لكل المشككين مرة اخرى

[الرومانسي الحزين]

السلام عليكم ورحمة الله وبركاته
ردا على كل من شكك بكلامي وطالب باثباتات عن ما ذكرته في موضوع ااااااه يا وحدة
ولكي تظهر لديكم مصداقية كلامي ايها الاخوة المغتربين والاصدقاء الوحداوين
هذا ما جاء في جريدة الرياضية عن لسان كابتن الوحدة الاصيل غسان معتوق
ترك غياب لاعب الوحدة غسان معتوق عن صفوف فريقه في الاسابيع الاربعة الفائتة العديد من اشاارات الاستفهام حول هذا الغياب
المعتوق اتصل بالرياضية وطلب ان يوضح سبب هذا الغياب قائلا:
ان هناك من اشاع باني مصاب وغير جاهز للمشاركة وقد فوجئت بان المدرب كوستيكا يقول ذلك عبر احدى الاذاعات مات صدمني جدا وانا اقول عبر الرياضية انني جاهز ولا يوجد لدي اية اصابة
وانني ملتزم بالتدريبات مع المدرب منذ قدومه والاصابة الوحيدة التي تعرضت لها هي عبارة عن تشنج في عضلات الضهر قبل شهرين واسترحت لمدة 3 ايام فقط
وعدت مباشرة الى الملعب
واستغرب المعتوق في حديثه موقف المدرب منه وخاصة اثناء التدريبات فالمدرب كما قال المنعتوق يضعه خارج التقسيمة في اغلب الاحيان في التدريبات وفي المباريات خارج السكور مؤكدا انه يحترم قرار المدرب اذا كان الموضوع فنيا اما اذا كان غير ذلك فله تصرفا اخر
وعندما سالنا المعتوق عن سبب اعتذاره عن السفر الى اللاذقية للقاء حطين اجاب قائلا:
في التدريب الاخير للفريق قبل السفر وضعني المدرب خارج التقسيمة وعرفت بعد ذلك انني ساكون خارج السكور ولذلك قلت للمدرب صراحة انه في حال كان سفري للاذقية للسياحة ولن اشترك مع الفريق فالافضل بقائي بدمشق وتوفير مصاريف سفري فقال لي المدرب كما تشاء ولذلك فضلت عدم السفر




هنا احب ان اقول لكل من سالني عن الاثباتات وشكك باقوالي ان ينزل للتمرين اليس هو وحداوي اكثر مني ويغار على سمعة النادي ولا يريد البلبلة ولا يريد القاء التهم جزافا
ولمن استشهد بالقران الكريم اقول لست انا من يرمي التهم جزافا يا ابراهيم
وللمشرف العزيز المغترب الذي ضحك طويلا من مقالتي اقول هذه البراهين فكفاكم اختباء خلف الحقيقة
وهنا احب ان اذكر بشي باني ورغم اي انتقاد يوجه لي ليا الفخر باني من اقدم مشجعين نادي الوحدة في هذا المنتدى وان كان يسبقني ابراهيم حديد وحسان الحسيني وشادي داود
لذلك اتمنى ان تكون الردود على قدر الموضوع ولا تكون للمسخرة والاستهزاء بالكاتب لانه لا يوجد لي اي مصلحة مع احد او ضد احد
وكل ما اقوم به كرمى لعيون المغتربين المحترمين والاخوة الوحداويين الغير قادرين على التواجد بسبب ظروف العمل واسف على الاطالة
محمد هادي اللحام




كل الشكر لمن قام بحذف الموضوع في المرة الاولى واذا تم الحذف مرة ثانية ايضا شكرا

[messi]

هادي
بالفعل كلامك كان مظبوط
والكل بيعرف انو غسانو بأتم الجاهزية
طبعا يلي بينزل عالتمرين شرواك بالخير
او يلي بيصلو اخبار التمرين شروايي
بيعرفو
وان شاء الله منشوف غسانو قريبا حامل شارة الكابتن بمباراة جبلة بغياب ماهر(من غير شر):))

[suliman]

شلون المدرب اخد موقف من المعتوق وما صرلو بالقصر إلا من مبارح العصر
وليش مااخد الموقف من الشحمة او العلايا

[دلبيرو الوحدة]

مشان تعرفو انو بيت السي ورا هل شي هدا

[suliman]

مو بس ورا ادامو وعلى يمينو وعلى يسارو

[الرومانسي الحزين]

شباب اذا بتريدو نحنا ما بدنا نهاجم حدا بدنا نفهم بس شو صاير بالنادي

[anas kamleh]

بدون اتهامات يا شباب ، غسان معو حق ، ازا بدك تحطو برات السكور لا تعزبو
حكيت هالحكي بمطرح تاني ورح ارجع كررو هون ، اذا كوستيكا مو مقتنع بغسان ، ليش جددلو عقدو ؟؟؟
بعدين بعرف غسان من فترة طويلة ، ولهلأ ما عم قدر استوعب انو الزلمة سيء لدرجة ينلحش على المدرج ، وعلى حد علمي الزلمة كان جايي عرض على الجيش ، يعني شو المشكلة لو صار تراضي ، وتخلو البني آدم يشوف مستقبلو ، مع العلم اني بظن انو لو كان بالجيش كنتو حتلاقو اساسي بكل المباريات ،
في شي غريب ماني قدران افهمو ، فهمونا يا شباب مشان الله

[الرومانسي الحزين]

انوس المشكلة بدي افهم كيف ما حدا بياثر على قرار المدرب وهو من يوم اجى عالنادي مهمش غسان والعاقل والعاجي ما عم تزبط معي طيب شوف مستواهم بالاول
شغلة تانية بحب قولها وفيكم ترجعو لغسان فيها اسالوه ليش العالم زعلت منو وقت جمع الفريق بغياب الادارة والمدرب ؟؟؟؟؟؟؟؟؟؟؟؟؟؟

[suliman]

واكبر مشكلة انو السبب معروف جدا بس معظم العالم بيتغاضو عنو

[wassim80]

طيب هادي حسب ئول غسان إنو هو مافيه شي طيب خلينا نخمن إنو هاد كلام صحيح ليش يا أخي

1- التدخل بشغل المدرب والتشكيك بقيادتو وإخياراتو
2- التتلميح لعلاقة حسام بهلشي (( وكلك نظر ))
3- الركض ورا الصحف الفاضية ونسيان الأهم


هادي إنت من أهم أهم جماعة المنتدى وكتاباتك كلها حرفية لاتزعل من رد أو مشاركة شككت بكلامك
وتجيب مقالة وتحارب بسيفها هون!!!!!!!


كلنا مطولين بالنا وكلنا حاسين إنو في شي غلط
بس المساحة تبع الأمور الفنية وتبع الإختيارات للأساسيين وخلافو مو مساحتي لاأنا ولا أنت ولا أي حدى غير (( كوستيكا )) .....

[الرومانسي الحزين]

وسيم المشكلة انك مسافر والا كنت قلتلك انيل للتمرين من اول يوم وشوف شو عم يصير بتعرف انو كمال ما تمرن غير مرتين بالتقسيمات وغسان ممكن مرة بالاسبوع يدخل بالتقسيمة يعني من يوم وصل وهو هاد قرارو بينما كان العاقل عم يتمرن كتير ويشارك بالودية كتير والعاجي جاب كولين بمعسكر مصر وهالشي انذكر هون بالمنتدى ليش ما عم نشوف كمال ولو انو بالاحتياط مو شي بيحط العقل بالكف ويوم مباراتنا مع الهلال السوداني التجريبية عمر كان سيء بس العاجي نزل حرك الملعب وغسان كان اساسي من اول المبارة وقدم مستوى بيجنن واتوقعناه بلعبة الاتحاد اساسي بس للاسف ما تم وضع اسمو عالسكور بقى كم اشارة تعجب بدك وكم اشارة استفهااااااااااااااااااااااااام

[<IBRAHIM>]

ياحبيبي ياهادي رجعت تتهم العالم مرة تانية دون وجه حق انا اعتراضي كان انو هل فعلا حسام السيد وماهر السيد الن يد بعدم مشاركة غسان
ورد غسان ماجاب فيه سيرة حسام او ماهر بالمرة ياريت تقرا الموضوع منيح وردود العالم قبل ما ترجع تتهمنا مرة تانية

[الرومانسي الحزين]

ياحبيبي ياهادي رجعت تتهم العالم مرة تانية دون وجه حق انا اعتراضي كان انو هل فعلا حسام السيد وماهر السيد الن يد بعدم مشاركة غسان
ورد غسان ماجاب فيه سيرة حسام او ماهر بالمرة ياريت تقرا الموضوع منيح وردود العالم قبل ما ترجع تتهمنا مرة تانية
حبيبي برهوم بهالموضوع انا متهم حدا شي او سابب حدا انا عم قلك هي كلام غسان ولا ما عم تقرا شو بين السطور والردود
بدي اسالك سؤال نفترض انك لاعب بفريق واتغير المدرب واول ما اجا مبسوط منك وبدو ياك وبعد تمرينن بالعدد بطل يمرنك ولا بدو يجربك وعلى السكور ما بيرفعك وهو مدرب اجنبي ما بيعرف عنك شي من قبل شو بيكوووووووووووووووووووووووووووووووون ؟
مشان الله افهمو الفكرة قبل ما تحكو انا برجع بقلك والله بموت بماهر السيد وبحب حسام جدا بس بدي افهم ليش هيك صاير
وعلى فكرة انا بموت بماهر من موقف رجولي عملو ما بيعملو اخ بهالايام وهو موقفو مع العكرمة بقى ما تفكرني ضدو بس انا عم احكي الوجع يا شباب وانت اعز اصدقائي يا برهوم وبتعرف اني ما برمي التهم جزافا على اي حد بس كل يلي بدي ياه بدي افهم ليش عم يتحاربو اولاد النادي
ليش ما يكونو ايد وحدة ليش ما يرجع الوحدة متل اول كل لعيبتو يوقفو يصلو سوا وياكلو سوا وبالسفر بتلاقيهم كلهم سوا
برهوم الفريق من 3 سنين طلع عالامارات عمل معسكر رحت زرت اللاعيبة لقيتهم كلهم بغرفة وليد الشريف ايد وحدة وكلهم بيحبو بعض وبسفرة مصر وعلى ذمتي وضميري وشهادة لاعبين كتار من النادي ما اتجمع اكتر من اتنين هاد يلي انا عم احكي فيه
الايد الوحدة والمحبة
بتمنى تكون رسالتي وصلتك وتقراها منيح

[<IBRAHIM>]

هادي انت غالي عالي ومتل اخي
ومتل ما عم قلك انا اعتراضي كان عفكرة لزق القصة تبع عدم مشاركة غسان بماهر واخوه
قلتلي مدرب اجنبي طيب ليش ما يكون فعلا المدرب مو عاجبو مستواه لغسان وخاصة السنة الماضية كان غسان متراجع كتير ونقطة ضعف بالفريق
سدقني ماهر السيد انسان طيب كتير ومافي اطيب منو
حسام لو فرضنا انو كان الو مشاكل بس هو رجع مشان يغير الصورة المرسومة عنو واكيد مالح يرجع يعيد نفس الاغلاط السابقة سدقني

[الرومانسي الحزين]

بنقول يا رب تكون غمامة صيف وتروح

[<IBRAHIM>]

ان شاء الله
وان شاء الله نرجع نشوف غسان بالتشكيلة وبمستواه السابق واحسن

[suliman]

حسام لو فرضنا انو كان الو مشاكل بس هو رجع مشان يغير الصورة المرسومة عنو واكيد مالح يرجع يعيد نفس الاغلاط السابقة سدقني

يرجع يغير الصور معلش بس يرجع يصفي حساباتو تخينة؟؟؟؟؟؟؟؟؟؟؟؟؟؟

[wassim80]

الحئ على غسان نفسو يلي بصراحة أنا كنت وشفت المباريات كلها السنة الماضية بصراحة مستواه كان كتير تعيس مع إنو ماكان هيك أبدآ ؟؟؟؟؟

وإزا هالسنة نفس مستواه السنة الماضية أنا بصراحة مع كوستيكا بوضعوا على السكور وإزا بيستاهل يلعب أنا أول واحد (( بزنبر )) معك :f)

[مستر مدريد]

هلأ لح بعد عن غسان شوي

وقول بما انو عنا عقم هجومي و ما عم نسجل اهداف

ليش ما جرب مباراة وحدة و نزل فيها كمال عاجي و لو حتى ربع ساعة من شي لعبة بما انو كان عم يسجل اهداف بمعسكر مصر

طبعا الراي الاول و الاخير للمدرب

بس لازم نفهم ليش

لك لح يجيبو محترف و لسا ما جربو كمال

يعني و الله هاد اللاعب مظلوم

[الرومانسي الحزين]

هلأ لح بعد عن غسان شوي

وقول بما انو عنا عقم هجومي و ما عم نسجل اهداف

ليش ما جرب مباراة وحدة و نزل فيها كمال عاجي و لو حتى ربع ساعة من شي لعبة بما انو كان عم يسجل اهداف بمعسكر مصر

طبعا الراي الاول و الاخير للمدرب

بس لازم نفهم ليش

لك لح يجيبو محترف و لسا ما جربو كمال

يعني و الله هاد اللاعب مظلوم



يقبرني ربك ابو حميد حطيت ايدك عالجرح

[rami832]

خير اللهم خير

[nation]

انوس المشكلة بدي افهم كيف ما حدا بياثر على قرار المدرب وهو من يوم اجى عالنادي مهمش غسان والعاقل والعاجي ما عم تزبط معي طيب شوف مستواهم بالاول
شغلة تانية بحب قولها وفيكم ترجعو لغسان فيها اسالوه ليش العالم زعلت منو وقت جمع الفريق بغياب الادارة والمدرب ؟؟؟؟؟؟؟؟؟؟؟؟؟؟


معك 100%

ونحن مع الفريق ولنشوف

[الاهلي]

شكرا ياغالي

[wissam82]

أول شي يا هادي حلوة فكرة لعبة الطميمة بإنه تنتظرني لأمشي وبعدين ترجع تنزل الموضوع وكأنه الشغلة تحدي ((ما علينا هلئ ))

المهم انا رح أكتب رد على موضوعك وأقفله ,, لأن قوانين المنتدى يلي أنت بتعرفها منيح بتمنع المواضيع المكررة ,, وانا حطيتلك لينك للموضوع الأساسي كان فيك تناقش هنيك .......

يا حبيبي أول شي مو كل ما دق الكوز بالجرة بتقلنا أنا بنزل على التمرين وبعرف وبشوف ومن هالكلام كأنه الشغلة منية ,

هالشي بيرجع ئلك وما حدا ضربك على إيدك وئلك نزيل وروح حضار تمارين ,, هي الشغلة إذا نابعة من حبك للوحدة بيكون كتر خيرك ,,
وأنا لما كنت بالشام ما روحت ولا تمرين و ولا مباراة ودية وأنت بتعرف هالشي وما مننت حدا,, وكتير من الشباب ما بيروحوا على حالهم ولا تمرين متل عمار ولا حسان ولا غيره ....

المهم هلئ منرجع لموضوع غسان ,, رغم إنه موضوعك فيه إثارة للفتنة وخلق المشاكل وخاصة بعد ما تم توضيح الأمور من رئيس النادي و من مدير الفريق بس رح رد عليك ...

بالبداية انا ولا غيري ما شككنا بكلامك يا عيوني وإنما كان تعليقنا على مصدر معلوماتك ويلي هنن الكابتن غسان ((يعني طرف المشكلة))

وهاد شي بيعني إنه أنت عم تستشهد وتبني معلوماتك من طرف واحد من أطراف المشكلة ,, يعني كان الأحرى فيك تخلي شخص حيادي هو يلي يحكي

يعني هلئ انا اذا كنت عم حل مشكلة بين أي اتنين بالدنيا بقدر حلها اذا سمعت بس من طرف واحد ...؟؟؟؟
بركي كان ((ما رح ئلك عم يكذب)) وإنما ئلك بعض الحقائق وأخفى حقائق أهم ..؟؟؟؟

المفروض اذا ما بدك تعمل فتنة وخلق للمشاكل تستفهم من الطرف التاني يلي عم تشكك فيه بالمشكلة وتحط كلام الطرفين مو طرف واحد

مع العلم إنه بمقابلة رئيس النادي الدكتور ممتاز ملص وبمقابلة السيد حسام السيد وبمقابلة الكابتن ماهر السيد الأخير بموقع الكرة السورية كلهم تطابق فيهم نفس الكلام

يعني هي صاروا 3 أشخاص واحد منهم رئيس النادي نفوا إنه يكون فيه تدخل أو تأثير على قرار المدرب واذا ما قرأت المقابلات شغل الضو ورجاع قرأهم ....


على فكرة أنت بموضوعك هاد رجعت ثبتت على حالك أكتر إنه مصدرك بهل معلومات لا يؤخذ عليه لأنه من طرف واحد ((يعني بدال ما تكحلها عميتها))

والسلام ختام ...


ملاحظة:رح أقفل الموضوع لبين ما تقرا الرد وبعدين بدي أحذفه لأنه مكرر ((يعني مخالف لشروط المنتدى)) .....