هل سوف نصبر على مازرعه المحروس لمستقبل البرتقالي

[هاني]

طبعآ لا أحد يشك بقدرة الكابتن نزار التدريبية وأنا أولهم ولا نشك بالاعبين يلي تعاقد معهم ولكن هل هؤلاء اللاعبين قادرين على فعل شي هذا الموسم وهل نستطيع بهذه التوليفة أن نحقق بطولة الدوري
هلآ طبعآ هناك فرق بين لاعبي الوحدة وبين لاعبي الجيش والكرامة والنجوم اللتي تتهافت آليهم بس يبقى عزانا بأننا نبني فريق للمستقبل أنا مع الكابتن نزار بترفيع لاعبين من الناشئين و الشباب والتعاقد مع لاعبين من الدرجة الثانية ومع الكابتن نزار بأن هؤلاء اللاعبين مستقبل الوحدة على الآقل خلال العامين القادمين بس ولكن هنا حبيت أن آسآل سؤال هل سوف يصبر الجمهور الوحداوي على الكابتن نزار بهذا الموسم وهل سوف يفكر بعقله الجمهور بأن الكابتن نزار يريد أن يصنع فريقآ قويآ سوف ينافس مستقبلا بس من الصعب أن ينافس في هذا الموسم هل سوف يتحمل الجمهور مهمى كانت النتائج هذا الموسم ولا سوف نطالب المحروس بالرحيل اذا خسر الفريق وهدم مايحاول أن يبنيه الآن للمستقبل
آكيد كل الآعضاء هلآ بدن يحكو نحن مع نزار وسوف نصبر على الفريق ولكن تذكرو بأن هناك جمهور كبير للوحدة والمشكلة بأن ليس كل الجمهور يفكر بعقله وأنا خايف على الكابتن نزار من شي عبارات تطاله من الجمهور لا سمح الله اذا أخفق الفريق والكابتن نزار هذه المرة اذا خرج من النادي كما خرج من زمان والكل يعرف لماذا خرج فلا آظنه سوف يعود الى الوحدة و الكابتن نزار من الناس التي لا تستحمل أن تسمع مسبة أو أهانة توجه له من قلة من جمهورنا التي لا تستطيع التحكم بأعصابها
أنا لست متشائم بس هي الحقيقة الكابتن نزار جلب لاعبين ممكن أن يصبحو نجومآ وأبطالآ يوصلون البرتقالي الى منصات التتويج ولكن لا أظن بهذا الموسم ولكن هل سوف يصبر الجمهور على ماسوف يزرعه أبو حامد لمستقبل البرتقالي

[bashardo الوحداوي]

ان شاء الله سنصبر ولكن مع وجود اداء قوي وجيد

[wassim80]

تذكرو بأن هناك جمهور كبير للوحدة والمشكلة بأن ليس كل الجمهور يفكر بعقله وأنا خايف على الكابتن نزار من شي عبارات تطاله من الجمهور لا سمح الله اذا أخفق الفريق

بصراحة هي مامنضمنها ولا1% ..؟؟؟ لأنه للأسف موضوع الشتم ماحدى قدر يردعه مهما كان

يعني يحز بنفسي وجود شراذم وأوساخ على مدرجات نادي عريق ويمثل أقدم عاصمة مأهولة بالعالم.؟
ويمثل الشام لكن للأسف هالموضوع مو مضمون أبدآ والكابتن أبو حامد بيعرف أكتر واحد بوجود فئة سيئة السمعة ووسخة بين غالبية جماهيرنا المحترمة والعاقلة

نصبر على شبابنا شيء. والتلميح للقبول من الآن بهزائم مذلة ومن فرق مامعها تاكل ومنافسة على الهبوط ومستويات سيئة ولعب دفاعي بحت شيء آخر (أهم شغلة يعملوا الفريق والمدرب يلي عليهم ويتركوا الباقي على رب العالمين وتوفيقه)

[DIABO MAN]

رح نصبر بس الله يستر لانه بصراحة جمهور الوحدة متعطش من سنين لانجاز ...لبطولة... لكاس
.. مابدنا نستبق الامور
وعلى فكرة ممكن التشكيلة تعمل مفاجئة لو كانوا قد المسؤولية بدون الانتظار لمواسم
بما انو في كم لاعب خبرة مع اللعيبة الشباب
منقول يارب

[khaldoun-sy]

العقل والمنطق يقول أنو يجب علينا أن نصبر، لكن جمهورنا عاطفي ودائماً يريد الفوز وهي يمكن أن تكون مشكلة. بصراحة في حمل كبير على رابطة النادي بكل مباراة وطبعا مباريات العاصمة الأهم لأنو الجمهور بكون أكبر بكتير.

خلينا نتذكر فريق برشلونة بذهاب موسم 2003-2004 كيف أنهى الذهاب وترتيبو 14 والكل وقتها طالب بإقالة ريكارد وقامت الدنيا بكتلونيا من ورا هالقصة ، يلي صار بالإياب أنو الفريق أنهى الموسم بالمركز الثاني وهي بطولة، بعد صبر الجمهور على هذا الفريق انظروا برشلونة ماذا حقق خلال خمس مواسم وبمدربين فقط .

كل الثقة بالمدرب القدير نزار وكادره الفني والتدريبي وكل التوفيق للأخ أبو عبدو وإلى كل من يعمل من أجل نادي الوحدة

[نستول]

ابو كريم هدول مو بس شراذام هدول احيانا بيكونوا مأجورين واكتر شي لما بيكون ابو حامد مدرب بشوف وجوه مو مألوفة قاعدة عالمدرجات بس لتسب وتشتم ومالها علاقة باللياقة مرة واحد كان عم بسب ماهر السيد طول الوقت كان عم بيناديلو حسام ومنازل فيه مسبات على اسا س انو حسام :blok: هاد المرض منخلص منو بتفعيل دور الفرقة الموسيقية اثناء المسبات يعني انا بستغرب انو الفرقة بتصير احيانا بتنغم مع يلي عم بيسبوا
مع انو المفروض انون يطمسوا هاد الشي هاد من جهة ومن جهة تانية لازم نحنا كجمهور بس نسمع حدا عم بيسب دغري نسكتوا ومرة عن مرة ان شاء الله منخلص من هالعادة

[noel]

رأيي حوالي 25 واحداوي لما نشوف حدا عم يشتم بالمدرجات نضربوا حتى يسكت هيك افضل شي بنردع السبابين بقتلة ع الخفيف

[صقر قريش]

انا مع الكابتن نزار للاخير بس بشروط
1- هالسنة مام نرضا اقل من المركز4-5
يعني مو صعب مو كبيرة مو ضروري نكذب على حالنا نوقول عم نافس
2- الاداء ممتاز مع الفرق الكبيرة حتى ولو لاسمح الله ما زبطت معنا بس ما تكون فيه بهدلة

3-رؤية الشباب بالملعب يعني مو نجيبهم عالاحتياط لحتى يهجو
والله المركز الرابع كتير ممتاز

[سعدي]

بتوقع مو كتير زابطة نحكي بمنطق الصبر من هلأ
يعني الانتقالات لسا بأولها
و الفريق عم يتعاقد مع لعيبة
يمكن ما تطلع بطل الدوري . . مو مشكلة
بس اذا من هلأ بلشنا نحكي بمنطق الصبر
فعلى الموسم السلام ..

انا مع الكابتن نزار
و شايف انو هالموسم افضل من المواسم السابقة بكتير امور
و متفاءل خير ان شاء الله
و أكيد بس نبلش نشوف فريق حلو عم يلعب و يعمل نتائج معقولة
أكيد رح نصبر عليه في حال تعثر لا سمح الله
أما من هلأ نحكي عن الصبر
حسيتها مو زابطة
و هاد رأيي

[وحداوي موت]

تماما متل ما قال سعدي

انا برائيي اكيد رح نصبر وقت نشوف فريق عم يعمل كرة حلوة وعم يجيب نتائج جيدة

مو شرط نجيب نتائج ممتازة

بس المهم نقدم يلي علينا ونجيب نقاط اد ما منقدر ونكون بين الأربعة الاوائل

وبأذن الله الكابتن نزار قادر على هل شي

[أبوعبده الوحداوي]

متل ماألو الشباب
اذا من هلق عما نحكي عالصبر .....بدنا نوصل لأخر الموسم عما
نهرب من الهبوط
أنا برأي اذا كان الفريق عمايلعب كرة حلوووووة .........ماحدا بيفتح تمه
بس يتخلى نزار عن اللعب الدفاعي ......
أنا مابعرف ليش بيحب يلعب دفاع.........بالاصل هو لاعب وسط

[الكتلوني]

اكيد الجمهور بدو يصبر اذا لعب في ونتائج لأ لئنو بتصفي الشغلة بس توفيق بلمباريات

[فادي النابلسي]

لعاب طابة حلوة هل سنة ومافي مشكلة إذا كنا رابع خامس ...لأنو .جمهورنا مو جمهور بطولات يعني إذا جبنا بطولة بيجي وإذا لأ مابيجي متل جمهور الكرامة السنة الماضية....من كأس الجمهورية __ لل  ..ماجبنا شي ومع هيك كنا ننزل عالملعب وحتى بالدرجة التانية كنا نشجع الفريق بس خلونا نرجع نلعب طابة فيها متعة والنتايج بتجي انشاله وأثبت كأس العالم أنو فريق النجوم مو دائما بجبلك الفوز المهم الإنضباطية باللملعب وبالتوفيق للكابتن نزار

[f.torres]

موضوع نصبر أو ما نصبر لسا بكير كتير عليه , يعني على الأقل بعد موسمين ممكن نبلش لاسمح الله نحكي

بس مابدك جمهور يتقبل النتائج هل سنة؟؟

[عيون برتقالية]

و الله أنا من جهتي كتير متفائل بالفريق الحالي
و اللي عم يتابع التمارين بيلمس التفاؤل بعيون اللاعبين
و الجمهور
و متل ما قال سعدي أنو لسه الكابتن أبو حامد ما خلص من مسألة التعاقدات
و إن شاء الله بنشوف فريق نكحل فيه عيوننا هالسنة
و بالتوفيق للبرتقالي

[KiNg82]

ليش عدم المؤاخدة كل هالصبر الماضي لايعتبر صبر هاااااااااااااااااااااااااااااد
يعني الواحد بيحط خطة وبيقول شوفونا بعد 3 او 4 مواسم مو هيك عفشيكا عقود قصيرة وبيع على ابو موزة

يعني لو قلنا انو ما بنصبر لح يتغير شي بالأخير اسم النادي هو يلي بيهم على القليلة نصل لمرحلة ما نفوت على اللعبة وحاطين 70% خسرانين

[طارق الغبرا]

يلي عندو صبر يديني شوي

[وحداوي انا]

اكيد الكل رح يصبر على الكابتن نزار

و على اللعيبة الشباب لانو هنن المستقبل

والشي يلي الكل اكيد شايفو

انو الكابتن نزار عم يبني فريق للمستقبل

حتى ادارتنا ممثلة ابو عبدو عم تفكر لمستقبل النادي

[wassim80]

تماما متل ما قال سعدي

انا برائيي اكيد رح نصبر وقت نشوف فريق عم يعمل كرة حلوة وعم يجيب نتائج جيدة

مو شرط نجيب نتائج ممتازة

بس المهم نقدم يلي علينا ونجيب نقاط اد ما منقدر ونكون بين الأربعة الاوائل

وبأذن الله الكابتن نزار قادر على هل شي

بتصور لازم الكابتن ابو حامد يحكي هالشي علنآ, ويقول شو إنطباعه عن اللاعبين وهل تشكيلته تنافسية ويوعد الجمهور الدمشقي بالخير, واللهي اللغة الإنهزامية مو حلوة

وموال "عم نبني فريق" حفظناه وواعين له تمامآ ومالنا ضده
ومابظن فريق فيه العكاري والراشد والمصري والحافظ والاسطنبلي وشوية شباب متحمسين مافيهم يعملوا نتائج حلوة ومتل ماقال أحد الشباب مو مشكلة المركز الرابع لأننا منطقيين ومالح نطلب دوري بوجود الكرامة والجيش حاليآ..؟؟؟

[رامي الوحداوي]

لسى بكير على حكي الصبر بس لنخلص تعاقدات نعرف التشكيلة

ونشوف أداء اللعيبة بميارايات ودية

بعدين منحكي

[سعدي]

بتصور لازم الكابتن ابو حامد يحكي هالشي علنآ, ويقول شو إنطباعه عن اللاعبين وهل تشكيلته تنافسية ويوعد الجمهور الدمشقي بالخير, واللهي اللغة الإنهزامية مو حلوة

وموال "عم نبني فريق" حفظناه وواعين له تمامآ ومالنا ضده
ومابظن فريق فيه العكاري والراشد والمصري والحافظ والاسطنبلي وشوية شباب متحمسين مافيهم يعملوا نتائج حلوة ومتل ماقال أحد الشباب مو مشكلة المركز الرابع لأننا منطقيين ومالح نطلب دوري بوجود الكرامة والجيش حاليآ..؟؟؟




طبعا ابو كريم
نحنا منتمنى تصريح من الكابتن عن نظرته و تقييمه للفريق
بس بتوقع هالشي يكون بعد ثبات التشكيلة
يعني ممكن عند انطلاقة الدوري و اغلاق الانتقالات

[abo yazan]

أنا رأيي إنو انشالله رح نشوف شي حلووو من الفريق
المدرب هو كل شي بالملعب
أكيد ما منختلف إنو الإنتر ما وصل للي وصلو من اللعيبة يلي عندو
مورينيو هو يلي عمل كل شي

يعني الموسم الماضي ما كان عنا نتائج منيحة بس أبو حامد بالإياب عمل كتير شغلات مع كم شب لأول مرة بيلعبو بالدوري الأول
كتير من المباريات يلي لعبناها
كانو الشباب عم يقدموا أداء كبير ضد الفرق يلي نحنا هلا خايفين منا متل الكرامة والجيش وخاصة بالإياب
بس النتيجة ما كانت تجي معنا يمكن أوقات من التحكيم وأوقات من الحظ وأوقات من قلة الخبرة عند الشباب
لأنو كانت اللعبة تروح من إيدنا بآخر الوقت
وكنتا بأكتر المباريات نطلع مبسوطين رغم الخسارة لأنو شفنا أداء حلو
مع إنو الأسماء يلي كانت عم تلعب مع احترامي لإلا ما بتحسن تساوي شي
بس حسينا انو كان في بصمة منيحة لأبو حامد
والموسم هاد بإذن الله رح يكون في أداء ونتيجة
لأنو في فرق كبير بالتشكيلة بالنسبة للموسم الماضي
ممكن تشكيلة الجيش والكرامة أحسن بكتير
بس لعيبتنا مع أبو حامد انشالله رح بيصيرو بنفس المستوى
هاد رأيي أنا وآسف عالإطالة