انصافا لكوستيكا هذه هي الحقيقة

[mmrdem]

مرحبا ياشباب بصراحة انا ماحبيت احكي بموضوع النادي لهلق كنت بانتظار يهدو الشباب العصبيين
بالمنتدى ولي حولوا المنتدى بعد الخسارة من حطين مركز اتهام للادارة للجمهور للاعبين للمدرب ولكل شي وقف بطريقون وبصراحة هالشي بيفسر كل اخفاقاتنا لانو مناخد كلشي بشكل عاطفي
يعني هلق الشباب هديت وبلشت تطلع لغة الاعتدال بالمنتدى وخصوصي بعد تصرف الادارة الراقي والمتوازن واللي بيدل على احترافية عالية انا بدي علق على موضوع واحد بس
هو موضوع المدرب كوستيكا يلي انا لما تعاقدنا معو كنت اول مين نزل السيرة الذاتية
تبعو وقلت انو مااقتنعت فيه لانو برومانيا في احسن منو بكتير ومابيليق لنادي متل نادينا
بس في موضوع مهم كتير لازم وضحوا للشباب باعتبار انا كنت عايش هنيك ياجماعة المدربين الرومان من احسن المدربين التكتيكيين بالعالم وبيعتمد على الخطط المعقدة ومرة انا شفت يوردانيسكو عمبيشرح خطة المنتخب باحد المباريات والله بتحسها محاضرة جامعية وبالتلفزيون الروماني ببرنامج مباريات الدوري بيحطو قسم بس لشرح خطة اللعب والمدربين الرومان منتشرين
باندية ومنتخبات كتيرة وعمبيحققوا نتائج كبيرة معها
بس في موضوع مهم لازم يتوفر للمدرب الروماني وهو اللاعب المنضبط تكتيكيا والللي بيفهم خطة المدرب وبيترجمها على ارض الملعب وهالشي بحاجة للاعب على مستوى تكتيكي عالي وهاد مابيتوافر باي لاعب بنادي الوحدة حاليا وكلون جايين من تجارب تدريبية متنافرة وفي لاعب واحد فقط عندو هالانضباط وبيقدر يفهم على المدرب وهو ماهر السيد نتيجة خبرتو الطويلة بالمنتخب
وخارج سورية وبالوحدة وبالجيش وهاد اللي بيفسر اعتماد المدرب الكامل عليه لتنفيذ الجمل التكتيكية بغض النظر عن صحة هالاسلوب او لاء بس كوستيكا مكره لا بطل
وهاد اللي بفسر نجاح كوستيكا مع الجيش لانو فريق منضبط ولاعبينو كلون بيلتزمو بتعليمات المدرب هلق في فرق بين المدرسة التدريبية الرومانية يلي بتشبه بشكل كبير المدرسة الايطالية
وبين المدرسة الروسية واليوغسلافية يلي بتعتمد على الحماسة والقوة البدنية وهية الانسب للاعبينا لانو بتتلائم مع طبيعة لاعبنا يلي بيكره الخطط والتخطيط وبيحب اللعب الحماسي والقوي
ولهيك نجح مدرب متل نيناد بفريقنا لانو عرف من اين تاكل الكتف وفشل الدكتور منصور لانو بيعتمد على الخطط
بصراحة اذهلني الكلام والمسبات الللي انهالت على كوستيكا بالمنتدى وبس بحب احكي نقطة
انو المسؤولية مو قميص ايمتى مابدنا منشلحو ومنزتو ومنلبس غيروا ولازم نتحمل تبعات اختياراتنا وشكرا

[يمان القدة]

والله يادكتور الحكي 70%صحيح و30%بخالفك الراي مازال اللاعب مابيحسن يلعب بطريقة

الخطط المفروض من الادارة ان توجد مدرب من نفس مستوى اللاعب الفكري اكيد تذكرت

الحديث يلي دار بيناتنا بخصوص اللاعب فليكس وقلتلي انو بدو مهاجم من طينتو ليحسن

ينسجم ويكون فعال اكتر بالوسط وبيضل هاد راي وشكرا على الموضوع وبانتظار اراء

الشباب

[mmrdem]

كلامك صحيح والخطا باختيار المدرسة المناسبة للاعبنا سببها الجهل بهالمواضيع والعشوائية

[حسان الحسيني]

غريبة
وع اني اساس فهمت انو ماهر هو الوحيد يلي بيفهم خطة المدرب

[أحمدهريدي]

بصراحة لازم يكون في قرارات صارمة بحق الاعبين المقصرين و الخصم من رواتبهم والاعب صار بهمو المادة

[ayham mardini]

عفوا اخي العزيز يمان على مداخلتي المتواضعة:
بس انو نجيب مدرب يكون على قد مستوى اللاعب الذهني هيك بحياتنا ما رح نتطور.
لان لاعب الكرة المفروض يكون قابل للتطور , و اكبر دليل منتخباتنا الوطنية.
منتخب الناشئين بيجيب نتائج طيبة ليش لانو بلشوا معو من الصفر لحد ما لازم يعطي اي لاعب بعمرو.
اما منتخب الشباب بيعطي نتائج يعنييي مرضية ليش؟.... لانو ما تطور اللاعب بشكل كامل
ليعطي مردود لهيك فئة.
اما منتخب الرجال..( اللهم عافينا ) بتحس اللعيبة عمبتلعب بالمستوى التكتيكي يلي وقفوا عنده.
فالهلسبب لازم يكون في مدرب قادر انو يطور اللاعب تكتيكيا و مهاريا ليصير مستواه احسن
و ما لازم يكون مدرب وطني لان المدرب الوطني بحد ذاتو ناقصو خبرة.

تقبل مروري و مداخلتي مرة تانية.

اخوكم ابن الشام.

[عمر نصري]

ما لعيبتنا لسة لهلأ ما بيعرفو شو معنات الخطة

لهيك فاشلين بكل شي اسمو طابة

[wissam82]

عفوا اخي العزيز يمان على مداخلتي المتواضعة:
بس انو نجيب مدرب يكون على قد مستوى اللاعب الذهني هيك بحياتنا ما رح نتطور.
لان لاعب الكرة المفروض يكون قابل للتطور

:)):)):)):)):))

[wassim80]

كلام معئول بس عندي مداخلة زغيرة ......

إزا بتسمحلي حكيم ...........



هلئ أهم شي إنو يلي كتير بيشفع لكوستيكا هو إنو مانوجدلو فترة حئيئية للتحضير والمعسكرات إلخ ....

وهاد يلي مصبرنا شوي ....

أما إنو روماني يعني ما بيمشي غير مع لعيبة منضبطة ولو كان يوغوسلافي فحيكسر الدنية ؟؟؟

هلئ الموضوع نسبي ومالو أي قواعد أو ضوابط
وأنا مو معك كتير بهلشي .....

وطبعآ متل ماحكيت وبزيد عكلامك شي كتير مهم وعم نعاني منو وبكل فرئنا تئريبآ ...


وهو عدم الإلتزام بخطط المدرب وتوجيهاته يعني المدرب بيموت وهو عميشرح الخطة ويفهم اللعيبة أدوارها وبس يصفر الحكم بداية المباراة بتشوف العجب والويل الباك اليمين بالنص وقلب الهجوم مع الدفاع وبيبلش الجعير من برا !!!!!!!!!!!!!!!!!!!!!!!!!

[suliman]

أنا برأيي المدرب الاجنبي مابناسبنا على الاطلاق أيا كانت المدرسة التي ينتمي لها السبب انو المدرب الاجنبي بيعتمد عالاعب الجاهز, واكبر مثال على ذلك بعد ترك نيناد للفريق وجدنا انومعدل أعمار اللاعبين أرب يصل الى ال30سنة .
بالاضافة الى ذلك المدرب الاجنبي يحتاج الى فترة لاتقل عن ثلاثة أشهر لحتى يدخل بجو الفريق والدوري هلي عم يدرب فيه ومتل ماشفنا وسمعنا أنو معظم الجماهير بدأت تطالب باستقالة المدرب بعد اللعبة التالتة بالدوري والسبب أنو الجمهور عنا ماعندوا لا صبر وعاطغي الى ابعد الحدود......

[يمان القدة]

كل الشكر لرايك اخي العزيز ايهم بس الفكرة انو لاعب الدوري عنا يدعى محترف وهو بالحقيقة هاوي اكبر دليل انو كوستيكا عم يغير كل لاعب بمركز شكل متل كنان ديب باك
شمال ولاعلي خليل كل مرة مركز وفليكس مهاجم بلعبة حطين يعني المدرب انعدى من اللاعبين الاحتراف مهنة بعمرك شفت روبيرتو كارلوس مهاجم ولامالديني مهاجم كل شي
اختصاص نحنا لهلا بصراحة لم نصل الى مراكز رئيسية اللاعب عنا كل مرة بيلعب بمركز يعني كوستيكا مو هل المدرب الاكاديمي يلي بيتفوق كتير على مدربنا المحلي يعني
تبديلات ابوشاكر بلعبة الكرامة كانت انجح من تبديلاته الدليل انه غير قادر على قراءة الملعب بشكل يخدم الفريق هذا يعني انو كوستيكا ليس مدرب دوري هنا القصد

[وحداوي موت]

والله كوستيكا منيح
بس بدو شوية وقت كمان

[zhoor]

http://www.9m.com/upload/17-09-2007/0.25301189985168.gif


لك دخيل الله اي نادي عنا عم يطبق التكتيك والخطط اللي عم يحكي عنها لك مافي غير هالفريقين اللي بتلاقي فيه تنظيم الجيش والكرامة .... والباقي باللعب العشوائي والبدي بالنس للعيبة بتلاقي التفوق عندهن .... فبظن انو كوستيكا لومتل ما عم تقول بالامكانيات الكبيرة فبقول انو مدرب بسيط صاحب تكتيكات عقد الاندية السورية متل ايمن الحكيم افضل منو .........

[anas kamleh]

الاخ الحكيم مراد :

بالنسبة للكلام عن اعتماد كوستيكا على اللاعب المنضبط ، ازا هادا الكلام صحيح ، معناتو كوستيكا لازم يغادر نادي الوحدة اليوم قبل بكرة لسبيين :
1. عقلية المدرب غير مناسبة لعقلية الفريق ، ولحتى تظبط عقلية الفريق على عقلية المدرب فنحن بحاجة لسنة كاملة على الاقل ، وما بظن هالشي مقبول.
2. وهو الاهم ، على هوى كلامك كوستيكا مدرب فاشل بأي مكان بالعالم الثالث، حسب ثقافتي الرياضية الضحلة جداً ، المدرب مفروض ما يكون "بلوكة" ، عندو خطة وحدة يا بتظبط يا بيلتحش البشكير !!! المدرب بيحول الفريق ( وخطة الفريق ان وجدت) حسب ما بتتطلب المباراة مشان هيك اسمو ( مدير )
وهون عندي تعقيب ، كوستيكا ابداً مو هيك ، كوستيكا مدرب جيد ، و نحن لعبنا لهلأ 4مباريات ، مع فرق قوية ، وحسب وصف المباريات كان الفريق عم يجاري الخصم طوال المباراة ، بكل المباريات واللي صار معنا اخطاء فردية بحتة ( دفاع بلعبة الاتحاد وحطين ، وهجوم بلعبة الجيش والكرامة والاتحاد ) وبهيك حالة بتعرف انو المدرب عمل اللي عليه ، بس ما في توفيق ، منطالب الادارة تشتريلنا توفيق:wink: على شولوقيطة

مشان قصة الانضباطية وماهر السيد ، ماهر مفتاح لعب ، وما بدا 2 يحكو فيها انو لازم يكون محور باي خطة ، يعني انا على غشمنتي:teas ازا بمسك الفريق بعتمد بنسبة 70% على ماهر بحالة الهجوم وانا بزكر ايام ما كان ابو حامد الله يذكرو بالخير عم يلعب ، كمان كان هو محور الفريق ، وكان اكتر من 70% من اللعب يمر من خلالو ، وبالمناسبة اي لاعب بالفريق عمرو 21 سنة رح يكون انضباطي (اكتر من ماهر بكتير ) لانو ماهر حريف ، وبيجتهد من عندو وقت الزنقة ، اما اللاعب الصغير بيخاف يخالف مشان ما يشوف رقمو عند الحكم الرابع:lol: ، لذلك ، اللعيبة الانضباطيين عددهم بالفريق اكتر بكتير من 1

اخ ايهم ،
اكتر من مرة عم ضلني ساكت بس هالمرة بدي احكي ، منتخبنا الناشئين والشباب عم يتميزو لانو عم يلعبو مع عالم اصغر منون بـ 3-4 سنين ، واللبيب من الاشارة يفهم:lol:

الاخ سليمان :
لاحظت انو كل الشباب بالمنتدى بيلمحو على نيناد انو (خرب مستقبل النادي) ، ارجعوا بالتاريخ قبل نيناد بـ 1-3 مواسم ، كان المتوسط الفعلي لعمر الفريق بالـــ 30 ، الفريق كان في شباب ، بس ما كانو يشمو ارض الملعب حتى بالمباريات الودية ، والشباب اللي كانو عم يلعبو هن فقط ، وفقط لاعبين المنتخب الوطني للشباب ، بمعنى اخر ، حتى مدربيننا الوطنيين كانو معتمدين على اللاعب الجاهز ، بس على اقل تقدير ، نيناد قدر يجيبلنا كأس ودوري بنفس الموسم، (اللي حابب يناقشني بهالموضوع انا جاهز )
الجمهور بكل دول العالم نفس المشكلة ، 3 لعب ما جاب الفريق نتائج بيبلش يسب المدرب ( بعد خسارة روسيا معظم الجمهور الانكليزي طالب برحيل فوري لـمكلارين ، بالرغم من انو الفريق الانكليزي عم يقدم افضل اداء من 8 سنوات)

اخ يمان :
معك 100% بموضوع انو لعيبتنا احترفو بس بالراتب الشهري ، وفيما عدا ذلك ، الاحتراف بدو كتير لحتى يفوت على هالبلد ،
بس احياناً المدرب الو نظرة، ورح اضربلك مثالين ، غاريث باري طول عمرو يلعب باك شمال ، اول مين لعبو بخط الوسط هو اونيل (مدرب استون فيلا) ، وقدر بهالمركز ياخد احسن لاعب بالمنتخب الانكليزي بـ 4 مباريات متتالية ( يمكن 3 مو متأكد) ، والمثال التاني ، جوزيه مورينهو يللي فيه اجماع بالمنتدى انو مدرب مخ ، بزمانو لعب دروغبا مدافع باخر الدوري الماضي ، قول دروغبا خزيت العين وين ما بتحطو بيلعب ، برجع بتفق معك انو لاعبيننا ما عندون المرونة الكافية لتغيير المركز
وبعتزر على الاطالة ، بس صرلي زمان ما حكيت "بالعربي":b(

[حسام الوحدة]

أنا برأي انكم كلكم أيد وحدة وتحت أسم واحد تدربوا الوحدة وبلا مدربين لاعرب ولا أجانب والله حالنا حال كل واحد برأي
أما اغرب رأي تفصيل مدرب على كيف اللاعبين
لك والله المدرب ماقصر ولازم شئنا او ابينا ننتظر اقل شي لنهاية الذهاب على اي قرار وفي شي عم ننساه انه التوفيق بأيد رب العالمين وكل مباراة أقل شي كنا عم نلعب شوط حلو وعم تكون في فرص بس الحظ والتوفيق
بإذن الله رح نتفاجئ بالنتائج القادمة لأنه عم نشتغل صح والدليل عدم الأستغناء عن المدرب في الوقت الحالي ويارب

[mmrdem]

بس للاخ يلي سال عن انجازات المدربين الرومان في العالم بحب عددلو عينة بسيطة
1 ميرتشيا لوتشيسكو هاد اعظم مدرب روماني درب فرق بريشيا الايطالي غلطة سراي بيشكتاش وشاختور الاوكراني ومع كل هالفرق حقق انجازات وخصوصي بتركيا وباوكرانيا
2 دان بتريسكو مدرب فريق كراكوفيا بطل الدوري البولوني
3ايلي بيلاتشي و انغل يوردانيسكو يلي تالقوا بالمنطقة العربي
4لاديسلاو بولوني درب سبورتنغ لشبونة وحصل على بطولة الدوري البرتغالي
بس الطريف بالموضوع انو اغلب المدربين الرومان بيفضلو يجيبو على الفرق اللي بيدربوها لاعبين رومان لحتى يفهمو عليهون ويقدروا ينفذو خططون
والطريف اكتر هلق عمبقرا احصائية رواتب المدربين الرومان انو اقل راتب لمدرب بدوري الدرجة الاولى الروماني هو ميتين الف يورو بالسنة واكتر راتب تلات ملايين يورو ونص بالسنة بقى تخيلو معي مستوى مدربنا العتيد قياسا لمدربين بلدو

[يمان القدة]

مشكور اخ انس والخبرة ببتكون اكيد بالنقاش الجاد يلي بيمنح معلومات مفيدة وامثلة جيدة للاخرين