من مباراة الوحدة والكرامة

[حسان الحسيني]

مثل الوحدة
هلامي
المعتوق الاقرع قيشاني الزبداني
رداوي فيلكس كنان ايمن الخالد
الشحمة موتو
----------------------------------------
وفي الشوط الثاني
خرج الرداوي والمعتوق وايمن الخالد وكنان ديب
والشحمة وموتو
ودخل بدل منهم كل من
احمد الخالد عامر اسلام مهند خراط ياسر شوشرة
عمر خليل عمرعاقل
-------------------------------
سدد الوحدة باتجاه مرمى الكرامة 10 مرات
7 منهم بين يدي الحارس وكانو يفتقدون لقوة التسديدة
و3 كرات بجوار المرمى
هدف الوحدة جاء من هجمة مرسومة وليس من مرتدة
---------------------------------
في سؤال لمدرب الكرامة الكابتن ابو شاكر
عن رائيه بفريق الوحدة اجاب
ماينقص الفريق هداف فقط
وهو من الفرق الجيدة
------------------------------------
بسم الله الرحمن الرحيم

الكرامة والوحدة
1-1
سجل الكرامة أولا عن طريق مهند ابراهيم د25 من الشوط الأول
بعد خطأ مشترك بين الدفاع والحارس

وسجل الوحدة التعادل من هجمة مرتدة د 70

قدم الفريقان مباراة متوسطة المستوى لن ترتقي الى المستوى المطلوب

ويعود السبب الى أرضية الملعب السيئة وخوف لاعبي الفريقين من الاصابة

جرب المدربين جميع اللاعبين وخاصة الكرامة الذي لعب كل شوط
بتشكيلة مغايرة

مثل الكرامة بالشوط الأول

عدنان الحافظ - حسان عباس -ناصر السباعي - محمود معلول - توفيق طيارة -
فهد عودة - سفير أتاسي - عدي عيد - محمد عبد القادر -
مهند ابراهيم -لاندرو

الشوط الثاني

فهد الصالح - فابيو - أنس الخوجة - حسان عباس - بلال عبد الدايم -
- اياد مندو - فهد عودة - محمد الجاجة - يوسف سليمان

سانغو - لاندرو

طارق حوراني - سويدان

[حمودي اليوفاوي]

اللي سجل هدف الوحدة مهند خراط اللي نزل بالشوط التاني

خخخخخ
نبيل الشحمة للمرة الخامسة ع التوالي اساسي
ورغم هيك حالف يمين طلاق اذا بسجل هدف
ولو بمرمى ابو حردوب

[حسان الحسيني]

بس بجد الفريق كان جيد
ووصل لمرمى الكرامة كتير
بس عقدة التهديف هي المشكلة
حتى لو كان في غياب عن الكرامة
الكرامة بالمباراة وصل بين ال5 او 6 مرات للمرمى

[inzaghi 9]

بس بجد الفريق كان جيد
ووصل لمرمى الكرامة كتير


من هالجهة فريقنا ممتاز

ودائماً عم يكون جيد

س - بس ليش عم نخسر أو نتعادل :m(

ج- بالتحديد لانه خطتنا بتعتمد على هجوم شوط واحد
ودفاع الشوط التاني وهيك خطة غلط تطبق إذا ما في مهاجم مميز وموهوب يسجل اهداف

هي مشكلتنا بالتحديد :smile:

[suliman]

كيف كان اداء موتو

[حمودي اليوفاوي]

انشالله يكون المهاجم اللي بدو يوصل اليوم ( كيتا ) منيح
لانو مباراتنا مع جبلة الاربعاء
ومافي اي مهاجم
ماهر السيد مصاب
ونبيل الشحمة قناص للفرص الضائعة

[وحداوي موت]

يا رب التوفيق للبرتقالي
بس حسانو سؤال امانه
كيف كان مستوى غسان معتوق وحسين قيشاني
وعمر العاقل
؟؟؟؟؟؟؟؟؟؟؟؟؟؟؟؟؟؟؟
كل التمنيات للمدرب والفريق بلتوفيق
والكل معهن

[khaled rihawi]

نتيجة ايجابية و اهم شي انو قدرنا نفك النحس و نسجل بمرمى الكرامة و بحمص ممتاز

[هنو]

وين العاجي ؟
لك اله وكيلكون حرام

[nation]

يعني هذا المدرب الفهمان بدو يحرق العاجي

يعني بكره بينزل العاجي وبيقول للجمهور ما سجل هدف شفتو

حاجة وياريت يكون في حل لاعطاء العاجي الفرصة خمس مباريات مثل الشحمة ولنشوف

[wissam82]

مشكور حسون

والله يوفق الفريق بشي مهاجم قناص متل العالم والناس بقى ....

[حسان الحسيني]

غسان كان ممتاز
ونفس الامر على حسين لولا الهفوة بالهدف
عمر لعب شوط وكان اداؤه متوسط

[kashi]

انشاء الله خير

[مستر مدريد]

المهم نفكت العقدة و تعادلنا

[Ammar Alfarawati]

ان شاء الله نستفيد من المباريات ومايضيع تعبهم..

[M o H a M e D]

ونفس الامر على حسين لولا الهفوة بالهدف


لولااااا أنو طعمانا غول كان ممتاز كتير ... :!:

قسما بالله في لاعبين حرام تكون بالفريق ... اللاعب أخلاق أولا ... :idea:

[rami832]

بالتوفيق للبرتقالي

[أبو عمر الحموي]

السلام عليكم

بالنسبة للمبارة كانت كتير منيحة ومستوى البرتقالي كان احسن من الكرامة
صح الكرامة كان ناقص اكتر من لاعب واهمون جهاد الحسين
بس ما مننسى انو الكرامة احتياطو متل الاساسيين
وكان في اكتر من هجمة مرسومة وملعوبة للوحدة
عاب اداء الوحدة كترة التحضير بالكرات العرضية
ولاحظنا اعتماد الوحدة على التسديد من خارج المنطقة وهاد شي منيح

بالنسبة للاعبين تميز كل من :
غسان معتوق - ايمن الخالد - احمد الخالد - الخراط

الهلامي كان كتير منيح لولا كرة الهدف يلي روحت كل تعبو
كنان كان لابأس بس كان عم يعيبو احتفاظو الزائد بالكرة

بالنسبة للاعب الجديد كان عادي جدا وانا شخصيا ما اقتنعت فيه

هاد كلشي ممكن ضيفو على كلام حسان بس في ملاحظة على التشكلية يلي كاتبها حسان لانو التشكيلة كانت على الشكل

هلامي
المعتوق - الاقرع - قيشاني - الزبداني


ايمن الخالد - فيلكس - رداوي


كنان ديب
نبيل الشحمة - موتو

يعني 4-3-1-2
على فكرة انا وحسان كنا عم نتابع المبارة سوا

وبالتوفيق للبرتقالي

[عمر نصري]

بالتوفيق للوحدة

و ان شالله للأحسن

[wassim80]

حكي حلو ..........

بالتوفيئ أهم شي للوحدة .....

ومنشان غسان كتير منيح كان (( هاد الكلام كتير حلو ))))..............

أتوقع أن يكون غسان أساسي بقادمات الأيام ...................