص حتى نستفيد منه ويكون تقريره مفيد .

وعلى الإدارة وضع حوافز حقيقية لهؤلاء الشباب وأن يتم التعامل معهم كمحترفين حتى نأخذ منهم عطاء المحترفين .

[حسان الحسيني]

في حديث لعضو الادارة عماد الشومان
سينشر لاحقا
اكد على البدء بالتحضير لااعداد مدراس كروية
تختص بالناشئة وتكون رافد حقيقي للنادي بعد عدة سنوات

[حسان الحسيني]

على فكرة اذا بدنا فريق صناعو وحداوية 100%
بدنا نستنى اقل شي 10 سنين

[anas128]

اذا مو الشباب الناشئين هي محمد زبيدي من الناشئين على الفريق الاول ترفع

[مستر مدريد]

نحنا منعرف وضع النادي

و منعرف انو ما عنا فريق شباب يترفع على الرجال

طيب ليش ما منبني فريق شباب او ناشئين من هلأ

و منخلي فريق الرجال كما هو طبعا مع تدعيمه ببعض الاسماء الموسم القادم ( انشالله )
و شغلة سنتين بيصير عنا عدة اسماء لترفيها على الفريق الول

بس اهم شي بناء فريق شاب من هلأ

و ابقاء فريق الرجال كما هو

مع الشكر للسيد وسيم

[محمود الحطّيني]

نحنا بحطين متفهمين هل منطق و حصلنا على دوري الاياب و المركز التالت بشكل عام هديك السنة و مع هيك و مع انو عنا 4 بمنتخب الشباب منن 3 ممكن ينحطوا على سكور هل سنة لسا ما استفدنا منن بشكل منطقي

و ليكو حطين هديك السنة من اول 6 لعب جاب نقطة و بعدين بلشنا و ما حدى وقّف بوشنا

برأيي مدرّب الشباب هوّه الأساس بنتائجه و من قبله مدربي القواعد
يعني معؤولة الشام اللي فيها مدري كام مليون نسمة تعجز عن ايفاد المواهب.........مستحيل

[Radwan]

بوجود مدربين من داخل النادي صعب أن نرى مواهب حتى لاتخفي رغبات القائمين على التدريب والحل هو مدرسة كروية ومدرب أجنبي محترف يكون مطالب بنتائج وفق تقارير وإحصاءات دورية عن المدربين واللاعبين في القواعد .

[وحداوي موت]

النقطة يلي بحكيها انا بيحكيها هلا وسيم
انو ما عنا لعيبة متل العالم والناس تترفع للرجال
يعني مافي مواهب متل يلي بالاتحاد او الكرامة
المشكلة عنا بلنادي منجيب الاعب يلي بيجي هو على النادي
بعكس مدربين القواعد بنادي الاتحاد والكرامة
يلي هنن بيروحوا بيحضروا مباريات شعبية وبينقوا لعيبة منها
على كلن الله يفرح احسن شي
طول مافي متل ابو عسكر مستلم القواعد مارح نحصل فريق او لاعبين يكونوا رافدين لفريق الرجال

[wassim80]

انا معكم إنو مافي رافد حقيقي ولامواهب مميزة

وهي مشكلة بحد ذاتها ؟؟؟ معناها في عطل إما تدريبي أو إداري
يعني المدارس المفروض تكون موجودة بنادي كبير متل الوحدة

وبصراحة أندية الساحل بتختص برفد العناصر الموهوبة الشابة بالدرجة الأولى ومن ثم الكرامة والإتحاد والغريب الجيش حاليآ يلي عنجد فاجئنا جميعآ بتشكيلة شابة وجيشاوية بحتة

بس وين الوحدة من كل هاد ؟؟
بدنا ناس أكادميين لأن التعليم الخطأ من الصغر بيضل

[<IBRAHIM>]

اكيد لا بس بنفس الوقت ما بيمنع انو يكون في لاعبين شباب موهوبين بالفريق ومظلومين بوجودن بهيك فريق
غير الاحياء الشعبية يلي مليانة مواهب وبظرف سنة وحدة فيك تجهز لاعب ليلعب بالفريق الاول
لانو اكيد يعني مو معقول انو الشام فضيانة من يلي بيعرفو يلعبو طابة

[wassim80]

أنا بقترح إقتراح برهوم زكرنا فيه وهو :

((( الأحياء الشعبية ))) + ((( المدارس الإعدادية )))

وبقترح إنشاء بطولة على مستوى مدينة دمشق للأعمار الصغيرة
وتكون لها كؤوس وميدايات وحوافز مالية بسيطة

ومن خلالها نكشف المواهب الحقيقيةلأبناء مدينة دمشق و بعين محترفة

[وحداوي موت]

صح وسيم
نحنا يلي كنا من يوم يومنا ننادي فريق الجيش تحويشة
هلا هو اكتر فريق بلدوري السوري عم يلعب بفريق شباب اولاد النادي حصرا
مع لاعبين او لتاته من الاندية التانية بس كلها شباب
متل برهان صهيوني وبعد الرزاق الحسين

[هنو]

اذا بدون يبنو فريق من أبناء النادي يجب استقدام مدرب عالي المستوى فقط للقواعد

[عمر نصري]

المدرب الاجنبي الخبير


هذا ما ننادي فيه دائما


و مع احترامي لأبو عسكر


حاجتو لازم يعسكر بالبيت

[حسان الحسيني]

نحنا بحطين متفهمين هل منطق و حصلنا على دوري الاياب و المركز التالت بشكل عام هديك السنة و مع هيك و مع انو عنا 4 بمنتخب الشباب منن 3 ممكن ينحطوا على سكور هل سنة لسا ما استفدنا منن بشكل منطقي

و ليكو حطين هديك السنة من اول 6 لعب جاب نقطة و بعدين بلشنا و ما حدى وقّف بوشنا

برأيي مدرّب الشباب هوّه الأساس بنتائجه و من قبله مدربي القواعد
يعني معؤولة الشام اللي فيها مدري كام مليون نسمة تعجز عن ايفاد المواهب.........مستحيل
حبيبي الناشئين بالشام بتوزعو على اكتر من 10 اندية بين درجة اولى وبين درجة تانية
والشاطر من الاندية هو يلي بيطلع عندو لاعب فلتة

[inzaghi 9]

الشباب .... ؟؟؟ وحالياً ..... ؟ مستحييييييييييل

فريق الشباب مو خرج يلعب

يعني ما في غير لاعب أو اتنين خرج يلعبوا بس بيضل في احسن منهم بفريق الرجال

غلط تصير هالمجازفة

هي الوحدة بدوري الشباب ما معوا غير نقطة

يعني الشباب لازمهم شغل

صعب ينزتوا على الرجال فوراً


لازم يمروا بتحضير ويكون عندهم خبرة أكتر من هلأ


...

[wissam82]

برأيي مدرّب الشباب هوّه الأساس بنتائجه و من قبله مدربي القواعد

هي فكرتي بالضبط .... :))

مشكلتنا بالقواعد وفريق الشباب والناشئين على وجه الخصوص هي مشكلة مدرب يلي ما قدر يقدم أي شي خلال كل هالسنوات الطويلة يلي اشتغل فيها ...

المشكلة إنه ما عم يقدر يطور مواهب وامكانيات اللاعبين ....

[SAD LoOoVER]

والله لوو بدنا فريق شباب بدنا اكتر من 7 سننووات

المهم هلئ الجوود بالموجود

يعني اللعيبة الشباب ياخدوو فرصتوون

[السلام]

المشكلة أنو كل الأدارات بتعرف انو المدربين تنفيعة بالوحدة ونتائجهم مبهدلة وبيضلوا ساكتين سبحانك يا رب

وبعدين أستاذ حسان الحسيني

قبل ما تقول الناشئين بيتوزعوا على 10أندية بدمشق


قول أنو التطفيش بنادي الوحدة هو سبب رئيسي بعدم التحاق اللاعبين

الصغار بنادينا والتوجه للاندية الاخرى

[inzaghi 9]

قبل ما تقول الناشئين بيتوزعوا على 10أندية بدمشق

قول أنو التطفيش بنادي الوحدة هو سبب رئيسي بعدم التحاق اللاعبين


ما كنت بدي أحكي شي

بس بهي معك حق ...

[يمان القدة]

بدك مانسال عن فريق شاب بتعرف انو لاعبين المجد والجيش معظمهم لعب للوحدة بالاشبال والناشئين بس عمو ابو عسكر ماعجبو مستواهم صرفهم من النادي وهي النتيجة
شوف المجد وين صار وشوف نحنا وين صرنا انا بطلب منك شغلة وحدة بس انك ماتبرر لحدا
واحكي الشي يلي بتقتنع فيه حضرتك كمتابع خبير لكرة القدم

[أغيد الفرا]

حكيك مظبوط أخي وسيم

لازم علينا نصبر على مواهبنا الشابة لحتى تترفع و تصير قد الفريق الأول
و الإدارة عم تشتغل صح بكرة القدم .. والله يعطيهم العافية

[أغيد الفرا]

قول أنو التطفيش بنادي الوحدة هو سبب رئيسي بعدم التحاق اللاعبين

الصغار بنادينا والتوجه للاندية الاخرى

للأسف هي حقيقة

[محمود الحطّيني]

حبيبي الناشئين بالشام بتوزعو على اكتر من 10 اندية بين درجة اولى وبين درجة تانية
والشاطر من الاندية هو يلي بيطلع عندو لاعب فلتة


ايه و عنّى نفس الشي في شي عشر اندية عد بين اللادئية و جبلة و القرداحة و طرطوس و بانياس


و ما ضروري يكون اللاعب فورا فلتت زمانو لأنو دورينا ما بدو كمان هل لاعب الخرافي و ناديكن الأكتر جماهيرية بالشام يعني ما معؤولة أندية تانية تقدر تجذب اللاعبين أكتر منكن بظرف سنة وحدة أو اتنين ممكن تعملوا فريق محترم

[Radwan]

هل تعلمون أن الطفل ليستطيع أن يتدرب في نادي الوحدة عليه أن يدفع بألاف الليرات ؟؟؟؟؟؟؟؟؟؟

كرة القدم هي لعبة شعبية وصعب جدا" أن تكون المعادلة التي يسير عليها نادي الوحدة صحيحة .

المهم والأهم حسب معرفتي الطويلة بنادي الوحدة أظن أن لدينا مواهب ومحجوبة عن الظهور .

[الوحدة يا عشق كل دمشقي]

المشكلة اذا بدك تبلش بفريئ شباب من هلآلآ بدك تستنى عشرين سنة مو عشر سنين لأنو والحمد الله اللعييبة يلي موجودة هلآلآ مو خرج تترفع ولا بشكل من الاشكال ولا بسنة من السنوات الجاية بئى بدك تبلش من فريئ الناشئين ..والصبر مفتاح الفرج ..مع احترامي لكل لعيبة الشباب الموجودين بالنادي

[الرومانسي الحزين]

السلام عليكم
اول شي شباب انا بحترم كل واحد كتب او بدو يكتب وفكرتكم كلها صح ومافيها شي غلط وعجبتني ردود وسام وعامر وهنو ومحمود وعمي ابو اسماعيل
بس ممكن اسالك سؤال وسيم وتجاوبني عليه انت او اي حدا من الشباب
اخي فريق الشباب مافي مين يترفع منو وهالكلام انامعو 100%
بس يا ترى المترفعين وخالصين متل الدراج والشوشرة والموصللي والعكرمة الله يشفيه والطويل وقبلهم شوي الخراط والعاجي ليش ما نلعبهم طالما عم نخسر ونخسر ؟؟؟؟؟؟؟؟؟؟؟ وبدنا فريق شب هي 7 شباب موجودين والله يقدم يلي فيه الخير للنادي

[مستر مدريد]

السلام عليكم
اول شي شباب انا بحترم كل واحد كتب او بدو يكتب وفكرتكم كلها صح ومافيها شي غلط وعجبتني ردود وسام وعامر وهنو ومحمود وعمي ابو اسماعيل
بس ممكن اسالك سؤال وسيم وتجاوبني عليه انت او اي حدا من الشباب
اخي فريق الشباب مافي مين يترفع منو وهالكلام انامعو 100%
بس يا ترى المترفعين وخالصين متل الدراج والشوشرة والموصللي والعكرمة الله يشفيه والطويل وقبلهم شوي الخراط والعاجي ليش ما نلعبهم طالما عم نخسر ونخسر ؟؟؟؟؟؟؟؟؟؟؟ وبدنا فريق شب هي 7 شباب موجودين والله يقدم يلي فيه الخير للنادي


الراي عند المدرب

ليش ما عم يشاركو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

و لو ل 15 دقيقة باللعبة