نيناد سيبقى .. ما رأيكم بمدربي القواعد

[خضر]

بما أنه تأكد أنه نيناد رح يبقى ..
وبما أنه في نقد كبير عليه أنه ما عم يهتم بالقواعد
فشو رأي الشباب بمدربي القواعد بالنادي .. وليش برأيكم نادينا دائماً متأخر بالقواعد ، وأحسن مركز بحياته جابه التاني مرة والتالت مرة وبس ..
وشو رأيكم بآراء متل

انا مع رحيل نيناد لانه لم يخرج اي لاعب شاب


يعني لو صرفنا كل الأموال يلي صرفناها بوجود نيناد
على قواعد للنادي
وجبنا لاعبين متل يلي دربهم نيناد
وادارة متل ادارة صفوان نظام الدين
أيام كان النادي يدربه أحد أبنائه
ما كنا جبنا نتائج ولاعبين من النادي أحسن من نتائج نيناد


بس اذ افترضنا ان ننيناد بقي في النادي موسما اخر هل سيستطيع ان يخرج لاعبين شباب واذا اخرج لاعبين شباب هل يستطيع التأقلم معهم بسرعة يعني خلال موسم واحد
لذلك اذا أرتأت الادار التجديد لهذا المدرب الخبير فيجب ان تصبر عليه اكثر من موسمين


تجدد لنيناد
برأيي خطوة ايجابية بس وين القواعد
نيناد ما بيهموا مستقبل النادي.......يعني شوفي بعد نيناد
ومنذ متى لم يصعد لاعب على مستوى عالي في النادي؟؟؟؟؟؟
يعني الادارة مطنشة القواعد بطريقة غبية جدا



وهدول الرأين مني مشان ما أحكي كتير

ماشاللا لعيبة الشباب والناشئين تبعنا معبية المنتخبات الوطنية .. إيه في عنا صار منتخبات ناشيئن وشباب وشباب وأولمبي وما فيهم غير لاعب من الوحدة .. الإتحاد والكرامة والحرية لعيبتهم معبية هالمنتخبات والقواعد تبعهم دغري بينقوهم فيها من وقت بيكونوا عم يلعبوا بفئاتهم يعني عندهم لعيبة موهوبين بالقواعد .. ونحنا شلة القواعد ما عم يطلع منها حدا ..
يعني هديك اليوم في واحد عم يحكي أنه نيناد طفش اللعيبة .. ولوين طفشوا على النضال وبردى ومدري وين .. يعني لو كان واحد منهم هالموهبة الفظيعة كان راح على شي نادي متل العالم .. هي رائد الكردي أنا كنت أول المطالبين بترحيله بس راح وأثبت حاله الزلمة .. بس دخلك البقايا وينهم لحتى عم تصرعونا فيهم .. شفناهم بدورة دمشق الدولية السنة الماضية .. وشفنا مبارح لعيبة الكرامة يللي أول مرة بيلعبوا مباراة .. إيه وين هدول ووين هدول

على أساس أنه في عنده مارادونا وغوليت ومالديني بالشباب بس هوه لاحشهم بره ..
إيه الناس كانت تنزل فيه بالبهادل لأنه كان ينزل معتصم علايا وعلى قولة هادا أفكح وهادا مدري شو
وهلق إذا غاب معتصم مباراة بيصير هادا سبب الخسارة


شو رأيكم شباب

[خضر]

أنا أول واحد صوتت
وكبست نعم وكان قصدي لاااااااااااااااااااااااااااااااااااااااااا
:|

[همام]

ههههههههههههههههه
وأنا عم قول لحالي مين هادا يللي قايل نعم :D

[حمودي اليوفاوي]

الله سوريا نيناد وبس

نيناد شو دخلو بقواعد النادي وين المدربين المسؤولين عن قواعد النادي
مفروض مدربي القواعد يرشحوا كم لاعب للعب في صفوف الرجال

[abou malek]

انا قلت نعم بدي ياه لاطول فترة ممكنة

[Bassel]

نيناد من هون لشي تلت أربع سنين عالقليلة :wink: :lol:

[tiger]

اخ خضر برأيك الوضع هيك منيح

خلي نيناد 10 سنين بالنادي .....طيب وبعدين؟؟؟؟

انا مو مع رحيل نيناد........بس ضد فكرة نستورد لاعبين لحتى الله يفرجها

ليش الادارة ما بتعين شي مدرب منيح للقواعد

لانو اللي موجودين هلأ اثبتوا عدم كفاءة ولا مبالاة

[Zizou]

لك على شو لسا بدكم نيناد شو ما شفتوا كيف يوم الجمعة تركلي نبيل أبو كرش
عم يخبص بالملعب و عندو لاعب منتخب شباب سابق ملحوش عالخط
لك حاجة بقا نيناد قدم كلشي بيقدر علي للفريق و الله يعطي العافية خلو كل طرف يشوف مصلحتو
أما بالنسبة للقواعد إي بدها يكتبو هليعا قواعد
و الحق لا على راتب و لا على نيناد الحق على أشباه المدربين و الإدارات المتعاقبة يللي تاركينن بدون محاسبة يعني من وين بدو راتب يجيب فريق شباب ينافس على بطولة الرجال إذا اللعيبة ما فلحوا بالشباب شو ينزل عسوق الهال يدور على لعيبة

[bassel r]

يا جماعة اذا كان بهمكم مصلحة النادي اسمعوني جيدا
اولا حتى ما حدا يفهمني غلط أنا أحب نيناد وأشكره على كل ما قدمه للفريق ولكن لا نيناد ولا كابتن نزار ولا حتى أعظم مدرب بالعالم ممكن أن يحقق نتائج جيدة الا اذا كانت الظروف كلها مهيئة ومتاحة كي يحقق المطلوب
السنة الماضية كانت كل الظروف مهيئة كي نكون ابطال الاستاذ صفوان كان أب وأخ لجميع اللاعبين والاداريين والمدربين بمن فيهم نيناد وكان متواجد معهم في كل مبارياتهم في دمشق وخارجها وكان يحل جميع المشاكل مهما كانت من أكبر مشكلة حتى أصغرها مرورا بطعام اللاعبين وبواطهم اللي بيلعبوا فيها وكان الفريق يعيش حالة من الاستقرار بجو أسري اللاعبين كان كل همهم ان يفوزوا وبس ولذلك انا برائيي نيناد شوي محظوظ لان الظروف خدمته
ولكن --------------------------------- لم يعطي الفرصة لاي لاعب شاب من شباب النادي وكذلك هناك بعض اللاعبين أمثال كمال عاجي وعمر العاقل ووائل زبداني ما كانو شموا الملعب لولا اصرار الاستاذ صفوان اضافة الى ان نيناد وكابتن بشار شريف مدرب الشباب ما بحبوا بعض فكيف سيتم التنسيق والتعاون بينهم اذا كان كل مين منهم بوادي وأكبر دليل ان اللاعبين اللي محسوبين على بشار شريف وهم نور التكريتي وعصام شقالو وحكمت شيخ بكري والرحال وغيرهم وغيرهم وغيرهم كلهم حرقهم نيناد ليش ما بنسق مع باقي المدربين مثل بشار شريف وعدنان دحلة مدرب الأشبال الذي خرج لاعبين موهوبين من ماهر السيد وغسان معتوق وجر ------------------------------------------------ نيناد قد يكون مدرب جيد ولكن كمدرب أجنبي بحب يصلي عالحاضر وما بهمه من وين منجيب لعيبة من النادي أو من برات النادي وطالما بقي الوضع كذلك حيضل يحترق عنا كل موسم عشرات من التكريتي والشقالو وحتى العاجي والعاقل والحل اذا كان لابد من بقاء نيناد ان يكون بالنادي لجنة كرة قدم يرأسها شخص مثل نزار محروس شخصية قوية وخبرة كبيرة واخلاق محترمة تكون من مهامها الاشراف على مدرسة كرة بالنادي على اساس علمي مدروس تتبنى المواهب كي ترفد الفريق الاول بلاعبين جيدين من ابناء النادي والا حنضل طول عمرنا عم نشحد لعيبة من برا وحتضل طي-نا عند الرتا وشكرا

[خضر]

أنا هلق ما عم أحكي على نيناد لأنه رح يبقى هالسنة أكيد :lol:
عم ناقش ليش ما عم ينزل الشباب متل ما عم ينتقدوا الشباب
أنا برأي أنه لو عنده لاعب بيستفيد منه كان نزله
بس المشكلة أنه مدربي الشباب قاعدين صافنين ، والإدارة ما عم تهتم فيهم
يعني أنا في لاعب من الشباب قللي أنه كل لاعب بشباب الإتحاد عم يقبض أربع تالاف ليرة وشبابنا عم يلعبوا ببلاش :?:
ما رح قول أسمه مشان ما أخرب بيته
وهون بنجي للعيب الشب نفسه يللي ما عم يطور حاله لأنه ما عم يقبض ، يعني طموحه على قده وعم يلعب مشان المصاري وما بيقاتل مشان الفوز ، يعني حتى لو أخد مصاري مو هوه اللاعب المطلوب
ليش المدربين ما بيروحوا بيدوروا بالشوارع :cry:
والله أنا بعرف لعيبة ـ وأكيد كل الشباب بيعرفوا ـ إيه بحطوا لعيبة كل الأندية السورية بجيبتهم ، بس لاحقين شغلهم وبدهم مين يشدهم على الطابة ، وفي جيل جديد طالع عنده موهبة بس بدك مين يشجعه ..
يا جماعة والله اللاعب الموهوب بيبين من تهداية طابة 8)

[حسان1973]

انتو شوعرفكم انو مدربي القواعد ماعم يشتغلو حبيبي اندية الاتحاد والكرامة صرلها سنين بهل شغلة مشان هيك عم تحقق البطولات بشكل متواصل كم مرة قال مدرب الشباب بشار الشريف وين الاعبيين يلي عم يطلعو عل رجال من فريق الشباب ولا مابتشوفو غير يلي بدكم ياه خلي نيناد يجربهم ويعطيهم الفرصة وبعدين قولو ماعنى مدربي قواعد :lol: :wink: :idea:

[خضر]

مشان الله شو بده يجرب .. إذا جرب وخسر بتخربوا الدنية معلم
قلنالك لعيبة الإتحاد والكرامة والحرية وحتى تشرين عم تعبي المنتخبات الوطنية قبل ما يصيروا اللعيبة بعمر الرجال
بعدين ليش كل ما حكينا بقصة بتفتلنا بقصة نيناد ، نحنا عم نحكي على مدربين القواعد ، ليكون هو من عشر سنين عم يطلب منهم ما يشتغلوا
اللعيبة الكبار يللي طلعوا من الوحدة طلعوا لأنهم مواهب كبيرة مو لأنه مدربين القواعد مناح،

[خضر]

واللا على أساس مفكر أنه نحنا أبطال سوريا بالقواعد قبل ما يجي نيناد
ولا نحنا هلق أبطال بس نيناد هو السبب
يا زلمة حاجة تصغر مشكلة النادي وتساويها نيناد بس