الحملة الشعبية لدعم ناد ي الوحدة؟؟@@

[wahdawia.net]

بسم الله الرحمن الرحيم




مع بدأ اولى نفحات هذا الشهر الكريم


وفي سعيهم نحو دعم النادي


بالشكل الامثل والسبل الافضل




ادارة ومشرفي موقع وحداوية نت يطلقون الحملة الشعبية لاعادة الالق لنادي الوحدة تحت شعار



ايد بايد نبني الوحدة من جديد





في حملة نوعية مكثفة ستكون الاولى من نوعها
على مستوى الرياضة السورية


والمواقع الالكترونية




في بادرة مميزة كالعادة وبحثا عن افضل السبل لدعم النادي



في انحاء دمشق لنشر الاريج البرتقالي في جوانبها
ولدعوة الجمهور للعودة والوقوف خلف فرق النادي من جديد


وذلك عبر عدة طرق :




منها طباعة بروشور تعريفي لتاريخ وانجازات النادي وما يمثله من قيمة عظمى لابناء دمشق


والقيام بتوزيعه بالشكل الامثل


وتتضمن الحملة توزيع هدايا رياضية للجميع


في كل انحاء دمشق


كما تتضمن الحملة عدة انشطة ومقترحات سنوردها لكم تباعا




معا لنجعل دمشق تتزين بالبرتقالي

[عمار عبار]

انطلاقة مباركة باذن الله وستتلون الشام بالبرتقالي

وستكون حملة يشهد لها القاصي والداني

وخاصة بانها تحمل في ختامها مفاجاة مدوية

لم يسبق لاحد ان قام بها

[رامي الوحداوي]

إن شاء الله ستعود الشام لتتزين بالبرتقالي

ويعطيكن ألف عافية يارب:f):f)

[DIABO MAN]

حركة مميزة ورائعة والوحدة من احد عوالم دمشق

[ابن الصالحية]

ان شاء الله موفقين

[عمر نصري]

واااااااااااااو

هاد الحكي اللي عليه علامات

و الخبر اللي حقو دولارات

بلا قصي حبيب بلا بطيخ

كلنا جاهزين للمساعدة

[omarjeroudi]

فكرة حلوة ولازم نرسخ بذهن العالم ارتباط الوحدة بالشام الحبيبة
و الرجاء تبلغنا عن أي دعم تطلبه هذه الحملة

[mmrdem]

كلام رائع والله يعطيكون العافية بس خففولنا شوي من شغلة الاسرار والسرية والتكتم حتى بهي في اسرار ؟؟؟؟؟؟؟؟؟؟؟؟؟؟؟؟

[Orange Blood]

ايد بايد نبني الوحدة من جديد

[وسيم م]

قولوا يا حملة الله

[أبوعبده الوحداوي]

والله بررررررررافو
والمغتربين شو حصتهم
شلون منقدر نساعدكم ياشباب
حسسونا انا معكم:?

[هنو]

انت بالقلب ابو عبده بيك

[حسان الحسيني]

مبادرة حلوة
منتمنى تلاقي صدى وايجابية بالمشاركة
لانو بحسب علمي عند نسبة كبيرة من جمهورنا متبع هل الشعار
الوحدة حبيبي وروحي وعمري
بس على جيبتي لا تئربو

[W@SEEM]

خطوة إيجابية وإن شاء الله تتكلل بالتوفيق

[ياسر الحلاق]

السلام عليكم ...
بادرة رائعة تستحقون عليها كل ثناء ...
الخبر السار ...
أحمد قوطرش رئيس النادي أعجب بالفكرة وسوف يتبناها وهو يطلب منكم صياغة هذه الأفكار بشكل منظم وطرحها كورقة عمل لتأخذ هذه البادرة حيز التنفيذ.
أقترح عليكم مشاركة الجميع في هذه البادرة فشعارنا (إيد بإيد) يعني أنه يتوجب علينا التوحد صفاً واحداً على الرغم من اختلاف أفكارنا حيث لا يفسد ذلك للود قضية.

[SH@@MI]

بادرة ممتازة


بتمنى تتكلل بالنجاح
ومعاً لتزيين الشام بالبرتقالي

[وحداوي موت]

يا ريت الكل يشتغل كرمال هل قصة

مو بس يرد بلمنتدى ويقول جاهز وجاهز ووقت الجد 90 بلمية من الناس بتهرب

أكيد كلنا جاهزين لنبلش بهل قصة بما انو الخير رح يكون كرمال النادي

وكلنا فدا الأورانجي

[جيرارد]

ايد بأيد نبني الوحدة من جديد

[أيهم القاضي]

ممكن كمان نحط قضية الشرق الأوسط تبعنا (الاستثمارات) كمساهمة ومحاولة لحلحلة أمورها ونوضح أنو تجميدها عقبة بوجه تطور النادي و إذا انحلت فنادينا محا يكون أقل من الأندية السعودية أو المصرية أو التونسية

[هنو]

طموحنا دائما (نحن الوحداوية نت) هو العمل لمافيه تطور النادي

[ضياء الدين]

الله يوفق الجميع في خدمة البرتقالة الشامية

[الكتلوني]

فكرة حلوة بس بركي اللواء جمعة مابدو :cry: :cry:

[MHDFA]

فكرة حلوة أنشالله بالتوفيق
وانشالله يطلع بأيدنا نساعدكم

[سعدي]

يا ريت هاللهفة اللي شايفينها للفكرة
نشوفها على ارض الواقع
بالفترة القادمة ممكن نحتاج مساعدة الاعضاء للقيام ببعض الأعمال اللي بتخص الحملة ..
ان شاء الله نشوف تجاوب و نقدر نقدم اي شي و لو بسيط لنادينا . .

[ياسر الحلاق]

من جديد أطل ...
تم تحديد موعد للقاء الأستاذ أحمد قوطرش من أجل تبني هذه الحملة من قبل إدارة النادي .. وقت اللقاء هو يوم السبت الساعة الثانية ظهراً في مقر نادي الوحدة (غرفة رئيس النادي).
أرجو تشكيل وفد من كادركم للقاء الأستاذ أحمد وسأكون حاضراً لهذا اللقاء بإذن الله.

[وحداوي- وبس]

انشالله يعود جمهور البرتقالي اكبر جمهور في سوريا

[أبوعبده الوحداوي]

بدي اقترح عليكم ياشباب موضوع كتيررررر ملاقي مهم
لازم يكون أحد أهداف الحملة
إعادة الود للداعمين السابقين .......لأركان الوحدة السابقين
رؤساء الوحدة السابقين....... مدربين سابقين.....
لانه في أشخاص صراحة بتحب تدلل وتتوجب ........ومابتحب تجي لحالها
بتحب مين يدعيها.....و....
ويمكن الادارة الحالية تكون مشغولة او .....
ولو مادعموا الوحدة ماديا.....ممكن يدعموا معنويا.....أو أنه يسكتوا عن نقد الادارة لحين تظهر نتائج عملها.

[وحداوي انا]

الله يوفقون يا رب

ايد بايد نبني الوحدة من جديد

[samer1]

أن شالله الوحدة عائد وبقوة أول الله ياوحدة

[wissam82]

بإذن الله لح تكون هالحملة فعالة وايجابية لصالح النادي ..

السلام عليكم ...
بادرة رائعة تستحقون عليها كل ثناء ...
الخبر السار ...
أحمد قوطرش رئيس النادي أعجب بالفكرة وسوف يتبناها وهو يطلب منكم صياغة هذه الأفكار بشكل منظم وطرحها كورقة عمل لتأخذ هذه البادرة حيز التنفيذ.
أقترح عليكم مشاركة الجميع في هذه البادرة فشعارنا (إيد بإيد) يعني أنه يتوجب علينا التوحد صفاً واحداً على الرغم من اختلاف أفكارنا حيث لا يفسد ذلك للود قضية.

شكراً أستاذ ياسر .. وكلامك ع العين والراس ،، يعني أكيد الحملة بتستوعب الجميع
وهدفنا هو مصلحة النادي وبس لهيك ما عنا مشكلة مع أي حدا حابب يشتغل معنا ..

وعشمنا كبير إنه الأستاذ أبو عبدو يدعم الحملة ويساعدنا فيها ..

[wassim80]

بدي اقترح عليكم ياشباب موضوع كتيررررر ملاقي مهم
لازم يكون أحد أهداف الحملة
إعادة الود للداعمين السابقين .......لأركان الوحدة السابقين
رؤساء الوحدة السابقين....... مدربين سابقين.....
لانه في أشخاص صراحة بتحب تدلل وتتوجب ........ومابتحب تجي لحالها
بتحب مين يدعيها.....و....
ويمكن الادارة الحالية تكون مشغولة او .....
ولو مادعموا الوحدة ماديا.....ممكن يدعموا معنويا.....أو أنه يسكتوا عن نقد الادارة لحين تظهر نتائج عملها.

فكرة رائعة

يعني بالفعل لو جبنا الحبوباتي والملص والمصري وكل يلي استلموا هالنادي مع اللعيبة القدامى وانعملهم حفل تكريم لح تكبر المودة والمحبة بين الكل وبترجع الألفة للأسرة البرتقالية كلها

بظن الادراة عملت للعيبة من فترة تكريم , بس هاد مابيمنع من جمع وتكريم الداعمين القدامى والجدد وعمل لقاء أخوي لهم بالنادي بتكون بادرة حلوة كتير والله

ومتل مااتفضلت في كتير ناس بتحب تتوجب وتتدلل وهالشي من حقها علينا ...:f)

[أبوعبده الوحداوي]

والله انا مالي مستغرب غير من الحبوباتي
لك أنا بذكره بيدعم الوحدة قبل 15 سنة......
لك والله يلي بيحب الوحدة مابيقدر يبعد عنه.......
أكيد عند اشباب في جواب شافي ........
لازم يعرفوا أبناء الوحدة جميعا ....داعمين ولاعبين وجمهور....
مو المهم مدرب الوحدة ولامهم رئاسة النادي ولا الوجهات .............المهم الوحدة
الوحدة يلي بقلب كل دمشقي ومحب لدمشق........
الله وكيلكم في كتير أشخاص دعمت الوحدة بدون أي منصب وللأن ذكرها موجود
بقلوب الوحداويين والدمشقيين

وصدقوني نزار قباني لوكان حي لألف الأشعار بعشق الوحدة

[ali-orange]

كلنا مع البرتقالي ونحنا جاهزين لخدمة البرتقالي ليعود مرعب كما كان

[MHDFA]

يا ريت هاللهفة اللي شايفينها للفكرة
نشوفها على ارض الواقع
بالفترة القادمة ممكن نحتاج مساعدة الاعضاء للقيام ببعض الأعمال اللي بتخص الحملة ..
ان شاء الله نشوف تجاوب و نقدر نقدم اي شي و لو بسيط لنادينا . .


أخي سعدي عندي أقتراح
أذا فينا كل واحد يشتغل محل مو ساكن هيك منقدر نغطي مساحات واسعة من الشام وأكيد في كتير شباب مو مسجلين هون بالمنتدى بس ليسمعوا بالفكرة حيشاركوا أكيد:f)

[endless_lionheart]

لك نيال الشام فيك يانادي الوحدة
الله يسمعنا الأخبار الطيبة على طول ويرجع النادي لمكانه الطبيعي كأكبر قاعدة جماهيرية ببلدنا الحبيب

[فهد الناجي]

حمله رائعه
مع التمنيات بالتوفيق والنجاح

[ابو سامر]

ايد بايد نبني الوحدة من جديد