ان كنت تعلم فهي مصيبة وان كنت لاتعلم فالمصيبة اعظم

[mmrdem]

غريب امر الكابتن نزار محروس رغم كل السنوات اللتي قضاها في الملاعب كلاعب وكمدرب الا انه مازال وعلى الاقل في نادي الوحدة يكرر نفس الاخطاء القاتلة في انتقاء اللاعبين لكل موسم بصراحة مابعرف كيف الطريقة اللي عمبيفكر فيها الكابتن نزار او شو الاستراتيجية اللي عمبيشتغل عليها لانو ماعاد في شي واضح فتارة يتم التعاقد مع الاغا والشعبو والعزام ورافت محمد وينال اباظة رغم ان هذه الاسماء استهلكت وعفا عليها الزمن ولم تعد صالحة لفرق الدرجة التانية
وبقلب الموسم بيتم قلب الطاولة والعودة الى بناء فريق شاب من ابناء النادي وابعاد العواجيز ومن ثم في نهاية الموسم العودة الى التعاقد مع لاعبين اقل مايقال عنهم انهم نخب عاشر امثال العكاري وباقي اللاعبين المغمورين اللذين لم نسمع باسمائهم حتى يعني شي بيقهر ليش هالتخبط وهالتخبيص بالنادي وبسمعنو وماهي معايير اختيار اللاعب حتى بالمراكز في تخبط بالتعاقد عنا لاعبين خط وسط بيكفو تلت اندية اما بالهجوم مافي حدى عليه القيمة يعني كيف فريق بدو يفوز وماعندو خط هجوم او مهاجمين تخيلو لو سي الشيخ انصاب شو بيصير بالفريق يعني مابعرف ياكابتن نزار ضشو عمتعمل هي تالت موسم ونحن عمنصبر بس لكلشي في الو حدود ولا حدى يقلي شو فهمك انت بشغل الكابتن نزار لانو الوضع ماعاد يحتمل وشبعنا هزائم وبهدلات واللي نسي منزكرو بالاربعات المخزية اللي اكلناها هالموسم وكمان منزكروا لما عارضنا قبل بداية الموسم الماضي قدوم الشعبو للفريق على اعتبار انو لاعب خالص بس الكل قال شو بيفهمكون الكابتن نزار ادرى وفعلا من خلال الموسم ظهر انو كلامنا صحيح وانو الشعبو خالص ومنتهي الصلاحية ارجوكون مو شطارة انو نطبطب على كتف الكابتن نزار بعد كل خسارة ونتيجة خيارات خاطئة بالوقت اللي اسم نادينا عمبيتبهدل من الكبير والصغير والفرق التانية عمتشتغل صح وعمتجيب اللاعبين الصح ونحنا جهازنا الفني مو شاطر غير بالحجج كل خسارة الها حجة وكل تخبيصة الها حجة واخر هي الحجج انو مافي مجال ينعمل معسكر لانو رمضان قرب مع انو رمضان باقيلو اسبوعين وحتى لو قرب يعني مابيصير معسكر برمضان؟ماعمبفهم لايمتى والله تعبنا ياكابتن نزار انت على عيننا وراسنا بس ازا هالموسم خسرنا بنتائج كبيرة لاتلومنا ولا حدى يلومنا ازا طالبنا بتغيير الجهاز الفني لانو بيكون اثبت فشلو وفشل خياراتو
اعذروني انا عمبحكي من قلب محروق بس انا عندي سمعة واسنم النادي اكبر من الكل مين ماكان وانا صرلي ساكت من زمان لحتى حكيي هاد ماياثر على الفريق او على الجهاز الفني بقلب الموسم بس هاد هو الوقت المناسب على اعتبار لساتنا بفترة تحضير

[mmrdem]

عبد الرحمن عكاري ابعد من الكرامة بسبب تدني مستواه الى تشرين حيث لم يقدم الشئ الكثير كمهاجم فتم جبر خاطره بجمعية الوحدة الخيرية للاعبين المنحوسين
عدنان الحافظ لم يجد مكان له في الكرامة فانتقل الى الطليعة وهناك خرج منه بسبب مشكلة مع نادي الطليعة الكل بيعرفها ومن المعيب نحكي فيها
محمد اسطنبلي وباسل العلي بينطبق عليون المثل اللي بيقول اللي بيجرب المجرب بيكون عقلو مخرب
ويمكن هي شغلة بتصير لاول مرة بالتاريخ انو نادي يتعاقد مع لاعبين من برات النادي وبعدين ينهي التعاقد ويرد وهنن على ابواب الاعتزال يجبر بخاطرون بتعاقد جديد خطي حرام
عناد عثمان وبشار قدور استغنى عنهم نادي المجد لانهم لم يضيفو شئ للفريق ولا اتوقع نجاحون بالوحدة
اما البقية فما سمعت فيون واكيد التعاقد معون هو لمصلحتون مو لمصلحة النادي

[bashardo الوحداوي]

هي السنة مافي حجج
الاستقرار الاداري والفني موجود
مابدنا نحكم على الفريق من قبل مايلعب
ابو حامد مالو علاقة بزياد شعبو ومو هويلي جابو
هلئ الفريق كلو اختيارات نزار وماعندو حجة اذا فشل الفريق لا سمح الله
على فكرة ماعم نطالب ببطولة المهم نشوف فريق قوي والكل يحسبلو الف حساب ومانكون جسر عبور للفرق الاخرى
لا حكم على الجهاز التدريبي قبل مانشوف بعيوننا الاداء ومن ثم النتائج
المعسكر في رمضان وبالجو الحار مالو فائدة بعدين لسا ماتحدد موعد الدوري وممكن يكون في معسكر بعد العيد
القصة بدها طولة بال ياجماعة
سلموا امركم الى الله وان شاء الله الوحدة على الطريق الصحيح للعودة الى الامجاد

[mmrdem]

والهل غريب كل الاندية بالعالم عمتعمل معسكرات هلق ليش لاعبينون مابيتاثرو بالشوب ولا لاعبينا من السويد جايين بعدين الكابتن نزار هو اللي طلب من الكابتن صفوان التعاقد مع الشعبو يعني مو معقول الكابتن صفوان يفرض الشعبو على الكابتن نزار وهو مو مقتنع فيه وللعلم فريقنا من تلت سنين لهلق ماطلع بمعسكر تدريبي متل العالم

[bashardo الوحداوي]

عبد الرحمن عكاري ابعد من الكرامة بسبب تدني مستواه الى تشرين حيث لم يقدم الشئ الكثير كمهاجم فتم جبر خاطره بجمعية الوحدة الخيرية للاعبين المنحوسين
عدنان الحافظ لم يجد مكان له في الكرامة فانتقل الى الطليعة وهناك خرج منه بسبب مشكلة مع نادي الطليعة الكل بيعرفها ومن المعيب نحكي فيها
محمد اسطنبلي وباسل العلي بينطبق عليون المثل اللي بيقول اللي بيجرب المجرب بيكون عقلو مخرب
ويمكن هي شغلة بتصير لاول مرة بالتاريخ انو نادي يتعاقد مع لاعبين من برات النادي وبعدين ينهي التعاقد ويرد وهنن على ابواب الاعتزال يجبر بخاطرون بتعاقد جديد خطي حرام
عناد عثمان وبشار قدور استغنى عنهم نادي المجد لانهم لم يضيفو شئ للفريق ولا اتوقع نجاحون بالوحدة
اما البقية فما سمعت فيون واكيد التعاقد معون هو لمصلحتون مو لمصلحة النادي

هاد الكلام هلئ مامنو فائدة
ونحن كمشجعين وعنا ثقة بالادارة وبالجهاز الفني لازم نكون مع الفريق مو ضدو
وكلامك هاد مو بمحلو
العكاري طلع من الكرامة لانه طلب 5 مليون عن سنة واحدة ووقت رفضوا راح الاردن وطلع بزعلة
الحافظ مالو مكان بوجود مصعب والزلمة عندو مقومات يكون اساسي فحقو يشوف مصلحتو
بالنسبة للبقية مافينا نقول انهم ماقدموا شي لانديتهم وانتقالهم ليس جائزة ترضية لاحد الجهاز الفني طلبهم وهنن شايفين مصلحتهم معنا
ومتل ماقلتلك قبل
لا حكم الان ومابدنا نستبق الاحداث ولازم نكون مع الفريق مو نشكل عامل ضغط عاللاعبين الجداد يلي ماشفنا خيرهم من شرهم
اي ماصدقنا ايمتى خلصنا من القيل والقال مشان هيك الله يرضى عليك حكيم بس نشوف النتائج والاداء منحكي يلي منشوفوا
وتقبل مروري

[SH@@MI]

عدنان الحافظ ممتاز
عناد عثمان وبشار قدور أسماء كبيرة
اسطنبلي كنت متمنيه يرجع لأنو منيح دفاعياً ومنيح بالارتقاء وقت الكرات الثابتة والركنيات
ياسر شوشرة ممتاز والعتب عاللي خلاه يروح

أما الأسماء يلي مو سمعانين فيهن يلي جبناهن من النضال بتمنى يلبوا طموحنا

هي أول سنة من زمان بيتم التحضير على بكير وان شاء الله خير
وانشالله هالسنة مافي اعذار

[mmrdem]

لنشوف بكرة بزكركون لانو اللي بيشوف الشغل والتعاقدات تبع باقي الاندية وبيشوف الاسماء اللي عنا لحالو بيتوقع شو النتائج مابدي قلكون شوفوا الجيش او الكرامة شوفوا الاتحاد و الوثبة والطليعة والنواعير وتشرين كيف عمتشتغل ومع مين عمتتعاقد بتعرفوا ليش انا مقهور

[wahdawi4ever]

معلم يمكن مالك شايف ولا سمعان شي عن العكاري اولا هوه هداف تشرين وتشرين ثالث ترتيب الدوري وعدنان الحافظ حارس منتخب والاسطنبلي كمان لاعب منتخب

[khaled rihawi]

للاسف كلامك كلو مو تمام
العكاري لاعب متميز و هداف و الحافظ حارس متميز و لاعبين النضال اكثر من رائعين يلي شافهم السنة الماضية

[ابو كريم]

طيب الفكرة انو الزلمة أول موسم بياخد فرصتو بانتقاء اللاعبين والتحضير المبكر
فليش من هلأ عم نعلق عشغلوا؟؟؟
يعني الكابتن جرب معنا مرتين والمرتين ما اخد فيهن فرصتو بالانتقاء والتحضير
وهذا الموسم هو الحكم يا بيثبت نجاحوا مع البرتقالي واستمراريتو يا أما فشلوا
وانسحابوا!!.
بس بحب أكدلكن إنو كل الأندية السورية حاسدة نادي الوحدة بس لأنو أبو حامد معها
والله انا الزلمة بحترموا مو بعشقوا ميشان ما حدا يعلق انو من جماعة نزار
بس خلينا نشوف برا شو عم يحكو علينا وبعدين نحكي على نادينا ومدربنا

[سمير الوحداوي]

شو تحضيرات الفرق التانية وشو هنن لعيبتها ؟؟؟؟لازم يكون عنا فكرة

[عيون برتقالية]

للتذكير فقط أنو زياد شعبو تعاقد معه النادي و الكابتن نزار ما كان مفكر بالنادي و كان فاروق مدرب بقى معقول الكابتن نزار يتعاقد مع لاعب و هو مانو مدرب ؟؟؟؟؟؟؟؟؟؟؟؟؟؟
بعدين يلى عم ينقص من قيمة العكاري ما شاف و لا مباراة لفريق تشرين بالدوري الماضي
و على فكرة هو أفضل من الرافع بكتير
بس الغريب أنو الرافع بالمنتخب و عبد الرحمن لأ !!!!!!!!!!!!!!!!!!!!!!!!

[عمار عبار]

ليس هذا الوقت المناسب لهكذا موضوع لا فائدة منه الا باثارة البلبلة


الافضل االانتظار حتى نهاية الموسم ومن ثم الحكم على تعاقدات المدرب واختياراته التي يتحمل مسئوليتها بالكامل لاول مرة

على الاقل انتظر لترى التشكيلة النهائية
او لتشاهد الاداء باول مباراة

[أبو شام]

معك بأغلب كلامك باستثناء موضوع العكاري والاسطنبلي والمصري ..
الحجج ما عادت واردة منوب ..
اساسا" السنة ما في مجال للحجج..
كلو موجود وحسب المطلوب وحبة مسك فوق منو ..
ومارح نقبل بتاتا" غير بفريق منافس ..
وغير بلعب ممتع ...يذكرنا بلعب الوحدة الممتع والمفتوح ..
وينسينا شوي موضوع الانغلاق الدفاعي المستميت ..

[عدنان شيخاني]

الله يقدم اللي في الخير احسن شي

[حسان الحسيني]

الفتنة نائمة لعن الله موقظها

[حسان الحسيني]

اذا مالك عرفان مين وقع للشعبو
فلاعتب بباقي الكلام

[ابن الصالحية]

الله يقدم يلي في الخير

[علي1991]

طولو بالكن شو نسيتو لاعب داريا محمد عقاد هاد لاعب داريا اضرب واطرح شومفكرين
رغم انو نص الكلام مو مقنع بلنسبة للعكاري واسطبلي

بس كان في احسن من عدنان لو متعاقد مع الازهر منشتري من المجد في ظل ارتفاع مستوي الهلامي

[علي1991]

الفتنة نائمة لعن الله موقظها



الفتنة غير نائمة بس العالم ساكتة على امل بس امل ماتت

[<IBRAHIM>]

من كل عقلك عم تحكي العكاري تاني هدافين الدوري السنة الماضية ومن افضل لاعبين تشرين قلتلي لكن تشرين كبوه
الاسطنبلي برأي من افضل المدافعين بسوريا اذا ماكان افضلهم وبيكفي حبو للنادي
المصري لاعب ممتاز ومن افضل اللعيبة اليسار واكيد احسن بسنين ضوئية من الزبيدي
العلي كمان لاعب دفاع مرتب ومن احسن الموجودين
القدور كان من افضل لعيبة المجد واكيد احسن من عمر خليل والعاقل والعاجي وغيرو وغيراتو
عناد عثمان مابعرف مستواه
لعيبة النضال كلها شباب وعقودها رخيصة كتير يعني مالنا خسرانين شي بالتعاقد معن
الحافظ مابتوقع الازهر احسن منو بس بيكفي اصغر
يعني ما افهم عليك شو غرضك من هيك موضوع :b(
مين بدك نجبلك ميسي ورونالدو بالله مين في لعيبة احسن من هدول باستثناء الخطيب والحسين وعادل عبد الله وكلن محترفين برا
يا اخي على عيني مابتحب الكابتن نزار بس اقل شي انتقد بموضوعية مشان ما تضحك العالم عليك:oops:

[وحداوي- وبس]

انا بعتقد هاد الكلام ما منو فايدة والكابتن نزار عم يجيب لعيبة على قدرة نادي الوحدة

[أبوعبده الوحداوي]

والله باين قلبك محرررروق.......والحق معك.......
بس بخالفك ياأخي.......
أول شئ لازم تقارن بين اللاعبين المتاحيين للتعاقد......
عطيني أسماء اللاعبين يلي خرج نتعاقد معهم..
العكاري والاسطنبلي ماعليهم حكي ابداً...ابداً
ومابدنا لاعبين يلعبوا باسمائهم .....بدنا لاعبي تلعب لتصير....لتبسط الجمهور
تذكر صفوان حبايب واسعد زحاليق.....اجوا من برات النادي وانشهروا فيه
والله وكيلك كان انتماؤهم للوحدة فقط ......وقت صارت الحروب الوحداوية العالمية
مشكلتنا بلاعبين يلي كنا مفكرينهم معنا....غادرونا بدون اسباب
بعدين شو تعاقدات الاندية التانية.... الاتحاد والكرامة وتشرين و ....
شوف الشرطة والجيش اللعيبية يلي تعاقدوا معهم وعليهم العين هنن من الوحدة
أنا مو من انصار المحروس ...... بس يلي معروف عن نزار انه مابيرضى غير يكون بالقمة
وهادا يلي بيعجبني فيه ......وأكيد ماحيتنازل عن اي لاعب اذا بده ياه
بس براي الوحدة اذا غلط .....غلط بترك ابناؤه....السيد والعلايا و الزبيدي......
لانه دائما الولد أله طمعة بأبوه وأمه

[love barca or die]

مع أحترامي لكلامك وهدا رأيك يلي أنت حر فيه
بس بالنسبه الي كلامك كلو غلط
مين منا ما بيعرف مين الحافظ والعكاري والأسطنبلي

بس الحقيقه واضح من حكيك أن قلبك محروق عالنادي وأنك وحداوي اصيل:))

[أبوعبده الوحداوي]

صراحة المعسكر حاليا ماله أي فائدة
برأي لازم يكون بعد العيد......
بيكون لاعبين نعرفوا تماما.....وتعرفوا على بعضهم

[حسان الحسيني]

الفتنة غير نائمة بس العالم ساكتة على امل بس امل ماتت

ع شو ساكتة العالم
عل الشغل الصح الي بلشنا نشوفه بالنادي
لحد الان في حوالي 8 لاعبين بين شباب وناشئين بالفريق الاول وهاد شي بيدل انهم ماشيين بالطريق الصحيح
ع شو ساكتة العالم على فريق ماضل فيه لعيبة روس
ع فريق نزل معدل اعماره من 30 سنة لل 24 تقريبا
فهمني ع شو ساكتة العالم
بعدين امل ماتت بيجوز ماتت بالنسبة
اما بالنسبة للكتير امل موجودة طول مافي ناس نضيفة بتشتغل للنادي مو متل غيرها

[حسان الحسيني]

صراحة المعسكر حاليا ماله أي فائدة
برأي لازم يكون بعد العيد......
بيكون لاعبين نعرفوا تماما.....وتعرفوا على بعضهم

لهل ماصار اي معسكر
كل ماهنالك تمرين او تمرينين باليوم الواحد
لرفع اللياقة عند الاعبين

[حسان الحسيني]

طولو بالكن شو نسيتو لاعب داريا محمد عقاد هاد لاعب داريا اضرب واطرح شومفكرين
رغم انو نص الكلام مو مقنع بلنسبة للعكاري واسطبلي

بس كان في احسن من عدنان لو متعاقد مع الازهر منشتري من المجد في ظل ارتفاع مستوي الهلامي

ياسيدي بدي ارجع ذكرك بلاعبين صارو لاعبين بمعنى الكلمة بعد ما اجو عل النادي وكانو بالاساس مغمورين
ينال اباظة اسعد زحاليق ابراهيم كبتول صفوان حبايب محمد جعفر اول طلعته
ولسا في غيرهم كتير لاعبين ماكان حدى يسمع فيهم لما جابهم الكابتن نزار صار كل واحد منهم اله وزنه بالفريق
كمان تعال ع شباب الاردن لاتئلي انو الكابتن اشترى احسن لعيبة الاردن والعرب لجاب البطولات
بلاعبين مغمورين بعد توليفهم بشكل جيد ادر يجيب بطولات
الله يخليك لاتخبط شعبان برمضان

[حسان الحسيني]

هل موضوع ذكرني بعضوة بكورة كتبت
شوبدنا بالاسطنبلي مهاجم ماله منيح لشو جابوه
:b(

[وحداوي موت]

بما انك عم تحكي الكابتن نزار جايب الشعبو

وبما انك عم تحكي على عدنان الحافظ

وبما انك عم تقول انو المجد ما بدو بشار وعناد


فيعطيك العافية دكتور

مو عرفان وين الله حاطك

[علي1991]

حسان انا بعرف مين هاد محمد عقاد ويمكن انت بتعرف اني ساكن بداريا وشايف كل لعيبتها وبعرفها
وفي منن رفقاتي بس العقاد بنسةلاريا في احسنم منو انا تفاجئت انو الكابتن تعاقد معو بهل سرعة قبل المباريات التحضيرية ان شاء الله يطلع معو شي مع الوحدة وكون اانا غلطان

بلنسبة لتدريبات ممكن تعطيني اوقات التدريبات بلضبط وهنن بيدربو الجمعة ولا عطلة

[وحداوي موت]

نحنا أول فريق بلش تعاقدات وبلش تمرين .. بعكس الخمس سنين الماضية

فريقنا نزل معدل اعمار الفريق من ال30 سنة لل24 سنة

الحافظ حارس منتخبات ناشئين وشباب وأولمبي ورجال .. وطلع من الكرامة لانو عندن عملاق بلحراسة يلي هو مصعب بلحوس وبعمرو ما حدا رح يكون اساسي بلكرامة لحتى يطلع البلحوس

بشار قدور كان عم يلعب بلبحرين وقدرنا نجيب عقدو قبل ما يخلص كأس الجمهورية مشان ما حدا يفكر ياخدو

عناد عثمان من أفضل لاعبين الأرتكاز بسوريا وعندو جسم قوي ومنيح كتير لهل مركز

الأسطنبلي رجع للمنتخب بعد المستوى الرائع يلي قدمو مع تشرين


البراك تبع الجزيرة جبناه بمبلغ عادي كتير عمرو 22 سنة والجيش كان طالبو

حمدي المصري احسن لاعب شمال بسوريا حاليا ووقت جبناه كان جاييه خمس عقود احترافية بسوريا

خالد عبد الله تبع الفتوة مو معروف كتير بس شوفو بلدوري شو رح يعمل بلمركز يلي بيلعب فيه


باقي اللعيبة تبع داريا والنضال جبناهن في منن مقدمات عادية جدا وفي منن بس رواتب


بس برائيي هدول اللعيبة احسن ما يكون العاقل والعاجي والخراط وباقي اللعيبة يلي صرلهن عشر سنين عم تاخد مصاري من النادي بس النادي ماعم يستفاد منن بشي



شو الشي يلي موعاجبك بلفريق لحتى سالخنا موضوع طويل عريض

[سامي حرح]

مافي داعي لناقش بهالموضوع..لانو صاحبو بالتاكيد مو عرفان شو عم يصير...

[أبو رائد الوحداوي]

انا بوافق حسان على كلامو يعني اهم شي انو الرؤس الكبيرة طلعت من النادي يعني بنسبة 99 بالمية خلصنا من الشللية والمؤامرات على تفشيل الفريق وبالنسبة لانتقاء الاعبين اثبت الدوري السوري انو الاعب ما بيلبقلو يدلل وليكو قصي والزبيدي وعبد الناصر كانو لاعبيين مغمورين وقت صار على وجهون ضوء بلشوا يرفسوا او بالاحرى رفسوا السبب انو ربيوا بجو غلط كلوا شللية واذا بدك تجيب لاعب مشهور ويتعنطظ عليك اي بلاه من اصلو وانا مع الكابتن نزار باختياراته ولاعبين متل الاسطنبلي والعكاري والمصري بينشهد باخلاقون العالية وحبون للقميص يللي عم يلعبوله افضل بكثير بعدين يا شباب تذكرو الموسم قبل الماضي شلون الخانكان كان قاب قوسين او ادنى من احراز بطولة الدوري بفريق اتخلى عن اركانة امثال الشعبو بعز عطائه وعادل عبدالله وغيرهون والكابتن نزار اذكى من انو يحرق اسمو يللي صرلو عم يشتغل عليه سنين بلاعبين مو شايف انو رح يعملوا معو بصمة وانجاز جديد بمسيرتوا الرياضية كمدرب وانجاز لنادي الوحدة وايد انجاز الهون كافراد لانون لاعب مغمور اكيد بدو يستغل هي الفرصة ويستغل اسم نادي جماهيري كنادي الوحدة تحت مدرب معروف متل الكابتن نزار كي يشهر نفسه وهيك فرصة صعب انو تتكرر للاعب المهم انا بتمنى التوفيق للنادي اولا واخيرا وبتمنى شوفوا باعلى المراتب واكيد مالي مطالب ببطولة الدوري بس على الاقل هي السنة رح حس حالي اني رح انزل عالملعب وانا مرتاح ومالي خايف من المؤامرات بين الاعبين بس خوفي من الدفاع وحرص الكابتن الزايد بتمنى شوف كرة قدم دمشقية تعيد للجمهور المتعطش الاهات على مدرجات العباسيين اخوكم اب رائد

[Nassib kabbani]

ياشباب بدها رواق من الكل مو يعني اذا حدا انتقد نزار بيكون كفر كل واحد له رايه والصراحة انا مالي منتظر بطولات السنة بس عم دور على فريق قوي ينافس ويرفع الراس بس اذا النتائج حتكون متل السنة التانية فاكيد ما رح نقبل بالحجج
هلأ بالنسبة للعيبة فانا بغالط كاتب الموضوع لانو العكاري والاسطنبلي هنن سبب نجاح وظهور تشرين بمستوى اهله للمشاركة الخارجية واحتلال المركز الثالث بالدوري والوصول لنصف نهائي الكأس
بشار قدور وعناد عثمان صرلي زمان مو شايفون بس لما كانوا يلعبوا مع المجد كانو مناح كتير
بالنسبة للاعبي الدرجة التانية فانا بايد كلام حسان الحسيني بخصوص ينال والمعو وبقية الشباب يلي طلعها الكابتن نزار
بس انا عندي عتب على حسان الحسيني وبعض الشباب يلي بيعتبروا نزار خط احمر
انا مو ضد تعطوا وجهة نظركم بس المشكلة بطريقة ردكم دايما بتكون قاسية وفيها تسخيف ليلي بيعارضكون وكانكون انتو صحاب النادي بتمنى منكون تروقوا وما نسمح للفتنة تدق بوابنا ابدا
كلنا مع الادارة وكلنا مع نزار وهو بس يلي بيحقلو يختار مين يلعب وكيف يلعب ووقت بتكون النتائج سيئة وقتها مناقش وبادب بس بعتقد انو بكير من هلأ نحط ضغوطات على الفريق
وللامانة هي اول مرة من زمان الفريق بيتحضر بكير والكل بيعرف انو نزار محروس تمرينو قوي يعني انشالله مع معدل الاعمار الصغيرة وتمارين ابو حامد حنكون اقوى فريق من ناحية اللياقة وانشالله منتوفق بشي مهاجم مهم يحقق حلما وطموحنا
ويلي ما عندو امل بالحياة معناها الفشل

[حسان الحسيني]

التمرين كل يوم الساعة 6 بالنادي
واحيانا بيكون في تمرين صباحي كمان 9.30

[حسان الحسيني]

ياشباب بدها رواق من الكل مو يعني اذا حدا انتقد نزار بيكون كفر كل واحد له رايه والصراحة انا مالي منتظر بطولات السنة بس عم دور على فريق قوي ينافس ويرفع الراس بس اذا النتائج حتكون متل السنة التانية فاكيد ما رح نقبل بالحجج
هلأ بالنسبة للعيبة فانا بغالط كاتب الموضوع لانو العكاري والاسطنبلي هنن سبب نجاح وظهور تشرين بمستوى اهله للمشاركة الخارجية واحتلال المركز الثالث بالدوري والوصول لنصف نهائي الكأس
بشار قدور وعناد عثمان صرلي زمان مو شايفون بس لما كانوا يلعبوا مع المجد كانو مناح كتير
بالنسبة للاعبي الدرجة التانية فانا بايد كلام حسان الحسيني بخصوص ينال والمعو وبقية الشباب يلي طلعها الكابتن نزار
بس انا عندي عتب على حسان الحسيني وبعض الشباب يلي بيعتبروا نزار خط احمر
انا مو ضد تعطوا وجهة نظركم بس المشكلة بطريقة ردكم دايما بتكون قاسية وفيها تسخيف ليلي بيعارضكون وكانكون انتو صحاب النادي بتمنى منكون تروقوا وما نسمح للفتنة تدق بوابنا ابدا
كلنا مع الادارة وكلنا مع نزار وهو بس يلي بيحقلو يختار مين يلعب وكيف يلعب ووقت بتكون النتائج سيئة وقتها مناقش وبادب بس بعتقد انو بكير من هلأ نحط ضغوطات على الفريق
وللامانة هي اول مرة من زمان الفريق بيتحضر بكير والكل بيعرف انو نزار محروس تمرينو قوي يعني انشالله مع معدل الاعمار الصغيرة وتمارين ابو حامد حنكون اقوى فريق من ناحية اللياقة وانشالله منتوفق بشي مهاجم مهم يحقق حلما وطموحنا
ويلي ما عندو امل بالحياة معناها الفشل

مدام ماعم سيئ لحدا بيحقلي دافع بالطريقة يلي بدي ياها
بعدين صاحب الموضوع مغالط حاله بالكلام ان شو ذنبي
لقيت عنده نقطة ضعف بموضوعه واستغليتها

[أبو رائد الوحداوي]

الفرق بين هل الموسم والمواسم السابقة انو وقت اجى الكابتن نزار واستلم الفريق بمرحلة الذهاب السنة الماضية وكمل معنا هي السنة استلم لعيبة رؤس كبيرة واتنعودت انو تتطاول عالمدربيين وعلى رئيس النادي واعضائه بدون اي حساب بحجة لاعبين كبار واي لاعب بدو يلعب من قلب ورب رح يحاربوه لانهون اتعودو عالتنبلة واللعب باعصاب الجمهور والاستنبلي وكنان ديب ضحيه الهون و مو من مصلحتهون يجي مدرب ويضبطهون ويميز بي المنيح والقبيح لزالك كانت الموامرات تحاك ضد تفشيل المدرب والحق دائما موجه ضدو لذلك احسن شي عملوا الكابتن انو قصص جناحاتون واكتر شي مستغرب انو بيجي حدا من الجمهور وبيتاسف على العلايا والزبداني وعمر خليل وفلان وعلان اذا هاظ ميسي وهاظ كريستيانو وهاظ انيستا اي لكن منو هاظ يللي خلانا نتبهدل من كذا سنة سلام

[mmrdem]

متل العادة البعض بس جيب سيرة الكابتن نزار بتتبلش تهاجم بدون اي تفكير لانو عندون الكابتن نزار اهم من الوحدة وعادي عندها يخسر الوحدة بالاربعة وبالخمسة بس يضل الكابتن نزار انا لهالجماعة بس بدي اسالون الكابتن نزار خلال كل الفترة اللي قضاها شو قدم للفريق شفنا شي لاعب مميز صنعو هالمدرب؟قدر يجيب نتائج جيدة للفريق؟ المدربين نوعين اما بيصنع لاعبين او بيجيب نتائج ومع الكابتن نزا ماشفنا لا هاد ولا هاد
هلق برجع لموضوع اللاعبين العكاري الكل بيعرف وفيكون تسالو جمهور تشرين لولا انو الفريق كلو متميز ماكان العكاري جاب هالاهداف اما نحنا جايبينو لنعتمد عليه وبس بعدين ماحدى جاوبني بموضوع التشكيلة هل في توازن بالتعاقدات بين الهجوم والوسط والدفاع؟؟؟؟؟؟؟؟؟؟؟؟؟؟؟ يعني ازا العكاري انصاب لا سمح الله او سي الشيخ اخد بطاقات شو منعمل بحالنا؟منلعب دفاع كالعادة لك ياجماعة انا بدي اسالكم حدى استمتع بلعبة بالموسم الماضي لعبنا كلو دفاع والحجة انو ماعنا لاعبين وبس ليخلص الموسم رح يتغير الحال وسكتنا وكسرنا على انفنا بصلة بس هي خلص الموسم وماتغير شي ومشان الحافظ لما الحافظ كل هالقد خارق ليش طيروه الطليعة بنص الموسم ؟؟؟؟؟؟؟؟؟؟؟؟؟؟؟؟؟؟؟؟وفضلو يضلو بدون حارس على انو يكون معون الحافظواللاعبين اللي تعاقدنا معون كلون قشة لفة ماحدى طالبون لا بانديتون ولا بالاندية اللي عليها القيمة
نحنا لازم نحدد شو بدنا بدنا ننافس ولا بدنا بس نظهر بمظهر مشرف ويكون مدربنا الكابتن نزار؟؟؟؟؟؟
نيناد وقت دخل بدو ينافس طلب من السيد صفوان نظام الدين تشكيلة نجوم هنن الافضل بسورية بهداك الوقت ماجاب لعيبة من النضال وداريا تنفيعة على حساب النادي

[حسان الحسيني]

متل العادة البعض بس جيب سيرة الكابتن نزار بتتبلش تهاجم بدون اي تفكير لانو عندون الكابتن نزار اهم من الوحدة وعادي عندها يخسر الوحدة بالاربعة وبالخمسة بس يضل الكابتن نزار انا لهالجماعة بس بدي اسالون الكابتن نزار خلال كل الفترة اللي قضاها شو قدم للفريق شفنا شي لاعب مميز صنعو هالمدرب؟قدر يجيب نتائج جيدة للفريق؟ المدربين نوعين اما بيصنع لاعبين او بيجيب نتائج ومع الكابتن نزا ماشفنا لا هاد ولا هاد
هلق برجع لموضوع اللاعبين العكاري الكل بيعرف وفيكون تسالو جمهور تشرين لولا انو الفريق كلو متميز ماكان العكاري جاب هالاهداف اما نحنا جايبينو لنعتمد عليه وبس بعدين ماحدى جاوبني بموضوع التشكيلة هل في توازن بالتعاقدات بين الهجوم والوسط والدفاع؟؟؟؟؟؟؟؟؟؟؟؟؟؟؟ يعني ازا العكاري انصاب لا سمح الله او سي الشيخ اخد بطاقات شو منعمل بحالنا؟منلعب دفاع كالعادة لك ياجماعة انا بدي اسالكم حدى استمتع بلعبة بالموسم الماضي لعبنا كلو دفاع والحجة انو ماعنا لاعبين وبس ليخلص الموسم رح يتغير الحال وسكتنا وكسرنا على انفنا بصلة بس هي خلص الموسم وماتغير شي ومشان الحافظ لما الحافظ كل هالقد خارق ليش طيروه الطليعة بنص الموسم ؟؟؟؟؟؟؟؟؟؟؟؟؟؟؟؟؟؟؟؟وفضلو يضلو بدون حارس على انو يكون معون الحافظواللاعبين اللي تعاقدنا معون كلون قشة لفة ماحدى طالبون لا بانديتون ولا بالاندية اللي عليها القيمة
نحنا لازم نحدد شو بدنا بدنا ننافس ولا بدنا بس نظهر بمظهر مشرف ويكون مدربنا الكابتن نزار؟؟؟؟؟؟
نيناد وقت دخل بدو ينافس طلب من السيد صفوان نظام الدين تشكيلة نجوم هنن الافضل بسورية بهداك الوقت ماجاب لعيبة من النضال وداريا تنفيعة على حساب النادي

الكابتن نزار طلع 9 سنين من النادي ونحن ضلينا وحداوية وماحضرناله لااي فريق دربه لامباراة ولاتمرين
هي اول نقطة
لاترجع تحكي بالسنة الماضية بس احكي ب 5 او 6 سنين فريقك بسبب تخبط اداري ونفسيات لاعبيه
كان ينفد من الهبوط للدرجة وباتفاقيات مع غير اندية ويلي مابيشوف الشمس من الغربال بيكون اعمى
كل مرة انت بتحاول تحكي عل الكابتن وبيكون فيه نقاط ضعف كتيرة عندك انا واحد من يلي بيستلغها
شو يعني صناعة نجم فيك توضح هل الكلمة
من سنتين كان عندك الشوشرة مشروع نجم للنادي وفرصته الكاملة اخدها من الكابتن نزار
اسامة اومري مشروع نجم لسورية مو بس للوحدة وفرصته الكاملة اخدها من الكابتن نزار
لاول مرة من 10 سنين منشوف 8 لاعبين شباب وناشئين عم يدربو مع الفريق الاول واكيد مارح يصيروا نجوم بيوم وليلة
فهمنى شوبدك اكتر
ولاحدى يحاسبنا على محبتنا للكابتن
بس اكيد مارح تكون اكتر من انتمائنا لنادي الوحدة
بخصوص التوازن بالفريق حاليا في عنا 4 مهاجمين ولسا الكشوفات ماتسكرت

[وحداوي موت]

ليش انت فيك تقلي النادي شو قدم للكابتن لحتى يعمل نتائج

يلي بيسمعك بيقول كان في لعيبة وفي مصاري بس الكابتن يلي ما قدر يعمل شي

أول سنة استلم الفريق قبل شهر من بداية الدوري وقبل مرحلة الذهاب ما كان في رواتب ولا في مصاري بلنادي


السنة الماضية شو رح يعمل بلعيبة اغلبيتها خالصة واكل عليها الدهر

انت بتعرف السنة الماضية وصل الفريق للاعب 23 كل الأندية بتوصل للاعب 16 او 17 نحنا وصلنا لل23

شي مصاب وشي حرادن وشي بطل يلعب

هي السنة شوف الفريق وبعدين حكوم على الأقل انظر للعبة التالته او الرابعة من الذهاب واحكي يلي بدك ياه

شو عليه اذا كان في بكل مركز اكتر من 3 لعيبة او اربع وخليهن ينحطوا بعض بلتمرين لنقدر نصل للاعب الأفضل

بدك بكل مركز تنين او تلاته مشان كل واحد يكبر راسو ويفكر مافي غيرو بلنادي

عم تدفع شي من جيبتك للعيبة أنت



اذا انت شايف مباريات الأياب السنة الماضية كنت لازم توصل لنتيجة لو عنا لعيبة متل العلم والناس كنا ربحنا اغلب المباريات


لعيبة الأتحاد لو كان في لعيبة دفاع مرتبين غير غسان وينال كان صار فينا هيك

لعبة الكرامة لو في لعيبة بتخاف من الله كنا خسرنا

لعبة الشرطة لو الخليل سجل الجزاء كنا تقدمنا تنين صفر والشرطة ناقص لاعب

بس اذا لعيبة اللعيبة قابضين حقها قبل ما يصفر الحكم شو بدو يعمل الكابتن

لعبنا تشرين بللاذقية وضربتين جزاء الحكم طنش عليهن وكول صحيح مية بلمية ما حسبلنا ياه وخسرنا واحد صفر


على فكرة انا عم احكيلك على مباريات الفرق الكبيرة والمتصدر ة

[حسان الحسيني]

الغريب انو بالسنوات الماضية ماكنا نشوف منك هل الانتقادات بتخص اي مدرب
بس جاية تفتح مواضيع عل الكابتن نزار
الك مني وعليي طول ما انا عايش وبكبس عل الكيبورد طول ماتتهجم عل الكابتن
كون اول واحد واقف بوش كتاباتك

[أبو رائد الوحداوي]

متل العادة البعض بس جيب سيرة الكابتن نزار بتتبلش تهاجم بدون اي تفكير لانو عندون الكابتن نزار اهم من الوحدة وعادي عندها يخسر الوحدة بالاربعة وبالخمسة بس يضل الكابتن نزار انا لهالجماعة بس بدي اسالون الكابتن نزار خلال كل الفترة اللي قضاها شو قدم للفريق شفنا شي لاعب مميز صنعو هالمدرب؟قدر يجيب نتائج جيدة للفريق؟ المدربين نوعين اما بيصنع لاعبين او بيجيب نتائج ومع الكابتن نزا ماشفنا لا هاد ولا هاد
هلق برجع لموضوع اللاعبين العكاري الكل بيعرف وفيكون تسالو جمهور تشرين لولا انو الفريق كلو متميز ماكان العكاري جاب هالاهداف اما نحنا جايبينو لنعتمد عليه وبس بعدين ماحدى جاوبني بموضوع التشكيلة هل في توازن بالتعاقدات بين الهجوم والوسط والدفاع؟؟؟؟؟؟؟؟؟؟؟؟؟؟؟ يعني ازا العكاري انصاب لا سمح الله او سي الشيخ اخد بطاقات شو منعمل بحالنا؟منلعب دفاع كالعادة لك ياجماعة انا بدي اسالكم حدى استمتع بلعبة بالموسم الماضي لعبنا كلو دفاع والحجة انو ماعنا لاعبين وبس ليخلص الموسم رح يتغير الحال وسكتنا وكسرنا على انفنا بصلة بس هي خلص الموسم وماتغير شي ومشان الحافظ لما الحافظ كل هالقد خارق ليش طيروه الطليعة بنص الموسم ؟؟؟؟؟؟؟؟؟؟؟؟؟؟؟؟؟؟؟؟وفضلو يضلو بدون حارس على انو يكون معون الحافظواللاعبين اللي تعاقدنا معون كلون قشة لفة ماحدى طالبون لا بانديتون ولا بالاندية اللي عليها القيمة
نحنا لازم نحدد شو بدنا بدنا ننافس ولا بدنا بس نظهر بمظهر مشرف ويكون مدربنا الكابتن نزار؟؟؟؟؟؟
نيناد وقت دخل بدو ينافس طلب من السيد صفوان نظام الدين تشكيلة نجوم هنن الافضل بسورية بهداك الوقت ماجاب لعيبة من النضال وداريا تنفيعة على حساب النادي

هلق في بكلامك حدة بتزكرني شلون بكلامي وقت نخسر من الكابتن نزار وشلون اتهاجم من كتير ناس بس بالحقيقة كنت على طول حط الحق انو عالكابتن وساوي لاعبينا ابطال بس بعد يللي شفتوا من هل الاعبين وقلة وفائهون وانتمائون انا مع الكابتن ومع ىاختياراته وبرجع بقول مين كان بيتوقع قصي وعبد الناصر يصرلهون هل الصولة والجولة المهم لاعب قاتل حالو ليلعب معك ويأجد نجوميته وينشهر عندك افضل من الف لاعب جايه ومستسخر حالوا فيك وانا مقدر حرقة قلبك واكلها قبل منك كتير واكيد مالك لاصاحب فتنة ولا من هم يحزنون ومعك حق في كتير عالم متعصبة لنزار وبدافع عنو بطريقة بتخلي العالم ما تفهمون ويزيد كرهها له باعتباروا شخص لا يخطا وهل شي غلط اخوك اب رائد

[حسان الحسيني]

مين الك ابو رائد انو الكابتن معصوم عن الغلط
بس حاليا بهل الفترة ورجيني وين غلطه
مابدي احكي بالارقام لانو مالو مسموح
بس فريقنا هل السنة من اقل الفرق بالدوري السوري تكلفة من ناحية مقدمات العقود
العالم بدها نجوم بالفريق ع اساس وهاد شي مو لمصلحة الفريق
لما بيكون عندك فريق كل لاعبيه مسخرين حالهم للجماعية احسن بمليون مرة مايكون عندك نجمين وكل واحد يعمل راس فيهم

[mmrdem]

والله ياحسان بحبك مابعرف ليش والحوار سجال بيناتنا

[أيهم القاضي]

حكي غريب ومو بوقتو ومالو طعمة يعني أنا مالي مع الكابتن (نزار) ولا مع غيرو بس هاد هو الموسم الوحيد اللي بياخد فيه فرصتو كاملة من اختيار اللعيبة للتحضير المبكر والتقييم أكيد مو قبل نص الموسم الجاية .

وبعدين نحنا كلنا شايفين وضع اللعيبة بسوريا ما في حدا فيه بصراحة ممكن ينقال عنو نجم مشان هيك ممكن تقلي على لعيبة أحسن من هدول وبنفس السعر خاصة أنو الوضع المادي ما صار عليه أية تحسن و لسا النادي تحت رحمة التبرعات

مين مثلاً بدك؟....... (محمد زينو) مستواه متراجع وسعره خمس أضعاف (العكاري) واللي شاف الدوري الكويتي السنة الماضية بيعرف هالشي

وفي نقطة تانية الكابتن نزار مالو مسؤول مباشر عن القواعد وهو بيعطي نصائح بس الدور الكامل على مدربين الناشئين والشباب ومعروف أنو السنة الماضية كبر الاهتمام بالقواعد بس مو معقول نتوقع نشتغل على لاعب عمرو (13)سنة ويخدمنا السنة اللي بعدها مباشرة والموضوع بدو صبر شوي

بإختصار ضمن ظروف النادي و اللعيبة السوريين الحالية أنا بعتقد هادا اللي عم يصير منيح بس بنتأمل نتابع التخطيط صح لنشوف المستقبل أحسن

[ابو احمد]

كل الوفيق لابو حامد الملك
بالنسبة للاعبين المغمورين انا بتوقع يكونوا علامةفارقة بالموسم المقبل
ياريت الاخ العزيزعامر يخبرنا شو صار معو بالاجتماع تبع سي الشيخ

[wassim80]

خلينا ننتظر نتائج هالفريق وبعدين نحكم .
وبصراحة الجمهور ماعد يقدر يتحمل متل خسارات السنة الماضية ؟

[حسان الحسيني]

والله ياحسان بحبك مابعرف ليش والحوار سجال بيناتنا

تحبك العافية
وانا بحترمك تناقض وجهات نظر مافيها شي
كل واحد اله قناعة بيدافع عنها بطريقته
ممكن تكوني طريقتي حدة بس ضمن حدود اني مابغلط بحئك
كتير من صحابي بالمنتديات منكون عم نتاقر بمواضيع النادي
بس بالمسنجر منكون عم نضحك مافيها شي

[عيون برتقالية]

نيناد وقت دخل بدو ينافس طلب من السيد صفوان نظام الدين تشكيلة نجوم هنن الافضل بسورية بهداك الوقت ماجاب لعيبة من النضال وداريا تنفيعة على حساب النادي

و هي نقطة تانية غلط
نيناد ما طلب و لا جاب تشكيلة نجوم
كل اللاعبين يلي أخد فيهن نيناد الدوري و الكأس باستثناء الكابتن ماهر هنن لعيبة من انتقاء المدرب ابن النادي أيمن حكيم
و لا غلط كلامي
بقى مين هي تشكيلة النجوم يلي طلبها نيناد من الاستاذ صفوان

[نستول]

انا مالح احكي غير عن اللعيبة يلي قدمها ابو حامد بعد هبوطنا للدرجة الثانية ومن ثم العودة الجعفر والكردي والكبتول والحبايب والشمسين وجمال ياسين والاباظة والعاجي وعدنان مرزوق ولعيبة شباب كتير كتار بس بهداك الوقت صار حملة كبيرة على المحروس وماقدر يكمل مشروعو فليش هلئ مانعطي حقه ولو مرة وحدة ونتركو يشتغل على كيفو وهو يختار وهو يحضر وبعدين منحاسبو
هلئ معقول بزمانو صبرتوا على منصور الحاج سعيد كل فترة التحضير وقلتوا خلونا نشوف خيروا من شروا وهلئ مو حابيين تصبروا على المحروس يلي ثلاث ارباع لعيبة البلد بيتمنوا يلعبوا تحت اشرافوا اما موضوع انو عم يغلط من عدموا فما حدا معصوم من الغلط ولما منشوف الفريق لو شي مباراة وحدة عالاقل خلونا نحكم والله لعيبة النضال يلي مو ع8اجبة الشباب ان شاء الله ومن خلال تحضير المحروس لح تظهر بشكل كتير حلو وتذكروا كلامي ان شاء الله

[أغيد الفرا]

بما انك عم تحكي الكابتن نزار جايب الشعبو

وبما انك عم تحكي على عدنان الحافظ

وبما انك عم تقول انو المجد ما بدو بشار وعناد


فيعطيك العافية دكتور

مو عرفان وين الله حاطك




:mrgreen::mrgreen::mrgreen::mrgreen::mrgreen::mrgr een::mrgreen:

[حسان الحسيني]

نيناد استلم فريق كان اله 4 سنين مركزو بين ال 3 وال5
ولا هي مابتفرق معك دكتور

[أبو رائد الوحداوي]

قبل ما اشتغل عالتكسي كنت اشتغل بمعمل جرابات المهم كنا حوالي الخمصطعشر عامل على 3 وارديات كل واردية 8 ساعات واقل واحد فينا كان هو انا صرلي خمس سنين بشتغل بنفس المعمل وهل شي ساوا عنا حالة من كشف اوراق بعض زكل وجاعة لفت على بعضها ومصلحتنا فوق مصلحة الشغل بصراحة يعني احيانا بواردية الليل مثلا انا كنت غطها نومة ومستلم مكنة سباندكس يقوم الخيط يكون عم يلف بلا ليكرة وتطلع الكونة مضروبة بس شريكي يمرقلي لانو انا يا ما مرئلو على هل المقايم قيم هيك لحتى كبر راسنا كتير وكل يوم واحد فايت شي بدو سلفة وشي بدو اجازة وشي تعويض وشي زيادة والمعلم بصراحة ابن حلال كتير وما يردنا خايبين ونحنا عم نستغل طيبة قلبوا من دون ما نعرف تحت مسمى انو نحنا الله يعينا وهو الاقطاعي والبرجوازي هيك لحتى اجا ابنو يللي كان عم يدرس بالامارات واستلم المعمل صدقا خلال شهر واحد ساواه الدوام واردية وحدة بس 12 ساعة متواصلة والمكنة يللي كان عم يستلمها واحد صاروا ثلاثة وجاب خمس عمال كراد من الحسكة كرمال نعلمهون انا ما كملت الشهر وبطلت وفي غيري بطل الله وكيلكون صرنا نتمنى كاسة الشاي تمنى وزيادة الدوام بلوشي وبد ما كان المعمل خرابة صار شي حضارة انا بصراحة والشغيلة كتير حقدنا عليه بس المنطق بيقول انو حقوا على ايام ابوه اخدنا وش وكترنا وشغلنا كان بلا ضمير وبلا اخلاق المهم الشغيلة الكراد يللي جابهون ما بيطلع اجارهون الربع يللي كنا ناخده وليكون اتعلموا متل ما نحنا اتعلمنا وعلموا غيرهون كمان هو صحي صبر شهر ونزل الانتاج بس رح يرتاح دهر لانو ما عاد في تقاعس يللي بيتعنطز بيحط رجلوا بيضهروا شنو في غيروا ومو مسلم رقبتو لحدا

[هنو]

كتبت رأيك يا دكتور
فأهلا وسهلا بك وبه

ولايستطيع لأحد أن يمنعك بقول رأيك مهما كان

و هذا ايضاح بسيط مني
و لنبدأ من البداية
فأنت قلت أن أمر الكابتن نزار غريب بانتقاء لاعبيه
ولأسأل هنا متى كان انتقاء اللاعبين باختيار الكابتن نزار و بهذه الاريحية الا هذا الموسم ؟

بدأ من مركز حارس المرمى فأحضر لنا الحافظ باكرا مما ترك علامات الصدمة عند باقي الاندية الراغبة بالتعاقد معه (ولك أن تسأله)
أما لماذا لم يبقي الأزهر فالأزهر بالاساس عقده مع المجد سنتان و المجد لايرغب باعادة اعارته
و للاطمئنان آكثر على المركز أحضر حارس النضال الذي كان قريب من الصعود للأولى

اتى بعدها لخط الدفاع فوجده شبه خال بعد اعتزال الاباظة و انتقال عبد الناصر واصابة الشعار
فاختار وابدع بالاختيار عندما جلب الرائع اسطنبلي و الصلب باسل العلي والصغير الدهان
ولمن لايعرف عن الاسطنبلي و العلي شيئا أو نسي أدائهم أيام البرتقالي فله أن يشتري سيديات أنديتهم السابقة و يتابعهم

وعندما وصل لخط الوسط وجد نفسه أيضا أنه أمام خط شبه فارغ
فأعاد الشوشرة وجلب عناد (قد لايعجب بعضنا لأنه لاعب غير مهاري ولكنه لاعب تكتيكي عالي المستوى يربط الخطين بأريحية
وبعدها احضر القدور اللاعب الوحيد منذ سنين (باستثناء رجا على ما أعلم) الذي احترف خارجا من لاعبي نادي المجد و سأذكرك بأدائه مع بداية الموسم
و على الجهتين كان البراك (من أفضل لاعبي الجزيرة)
وحمدي المصري الذي قاتل لناديه لاعادته (ياترى ليش ؟ معقول لأنو سيئ)

وعندما وصل لأهم المراكز وجده مليئ بكل شيئ الا المهاجم القناص فحاور الزينو الذي طلب مقدم عقد أكبر مما يستحق بل بسعره يمكننا جلب لاعب بعمر و ابداع سي الشيخ
فوقع الاختيار على هداف ثالث الترتيب وبطل الاياب اللاعب الهداف الذي سيرقص مدرجات العباسيين طربا بإذن الله بأهدافه بجوار معتز صالحاني (سألت أحد لاعبي النضال وهو محمد طيبة عن مستوى الصالحاني فقال أخذتم أفضل لاعبينا وافضل هدافي الدرجة الثانية)

أما قولك أنهم نخب عاشر ولاعبين درجة تانية فالرد هنا سيكون منهم بأرض الملعب

أما تعاقدات الأندية الأخرة
فالكرامة يملك عشرات الداعمين واستثماراته بعشرات الملايين (رزقهم الله فكلامي ليس حسد والعياز بالله بل فقط للتوضيح )

والاتحاد حاليا ينزف ولايشتري

الجيش جاب الكيلوني بمبلغ عالي والباقي عاديين

الشرطة مو عرفان مدير كرتهم الله فين حاطو
أبز تعاقداتو عبد الناصر ولايحلم بقصي

مين في لسا أندية عم تتعاقد مع اسماء لامعة
بظن مافي

وبالمناسبة التعاقدات مو ببلاش والممول شخص أو اثنين مشكورين كل الشكر
والنادي دوبها اراداتو تسد المصاريف الصغيرة

أما المعسكر الخارجي فلسا ما اتحدد ح يكون ولا لاء واذا كان داخلي مع استضافة بعد الاندية من دول الجوار فبظن مافي فرق

وحلوة محبة النادي بل رائعة
وحلو النقد
بس مو قبل العمل

يعني اتخيل انت مثلا وكونك دكتور اسنان ايجي انا قول شو هادا ولو قلنالو السن الفلاني منخور راح حفر الي ادامو ولبس يلي فوقو
وانا كلي ع بعضي لسا مارحت لعندك
يعني من الغلط اني احكم عليك من بعيد وبدون ما شوف شغلك (طبعا انت معلنا دكتور وهادا فقط مثال ليس الا)

ذاك رأيك وهذا رأيي
وتقبل احترامي دكتور

[sameer.adawi]

ياشباب بدها رواق من الكل مو يعني اذا حدا انتقد نزار بيكون كفر كل واحد له رايه والصراحة انا مالي منتظر بطولات السنة بس عم دور على فريق قوي ينافس ويرفع الراس بس اذا النتائج حتكون متل السنة التانية فاكيد ما رح نقبل بالحجج
هلأ بالنسبة للعيبة فانا بغالط كاتب الموضوع لانو العكاري والاسطنبلي هنن سبب نجاح وظهور تشرين بمستوى اهله للمشاركة الخارجية واحتلال المركز الثالث بالدوري والوصول لنصف نهائي الكأس
بشار قدور وعناد عثمان صرلي زمان مو شايفون بس لما كانوا يلعبوا مع المجد كانو مناح كتير
بالنسبة للاعبي الدرجة التانية فانا بايد كلام حسان الحسيني بخصوص ينال والمعو وبقية الشباب يلي طلعها الكابتن نزار
بس انا عندي عتب على حسان الحسيني وبعض الشباب يلي بيعتبروا نزار خط احمر
انا مو ضد تعطوا وجهة نظركم بس المشكلة بطريقة ردكم دايما بتكون قاسية وفيها تسخيف ليلي بيعارضكون وكانكون انتو صحاب النادي بتمنى منكون تروقوا وما نسمح للفتنة تدق بوابنا ابدا
كلنا مع الادارة وكلنا مع نزار وهو بس يلي بيحقلو يختار مين يلعب وكيف يلعب ووقت بتكون النتائج سيئة وقتها مناقش وبادب بس بعتقد انو بكير من هلأ نحط ضغوطات على الفريق
وللامانة هي اول مرة من زمان الفريق بيتحضر بكير والكل بيعرف انو نزار محروس تمرينو قوي يعني انشالله مع معدل الاعمار الصغيرة وتمارين ابو حامد حنكون اقوى فريق من ناحية اللياقة وانشالله منتوفق بشي مهاجم مهم يحقق حلما وطموحنا
ويلي ما عندو امل بالحياة معناها الفشل



يسلم تمك يا ابو نزار

حطيت ايدك عالوجع

[وحداوي موت]

على فكرة اخ منير

لتكون بلصورة بيني وبينك كأشخاص صدقني مافي أي شي أبدا

وبحبك وبحترمك ومافي اي سوء نية تجاهك

يمكن نحنا مختلفين من حيث النادي والشي يلي عم يصير بلفريق

بس كشخصك مافي شي أبدا أبدا بلعكس أنت على العين والراس

[عيون برتقالية]

محترم يا عامر:)):))

[عمار عبار]

الاختلاف بالراي لا يفسد للود قضية



اما ان نقلل من لاعبي النضال ونحن لا نعرف عنهم شيء
فليعلم الجميع بان جلبهم لم يكن سهلا اطلاقا

يعني بالزور لحتى النضال عطانا كشوفتهم


وباذن الله سترون ماذا سيفعل معتز صالحاني والدهان

وباعتقادي بانهم سيكونون من نجوم سوريا قريبا


اما لاعب داريا فما بعرف عنوا شي
لاني ما بتابعهم وخاصة انهم اذناب لنادي الجيش:mrgreen:

[البوابة الدمشقية]

أحلى شيء بنادي الوحدة

أنو النادي كبير وجمهوره كبير

والاراء مختلفة والمدربين كتار


وبعضهم يرى الامور ويسيرها حسب مزاجه وهواه




وهالمحروس ما كان لتاريخ اليوم يخلصنا من هالقصة



يا نزار يا محروس خلصنا ودرب منتخب سورية

وحط شرط على اللاعبين كل من يريد ان يكون بالمنتخب


يجب أن يلعب بالوحدة ببلاش


حتى جمهور الوحدة يقتنع بأسماء اللاعبين


وحتى ترضي كل الاراء


وبتوفر على النادي المليارات يلي يصرفها الوحدة كل سنة بالتعاقدات



والله حرام كل سنة الوحدة عم يخصص مليار ليرة


وانت عم تضيعها يا محروس هيك اسماء




عبد الرحمن عكاري


محمد اسطنبلي

بشار قدور

عدنان الحافظ

حمدي المصري

سي الشيخ

قصي حبيب

وغيرهم



كلهم لاعبون نخب تاني ومابيعجبوا جمهور الوحدة






ليش هيك يامحروس



فعلا أنها مصيبة


يعني انت ثاني أفضل مدرب عربي 2007

وأفضل مدرب متطور بأسيا 2007

وهداف منتخب سورية

ومدرب تحمل شهادات من ألمانيا نخب أول

ومن سلوفاكيا وصار فيك تدرب باوربا


وإن كنت تعلم فالمصيبة أعظم



على ما يبدو أنو جمهور الوحدة رح يفتح أكاديميات لتخريج المدربين


وبكرة بتشوف يا محروس كيف رح يطلعوا أفهم منك





عحبي

[فادي النابلسي]

بالتوفيق للكابتن نزار وكلنا شفنا منتخب ألمانيا شو ساوا باالأنكليز و الارجنتين المليئة بالنجوم من خلال اللعب الجماعي وعدم الأعتماد على الأسماء الرنانة ....وأنا بتمنى يكون الكابتن نزار بدو يعتمد على الأنضباطية واللعب الجماعي ..........
وللتذكير لما جبنا : المندو والرداوي والأزور كانو لا عبين جيدين بس مو هل اسماء و مانشهروا ودخلوا المنتخب غير من بوابة الوحدة ...بقى خلونا متفائلين وأنشاله خير

[سمير الوحداوي]

الغريب انو بالسنوات الماضية ماكنا نشوف منك هل الانتقادات بتخص اي مدرب

بس جاية تفتح مواضيع عل الكابتن نزار
الك مني وعليي طول ما انا عايش وبكبس عل الكيبورد طول ماتتهجم عل الكابتن
كون اول واحد واقف بوش كتاباتك



قلك الحق باي رد بدك.

بس انا بدي اطلع عن الموضوع شوي انت شوي ضايج وفلتت منك الامور مع انو معك الحجة.

بس المشكلة طروحات الدكتور كلها ضبابية وباكتر من موضوع جدلي ليش لهلأ لضجتو عليه مو غريبة....

[سمير الوحداوي]

يعني في تعصب واضح وما في انسان منزه والكابتن ممكن يغلط وهيك شاف الزلمة فرطوها بقا

[أبو شام]

جزء مهم من تعاقدات أبو حامد الكل مبسوط فيها ..
وجزء تاني مبهم ..بمعنى أنو يا حواجبو يا عيونو ..
بكل الأحوال ع المغتسل رح يبان ...
بشكل عام البوادر مشجعة أكتر من غير سنين ..
بس بيبقى هاجس كل سنة المتكرر بعيون الناس..
وهاد الخوف ..
القصد يمكن من كلام الدكتور أنو حجج ما في ..
السنة حجج ما في ...
صحيح أنو كلياتنا مجرد متابعين .. مشجعين ..وفنيا" ..ما حدا عندو 1% من خبرة ابو حامد ...
بس بالمقابل في حق لكل بني آدم وحداوي ينتقد ..(بشكل موضوعي ) ..
والمعيار الفاصل رح يكون 1_أداء الفريق(وهي برأيي أهم من النتائج) ..
2_النتائج ..
يلي اذا كانوا بالمستوى ..ما حدا رح يسترجي يفتح تمو بنص كلمة ..
واذا حصل العكس ..
فالانتقاد رح يكون حاضر ..وبقوة ..
لأنو النادي أغلى من أي حسابات شخصية ..
المهم أنو نحكي بمنطق وعقلانية ..سواء كدفاع عن أبو حامد ..أو كانتقاد الو ..
بدون تشنج ..وبدون تسخيف لآراء الناس ..

[wassim80]

الكابتن ابو حامد مو معصوم عن الغلط, ولازم يكون في مساندة اله بهالوقت ومن الكل
ان شاء الله بيتعاقد مع اللاعب (محوول أبو فكحة) حنكون معه قلبآ وقالبآ.....


لكن صدقوني أنا أول الناس يلي حيحمله على كتافه لما نشوف نتيجة شغله المنيحة والنتائج
وكمان لح كون أول واحد حيطالب بالاستقالة بحال كانت النتائج كالعادة ومتل موال كل سنة يلي الناس ملت منه..!!!

[ابو كريم]

منيح يلي زدلي دور
لأنو ما شا الله عامر وهنو حسان رادين عالموضوع أحسن ردود
يعني مافي اضافة كتير
بس يلي لازم نعرفوا انو مو ضروري تنافس بأفضل اللاعبين وأشهرهم
وبرشلونة أكبر مثال دون تشابيه عندما بدأ على يد ريكارد بإحراز الألقاب
بلاعبين شبه مشهورين كديكو وإيتو المتواضع وقتها وميسي الذي لم يُعرف بعد الخ..
اليوم فريقنا يدخل الدوري بتشكيلة جديدة كيف لا والمغادرون 16 والحاضرون إلى الآن 14
إذاً نحن أمام معضلة لا يمكن حلها بشراء اللاعبين الكبار!!..
بدي اسألك سيد منير، هل الأنسب أنو أجمعلك الاسطنبلي والحميدي وجهاد الباعور في فريق واحد؟؟؟
أم تحلم بضم عبد الرزاق الحسين ومعتز كيلوني وقصي حبيب بفريق واحد؟؟!!
لا أعلم سبب موضوعك في هذا الوقت وأنت غير حاضر لتمارين الفريق
ومن يشاهدها يجد الحماس في الشباب الذين أراهن عليهم هذا الموسم لصنع الفارق في البرتقالي

تنتقد الحافظ ومن أمامه كان البلحوس والاثنان لا يقلان عن بعضهما ولكن هل تريد من أبو شاكر
أن يزج بالصغير ويترك الكبير!!!
ننتقل للاسطنبلي الذي عاد للمنتخب بسبب مستواه الكبير مع تشرين إضافة لباسل العلي الذي
سيعيد ثنائي أيام زمان هو ومحمد
أما من ناحية حمدي فإصرار النواعير أكبر دليل على أنه لاعب من طينة الكبار وأعتقد أنه سيكون صفقة الموسم
للوحدة هذا الموسم شأنه شان العكاري الذي لم يرد الكرامة إعادته كي لا يظهر بمظهر الصغير أمام جمهوره وهو
الذي تركه الموسم المقبل يبدع مع تشرين وليعطي سبب لجمهوره بان العكاري لا يستحق القميص الأزرق ولكن
سيكون رد العكاري في أرض الملعب إن الله راد.
اللعيبة الشباب لا أريد أن أقدم لك أعذار أو مقدمات لهم لأنهم سيبرزون أنفسهم وسيردون بأنفسهم على كل النقاد
وانتظر الشيحة الذي قد يأخذ مكان الحافظ

[mmrdem]

على فكرة اخ منير

لتكون بلصورة بيني وبينك كأشخاص صدقني مافي أي شي أبدا

وبحبك وبحترمك ومافي اي سوء نية تجاهك

يمكن نحنا مختلفين من حيث النادي والشي يلي عم يصير بلفريق

بس كشخصك مافي شي أبدا أبدا بلعكس أنت على العين والراس

وانا والله نفس الشي

[mmrdem]

هلق انا رايي انو اللاعبين دون المستوى ومارح نجيب نتائج وراي الشباب انو نستنى لنشوف اللعب بس انا حكيت هالحكي لحتى وقت ننتقد ماحدى يقول ليش ماحكيت من قبل نحنا اكيد رح ندعم فريقنا ورح نشجعو ونروح عالملعب باي تشكيلة واي مدرب كان واكيد لو الله وفق الكابتن نزار بتشكيلتو وجاب نتائج جيدة مارح ازعل بالعكس رح انبسط وازا كسرلي راس العقيل والسويدان رح انزل عالملعب وبوسو من بين عيونو لانو والله من زمان ماطقينا العسكر والله ملينا من النتائج السلبية حاجتنا لهيك انا حكيت وجهة نظري وعدم اقتناعي باللاعبين وازا صار العكس فالمكسب معنا وساعتها رح اعترف بخطئي

[حسان الحسيني]

قلك الحق باي رد بدك.

بس انا بدي اطلع عن الموضوع شوي انت شوي ضايج وفلتت منك الامور مع انو معك الحجة.

بس المشكلة طروحات الدكتور كلها ضبابية وباكتر من موضوع جدلي ليش لهلأ لضجتو عليه مو غريبة....

بالعكس انا كتيررررررررررررررررررر مرتاح
ولاحظ انو مواضيع الحكيم بتشدني كتير

[SAD LoOoVER]

والله العظيم رح يطقو خواصري من الضحك ..
غريب انت يا كابتن نزار ليش عم تختار هاللعيبة .. لازم نتعاقد مع فطاحل العالم

حبيبي يبدو انت ما كنت متابع الموسم الماضي :evil:

ردي شوي قاسي بس رح احكيها بالمشرمحي احمد قوطرش و الدرة الحالية هي احسن اسماء موجودة حاليا

الكابتن نزار محروس هو افضل اسم ممكن يتسلم تدريب الفريق

ما بدي احكي كتير الشباب كفت ووفت ... أول شي ما بعرف شو القصد من ورا الموضوع هلئ
يعني اول شي ما انتهت التعاقدات
تاني شي مافي ولا لاعب متأكدين انو معنا لانو لسى ما في عقود
تالت شي من شي 5 سنين اول مرة بشوف الفريق عندو خيارات من وقت و من لاعبين

بالنسبة للاعبين يلي مو عاجبينك
عبد الرحمن عكاري و محمد اسطنبلي اهم سببين من اسباب نهضة تشرين الموسم الماضي
باسل العلي لاعب بيلعب من قلب و رب
عدنان الحافظ حارس متخب حاليا
بشار قدور مقدم مستوزى حلو بالبحرين و مو المجد يلي كبو نحن سبقنا المجد وقعنا معو

اللاعبين المغمورين هنن لاعبين من النضال و المحافظة و بعضون مروا على فئات البرتقالي و لقلك مركزون حارس تالت

مهاجم و في كم لاب بالوسط و مدافع وحيد

برأي الشخصي الفريق ماشي بسكة صح مية مية و ان شا اله عم يتم وضع ارضية متازة و ماحدا عم يقصر

بالف يا ويلاه وصلنا لهون و مابدي ذكركون السنة الماضية متل هلئ وين كنا

الموضوع بصراحة صار بدو حزم شوي و ياربت الصبر !!! :b(:evil::chee1:oops::mrgreen:

[MEDOO]

أنا بتوقع موسم عادي و نزار بيجيب حسب امكانيات النادي

[مأمون النجار]

:flعبد الرحمن عكاري ابعد من الكرامة بسبب تدني مستواه الى تشرين حيث لم يقدم الشئ الكثير كمهاجم فتم جبر خاطره بجمعية الوحدة الخيرية للاعبين المنحوسين
عدنان الحافظ لم يجد مكان له في الكرامة فانتقل الى الطليعة وهناك خرج منه بسبب مشكلة مع نادي الطليعة الكل بيعرفها ومن المعيب نحكي فيها
محمد اسطنبلي وباسل العلي بينطبق عليون المثل اللي بيقول اللي بيجرب المجرب بيكون عقلو مخرب
ويمكن هي شغلة بتصير لاول مرة بالتاريخ انو نادي يتعاقد مع لاعبين من برات النادي وبعدين ينهي التعاقد ويرد وهنن على ابواب الاعتزال يجبر بخاطرون بتعاقد جديد خطي حرام
عناد عثمان وبشار قدور استغنى عنهم نادي المجد لانهم لم يضيفو شئ للفريق ولا اتوقع نجاحون بالوحدة
اما البقية فما سمعت فيون واكيد التعاقد معون هو لمصلحتون مو لمصلحة النادي

له ...له تقيمك للاعبين فيو شوية مغالطات بالنسبة للعكاري هومن افضل لاعبي تشرين وانا شفتو طول الموسم تقريبا والحافظ ما بيلعب اساسي لانو مصعب موجود واصطنبلي من افضل لاعبي الدفاع حاليا بسوريا واختيارو للمنتخب مو غباء والقدور ممتاز وانا برأيي انت تسرعت بحكمك والكابتن نزار ما بدو حدا متلي يدافع عنو بس الاختيار للاعبين ما بيتم على نظرية انا بدي فلان في لجنة وفي خيارات فنية بتتحكم فيها مسائل مادية كتيرة ولعلمك خسارات السنة الماضية ما اجت الا لانو دفاعنا كلو كان فيو مشاكل وهدا اللي صار بس بتوقع المعادلة الفنية الموسم الجاي رح تختلف انشاء الله وشكرا الك لغيرتك على النادي وطول بالك:))

[f.torres]

انا شخصياً ثقتي بالكابتن نزار كتير كبيرة وبحترم كل قراراتو وان شاء الله رح يكون الوحدة هل سنة غير

بس على فكرة حتى لوماكان غير -يعني حتى لو نزل عل درجة التانية لا سمح الله - مارح يتغير شي بالنسبة الي رح ضل حب الوحدة والمدرب نزار للأبد

[محمد قطاش]

ياعزيزي يبدوانك بعيد وما بتعرف شي عن الكبتن نزار أذا بتسمحلي زكرك بأول الموسم 2008-2009لما أختار الكبتن نزار اللعيبة شلون كانت النتائج وشلون صار ت النتائج بعد ماترك الأصة مو بس لعيبة مناح وبس فكر المدرب بيلعب دور وبرأيي تجيب لاعب مغمور وتتعب علية بيعطيك أحسن ماتجيب لاعب مشهور ويشوف حالو عليك متل الموسم الماضي

[DIABO MAN]

كلامك بكيررر عليه كتيررر انا لابدي دافع ولا بدي هاجم حداااا
بس بقلق بكرة الدوري بيبدأ وكلو بيبان مين المنيح ومين العاطل وانشاء الله كلو حيكون ممتاز بأذن الله

[ميت على قيد الحياة]

اذا الاسطنبلي والعلي مو عاجبينك مين رح يعجبك
ومشان العكاري انا سالت الادارة وقال رح يجيبوا باتيستوتا كرمالك
كتير شايف الوقت مناسب تحكي هالحكي

[mmrdem]

العكاري كان خالص بالكرامة ولما راح عتشرين لعب بفريق بيلعب لعب جماعي ممتاز وعندو حماس كبير وخطوطو مترابطة وهو بااعتبارو مهاجم بهالفريق اجباري رح يجيب اهداف كتيرة من شلال الفرص اللي عمتوفرلو ياها باقي الخطوط وكمان ماننسى انو الكابتن الجطل حول فريق تشرين من فريق منافس عالهبوط لفريق منافس على الصدارة بامكانات متواضعة وبلاعبين مغمورين اما بالنسبة لتوقيت كلامي فانا بشوفو الافضل قبل بداية الموسم بفترة لحتى يتم تلافي الاخطاء نحنا ياجماعة بحاجة لمهاجم من زماننننن ماشفنا مهاجم هداف على مستوى بالوحدة

[tifa]

باين من الاسماء اللامعة انو الوحدة السنة بالطريئ للدرجة التانية

[العاشق الوحداوي]

والله يا أخي كلامك مو صح ابدا عبد الرحمن عكاري لاعب هداف والحافظ حارس منتخب والاسطنبلي كمان

[العاشق الوحداوي]

باين من الاسماء اللامعة انو الوحدة السنة بالطريئ للدرجة التانية

والله اذا في من امثالك برأي ما لازم يحكو عن الوحدة وهالطريقة هي رجاء لا تحكي فيها :x

[وحداوي انا]

انا بشوف انو هي السنة النادي

باحسن حال ولازم ما حدا يحط

العصي بالعجلات و اذا كان الواحد

كتير متشائم من اللعيبة وشايفهم

مو بالمستوى المطلوب على الاقل

يستنى ليشوف شو حيساوي الفريق

[abo yazan]

أنا قريت أول سطرين وبعتذر ما رح كمل

[Khaled Nayseh]

باين من الاسماء اللامعة انو الوحدة السنة بالطريئ للدرجة التانية
ملغومة هالقطة
كل ما هب الهوا بتغزل عالمخفي
من وين المال يا خال
ضب غراضك وحميل ضرب طريقك وامشي من هون الله يرضى عليك

[Khaled Nayseh]

خلينا نستنى ونتمنى
بعيد ابو حامد من البداية صرح انو هيك خططتو وانو حتى هي السنة ما راح يجيب بطولات
وقال انو عم يأسس لفريق شباب راح نفرح فيه بالمستقبل
والزلمة ماشي عالخطوط اللي صرح عنها نشالله خير يا رب

[محمد سكر]

بكير كثير على الحكم أولاُ ...
وتانياً مامننسى أنو حسب الامكانيات المادية عم يشتغل أبوحامد يعني ماأجت الادارة وقالتلو خود هل المية مليون وجيب لعيبة .....؟؟؟؟

[عمار عبار]

باين من الاسماء اللامعة انو الوحدة السنة بالطريئ للدرجة التانية

مزبوط
مشان هيك
شفلك فريق شكله لح يفوز بالدوري وشجعه
عندك 3 خيارات
شرطة كرامة جيش

[name1906]

الرأي والرأي الاخر لازم نحترموا وبتمنى من السيد نزار محروس لما يقرا هاد الموضوع ياخدو بموضوعية وبدون زعل أو تاثر لأنو هادا راي ولازم نحترموا اولا ونستفيد منو ثانيا لأن النقد هو نصيحة مو متل مامنفكر دائما

[DIABO MAN]

اصلها بتفرق بين نادي الوحدة وغيره
في اندية كتيررررررررر بس الوحدة والله ملوش بديل:?
في اندية كتير بتنساها بأندية تانية بس الوحدة مابيتنسيش:lol:

[Orange Blood]

بالتوفيق للبرتقالي

والكابتن الكبير ابو حامد